吳綺莉寓所發生失竊事件，事後女兒卓林亦承認曾返過屋企攞嘢，令母女關係一度緊張。
不過之後卓林18歲生日，吳綺莉亦有為女兒慶生，二人關係似乎好轉！
吳綺莉突然有感而發，喺社交網站上載咗兩張舊相。
吳綺莉留言話：「十八九歲的自己，傻過妳好多，當四十歲的我都還給别人戲弄，所以還能怪妳什麼。」佢表示大家嘅情況都係一樣，仲話：「但希望妳不用等到四十五歲才明白。」
咁啱卓林啱啱過咗18歲生日，令唔少網民都估吳綺莉講緊嘅就係卓林。而吳綺莉亦喺回應網友時提到「想深一層她是我帶大的，我四十多歲才開始長大，還能怪她什麼」，直認自己擔心緊卓林！
（on.cc 東網）
朱茵早前憑國產電影《二次初戀》在《中美電影節》勇奪最佳女主角，入行26年首奪影后，除咗好興奮之仲好有感觸，話晒都係第一次攞影后喎，當然就有唔同嘅慶祝。
呢日蔡少芬（Ada）就喺社交網上載多張同朱茵慶祝相，仲搞笑留言：「事情是這樣的。。。我總算拿影后了，那麼多年的努力，我終於成功了！謝謝所有朋友的恭賀，謝謝每一個愛我的人！我會繼續努力！目標繼續攞奬！（好吧。這番話是我代表我的好姊妹～茵茵@朱茵說的」。
陳法蓉亦有留言：「我閨蜜是影后！是影后！是影后！重要的事情說三次好威風啊！哈哈哈哈哈！好威風啊！好威風啊！我閨蜜是影后！我閨蜜是影后！」
言詞間感受到Ada、陳法蓉幾咁戥好姊妹開心！相中見到Ada拎住個獎杯擺出好似自己拎嘅表情，非常搞笑。
另外大合照中，仲見到好姊妹陳法蓉、洪欣仲有朱茵老公黃貫中都有出席，場面熱鬧。
有自己愛嘅人咁為自己開心，難怪朱茵笑得咁開心，相信呢日對朱茵嚟講，一定好難忘！
（on.cc 東網）
吳若希16年初大方公開與被形容是「澳門闊少」的Alex Ho拍拖，但同年9月，又突然高調宣布分手，但之後Jinny傳出懷孕停工，二人戲劇性復合兼在今年產女並結婚。
談及與Alex的戲劇性愛情故事，吳若希首先直認Alex是她的歌迷：「Alex的確係我嘅歌迷，事關拍拖後，我檢查佢手機以往嘅紀錄，佢用我嘅歌詞去冧EX囉，哈！」
吳若希透露，Alex於2015年底邀她往澳門剪綵令二人相識，之後Alex要求Jinny介紹風水師父給他，繼而接觸多了男方再展開追求。
Jinny坦白承認二人一度分開是因為吵架，繼而發現懷孕令二人復合，她說：「分開後，其實大家都唔捨得對方，我心知嗰時對佢發好大脾氣，但亦因為發現佢某啲事講大話。有咗BB後，係『唔知點算』，有考慮係咪唔要個BB，但真係做唔出，好快就決定要生落嚟，知道後再話畀佢知，好快有共識呢段關係要走落去。」
原來二人再走在一起，互相坦白提出條件，佢話：「『以後發脾氣唔准掟嘢！』我話：『好！但你以後唔准對我再講大話！』」因為雙方坦誠，令呢段關係修成正果。
吳若希坦言生下囡囡淼淼後，丈夫很疼錫女兒，夫婦關係更好，老爺奶奶也支持她復出幕前工作，不過為何二人4月產女後於10月10日才在港註冊成為正式夫婦。
（on.cc 東網）
陳敏之帶同囝囝雷子樂出席無綫新劇《性在有情》宣傳。 
陳敏之笑指現時尚在哺乳期，囝囝已11個月大，欲餵至1歲才戒人奶，她謂：「咁樣個仔皮膚又靚啲，健康啲，冇乜病痛，就算病都好快好番，所以趁我有咁嘅精神，唔使拍劇，餵到就餵啦！」
問到聖誕節可會帶囝囝出埠，敏之指屆時會留港度聖誕，更會與囝囝慶祝1歲生日。她謂：「依家準備緊，到時個派對背景會布置成馬戲團咁，阿仔好鍾意動物，但未知到時同佢點打扮。」
敏之更指現時三分二時間照顧囝囝，囝囝生日比自己生日還要緊張，反而老公實際一點，較為緊張囝囝升學問題。
談到囝囝快將1歲，敏之透露也有意生個女，但會待囝囝入學才考慮。
（on.cc 東網）
鄭俊弘（Fred）出席無綫籌款節目《歡樂滿東華2017》，對於女友何雁詩被指現身老友陳嘉寶婚宴時發酒癲兼自稱單身，Fred坦言不明為何有如此炒作新聞。
問到女友酒量如何，他謂：「平時都係飲幾杯，冇發酒癲，當日我有工作冇去。」
問到仲係唔係情侶關係，鄭俊弘表示：「係拍拖，OK嘅，女友都回應咗！（佢呢排唔開心？）冇事，笑一笑就算啦！」
問到有冇了解女友喺嘉寶婚禮嘅狀態，鄭俊弘：「唔知，佢成班朋友一齊冇問題。（有指女友發酒癲時，全程由甄澤權照顧？）佢負責變魔術畀佢(何雁詩)睇咋嘛!呢啲都炒作出嚟嘅啫！」
