【《空凳》廿幾年前㗎啦】夏韶聲再提「陳仔」

2017-10-23

夏韶聲即將係10月29號假旺角麥花臣場館，舉行概念大碟《Arrival 2020》專輯音樂會，日前佢喺荃灣通利琴行接受周刊訪問，講到今次音樂會嘅籌備時間係佢入行四十年嚟最急嘅一次：「只係得一個月左右時間去準備，我九月先知道有十月尾呢個期，仲要係朋友幫手。」夏爺堅持要今年舉行係咩原因？佢話：「因為今次呢個係Concert Album，我覺得喺2017年推出，就希望喺今年之內可以舉行到個音樂會。」

夏爺強調今次係音樂會形式並非演唱會，佢話：「演唱會就會唱好多觀眾鍾意聽嘅歌，純粹係一個表演，但我今次只會演繹碟入邊嘅歌，雖然我碟內半隻字都冇提過外星人同UFO，但相信成個意思都不言而喻，話唔定到時『陳仔』都喺樓上睇緊。」

夏爺又透露想喺今年內完成整個Project，原因係佢明年年中會有另外一個重要演出要準備，係咪傳聞中嘅紅館演唱會？但佢就唔肯透露太多，淨係話暫時只專注嚟緊嘅演出。由於只演一場，夏爺強調自己今次分文不收：「搞手都已經租咗個場，仲有台燈音響同埋樂手嘅成本，如果我仲要收錢佢搞唔成㗎啦，我今次亦都唔係為錢，事實上搞得一場行內都知一定蝕錢，但我真係好想做好呢件事。」

入行已經四十年，但夏爺依然滿肚大計，有好多計劃好想實行，佢話：「好似今次呢個演出最主要我只希望拍低啲片段，因為過往都好少片段喺網上，希望今次可以拍低片段畀其他地方嘅人睇返，老實講就算想做巡迴都要有個版畀人睇㗎嘛。」咁係咪真係打算之後會開巡迴演出？夏爺話：「唔知㗎有咪做囉，我入行都40年喇有咩未試過？唯一就未試過做巡演，有時出去表演個個都淨係叫我唱《空凳》，大佬呀《空凳》廿幾年前㗎啦，人要進步㗎。所以我有好多計畫想做，或者第時唔唱歌都未定㗎。」

【再生多個】48歲伊能靜唔需要擔心修唔到身

2017-10-23

台灣女星伊能靜是圈中數一數二的「凍齡靚媽」，雖然已是一子一女之母，但依然駐顏有術，更加喜歡不時在微博貼出靚相，這次她更分享自己做運動的照片，不但展示小蠻腰與美臀，健美身材令人艷羨，同場更加有她的女兒小米粒亮相，勁搶媽咪鏡！

伊能靜透露，之前推了不少內地劇集及電影的合作邀請，目的是為了爭取更多時間陪伴家人，而為了保持狀態，不至於因為沒有拍攝工作而導致體形走樣，她更聽從老公秦昊建議，只要一有時間，就會進行簡單運動，保持體態，提到健身心得，她指雖然自己一個月就達到預期的瘦身效果，但她謙稱目前尚在摸索階段，希望找出比較適合自己的飲食餐單及運動量，問到的起心肝健身及養好身體，是否計劃再生小孩？她表示的確很喜歡小孩，雖然年齡已屆48歲，但之後可能還會再生小朋友。

【相隔13年﹗】林嘉欣大爆：兩個女都唔知….

2017-10-23

林嘉欣今日喺鑽石山出席「親親小團圓繪本系列發佈會」，呢個繪本係將嘉欣同兩個女兒嘅生活點滴化作充滿童趣小故事，嘉欣亦應邀合唱主題曲《蝦蝦蝦》，相隔13年再次踏入錄音室錄歌，嘉欣笑住話：「好緊張，好似聽番自己嘅留言信箱咁。」有冇令佢諗番以前做歌手嘅回憶？佢話：「又冇喎，因為我完全冇歌癮，就連兩個女都唔知我唱歌，我亦唔想佢哋知，我又唔係唱得好聽，唱歌就留畀真係識唱歌嘅人。」

講到今個月係大女7歲生日，嘉欣表示BBQ同睇動畫慶祝，更指兩個女都有嚟現場，但唔知去咗邊度玩：「因為佢哋有份參與呢個繪本。」現場有播《蝦蝦蝦》，女兒咪知道媽咪係歌手？嘉欣笑笑口咁話：「我諗今晚佢哋會問我。」佢仲大讚兩個女唱歌唱得好過佢，唔知有冇演戲天份？佢話：「小朋友好鍾意角色扮演，佢哋試過扮小紅帽、狼、白雪公主，我有時做下後母賣蘋果，做到家姐幾乎喊，可能我太入戲。」

(蘋果日報)

【產後個幾月靚住復出】小「子霏」勁大食楊洛婷大爆…

2017-10-23

楊洛婷（Rabee’a）、江若琳（Elanne）、蕭潤邦（Oscar）、袁偉豪、苟芸慧等今日到沙田馬場參與公開活動，今次係Rabee’a自上月中誕下愛女黃子霏（Tanya Faith）後，產後首度復出，佢着上粉紅色裙上陣。

