那些年的香港小姐與亞洲小姐，美人輩出位位家傳戶曉，1988年港姐冠軍李嘉欣多年來；都被譽為大美人。
1991年的亞姐冠軍羅霖年前出寫真亦被奉為凍齡美魔女。
兩位分別是港姐及亞姐的iconic冠軍日前相遇，更齊齊自拍留影，冠軍級同框真是顏值爆錶。
踏入52歲的羅霖，連日跟不同親友相聚慶祝生日，更在IG分享靚相。
其中一場羅霖與同屆亞姐飯聚的照片中，就有李嘉欣的身影。
（Apple Daily）
【港姐x亞姐冠軍】兩大美人同框顏值爆錶
【原來Joe已經九歲】曹格大搞游泳Party賀囝囝生日
曹格向來係圈中模範爸爸，空餘時就陪伴佢一對寶貝仔女享受親子樂，一家四口相當幸福。
呢日曹格就喺社交網上載咗為囝囝曹三豐（Joe）慶生嘅相：「Happy birthday ! My best friend ~ my son!」
原來Joe轉眼間已經9歲生日喇，而曹格就為Joe搞咗個游泳派對，仲見到成班小朋友一齊跳水，不知玩得幾開心。
另外一張相則見到枱面上就有一個三層高嘅蛋糕，上面仲插住一支9字嘅蠟燭。
咁多人一齊為佢慶祝，難怪Joe笑不攏嘴，好開心咁許願，網友都紛紛留言送上祝福，仲話相信Joe呢個生日一定好難忘同玩得好開心喇～～
（on.cc 東網）
【改名王寶葆﹗】指原名不利事業希望轉運
連工作簽證都辦妥，但可惜出發前被易角，佢無奈地話。。。
藝人王寶葆（春卷）早前有機會演出由荷里活男星史提芬史葛（Steven Seagal）監製的大片，連工作簽證也辦妥，但可惜在出發前被易角，她無奈地說：「個角色係女主角，係做一個蒙古公主，因為我本身有蒙古血統，之前仲飛咗外國去試鏡，其實已經傾好，但最後因為某啲原因臨時換人。」
因為易角一事令她有感原名王宝宝不利事業，故下定決心改名轉運，她說：「其實好多年前已經有人同我講過王宝宝呢個名好差，叫我改名，但呢個名係我媽咪幫我改，所以我冇諗住改，不過經過今次真係覺得自己好黑仔，所以決定改名，我連身份證同其他文件都改晒，個新名同原名係一樣讀音，只係唔同寫法。」
而大感失意的春卷早前更遠赴美國洛杉磯一個多月散心兼尋找新經理人公司，望在演藝事業方面有所突破，又順道在當地慶祝27歲生日。日前返港的春卷已忘記不快，並重新投入工作，正忙於拍攝由錢國偉導演的新片，她在戲中飾演反派，還有不少武打動作。
(東方日報)
【細佬出咗世啦﹗】「小雞仔」好好肉地～
「咁多位早晨，我個仔岀場啦！大家話似邊個？#小雞仔 #幾好肉地 #細佬 #感恩」恭喜恭喜﹗
前無綫新聞主播葉昇瓚早前喺Instagram宣佈老婆再度有喜佗雞B，佢接受訪問話：「多謝晒!今次老婆陀B仔，如果老婆開刀預產期就八月尾，如果順產，預產期九月初。」
而剛剛，葉昇瓚就喺IG/FB報喜啦﹗曬出同囝囝嘅合照，再寫話：
「咁多位早晨，我個仔岀場啦！
大家話似邊個？
#小雞仔 #幾好肉地 #細佬 #感恩」
葉昇瓚早前透露，前年囡囡出世後，為多點時間照顧家人離開無綫轉做公關，佢話今次係計劃之内：「囡囡仲有兩個月就兩歲，一直想生多個陪囡囡，生仔女都無所謂，知道係囝囝都開心嘅，湊成好字。」
