黃翠如、高海寧、李施嬅、馮盈盈和麥明詩等，今日出席無綫《big big channel滿月宴》。
黃翠如剛去完英國旅行，患感冒而失聲，目前要服用類固醇，受訪時亦只能做口形表達，翠如BB否認趁旅行秘婚及睇景影婚紗相，並稱目前未有結婚計劃，她笑言男友蕭正楠指她性格古怪，問到會否閃婚？她說：「無刻意去想，但又不會覺得一定無可能。」
問阿蕭求婚未？她說：「他說等我求婚，我看他表現，要等我病好再評估他。」問到給男友多少分，翠如BB擺出OK手勢。
(明報)
【承認戀情】狄以達：同佢開始咗一個月
狄以達接受電台訪問，講到他現時獨立發展。
「入行9年想作出改變，唔係淨係轉公司嘅改變，而係內在，如跳舞唱歌，以致外型都想有改變，同埋我自己對拍劇冇咁大興趣，都係鍾意音樂工作多啲，希望可以全力跳舞同做音樂。」
他亦謂希望可以自己一手一腳策劃表演：「嚟緊8月尾我就會喺中環搞兩場騷。」
「始終以前作為歌手係被動啲，但依家就係自己搞個騷，都投資咗六位數字，我覺得自己未可以喺中環開騷，所以就試吓擔起個production先，希望cover到budget都已經好滿足。」
另外，講到其感情狀況，他坦言現時有新戀情。
「開始咗一個月，佢係圈外人，都擔心會影響到佢嘅生活。」
講到之前被人影到：「我唔鍾意匿埋，只係驚影響對方，佢係圈外人。」
(on.cc 東網)
【被評判狠批】譚芷昀Celine即場眼濕濕
9歲香港「小巨肺」譚芷昀於美國才藝比賽真人騷《全美一叮》半準決賽現場表演。
Celine唱出天后Mariah Carey與已故天后雲妮侯斯頓Whitney Houston合唱的電影《埃及王子》主題曲《When You Believe》。
不過首個發言的評判Mel B卻批評她選曲不當，超出她的能力範圍。
言詞都幾狠，搞到Celine個樣好尷尬有啲唔開心，仲眼濕濕添！
幸好其他評判Simon Cowell、Heidi Klum與Howie Mandel也替她講好說話。
指她雖然技巧未盡完美，但天真可愛，是她的長處！
(on.cc 東網)
【6年前未婚誕巨B】姚瑩瑩神秘男友首次曝光
喺91年參加《環球小姐》而入行嘅姚瑩瑩，由當年嘅青春小艾到今日嘅婦道人家，由姐仔邁向甘草，瑩瑩依然留喺大台默默耕耘。
6年前，39歲嘅姚瑩瑩，同拍拖8年嘅男友，生咗個重9.2磅嘅囝囝Evan。做咗人媽咪嘅瑩瑩，同男友keep住冇結婚，瑩瑩亦鮮有提及男友嘅身份，繼續將感情事密冚，不過身形同動靜就開始滲出陣陣師奶味。
周三(16日)下晝約6點，45歲嘅瑩瑩，踢拖現身沙田宜家傢私，同行嘅有外傭同6歲Evan，不過身邊仲有個年約40歲嘅中年男士，喺現場一直照顧住Evan，該男士身穿黑色Tee同牛仔褲，中等身形。
以外形嚟講，同瑩瑩頗匹配。現場所見，瑩瑩專注詢問職員有關衣櫃嘅尺吋，又不時用英文同外傭溝通，問對方睡房size夠唔夠擺。
至於同行嘅中年男士，就主動帶Evan到兒童遊戲區，耐心教他點樣玩。
期間，Evan大聲向媽咪表示：「媽咪，我急屎呀！」由於瑩瑩忙於同職員交涉緊，只「唔、唔」兩聲回應囝囝，該男士就醒目帶囝囝去廁所。
(蘋果日報)
【一個啱啱做爸爸、一個啱啱結婚】一個未結婚…
剛剛榮升爸爸冇耐嘅阿公語重深長咁同剛剛榮升人夫嘅。。。
蘇永康X側田X陳柏宇音樂會7月27日日係會展搞舉行，噚晚佢哋係新蒲崗綵排，即場合唱《男人KTV》，蘇永康(阿公)講起首《男人KTV》，佢話曾經想過翻唱呢首歌灌錄係新碟入面，但係雷頌德話佢點唱都無原唱歌者咁好，所以放棄咗，依家再有機會唱，好開心，仲要係原唱一齊唱，三個人每個人有自己風格。」
側田就話：「三個男人代表唔同階段，阿公有小朋友，陳柏宇啱啱結婚，我就仲未結婚。」呢一刻刻阿公就語重深長同陳柏宇講：「有仔趁嫩生。」陳柏宇即刻話：「得，我會努力。」之後佢哋一齊懷緬過去，側田慨嘆話：「嗰時覺得自己浪費好多時間。」阿公就望住陳柏宇話：「你細個染白，大個就唔駛染都白。」之後阿公講到阿仔鍾意食佢隻手指，佢笑住話：『唔知點解佢咁鍾意咬我手指，搞到我唔敢戴介子。到時會帶佢入去後台，想俾佢知道嗲哋嘅生活模式，之前都帶過佢出來，見林珊珊佢哋，係喊咗四秒，拍一拍佢就無嘢，所以改 咗佢個名叫做「淡定哥」！』
(蘋果日報)
【反正結咗婚﹖】32歲《東張》梁麗翹被網民鬧
