70年代女星梁蘭思早前傳出病重消息，令不少圈中好友掛心。
據知，梁蘭思日前已於屯門醫院病逝，由於其弟妹皆居於澳門，加上其男友希望低調處理梁蘭思的喪禮事宜，故此一直未有對外公布喪禮安排。有指，喪禮或會於澳門舉行。
梁蘭思的一眾好友日前相約商討如何協助其家人辦理身後事。
資深藝人丁羽早前在朋友圈得悉梁蘭思病重的消息，在訪問時談及梁的喪禮安排，他說：「我未收到消息。」
梁蘭思當年走性感路線，在大銀幕上成功出位，曾演出不少港產風月片，與伊雷合演的《烏龍教一》，還有《陳夢吉計破脂粉陣》等電影，是一位有名氣的艷星，其後亦進身電視圈，拍過無綫劇集《家變》和亞視劇集《追龍》等。
(on.cc 東網)
黃智雯（Mandy）與黃智賢、黃心穎等到鑽石山宣傳主演的劇集《雜警奇兵》。
講到今天是光棍節，問Mandy是否準備脫離單身。她笑言：「唔係大減價咋咩？唔關事嘅，我唔結婚都會派利是，單身有單身嘅開心，我份人比較瀟灑，成日四圍飛。」
問到是否對單身生活依依不捨，Mandy笑言：「我未試過唔單身喎！（即係一直有拖拍？）結咗婚先算脫離單身嘅！我戀愛經驗好少。」
之後Mandy更自爆拍拖次數：「兩次，所以我都算幾專一！（現任拍咗幾耐？）都拍咗五年。」
Mandy又自爆有研究結婚心理學：「志在研究角色同思維。」 
(on.cc 東網)
孫耀威（Eric）與陳美詩（Macy）去了歐洲度蜜月。
Eric於社交網上載了一張相，還寫下耐人尋味的留言：「不是兩個人的度蜜月旅行。」剛巧是Macy的全身相，見她一臉幸福摸肚，引起好多紛絲問是否Macy有喜，更預祝「兩人去，三人返」。
Eric跟太太Macy返到香港後，他接受傳媒電話訪問。
Eric就說：「呢個真係一個美麗嘅誤會！」
「我係話好多人Join我哋一齊去度蜜月，因為我哋去波爾多紅酒區，好多紅酒粉絲Join埋我，因為有個好靚酒莊嘅老闆請咗我去嗰度，咪好多Friends跟埋嚟，連我妹妹喺瑞士都跟埋去，冇諗到搞成咁，真係搞笑，不過都承大家貴言啦。」
(on.cc 東網)
早前，鍾欣潼（阿嬌）認戀台灣「醫界王陽明」賴弘國！
戀情爆出後賴弘國是非多多，但阿嬌一於少理，繼續撐愛郎！
今日，阿嬌喺社文網上載多張靚相，阿嬌仲首次兼激罕晒出同同賴弘國嘅合照，真係閃爆唔少網友嘅眼球！
兩人企喺海邊，喺日落嘅襯托下，真係浪漫到暈。
阿嬌變咗小鳥依人，挨實賴弘國個心口度，兩人仲要攬到實，Sweet到冇朋友呀！
（on.cc 東網）
汪明荃（阿姐）錄影《汪明荃50周年世紀盛宴》，過百位賓客盛裝出席，場面星光熠熠。
就連鮮有與老婆盧淑儀（Emily）出席公開場合的李克勤，昨晚亦與Emily拍拖現身。
克勤在instagram上載幾張昨晚盛宴照片。
「少說也有十多年，沒有跟太太一起出席這些公開有記者的聚會活動，全是為了阿姐，一位值得人尊敬的前輩和好友和鄰居。」
（明報即時娛樂）
岑麗香性感現身《汪明荃50周年世紀盛宴》。
有傳媒打趣她近日改行性感路線，香香笑答：「乜我淨係呢排咩？咁着好靚，而且又啱場合。」
問到老公有睇過呢身打扮，香香表示：「有呀，佢都話靚，接受到都唔係壞事，況且性感得嚟健康，我係成熟型性感。」
談到好友王君馨被拍得購入性感內衣，似為生B做好準備。
