喺噚晚出世架﹗雖然好似早咗啲啲報到，不過BB都幾重喎﹗恭喜恭喜﹗
現年29歲嘅韓劇《誘惑》女星朴河宣，今年1月跟37歲男星柳秀榮結婚，4月時透露朴河宣懷有身孕嘅消息，雖然當時表示預產期係今年秋天，不過今日朴河宣方面公佈好消息，指朴河宣於昨晚平安誕下B女。
朴河宣所屬事務所今早透露：「朴河宣噚晚於首爾某婦產科醫院誕下7.7磅重嘅女嬰，母女健康平安。目前，朴河宣正於家人及好友嘅祝福中休養。老公柳秀榮跟所有家人都為新生命嘅到來而非常開心，希望大家能夠給予溫暖嘅祝福。」
朴河宣亦透過事務所表示：「非常激動能夠跟等待已久嘅漂亮女兒見面，大家得知我生女嘅消息都送來祝福，真心感謝大家，我哋會好好照顧及養育佢。」另外朴河宣又不忙谷新片：「近日我哋嘅電影《青年警察》得到大家厚愛，需要感謝嘅事情真係好多，今後我會作為演員，以更好嘅面貌跟大家見面。」
(蘋果日報)
朱晨麗在IG自爆日前在酷熱天氣下拍劇時中暑入院，經過颱風「天鴿」十號風球洗禮後，終於降吓溫！
原來朱晨麗當時為劇集《特技人》拍外景時中暑發燒，原本更打算繼續完成廠景拍攝才回家休息，但後來卻出現抽筋情況，工作人員見狀立即送她入院治療！
朱晨麗接受訪問表示：「前幾日天氣好熱，都有成37、38度，嗰日因為暴曬，劇情又要情緒好激動爆喊，所以體力透支，拍外景嗰陣已經發燒，食咗兩粒退燒藥好啲，諗住拍埋廠場戲先返屋企休息，但係夜晚8、9點開始手抽筋同埋腳麻痹，自己都好驚，工作人員幫我按手、撥扇散熱。之後見唔對路就送咗我去醫院，當時冇咗知覺，譚俊彥抱住我去醫院。」
朱晨麗留醫一晚後已經出院，醫生指不夠休息出現中暑情況，她說：「入院做咗檢查，吊咗一晚鹽水食咗藥已經好番好多，公司都好好放咗我一日假等我可以休息，依家已經康復晒。」
(on.cc 東網)
吳若希（Jinny）今年4月為澳門男友Alex誕下寶貝女淼淼（Giselle）。
Jinny跟隨男友定居澳門，當地今日受颱風影響大停電，不少高樓大廈爆玻璃。
Jinny透過電話報平安，她說：「係停咗2、3個鐘頭電，冇得開冷氣，又唔可以開窗，朝早啲風勁大，都驚個女被嚇醒，點知佢已經喺廳度玩緊。」
Jinny表示因為停電搞到網絡一度停頓，她說：「網絡好慢，所以收唔到資訊，仲有消息話會停水，即刻同工人姐姐用桶裝水。」
問到4個月大的Giselle有否被颱台嚇倒，Jinny說：「冇喎，佢好開心。」
問到家中的玻璃窗有否被吹爛？Jinny說：「冇，不過見到對面啲單位有爆玻璃窗，反而Alex寫字樓玻璃窗被吹爆，好彩文件同電腦冇事，不幸中之大幸。」
(on.cc 東網)
最近發現，多咗好多家長喺網上面分享帶小朋友去Playgroup嘅經驗，當中有彈有讚，原來揀Playgroup真喺大有學問，絕對唔可以掉以輕心﹗
有唔少媽媽都表示試過揀咗一啲位於工廠大廈、政府活動室、私人會所等嘅playgroup，最後發現，Playgroup嘅位置太過偏遠，非常難搵、唔方便，而且工廈安全及衛生環境又麻麻，返咗幾次已經冇心機再去。另外，又有一啲家長表示，試過報讀一啲有特許經營，聲稱自己同某啲名牌幼稚園有關聯嘅playgroup，諗住會比較有品質一啲，點知又喺上咗幾次已經唔想再去，一來價錢好貴，二來佢地嘅課程內容、編排方面感覺同補習班一樣，氣氛麻麻，小朋友上得唔太開心，就連爸爸媽媽自己都覺得辛苦。
而綜合咗爸爸媽媽們嘅意見，MyBB就搵到一間性價比較高嘅Playgroup，無論喺地點、環境、課堂內容，評分都比較高，而且得到唔少家長大讚佢地嘅導師好好、有心思，更加會有課後跟進。