Rabee’a話今朝餵完奶後就出嚟做嘢，佢話開工前先揼定奶儲起，問到奶量夠唔夠？Rabee’a話：「先唔好講奶量，講BB食量先，啱啱滿月大啲嘅佢已經飲3、4個月大BB食量，前晚更破紀錄喺1個多小時內飲咗375毫升，佢已經有3下巴，估計超過10磅，但醫生話可以，唔需要減磅。」

o依家Rabee’a每晚都9點幾瞓，留待老公黃天翱（Tim）負責餵凌晨12點嗰餐奶，Rabee’a自己會喺凌晨4點先起身再餵。

(蘋果日報)

【眼仔睩睩好可愛！】郁禮賢@E-kids囡囡出世100天

2017-10-23

E-kids成員Kasa（郁禮賢）今年7月榮升做爸爸。

太太為他誕下囡囡，日前是囡囡出世100日。

Kasa為囡囡舉行了慶祝活動，他在社交網上載囡囡戴上粉紅頭帶的靚相，見她眼仔睩睩非常可愛。

Kasa還為女兒訂了一個鴨仔蛋糕，他留言：「2017年10月21日，子萱BB今天100日，爸爸媽媽祝你一世快樂、快高長大。」

Kasa並解釋因為早前流感高峰，所以決定當天只是兩家人吃飯，所以未有邀請親朋戚友到場。蛋糕上還有囡囡的英文名Kara，跟爸爸的Kasa只差一個字，果然父女情深。

(on.cc 東網)

【張栢芝facebook回應】杜汶澤：下次嫁個讀多d書嘅﹗

2017-10-23

杜汶澤除咗鍾意煮嘢食之外仲好喜歡行山，今日佢就同咗個鄰居去行山，好笑嘅係，阿澤行完山之後喺facebook貼文咁樣講：「投（頭）先同個鄰居去行山，佢以前同過我一個讀好少書嘅朋友拍過拖，雖然結果嫁咗第個，但係我都勸佢：你下次再嫁可唔可以嫁個讀多d書咖(o架)？點知佢話：雖然我無讀過書但係我咩都識！笑到我差d碌X咗落山。」

阿澤仲連續落咗幾個hashtag「成世人都咁鍾意認叻嘅」、「除左（咗）做戲同滑水你仲識咩呀」、「識唔識整穿梭機呀」、「佢真係好cute」，咁到底阿澤呢位鄰居係邊個呢？

原來就係張栢芝，阿澤仲話叫栢芝下次再嫁要嫁個讀書多嘅o添！睇番張栢芝嘅facebook，佢都有貼圖話自己行完山，見佢着住灰色外套、cap帽、太陽眼鏡，而且佢仲喺杜汶澤個facebook度留言4次，分別回應阿澤嘅問題：「你個朋友唔係鍾意認叻佢確實係叻，請你欣然接受」、「滑水同埋做戲只係表面嘅視覺效果，深層深度嘅仲未公開」、「穿梭機唔使識整，只要屋企有一架就得啦」、「好欣賞你懂得欣賞別人嘅真實性格cute and pretty wakakakakakk」。

(蘋果日報)

【連炒兩架】張繼聰流哂冷汗：最緊要人冇事

2017-10-23

話說日前張繼聰喺facebook拍片，自爆揩花架車，半條「輪拱」甩咗出嚟，佢仲話如果呢件事令到大家有共鳴同笑佢，就俾個「dislike」佢。

不過世事總係禍不單行，張繼聰今日再喺fb拍片，佢話：「人生有好多嘢都有原因嘅，前幾日我咪揩花咗架車嘅。頭先有位女歌手同我講唔好意思。」之後鏡頭就影住一條胎軨嘅其中一部分花咗。張繼聰就話佢同「女歌手」講：「我話，唔緊要啦！少少啫。佢話唔係呀，係後面。」

鏡頭再影住成條胎軨有八成都係花咗。之後張繼聰再拍番自己大頭，額頭仲有成大滴汗，佢仲話：「我同我老婆講唔緊要啦，軨係愛嚟揩花㗎嘛，最緊要人冇事咪得囉！我自己都成個『輪拱』炒出嚟啦！幾開心，冇事喇！Bye bye！」

哦，原來係阿Kay，張繼聰仲留言：「有邊個會估倒個世界有咁多驚喜？如果o依單嘢又再次引起你嘅共鳴，請留個咁嘅言啦！『Kay，你好嘢』冇事嘅話，我想去瞓先。」仲有網民留言俾佢：「地獄黑仔揸車法，換車啦，呢架唔老黎。」之後張繼聰回覆：「留意番，係另一架！」連炒兩架車，唔怪之得張生個樣咁「冷靜」啦！

(蘋果日報)