香香謂﹕「睡衣唔一定係生B嘅。」、「結完婚好自然就會講呢啲話題，但我唔知佢係咪準備好生。其實基督徒好多話題，都有講呢啲。女人都會準備，我就放喺屋企，人妻係要有準備。」
當被問到準備送甚麼給汪明荃時，香香表示未有準備，但會上台與阿姐玩遊戲，重演對方經典演出片段。
(on.cc 東網)
黎諾懿日前飛赴韓國，與《愛‧回家》的「馬家」成員徐榮﹑蔣家旻和羅天宇等拍攝節目。
徐榮與2歲女兒包包、黎諾懿和囝囝「小春雞」分隔兩地，只好靠視像通話。
今日黎諾懿在instagram上載短片，片中「小春雞」和包包玩視像。
包包擺出趣怪表情，又玩掩面，逗得不停啜手指的「小春雞」開心大笑，得意又可愛。
(明報即時娛樂)
周潤發跟發嫂陳薈蓮對生活要求平實。
要先學懂愛惜自己，才可以有能力愛惜身邊人，這是發嫂陳薈蓮注重身體健康的理由之一。發嫂跟發哥周潤發經常出入高級場所，但發嫂要求的是早午晚三餐只是要有飯落肚就夠。
發哥發嫂飲食有道，起居作息亦有時，是他們夫婦養生之道，發嫂笑着補充：「我就6點起身，發哥都係差唔多，有時佢要去跑步，就5點半啦！發哥10點幾就瞓，我就夜少少。」
身形越見清瘦健康的發嫂，並不是只靠運動保養，講到底最重要的是回歸基本，要有足夠休息及睡眠，她說：「係靠好多嘢，唔係單一個運動就可以，牽涉你有冇夠休息呀，食嗰方面呀！身心要輕鬆、愉快，好多嘢囉！」
發哥與發嫂膝下無兒無女，每部電影片酬動輒數千萬元的發哥來說，身家累計已達20億元，坐擁龐大資產發哥早前已表示，有意在過身後將財富全部捐出來做慈善
。
原來發哥已經坐言起行，去年他已吩咐發嫂全權負責成立「周潤發慈善基金」，發嫂回應說：「個慈善基金已經搞掂咗！會百分之一百捐晒出去，因為屋企人平日已經照顧晒，成立個慈善基金嘅目的就係要幫真係有需要嘅人。」
(Apple Daily)
汪明荃（阿姐）昨晚在半島酒店錄影《汪明荃50周年世紀盛宴》，阿姐以高貴打扮示人。
昨晚逾百賓客到賀，容祖兒﹑楊千嬅﹑李克勤等為阿姐高歌，星光熠熠。
阿姐老公羅家英亦以西裝打扮出席，相當型仔，家英哥接受無綫娛樂新聞台訪問時表示，好開心老婆得到各界支持和愛戴。
「人生不是有好多個50年，她有這個堅持和成就，實在難得，首先多謝TVB能夠給她機會，當她是一位重要員工，和她舉行大派對，多謝親朋好友及觀眾愛戴，其實這些說話應留給她自己講，在我個人來說，我一生人冇乜叻，最叻是娶到個叻老婆。」相信阿姐聽到必定甜入心呢﹗
家英哥還大爆阿姐為昨晚錄影，搞到心情緊張：「她騰晒雞。我們結婚都冇咁大陣仗，結婚冇擺酒，乜都冇。」
(明報即時娛樂)
日前係「馬子妮」蔣家旻28歲正日生日，雖然佢身在韓國工作，但係就一啲都唔寂寞。 
事關有「馬家」成員齊齊為佢慶祝，大家仲去咗食飯、飲燒酒，認真高興！
蔣家旻喺社交網上載咗一段短片，片中見佢同「馬家」嘅黎諾懿同羅天宇去咗韓國餐廳食飯，蔣家旻留言話：「Surprise！！Happy Birthday to ME 多謝馬家，在韓國過了一個簡單有愛的生日，那份衷心的祝福，不禁讓我感動流淚。」
短片中，佢哋齊齊唱生日歌，而蔣家旻仲大晒手上嘅手鏈話：「多謝！多謝！好靚呀！」
黎諾懿亦有喺社交網上載短片，祝賀壽星女牛一，非常溫馨！
(on.cc 東網)