小題大作﹖剛剛結婚冇耐嘅32歲無綫《東張西望》主持梁麗翹於社交網指自己。。。
32歲無綫《東張西望》主持梁麗翹於社交網指自己排隊搭𨋢時遭一名阿伯摸臀部，更用身體把她「推進」升降機裏，直至她大叫才停止。有網民留言指梁麗翹畀人摸沒令她「少忽肉」，為何要介懷；更有人指她反正已結婚，暗指她不需要小題大作。
對於被人摸臀部一事，梁麗翹接受東網訪問時謂：「我排緊隊搭𨋢，之後啲人出𨋢時，有個人就喺後面撞我咁推我入去，正常幾逼都唔會咁，我當時睇吓係咪手袋，但原來係個阿伯，之後我就即刻大嗌，當時全架𨋢冇人幫我，個阿伯仲話唔緊要，我即刻話『依家係你搏緊我懵呀！』佢即刻唔出聲！」梁麗翹又表示說出來是希望女性遇到這些事時都要出聲，對方認不認都好，都要保護自己先。她又謂：「令我覺得唔開心嘅係啲網民講啲咁嘅嘢，你又冇少忽肉？結咗婚就可以任人亂嚟㗎咩？」問到有否報警時，她謂：「都係嬲自己冇報警，因為嗰陣時間太趕，我鬧完佢之後，放咗佢一條生路。」
(東方日報)
【同何廣沛…】朱晨麗回應戀情
早前有周刊爆料話佢哋兩個暗撻半年(https://goo.gl/ZSUw7U)，而朱晨麗今日就接受傳媒訪問。。。
講到有傳同何廣沛暗撻，佢話：「識我嘅人都知道，嗲人、挨身挨勢好唔係我，呢個幕後人員幻想能力真高，咪當送咗個封面俾我哋宣傳，好多謝觀眾咁鍾意呢套劇，而套劇又真係帶起咗好多人，連我哋都帶起咗，希望可以帶挈吓搵真銀。」
(蘋果日報)
【雞蛋點樣揀﹖】竹絲雞蛋、初生蛋、粟米雞蛋…
雞蛋含豐富蛋白質，對大人和小朋友來說都有極佳的營養，平常我們買雞蛋，多按國家來分，原來也有雞蛋以不同種類來分類，今日來到大圍隆亨邨的街市，這裏有一檔雞蛋專門店，供應世界各地的蛋，包括粟米雞蛋、竹絲雞蛋和初生蛋。
據店員玉姐所講，竹絲雞蛋是烏雞生的蛋，蛋黃偏紅而富蛋香，味濃而滑嫩，女士吃尤其滋補。
初生蛋顧名思義是小雞變成母雞後生的第一隻蛋，體積較細小，味道較淡，小朋友吃最佳。
至於粟米雞蛋來自內地有機農場，以80%粟米再配殼物作為飼料，雞蛋較大隻，蛋白較嫩，味道亦清香，大家可以按個人喜好慢慢揀。
(東方日報)
【皮膚敏感﹖氣管敏感﹖頭痛﹖頸痛﹖】近四分一學童患脊骨側彎
家長要留心﹗如果小朋友。。。
隨着科技普及，不少學童都沉迷玩平板電腦，不知不覺成為「低頭族」，但由於衞生署的學生服務中心只為小五或10歲的學童檢查脊骨，或延誤學童的診治情況。兒童脊科基金推行「暑期學童脊骨大檢閱」，免費為學童檢查脊骨。
該基金亦就學童體態問題作調查，在去年9月至本月訪問了1392名學童，發現當中67.8%、即944人有體態問題。患體態問題的學童，當中65.9%為寒背，43.3%為高低膊，而24.4%則患上脊骨側彎。該會又指脊骨側彎會導致各種痛症及敏感徵狀，包括皮膚敏感、氣管敏感等，亦會導致頭痛、頸痛等情況。該會呼籲家長在日常生活應留意子女姿態及體態問題，並定期進行脊骨神經檢查。
脊骨神經科醫生陳鎰生指，學童患脊骨側彎有3個原因，包括書包過重、坐姿不正確及缺少運動。他指學童的書包重量應為小朋友體重的10%，一旦超過體重的12%，會導致重心前傾，長久會加重背部壓力。他又補充，學童常沉迷手機及平板電腦，但卻因坐姿不正確而導致脊骨彎曲，他們經常腰後凌空，導致腰骨無承托力，玩手機時頭會愈來愈低。他呼籲學童應抬高頭坐直，電話亦應呈水平線，若該櫈太高則要有腳踏，及緊坐貼椅背，又提醒坐了45分鐘亦要轉換姿勢。
陳又補充，由於脊骨彎曲壓著神經線，會導致不同痛症。他指脊骨錯位會令神經傳動不足，因而會使學童出現痛症，但強調每位學童均有不同情況出現。對於脊骨彎曲會否影響學童情緒，他則話暫亦未有太多醫學文獻支持。
(東方日報)
【開心share超聲波相﹗】宣佈再做媽咪啊﹗
於2014年11月誕下囝囝，昨晚宣布將會榮升第2任媽咪的喜訊，恭喜恭喜！
現年39歲的日本潮模今宿麻美，昨晚宣布將會榮升第2任媽咪的喜訊，恭喜恭喜！
與形象設計師丈夫MASAH結婚4年的今宿麻美，於2014年11月誕下囝囝青馬，昨日她在Instagram上載照片自爆成功追多個，懷孕已20周。她自言沒想像過會成為兩兒之母，而且BB預產期為明年1月7日，剛好是她的生日，可謂是一個奇蹟！今宿麻美現時正與丈夫商量BB的名字，今後會視乎身體情況繼續工作，並表示會向世界上各位媽媽學習和努力。
(東方日報)