剛剛榮升爸爸冇耐嘅阿公語重深長咁同剛剛榮升人夫嘅。。。
蘇永康X側田X陳柏宇音樂會7月27日日係會展搞舉行，噚晚佢哋係新蒲崗綵排，即場合唱《男人KTV》，蘇永康(阿公)講起首《男人KTV》，佢話曾經想過翻唱呢首歌灌錄係新碟入面，但係雷頌德話佢點唱都無原唱歌者咁好，所以放棄咗，依家再有機會唱，好開心，仲要係原唱一齊唱，三個人每個人有自己風格。」
側田就話：「三個男人代表唔同階段，阿公有小朋友，陳柏宇啱啱結婚，我就仲未結婚。」呢一刻刻阿公就語重深長同陳柏宇講：「有仔趁嫩生。」陳柏宇即刻話：「得，我會努力。」之後佢哋一齊懷緬過去，側田慨嘆話：「嗰時覺得自己浪費好多時間。」阿公就望住陳柏宇話：「你細個染白，大個就唔駛染都白。」之後阿公講到阿仔鍾意食佢隻手指，佢笑住話：『唔知點解佢咁鍾意咬我手指，搞到我唔敢戴介子。到時會帶佢入去後台，想俾佢知道嗲哋嘅生活模式，之前都帶過佢出來，見林珊珊佢哋，係喊咗四秒，拍一拍佢就無嘢，所以改 咗佢個名叫做「淡定哥」！』
(蘋果日報)
小題大作﹖剛剛結婚冇耐嘅32歲無綫《東張西望》主持梁麗翹於社交網指自己。。。
32歲無綫《東張西望》主持梁麗翹於社交網指自己排隊搭𨋢時遭一名阿伯摸臀部，更用身體把她「推進」升降機裏，直至她大叫才停止。有網民留言指梁麗翹畀人摸沒令她「少忽肉」，為何要介懷；更有人指她反正已結婚，暗指她不需要小題大作。
對於被人摸臀部一事，梁麗翹接受東網訪問時謂：「我排緊隊搭𨋢，之後啲人出𨋢時，有個人就喺後面撞我咁推我入去，正常幾逼都唔會咁，我當時睇吓係咪手袋，但原來係個阿伯，之後我就即刻大嗌，當時全架𨋢冇人幫我，個阿伯仲話唔緊要，我即刻話『依家係你搏緊我懵呀！』佢即刻唔出聲！」梁麗翹又表示說出來是希望女性遇到這些事時都要出聲，對方認不認都好，都要保護自己先。她又謂：「令我覺得唔開心嘅係啲網民講啲咁嘅嘢，你又冇少忽肉？結咗婚就可以任人亂嚟㗎咩？」問到有否報警時，她謂：「都係嬲自己冇報警，因為嗰陣時間太趕，我鬧完佢之後，放咗佢一條生路。」
(東方日報)
早前有周刊爆料話佢哋兩個暗撻半年(https://goo.gl/ZSUw7U)，而朱晨麗今日就接受傳媒訪問。。。
講到有傳同何廣沛暗撻，佢話：「識我嘅人都知道，嗲人、挨身挨勢好唔係我，呢個幕後人員幻想能力真高，咪當送咗個封面俾我哋宣傳，好多謝觀眾咁鍾意呢套劇，而套劇又真係帶起咗好多人，連我哋都帶起咗，希望可以帶挈吓搵真銀。」
(蘋果日報)
雞蛋含豐富蛋白質，對大人和小朋友來說都有極佳的營養，平常我們買雞蛋，多按國家來分，原來也有雞蛋以不同種類來分類，今日來到大圍隆亨邨的街市，這裏有一檔雞蛋專門店，供應世界各地的蛋，包括粟米雞蛋、竹絲雞蛋和初生蛋。
據店員玉姐所講，竹絲雞蛋是烏雞生的蛋，蛋黃偏紅而富蛋香，味濃而滑嫩，女士吃尤其滋補。
初生蛋顧名思義是小雞變成母雞後生的第一隻蛋，體積較細小，味道較淡，小朋友吃最佳。
至於粟米雞蛋來自內地有機農場，以80%粟米再配殼物作為飼料，雞蛋較大隻，蛋白較嫩，味道亦清香，大家可以按個人喜好慢慢揀。
(東方日報)