First Footprint得到唔少家長嘅分享，首先，Playgroup位於佐敦，近地鐵站，交通方便，課前嘅自由活動空間比較寬裕，價錢對比一啲「名牌」Playgroup相宜。而最重要喺佢嘅課程內容、編排，著重遊戲中學習，會通過各種遊戲設計，同埋利用唔同嘅專門教材去教學。唔少媽媽都表示學習過程好愉快，小朋友好enjoy。而且，除咗訓練小朋友嘅認知能力、分辨能力、語言能力、社交發展，比起其他Playgroup，First Footprint更加會著重埋小朋友嘅情緒控制、專注力訓練，更加全面。
佢其中一個王牌課程 – 大踏步班（學前預備班），俾啲1.5歲至2.5歲嘅小朋友參與。佢會喺2小時課程重點訓練學生對主題教學嘅認識，獨立演說，加強表達能力。亦都會有講故事嘅時間，故事會圍繞主題，從而加深對主題物件嘅認識及強化小朋友對閱讀嘅興趣。課堂內仲會有數學或邏輯訓練及大肌肉訓練嘅時間（專注力訓練）。 大踏步班(學前預備班) 主題環繞著幼稚園面試嘅範圍，佢會喺互動嘅環境下俾幼兒學習，幫助小朋友喺短時間內吸收最多嘅知識。
另外佢還有小腳板班(幼兒遊戲小組)，比啲8個月至17個月大嘅小朋友參與。課堂會定期有不同嘅主題學習，等幼兒認識更多不同嘅東西，課堂上亦會有前庭刺激、粗動作及精細動作嘅練習，仲會有音樂時間、視覺訓練及感覺統合刺激等。課程嘅設計著重利用前庭刺激、肢體活動及音樂等元素圍繞主題學習，咁樣對小朋友嘅語言、肢體、大腦均衡嘅發展有好大幫助。
First Footprint嘅導師更會喺課堂後會以手機apps update相關嘅follow up，非常貼心，教學好有heart。
見到有咁多好評，MyBB亦都同First Footprint聯絡過，了解一下佢地Playgroup嘅實況。First Footprint課程總監沙鳳翎女士分享到：
「Playgroup 最緊要俾到學生啟發學習嘅動機、產生興趣，而且老師有教育幼兒嘅專業知識好重要，畢竟小朋友嘅腦部發展及成長黃金期，最關鍵係喺0-3歲, 呢個時期有足夠嘅刺激和良好學習環境，對佢地日後上課有好大幫助。」
「First Footprint嘅課程內容喺根據唔同年齡嘅幼兒黎設計嘅，例如0-1歲嘅小朋友，我地會着重音樂、觸覺訓練，一歲半至兩歲半嘅幼兒，我地會着重佢地嘅語文、表達能力。另外，我地從小已經訓練幼兒嘅專注力，所以小朋友喺我地到上完堂會有全面嘅大肌肉、音樂、語言表達能力嘅基礎。」
「至於講到我地嘅嬰兒按摩堂，其實喺幼兒嘅發展中，父母扮演住一個重要角色，我地設有嬰兒按摩班，其中一個目的就喺推動父母同嬰兒嘅互動、關懷，嬰兒按摩有好多好處。另外，我地亦會定時推行不同嘅講座俾父母們去認識更多。」
First Footprint設有試堂優惠, 有興趣的讀者可以網上報名www.firstfootprint.com.hk, Whatapps查詢: 5643 4486 或致電 3709 8450. Facebook : First Footprint
「小心呀！嗰段時間好容易失去控制㗎！」因為當時除了「食」就是「瞓」，而哺乳期間不能減肥，因要為着女兒着想，給BB有足夠營養，她說。。。
育有兩個女兒的趙頌茹（Yu），天生一副模特兒骨架，手長腳長，阿Yu自爆都有變肥的時候，尤其是坐月的「美好」日子，她由着細碼褲暴肥了兩個碼，健美身形需靠做運動、控制食量來經營。
趙頌茹身穿藍色波點睡衣配襯襪仔，亮相節目，接受主持李惠儀（Kiwi）的訪問，身材高挑的阿Yu雖然生了兩個小朋友，但身形未有走樣，依然Fit到爆，原來她都有發胖的時候，甚至肥到有雙下巴，所以她堅守每晚六時後不會食飯的戒條，阿Yu說：「身形真係要靠做運動同控制食量去Keep㗎！」
哺乳期不能減肥