恭喜哂﹗
(instagram)
【回憶返哂嚟！】《閃電傳真機》幕前幕後同學會
唔知大家對兒童節目《閃電傳真機》有咩印象呢？呢個節目陪過唔少人長大㗎喇！
雖然節目已經冇再做，但都成為咗唔少人嘅一個童年回憶！
一班曾經為節目效力過嘅藝人同幕後朋友，就舉行咗一個名為「搞大咗閃電傳真機同學會」嘅派對。
當然重點係大家敍吓舊，結果一呼百應，總共有六十幾人出席。
當中藝人包括兒童節目始祖譚玉瑛啦，仲有黎芷珊、伍文生、麥長青、黃智賢、魯文傑、姚安娜、張沅薇、唐瑋琪、蔡子健等等，童年回憶返晒嚟！
好多網民都話好感動，雖然大家未必仲一齊共事，但可以抽空聚首一堂，人情味極濃呀。
(on.cc 東網)
【收到好多祝福】同前妻排排坐：斟茶一刻，真係好感動…
全家到齊，場面超級感人。。。
歌手鄭敬基（Joe）兒子Jonathan於加拿大多倫多時間（20號）舉行婚禮，新郎完成接新娘儀式後，就依照中國傳統逐一向長輩斟茶，不過Joe認為一切從簡，故不用兒子及初歸新抱跪地請茶，可企起身向在座的所有前輩奉茶，而飲得新抱茶的長輩有Joe、現任太太及Joe媽，前妻及其現任丈夫，還有親家，Joe的女兒Natalie則穿超低胸裝出現，性感亦不失高貴，完成儀式後，一對新人就到教堂行禮。
Joe接受東網長途電話訪問時表示：「斟茶一刻，真係好感動、好感動，但要你講句說話嗰一刻啦，原來睇人哋好似好行貨，但原來自己講，就有好多好多祝福嘅說話想講，（講咗咩說話？）你哋彼此遇上咩問題都唔驚，最緊要有愛就可以解決，主祝福你哋，爭啲好長氣咁樣，見到佢哋充滿幸福，自己都無限感恩嘅，見到我哋屋企咁齊人啦，所以就好多感恩得嚟，充滿主愛的一個婚禮，好感謝主。」Joe又指前妻的現任丈夫非常愛錫他一對兒女，令兒女活在愛中。Joe大讚新抱寫得一手好筆，指婚禮「水牌」上的字出於新抱手筆。
(東方日報)
【公開素顏】周家蔚開直播教大家化妝
唔少做咗媽媽嘅女藝人，都好鍾意用社交網站玩直播同大家分享生活，呢次就輪到兩子之母嘅周家蔚喇，今次佢就直播教大家化妝！
一開波周家蔚就唔怕素顏見大家，望落去冇化妝嘅佢，皮膚零毛孔，真係令人好羨慕呀！
直播開頭仲見到周家蔚老公洪天明突然喺後面入鏡，雖然就未有見樣，不過佢都問吓老婆搞緊乜，見到周家蔚好溫柔咁話自己開緊Live，真係睇見都覺得好恩愛！
成個直播都見家蔚好溫柔咁邊化妝邊同大家傾吓偈，唔少網友都話其實周家蔚妝前妝後都唔係太有分別。
上妝嘅佢只不過係有顏色同精神，完全都唔係妝前妝後兩個樣！
之後又到細仔JT亂入，又喺度問媽媽做緊乜，仲攞住個化妝掃扮化胭脂，非常搞笑！唔少網友都讚周家蔚個妝夠自然，仲叫佢開多啲Live同大家互動吓，大讚佢真係好親民呀！
（on.cc 東網）
【經歷大病】全靠…學識呼吸仲減埋肥
佢分享到，想要身體好，就要學識呼吸嘅藝術，之前佢病，就係因為生活過分緊張。。。
藝人黃日華的太太梁潔華曾經歷大病，坦言活了大半世人，若非上天讓她遇上粵劇，她連怎樣呼吸也不懂，就像經歷過人生大起大落，才開始頓悟；梁潔華不諱言，沒有粵劇，也沒有今天的梁潔華！