家長要留心﹗如果小朋友。。。
隨着科技普及，不少學童都沉迷玩平板電腦，不知不覺成為「低頭族」，但由於衞生署的學生服務中心只為小五或10歲的學童檢查脊骨，或延誤學童的診治情況。兒童脊科基金推行「暑期學童脊骨大檢閱」，免費為學童檢查脊骨。
該基金亦就學童體態問題作調查，在去年9月至本月訪問了1392名學童，發現當中67.8%、即944人有體態問題。患體態問題的學童，當中65.9%為寒背，43.3%為高低膊，而24.4%則患上脊骨側彎。該會又指脊骨側彎會導致各種痛症及敏感徵狀，包括皮膚敏感、氣管敏感等，亦會導致頭痛、頸痛等情況。該會呼籲家長在日常生活應留意子女姿態及體態問題，並定期進行脊骨神經檢查。
脊骨神經科醫生陳鎰生指，學童患脊骨側彎有3個原因，包括書包過重、坐姿不正確及缺少運動。他指學童的書包重量應為小朋友體重的10%，一旦超過體重的12%，會導致重心前傾，長久會加重背部壓力。他又補充，學童常沉迷手機及平板電腦，但卻因坐姿不正確而導致脊骨彎曲，他們經常腰後凌空，導致腰骨無承托力，玩手機時頭會愈來愈低。他呼籲學童應抬高頭坐直，電話亦應呈水平線，若該櫈太高則要有腳踏，及緊坐貼椅背，又提醒坐了45分鐘亦要轉換姿勢。
陳又補充，由於脊骨彎曲壓著神經線，會導致不同痛症。他指脊骨錯位會令神經傳動不足，因而會使學童出現痛症，但強調每位學童均有不同情況出現。對於脊骨彎曲會否影響學童情緒，他則話暫亦未有太多醫學文獻支持。
(東方日報)
於2014年11月誕下囝囝，昨晚宣布將會榮升第2任媽咪的喜訊，恭喜恭喜！
現年39歲的日本潮模今宿麻美，昨晚宣布將會榮升第2任媽咪的喜訊，恭喜恭喜！
與形象設計師丈夫MASAH結婚4年的今宿麻美，於2014年11月誕下囝囝青馬，昨日她在Instagram上載照片自爆成功追多個，懷孕已20周。她自言沒想像過會成為兩兒之母，而且BB預產期為明年1月7日，剛好是她的生日，可謂是一個奇蹟！今宿麻美現時正與丈夫商量BB的名字，今後會視乎身體情況繼續工作，並表示會向世界上各位媽媽學習和努力。
(東方日報)
個個都咁開心﹗而爸爸阿Bob就話。。。
藝人林盛斌（Bob）昨日喜獲麟兒，太太為他誕下第四位小朋友，仲要係慈姑椗添，真係仲開心過六合彩呀！Bob於下午現身醫院，仲帶埋三個女兒一齊探Bob嫂同BB，全程開心到爆！
BB出世激動落淚
Bob接受訪問時透露，B仔有七磅重，母子平安，有份入產房的他，見到BB出世一刻登時激動落淚：「之前太太生BB都有喊，好感動，覺得好奇妙，好多謝醫護人員幫手，入到去畀太太支持，叫佢加油，不過佢應該聽唔到，因為佢喪叫喪嗌！」他又指太太患有妊娠糖尿，醫生不建議拖太耐，所以B仔早點出世會較好，原定預產期為八月底九月頭，怕再留在媽媽肚中達八磅時，太太會生得辛苦。
談到Bob嫂的身體狀況，他表示：「健康嘅，佢已經行到，今次係順產，見到BB有何B仔覺得好奇妙，因為未見過呀嘛！」
「呢胎係仔係天意」
他又表示在個人社交網站上有不少人恭喜他追仔成功，但他謂一直沒有這個想法：「我同太太都好鍾意小朋友，呢啲係天意，一家五口嗰陣已經覺得好美滿，後來太太話想生多個，去年話不如再生一個，今次係計劃好嘅，但係仔定女就順其自然啦！」
