現年39歲的日本潮模今宿麻美，昨晚宣布將會榮升第2任媽咪的喜訊，恭喜恭喜！
與形象設計師丈夫MASAH結婚4年的今宿麻美，於2014年11月誕下囝囝青馬，昨日她在Instagram上載照片自爆成功追多個，懷孕已20周。
她自言沒想像過會成為兩兒之母，而且BB預產期為明年1月7日，剛好是她的生日，可謂是一個奇蹟！
今宿麻美現時正與丈夫商量BB的名字，今後會視乎身體情況繼續工作，並表示會向世界上各位媽媽學習和努力。
(on.cc東網)
【阿Sa靚爆登】幸福度滿分
34歲蔡卓妍（阿Sa）早前甜認同麻雀館太子爺Anthony Shek（石恆聰）蜜運中。。。
女星蔡卓妍（阿Sa）近日為英皇珠寶Heartbeat心動系列拍攝宣傳照，以露肩裝上陣的阿Sa在花花的背景襯托下，帶種唯美感覺，阿Sa表示看到系列作品時，馬上就被其獨特的設計吸引：「設計嘅靈感來自心電圖，好似姻緣嘅紅線將兩顆心連埋一齊咁，我好鍾意呢個設計，將項鏈和吊墜交叉相連，好有意思。」有指鑽石代表永恒，阿Sa坦言在現實生活中，爸爸媽媽就是永恒。而感情方面，她渴望擁有一份細水長流，但同時充滿浪漫激情的愛情。
全新系列以命運的紅線為設計靈感，玫瑰色黃金及白色黃金將項鏈及吊墜巧妙地融合一體，猶如月下老人穿針引線地將兩顆心緊緊牽引着，別具心意。
(東方日報)
【兩個月極速修身】陳茵媺曬Fit爆身材
陳茵媺為陳豪三年抱三，先後生下兩子一女，近兩年冇拍嘢，一直專心相夫教子，早前仲一拖三同小朋友去多倫多旅行，唔少人都讚茵媺好犀利，可以一個人照顧咁多位小朋友。
不過，茵媺向來熱愛演戲，近日終於復工，接拍導演劉偉恒新片電影《日月星》。今日「旦哥」鄭丹瑞喺微博放咗張同茵媺嘅合照，原來旦哥係茵媺嘅偶像，旦哥話﹕「陳豪注意！你老婆吩咐你親手沖杯靚咖啡俾佢個偶像，即係我，飲。」
兩人豎起手指公，戲中茵媺飾演英文老師，要着住詩文套裝，但由於天氣太熱，唔使埋位時，茵媺都除低外套，不經意騷出玲瓏身材。
今年6月，茵媺被本報影到去尖沙咀購物，當時身型仲係肥肥地，有指因為要餵人奶畀囡囡，所以一直冇刻意減肥，估唔到茵媺一話開工，就可以咁快修身，相信老公一樣咁勤力操fit，抵讚！
(蘋果日報)
【去年8月協議離婚】剛傳好消息 下月再婚
離婚一年，本月初就公開新戀情，透露跟圈外男友蜜運中，估唔到今日再傳來好消息，宣傳跟男友將於下月。。。
韓國女團Jewelry嘅33歲前成員李智賢，2013年跟大自己7歲嘅圈外人結婚，兩人育有一子一女，不過去年8月跟結婚三年嘅老公協議離婚，李智賢主動放棄唔分身家，只要一對子女嘅撫養權及贍養費。
離婚一年，李智賢本月初就公開新戀情，透露跟圈外男友蜜運中，估唔到今日李智賢再傳來好消息，宣傳跟男友將於下月結婚。據知李智賢向傳媒透露，遇到好對象，想建立新家庭，跟男友將於下月底舉行非公開婚禮，只邀請家人及親朋好友參加。
李智賢透露男友係眼科醫生，大讚對方係個正直又可靠嘅人。網民對於李智賢閃婚表示非常驚訝，留言「點解咁急結婚？」、「為咗子女應該更慎重啲」等，不過仍有人留言：「唔理點，希望你幸福。」
(蘋果日報)
【撞車入院好擔心】梁烈唯報平安
藝人梁烈唯（唯唯）於灣仔拍攝網劇《飛虎極戰》時被車撞到受傷，即時被送往律敦治醫院接受治理。
其後他由司機接載到養和醫院並表示「轉個地方同Check清楚啲。」