【唔想再臉泛油光？】只需要唔食呢2類食物就可以！

2017-10-22

臉泛油光要避免的兩大類食物
1. 容易形成三酸甘油酯的食物
皮脂主要成分是「三酸甘油酯」，吃太多容易形成三酸甘油酯的食物，就會造成皮脂大量分泌，讓人滿臉油光。動物性油脂含量高食物，像奶油、雞蛋、起司、肥豬肉與酒精、炸物，都容易形成三酸甘油酯，油性肌的你都要少吃。

2.容易使血糖迅速上升食物（高GI食物）
當血糖急速上升時會促進胰島素分泌，進而刺激皮脂分泌，因此要避免容易使血糖飆升的高GI食物，像是蛋糕、餅乾、馬鈴薯、白飯、麵包、麵條等精緻澱粉。這些食物不僅會使皮脂分泌過量，也讓人容易長痘痘、變胖，對身體產生負擔。

吃哪些食物可以有效改善？
被稱為「美容維生素」的維生素B2，能夠抑制皮脂腺活動，減少皮脂分泌，使肌膚不泛油光。另外也可以多攝取養顏聖品「維生素C」調節皮脂分泌外，還可幫助肌膚天然保濕因子生成，達到油水平衡。

(自由時報)

【與洪永城同場零交流】唐詩詠：在心中啦

2017-10-22

藝人唐詩詠現身機場，剛參加完新加坡舉行的《星和無綫電視大獎2017》頒獎禮的她，在頒獎禮中勇奪角色獎及最佳螢幕情侶獎，獲粉絲到場送賀及送上兩紮花。談到她昨日於綠地氈上打扮性感，她笑指靚就着，被問是否不介意性感示人？她笑笑口說：「好性感就唔好喇！」

至於對賽果可會滿意？她說：「滿意呀！因為《不懂撒嬌的女人》呢套劇團隊都有攞獎（冇視后失望？）唔會，因為仲有好多個獎，係團體嘅努力！」問到可會對無綫的頒獎禮加強信心？她笑謂：「唔會話冇嘅，對套劇有信心！」

談到她與舊愛洪永城同場，二人卻沒有交流，她說：「其實男女藝人有各自嘅化妝間，咁去到化完妝就要去頒獎禮，都冇機會！（互相恭喜？）冇呀，呢啲在心中啦！」

問到她可有要求不與對方行綠地氈？她說：「冇呢啲安排㗎，邊有得要求㗎！（一齊行ok？）未有人有咁嘅安排喎！」

談到無綫頒獎禮將會延期至明年1月舉行，她直言有聽過，可會擔心競爭再更加激烈？她笑說：「我套劇再拉遠啲囉，因為今年公司50周年，競爭係激烈啲，其實每一年都係咁㗎啦，都唔會知有咩對手，大家都期待結果！」

(on.cc東網)

【接種計劃疫苗疑失效】2名參與私家醫生冰箱出現結霜

2017-10-22

衞生署20日接獲醫療儀器供應商通知，一批醫療冰箱出現安全隱患，包括會結霜、自動開門等導致存放藥品損壞情況，共有55部醫療冰箱出事，已供應到復康中心和宿舍、庇護工場等使用。衞生署亦證實，「疫苗資助計劃」下有2名參與計劃的醫生購置了有問題冰箱，署方正跟進了解他們有否用來貯存計劃下接種的疫苗，包括流感疫苗。有專家指，如儲存疫苗的冰箱溫度過低，或令疫苗失效，市民打了等於白打。

衞生署日前公布，一批由Biobase Meihua Trading Co.Ltd.製造的醫療冰箱(型號為別為BXC-V50MS、BXC-V70MS及BXC-V95MS)已確定有潛在安全隱患，包括可能會出現LED燈損壞、LED燈罩出現進水、LED燈罩出現腐蝕或變色、未有人為干擾下自動開門、有清楚可見的結霜。衞生署雖然至今未接獲在香港使用該批醫療冰箱有以上的不良事故報告，但呼籲使用者3個月內未經供應商檢查，就立即停用有關冰霜。

衛生署指出，「院舍防疫注射計劃」下有46間院舍或智障人士服務機構購置了有關問題雪櫃，由於本年度計劃仍未展開，有關雪櫃並無貯存任何本年度流感或肺炎球菌疫苗。

不過，有2名參與「疫苗資助計劃」的私家醫生使用了出事的冰箱，如已儲放流感針，而冰箱又出現結霜情況，有關疫苗或可能已失效，有關資助計劃已在本月18日已展開，不少市民已陸續接種流感疫苗。目前出事的流感疫苗數量未明，衞生防護中心今年總共預備46萬劑疫苗應付冬季流感季節。

香港醫院藥劑師學會會長崔俊明表示，流感疫苗要儲存在攝氏2至8度之間，當溫度降至攝氏零度或以下，疫苗便會完全失效，注射了等於白打。雖然接種失效疫苗不會有任何副作用，但如接種了疫苗的市民誤以為自己有保護力，沒有再補打，變相成為高危感染流感群組。崔指出，接種失效疫苗後，應盡快補打新疫苗，減低流感中招風險。

(on.cc東網)