問到她體重最高峰是何時？阿Yu自爆是坐月時期，她搞笑地說：「小心呀！嗰段時間好容易失去控制㗎！」因為當時除了「食」就是「瞓」，而哺乳期間不能減肥，因要為着女兒着想，給BB有足夠營養，她說：「要食夠、飲湯夠同休息夠。」她笑言那個階段完全失控，結果生完女後半年，她無法穿回「做女時」那條牛仔褲，阿Yu笑說：「唔得啦！真係唔可以咁樣，代表我肥咗兩個碼，以前我啲衫係加細碼，褲就細碼，但當時條褲着唔落，（褲）鈕都扣唔到。」
另外，她又自爆，雖然生女令她變肥，但卻令她增高了﹗
(東方日報)
「呢個夢我追咗10幾年，我太太喺我身邊支持我，講真，一個男人為咗追夢，得嗰幾千蚊一個月，個女人同你捱咗咁多年，你呢個夢都應該要醒」。。。
一部劇集嘅成功，除咗男、女主角睇得做得戲之外，其實劇中其他演員亦唔可以忽視，好似近排出街嘅劇集，有唔少熟悉嘅面孔都有出色嘅演出，不過觀眾們可能唔知佢哋叫乜嘢名，而《同盟》嘅監製Jazz，連日嚟fb感謝一班演員，噚日佢仲點名讚其中一位大家都好有印象嘅演員 － 何俊軒。
話說喺前晚播映嘅《同盟》，鮑起靜被鄭子誠要求運軍火，點知鮑姐當面拒絕，仲激怒埋何俊軒飾演嘅泰國游擊隊首領Johnny Cub，雙方拔槍對峙，最後不歡而散，仲為鮑姐嘅安危埋下伏線。Jazz喺fb留言讚何俊軒好敬業，拍另一套劇受傷後都仲好擔心未完成嘅戲份，堅持可以拍上半身，非常專業。
不過似乎短時間內都未必有機會再見到何俊軒喇，事關何俊軒回覆監製時就自爆已經同大台辭職：「其實今次受傷對我打擊好大（斷後十字韌帶）可能需要漫長時間去休養同物理治療，所以我作出一個重大決定！我已經同TVB辭職了，終止16年演藝生涯，決定移民加拿大，呢段時間我會好好裝備自己。希望我真係有機會可以再返TVB同大家見面，一齊拍戲、一齊食飯盒、一齊捱夜⋯所以今次可能是我最後一次幕前演出，希望大家喜歡我呢個角色。」
噚日何俊軒接受傳媒訪問，講到結束16年演藝生涯移民加拿大，佢坦然承認呢件事，仲好坦白話下咗好大嘅決心：「其實好多因素，一來年紀大，我今年已經42歲，二來今次受傷，我冇信心再埋位，就算PA講好話拍文戲，我都好驚，好驚要臨時要加多一場追逐戲，我好驚累咗人，真係冇信心。」佢仲話雖然勞工賠償最多2年，不過唔想俾人感覺賴死唔走，仲主動拒絕向大台索取往後嘅工傷賠償，希望可以盡快判傷，攞完賠償就走。
之不過話晒做咗16年，近年喺事業上又有起色，先後喺《同盟》、《踩過界》都得到好評，問到佢有冇覺得可惜？何俊軒話：「少少啦，好似我屋企人咁講，佢哋話我真係黑仔，o依家叫做有少少起色，有啲角色發揮，點知又話整親要休息，轉個頭又話要走，整定冇得做呢行。」何俊軒又透露，另一個原因就係一直喺身邊支持佢嘅太太，佢話：「呢個夢我追咗10幾年，我太太喺我身邊支持我，講真，一個男人為咗追夢，得嗰幾千蚊一個月，個女人同你捱咗咁多年，你呢個夢都應該要醒，要為佢作出啲一啲回報，我哋都傾咗好耐，我太太係加拿大人，大家都年紀大，爹哋媽咪退咗休，想多啲時間留喺佢哋身邊，返去係唔錯嘅選擇。」
不過何俊軒又話因為呢件事同太太意見有分歧，佢話：「我最初都係諗住停薪留職，o依家傷咗，我話去移民，公司都應該唔會話唔俾，但係問題出現，如果我抱住呢個心態，去加拿大坐完3年移民監，再返嚟香港發展，咁我使乜過去坐監，直頭加拿大護照都唔要，喺香港休息咪得，隨時可以返工，最多唔接動作戲，做文戲一樣可以照返工。不過如果我抱住呢個心態，過去移民好辛苦。」雖然何俊軒決定豁出去，不過亦坦承唔捨得：「我唔想俾條後路自己，3年後又可以返嚟，嗰陣發生乜嘢事都冇人知，所以今次破釜沈舟，係好有決心，唔好理自己幾多歲，唔好理自己嘅健康狀況，去到嗰邊努力keep fit，比拍《飛虎2》嗰陣更加大隻，更加健康，唔好跌一跌就整親，跣一跣就斷骨，希望過到去重新開始，重新洗牌，重新適應，重新學習。」