(on.cc 東網)
曾演出無綫劇集《燦爛的外母》的藝人朱敏瀚，近年嶄露頭角，在不少劇集中都能看到其身影。
入行初期的他曾與樂瞳傳過緋聞，及後又與無綫小花蔣家旻撻着，可惜戀情無疾而終。
單身多時的朱敏瀚，日前拖住一名女子現身街頭。
雖然被不少途人認出，但他一於少理，更拖住該女子到一間飲品店買飲品。
等候期間二人表現親暱，似乎關係匪淺。
有媒體翻查朱敏瀚及女方的社交網站後，發現二人有不少親密合照。
當中不乏抱抱及頭貼頭的相片，相信已發展了一段時間。
(on.cc 東網)
張美妮與老公KK結婚4年，一直過着幸福的少奶奶生活。
雖然美妮不時都有參與無綫綜藝節目及劇集拍攝，但由於老公做生意，故美妮做賢內助之餘，都希望幫對方手。
他們繼之前於沙田開了餐廳後，最近亦於天水圍大型商場開設了一間餐廳，美妮現時暫停手頭上的工作，經常到餐廳幫老公打理生意。
適逢聖誕節將至，美妮親自到餐廳布置一番。美妮坦言老公近幾個月都忙於籌備餐廳各樣，一手一腳都相當辛苦，問到她甚樣協助老公時，美妮謂：「我依家放假，盡量盡我能力畀一個溫暖嘅家佢，雖然屋企有工人，但我都會自己親自下廚煮或煲靚湯等老公返嚟飲。」
問到她有否興趣做生意，她又謂：「其實都有㗎！我都同老公講過，不如畀我去餐廳幫手，點知佢叫我咪搞！（想你專心做少奶奶？）可能係啦！佢都想我多啲時間喺屋企，唔好咁辛苦，但我始終對幕前工作有興趣，所以唔會停晒，呢兩年會盡量做少啲，休息吓！」
問到休息係咪因為趕住生B，美妮表示：「都係！我哋都好鍾意小朋友，都努力緊。」問到會否再接拍劇集，她說：「真係有發揮嘅都會拍吓！要睇劇本同角色。」
（on.cc 東網）
賴慰玲的BB快將出世，身邊好姊妹亦替她緊張！
新婚的陳嘉寶（Anjaylia）自認做契媽：「我成日摸佢個肚叫BB要乖、要聽話，仲話契媽錫晒你，咁佢哋冇反對，我就當咗係！」
問到賴慰玲做咗媽媽之後點，Anjaylia就表示：「佢好多時都好敏感同緊張，驚自己唔夠瞓，又驚咁樣做有冇影響BB，咁我相信第一次懷孕嘅媽媽有咁嘅反應好正常！佢個人好樂觀，所以都冇咩嘢嘅。」
Winki的BB快將出世，一早自認要做契媽的好姊妹陳嘉寶（Anjaylia），於社交網上大讚Winki這輯大肚寫真靚之餘，仲「口快快」加咗句「乖契仔」。
唔少網民都推斷Winki佗嘅就係B仔。
(on.cc 東網)
賴慰玲即將生B榮升媽咪，預產期在本月初的她目前已全面停工待產。
她日前在女性攝影師好友操刀下拍攝大肚寫真，以靚相為十月孕期寫下尾聲。
賴慰玲笑言對好友信心十足，在對方指示下剝完一件又一件，最後僅剩下黑色喱士內衣，凸顯整個腹部的曲線美！
雖然自爆有更大膽的相片，但她只留給自己欣賞。
賴慰玲更表示BB還生日時首次向她「打招呼」，成為孕期中最難忘：「第一次胎動喺我生日出現，佢郁咗一下時我都仲懷疑緊，然後再等多陣真係郁喎！後來仲郁到個肚三尖八角咁，好搞笑！」
(on.cc 東網)
嫌虐待友人交託的4歲「大孖」女兒、昨日被捕的36歲及41歲女子，今日已被暫控以合共一項傷人罪，後天星期一（12月4日）九龍城裁判法院提堂。至於被虐女童則仍然情况危殆，在廣華醫院深切治療部留醫。
警方西九龍總區重案組高級督察鄔凱寧日前簡述調查的一宗虐兒案最新進展。鄔指昨日接獲一自稱家庭主婦報案，自言因「唔得閒」，將其4歲女兒交予自己兩名女性友人照顧約兩星期後，當昨日早上接回女兒時，發現女兒半昏迷，身體有多處受傷。
該主婦隨即帶女兒送廣華醫院治理，初步發現頭、手腳及身體都有多處可疑傷痕，遵醫生建議報警。警方初步調查後，暫列「意圖造成身體嚴重傷害」，交西九龍總區重案組第五隊跟進。到昨日下午警方在砵蘭街一賓館內，拘捕兩名分別36歲及41歲女子，通宵扣查。
據了解，報案人跟兩名女子是在獄中認識，當日原本是將一對孖女交予對方照顧，後因兩名女子表示「湊唔掂」，故報案人2日後接回細孖，留大孖予兩人繼續照顧，此後一直未再見過大孖。到今晨報案人接回大孖時發現事件，質問時對方只稱傷勢是大孖「撞邪、周圍撞」造成，與自己無關。
（明報）