是次意外令很多人非常擔心唯唯的情況，而唯唯為免大家擔心，他於社交網站上甫自拍報平安並透露已回家休息：「今天拍攝時，出了點小意外！知道大家都很擔心我，感謝大家！我已經從醫院回家休息，謝謝！」
相信都能令一班親朋戚友和粉絲放下心頭大石！
(on.cc東網)
【BB太大隻要催生】阿Bob激動到喊咗出嚟
37歲藝人林盛斌（Bob）又再做老竇喇，之前生咗3個囡囡，今次第四度做老竇，今胎仲要係仔仔，真係恭喜晒！啱啱佢喺IG報喜，佢晒咗仔仔嘅影片，留言話：「各位哥哥姐姐，你哋好！我靚唔靚仔呀？」啲網友紛紛留言，話仔仔好似阿Bob咁話喎！Bob仔睇落都好大隻，喊起上嚟好夠大聲、夠氣，真係似足個老竇。
B仔重七磅幾
Bob接受訪問，佢匆匆忙忙又勁興奮，Bob話太太喺伊利沙伯醫院產子，由於之前三個位女都係喺呢度順利出世，所以都選擇番喺呢度生。Bob話BB太大隻，所以醫生話過幾日會難生啲，搞到今日要安排催生，佢仲話BB 7磅幾重。Bob仲話要特別多謝一班醫護人員嘅幫手添！
讚B仔夠大兜
Bob同大家分享喜悅：「過程好順利，太太痛咗個幾鐘，成個生產過程幾個鐘搞掂，我都有入產房剪臍帶，見到太太好辛苦，我都激動到喊咗出嚟！」依家Bob相當忙碌，又要照顧太太、三位千金，又要安排親友探BB，佢又指三位千金知道細佬出咗世都好興奮，係咁問幾時可以見細佬，Bob只好拍片、影相畀三位姐姐同細佬打個招呼先！問BB大唔大兜時，Bob笑謂：「好大兜！好有衝勁、好有力量，勁過爸爸。」問到B仔改名未，佢就話：「依家好忙呀，未改！」
【鬍鬚ChiLam】老婆靚靚好鍾意！阿仔：核突
導演林德祿再開拍新片《L風暴》，喺片中，古仔同嘉穎同是ICAC調查人員，ChiLam亦承接上集繼續飾演重案組探員。
原來嘉穎同ChiLam曾於10多年前合作過劇集《西關大少》，反而古仔就第一次合作，古仔笑指嘉穎好大汗。
ChiLam透露有較多嘅槍戰戲。ChiLam同嘉穎大讚古仔好好打。古仔透露由頭到尾都有飛車戲，問佢怕唔怕危險？佢話：「有得揸已經好開心，而且拍嘅時候都會封路，我唔理危唔危險。」
講到ChiLam為角色留有鬍鬚。
佢笑住話：「老婆鍾意到不得了，唔畀我剃，阿仔就攻擊我，佢話好核突喎！」
本月27日生日嘅ChiLam，佢表示唔希望朋友為佢搞驚喜生日派對，笑謂最好打牌。
（Apple Daily）
【85歲李香琴貪靚搽指甲】黃夏蕙﹕佢仲認得我
今年85歲嘅李香琴自12年退休後，多次在家中跌倒，又傳出現腦退化徵狀。日前老拍檔譚炳文出席活動，表示有11個月冇見琴姐，仲慨嘆﹕「唔知認唔認得人，其實搵佢都冇用啦！可能佢捱緊苦，都費事搵佢喇！」
今日黃夏蕙喺facebook貼咗琴姐近照，透露與炳哥女兒譚淑瑩及一名女友人去探琴姐，見琴姐頭髮已經白晒，但仲好貪靚，搽咗粉紅色指甲油，拎住一隻金雞擺設，夏蕙姨留言﹕「我同瑩瑩一齊去探香琴姐，佢身體好番好多啦，仲認得我添。」相信關心琴姐嘅朋友都可以放下心頭大石。據知黃夏蕙係一周前同譚炳文女兒瑩瑩一齊去探琴姐，因為瑩瑩經常同琴姐聯絡，佢一見就認出，至於夏蕙BB，琴姐就要諗咗一下。夏蕙姨今日接受電話訪問，佢話：「我講起舊事，琴姐雖然反應唔算強，但佢都答：『我知，我知』，琴姐狀況好好，好精神吓。」夏蕙姨今年訂咗好多金雞，但今年未探琴姐，特別留咗一隻送佢，佢哋逗留咗大約一小時就離開，因為琴姐都會攰，唔想阻佢休息。
(蘋果日報)
【展鵬唔認愛】單文柔唔介意名分：咩年代呀？