(蘋果日報)
9歲「香港小巨肺」譚芷昀（Celine）越洋挑戰美國才藝真人騷《全美一叮》。
Celine特別在本月14日已出發飛往美國積極備戰，希望可以殺入準決賽。
雖然昨日被評判Mel B批評揀錯歌，但最終不負眾望成功晉級！
剛於美國播映的最新一集中，Celine憑演唱天后Mariah Carey與已故天后Whitney Houston合唱的電影《埃及王子》主題曲《When You Believe》出戰成功入圍。
再下一城與最強對手的10歲「小Whitney Houston」Angelica Hale交手。
冠軍在望，再一次為港人爭光！
(on.cc 東網)
佢搞笑謂：「佢話聽講我生咗個仔，我話之前仲有三個女，佢恭喜我之餘仲加多講『勁呀你』﹗嘉玲姐真係靚到爆炸，仲要一啲架子都冇，最開心係可以同佢一齊食煎釀三寶」。。。
影星劉嘉玲忙於拍攝英皇賀歲電影《我的情敵女婿》，昨晚「天鴿襲港」期間，台前幕後照常開工，期間她自拍上載到社交網站寫道：「風雨無阻。」一向「親民」的嘉玲與一班後輩演員包括林盛斌（Bob）、莊思敏及王菀之等相處愉快，當導演葉念琛「萬歲」時，眾人更一窩風「搶食」，嘉玲更成為眾人的集郵對象。
談到嘉玲的風采，Bob及莊思敏同樣高舉拇指讚口不絕。Bob搞笑謂：「佢話聽講我生咗個仔，我話之前仲有三個女，佢恭喜我之餘仲加多講『勁呀你』﹗嘉玲姐真係靚到爆炸，仲要一啲架子都冇，最開心係可以同佢一齊食煎釀三寶。」
莊思敏則感恩拍攝順利：「真係拍晒成組戲，個風先至打到嚟，大家走嘅時候都唔算好狼狽。其實我同嘉玲姐上次喺《賭城風雲III》只係擦身而過，今次就有對手戲喇，希望嚟緊可以喺佢身上學到多啲嘢啦。」
(東方日報)
剛剛先做咗爸爸冇耐，但突然被爆，兩夫妻有啲拗撬，就算喺朋友面前都面左左咁樣，傳佢哋兩公婆感情出現問題。。。
「MK Pop始祖」E-Kids近年鹹魚翻生，相隔14年再推出嘅新歌《一二三四》，雖然被網友批「睇到頭暈又作嘔」，但勝在夠爭議性，成功爭到人氣。有讀者拍得近期有啲「人氣」嘅成員阮民安（Tommy）孭住個幾個月大嘅囝囝現身機楊，見佢慢條斯理推住個行李篋行去機場商務櫃位辦理手續，未見太太Eva在場，不過佢個囝囝好乖，全程未有哭叫，乖到成個公仔咁樣。讀者又爆料話Tommy見事業有機會彈起，日日全情投入工作，成日唔返屋企，搞到佢老婆Eva嬲嬲豬，兩夫妻有啲拗撬，就算喺朋友面前都面左左咁樣，傳佢哋兩公婆感情出現問題。
「我同太太係分開嘅」
現身在日本拍新歌MV嘅Tommy接受東網訪問時就好直接話：「我同太太係分開嘅，喺工作上。」但否認婚姻出現問題，強調一家人都好幸福。至於點解唔見Eva一齊去日本？佢就話：「佢入咗閘先啫，呢啲傳聞都唔知喺邊度傳嚟，阿狗阿貓講啲嘢唔使理啦。（Eva去陪你開工？）唔係，佢係要去大阪做一個DJ騷，我哋都會客串吓，詳情要賣關子。（叫Eva客串新歌MV？）唔會啦。」而Eva嘅IG就甫咗一張孭住囝囝喺機場嘅相，Tommy呢次真係冇講大話。
咁點解又唔見其他兩位成員Alan及Kasa？Tommy就話：「佢哋同排舞老師去咗啦。（去咗？）去咗日本先，佢哋搭凌晨機，因為我帶住個小朋友要坐商務（客位）好啲，小朋友好似話唔夠兩歲，畀小小錢就可以搭飛機，可以平平哋去旅行。」
全日本班底製作表誠意
Tommy又指新歌《咪諗》花六位數字拍攝，起用全日本班底，又說：「托賴，我喺日本咁多年都識到好多日本朋友，無論生意、音樂及藝術上嘅朋友，我話拍MV咋，佢哋就一呼百應。」而專程到日本拍MV是想給歌迷驚喜及表達誠意：「想做畀啲歌迷知，我哋係有用心製作嘅，E-Kids過去十幾年都冇乜嘢撈，依家有機會，梗係想做好啲，追番以前啲時間啦。」
(東方日報)