學懂慢活人生
粵劇又稱大戲，對曾是藝人的梁潔華來說，人生的大戲要數早年患上急性白血病（血癌），她說：「其實我好感激上天畀我認識粵劇，以往我做嘢好急躁，但粵劇係如果想唱得好，就要學識呼吸嘅藝術，之前我病，就係因為生活過分緊張，搞到身體唔好，唱戲係愈緊張愈唱唔好，我係喺粵劇裏面學懂養生之道，學識放慢生活，我做咗半世人先學識呼吸同放鬆自己！諗番當初學粵劇，其實係因為嗰時同事話我把聲好啱唱粵曲，我都想搵師傅學，後尾想當埋減肥，就跟名伶文千歲學粵劇。（粵劇減肥得咩？）得，睇我以前啲相幾肥就知！」
踏台板做埋策劃
梁潔華拜師後，才初窺粵劇藝術堂奧，她說：「我讀藝訓班（無綫）出身，起初以為粵劇好簡單，原來處處係學問，師傅係有教無類，睇你程度再安排你演出，我有幸同師傅同台演過《白蛇傳》，我鍾意神仙故事，想像空間大！（囡囡黃芷晴被你薰陶都愛上粵劇？）佢對粵劇唔了解，平時跟佢爸爸學做戲，反而我同師妹千珊就講粵劇講唔完，我當咗佢係第二個女！我哋9月喺高山劇場演出《紅樓夢》，我做埋策劃，明年仲會有兩大演出計劃，但香港演出場地真係唔夠，希望政府做多啲，支持年輕一代粵劇表演者！」
(東方日報)
【別具意義的飯局】汪阿姐林峯張敬軒難得聚首
袁詠儀喺微博上載咗幾張喺飯局中同成龍嘅合照，話同對方廿年心結，一相泯恩仇。
呢個飯局除咗令袁詠儀同成龍大家笑晒口，大團圓結局之外，仲有另外一層意義，就係畀一班返內地工作嘅香港藝人，一齊食吓飯，分享吓工作上嘅嘢。
有份出席嘅汪明荃都有喺社交網上，上載多張飯局上嘅合照。
連久未現身公開場合嘅張敬軒，同依家忙住喺內地拍劇嘅林峯都有出席，非常熱鬧！
汪明荃好開心咁話：「8月18日參加了一個很有意義的晚局，大哥成龍從北京回來、特地請大家吃飯、敍敍、傾吓計。⋯⋯和很多台前幕後演藝人歡聚一堂，除了食，大家還傾到了很多在內地工作上的情況 /交流 /發展 /困難/遇到的問題。我覺得這樣的飯局，至少要一年一次。」
(on.cc 東網)
【勁激動】陸漢洋興奮到攬實苟姑娘！
苟芸慧（苟姑娘）早前成為由其男友陸漢洋成立的車隊「一颷賽車」的車隊大使。
日前她以大使身份隨男友及車隊參加馬來西亞舉行的「亞洲勒芒衝刺盃」，並見證陸漢洋成為該盃賽的年度總冠軍，亦是首位華人奪得此殊榮。
苟姑娘見到車隊奪魁一刻，不禁興奮大叫「great job」。
當陸漢洋衝線回來後，苟姑娘即時上前恭賀男友，兼開心得與對方來個愛的抱抱。
「車隊成立咗咁短時間已經得到呢個成績，作為車隊嘅一份子真係覺得好驕傲。大家都好努力好努力先能夠做到，之後車隊一定會再挑戰更高級別嘅比賽。祝福車隊成為長勝將軍，為港人爭光。」
陸漢洋也不諱言是次總冠軍意義重大，因為他是首位華人踏上這個頒獎台的最高位置。「呢個冠軍得來不易，全靠大家嘅努力先有呢個成績。最開心係不單止車隊做出咗不可能嘅任務，而係自己以香港車手身份攞獎。好多人覺得香港車手不足為道，今次感覺真係為港爭光。
(on.cc 東網)