單文柔到油塘宣傳明珠台節目《野性特工隊》，單文柔被問到有否與陳展鵬齊齊睇動物紀錄片，她說：「暫時未有呢個機會，但我有睇《同盟》，要睇多啲添呀！因為之前冇睇《城寨英雄》，今次要追睇！」
問到點形容二人關係，單文柔表示：「之前佢喺啲訪問都講過，表達咗好多我哋嘅關係，依家係相處緊、了解緊、探索同磨合緊。」
講到有冇拖手：「冇喎！拍拖對我嚟講係好開心同sweet嘅事，自己都好想有呢個階段，因為我哋嘅感情，可能相處、食飯，大家浮咗面嘅時候，大家可能skip咗好多步驟，我哋都係相處緊！」
Phoebe問到如果拍拖，男方不認愛，會否不開心。
單文柔說：「最緊要睇我自己會唔會開心同舒服，呢樣嘢（認愛）都唔係最重要，拍拖最重要係sweet同開心，係兩個人嘅嘢，最重要自己舒服，如果唔舒服，承唔承認，唔係最重要，反而可能仲唔開心啲添！」
「如果我拍拖穩定，講出嚟自己唔會唔舒服嘅話，我會同大家講，但未到呢個階段，未到我覺得好stable嘅階段。」
講到有冇唔開心展鵬冇畀名分佢：「咩年代呀？要畀名分我，我覺兩個人相處，大家有共識，知道係咩關係，最緊要我哋兩個磨合咗，OK咗先！」
(on.cc 東網)
【不同病症不同改善方法】女士要留心﹗
子宮肌瘤是婦女很常見的疾病，根據統計，生育年齡婦女中，每五人就有一人罹患，而更年期前後，每二人就有一人有子宮肌瘤。中醫師周宗翰指出，子宮肌瘤好發於四大體質，包括肝氣鬱滯、氣滯血瘀、虛寒凝滯、濕熱下注等四型，而要治療子宮肌瘤，就要從改善子宮環境著手。
肝氣鬱滯型：要排除壓力
中醫師周宗翰表示，肝氣鬱滯形成的子宮肌瘤是因壓力引起，壓力會影響身體賀爾蒙的運作，累積的壓力會造成子宮的免疫功能異常，當壓力太大或是情緒低落時，情志影響氣機調暢，進而會引起免疫功能失常，婦科問題也會層出不窮，子宮肌瘤就會生成；這時適當地排除壓力，對於改善子宮肌瘤很有幫助。
氣滯血瘀型：要多運動
氣滯血瘀型子宮肌瘤常見於久坐缺乏運動的上班族女性，周宗翰醫師說明，氣滯血瘀體質大多具有明顯的「不通暢」特徵。骨盆腔與腹腔循環出現障礙，是許多疾病的發病基礎，臨床上氣滯與血瘀往往是並存，這也是非常容易造成子宮肌瘤的體質，而運動是最好改善氣滯血瘀的方式。
虛寒凝滯型：飲食忌生冷
至於虛寒凝滯型所形成的子宮肌瘤，通常與自身體質以及飲食習慣有關，周宗翰醫師分析，有些女性天生冷底，血管容易痙攣，血行遲緩或凝滯於微血管。虛寒子宮非常容易產生子宮肌瘤與子宮內膜異位，這種體質要避免食用生菜沙拉等偏寒食物，以免鳥一言米影響身體代謝，並應在太陽下山之前就要把當天要吃的水果吃完，從裡到外保暖，就會改變肌瘤體質。
濕熱下注型：飲食宜清淡
周宗翰醫師指出，濕熱下注型體質通常喜食油膩厚味、甜食，愛喝酒或攝入過多鹽分，飲水不足都會導致血液過分黏稠，而台灣天氣常是濕熱狀況，內在飲食失調加上外面環境干擾，濕熱氤氳而生，內外皆顯得「濁」，就容易產生子宮肌瘤；而濕熱體質者，飲食最要緊，改善濕熱體質要從脾胃著手，建議平時儘量飲食清淡，少吃辛辣油膩食物，也不要喝酒，以免加重濕熱症狀。
肌瘤快速生長 要小心病變
周宗翰醫師提醒，子宮肌瘤轉為惡性機會不高，但如果子宮肌瘤發生病變，有可能會壓迫膀胱、直腸和輸尿管等部位，引起排尿、排便困難和腰痠背痛；另外，當出現疼痛，要及時檢查疼痛源頭，例如下腹部、腰背部，而嚴重痛經也要特別注意，有可能是骨盆腔神經受到肌瘤壓迫引發不規律子宮收縮。若肌瘤生長快速就要小心病變，建議患者每半年要做一次肌瘤大小的追蹤。
(ETtoday)