順產生大半粒鐘搞掂
談到太太患有妊娠糖尿，令人擔心B仔會有糖尿病，他表示目前醫生正在檢查，要睇BB的血糖指數，而太太目前未有大礙。被問醫生可有建議過開刀生？他說：「咁又冇，話之前都自己生今次都自己生啦，過程係痛，但生得好快，大半個鐘搞掂！」至於太太可有需要繼續食糖尿病的藥？他說：「要睇吓醫生點講，希望唔使啦！」
帶埋三個女兒來醫院的他，表示三個女都十分期待見細佬，來到不斷讚細佬靚仔，至於可有輪流抱細佬，他謂：「未，因為怕細菌，細佬要瞓箱，我都未抱呀，一家六口相仲未影！」他又指太太預計兩日後可以出院。
請第三個家傭照顧BB
至於他是否準備停工陪太太坐月？他說：「休息唔到，下星期有talk show，又要拍戲，成個九月都要做嘢，要返內地，加拿大同泰國做嘢，最快要忙到九月尾！」不過他已經請陪月照顧太太，又打算請第三位家傭去照顧BB。
最近因為《超時空男臣》而上位嘅何廣沛，人紅自然新聞，好似最近話佢以專注事業為理由，同前Donut成員周梓盈分手，點知今日有周刊報道指一直自稱單身嘅何廣沛，實情佢同朱晨麗拍《超時》戲假情真，暗撻半年！
報道話何廣沛同朱晨麗拍拖係公開嘅秘密，好多同劇嘅演員幕後知道，最初何廣沛都好怕醜，但係朱晨麗好識嗲人，又挨身挨勢，拍到尾聲嘅時候，試過企埋一邊頻頻咬耳仔，甚至有人試過見到佢哋私下約會！
雖然o依家大家都忙緊拍劇，不過何廣沛爭取時間去玩健身，實行要操fit自己，不過就同朱晨麗戴埋同款嘅眼鏡同情侶帽，暗玩情侶look，合體宣傳嘅時候，私下眉目傳情，明眼人一睇就知乜嘢事！報道仲話何廣沛之所以要低調戀情，亦唔想俾人話佢貪新忘舊而影響保護形象！
鹿茸、花膠、雞湯等常見補品並非每名女士均合用，更可能令子宮內膜異位和多囊卵巢症等不育成因惡化，反降低受孕機會。。。
為求得一男半女，不少夫婦試盡坊間奇方，購買名貴中藥食材補身，但若未經中醫師處方胡亂進補，結果可能弄巧反拙。有中醫師提醒，胡亂進補可擾亂體內賀爾蒙平衡。鹿茸、花膠、雞湯等常見補品並非每名女士均合用，更可能令子宮內膜異位和多囊卵巢症等不育成因惡化，反降低受孕機會。
女士不育原因錯綜複雜，例如輸卵管受損、子宮內膜異位和多囊卵巢症等，令卵子未能如常排出，或受精後無法成功着床。註冊中醫師張琛說，適當服中藥補身，有助改善子宮質素，強化西醫的輔助生育功效。例如女士注射排卵針後，服黑豆、陳皮、太子蔘等，能健脾利水，有助緩減胸痛、水腫等不適情況。不過，中藥進補需配合個人體質和不育成因，否則補品變「毒品」。
她舉例，價值不菲的鹿茸雖具補血養氣功效，但若使用不當，輕則引致燥熱和長暗瘡，嚴重可擾亂體內賀爾蒙平衡。從西醫角度解釋，鹿茸含大量動物雄激素，不少患多囊卵巢症等婦科病的女士，體內已缺乏雌激素或有過多雄激素，吃鹿茸後更難排卵。雞肉和雞湯等含較多激素的食物，患婦科病者亦忌多吃。
以滋補養顏見稱的花膠，煮熟後黏性強，進食後難以消化，令體內積存濕氣，血氣變差。據張的臨床觀察，子宮內膜異位患者食花膠後，有機會加劇經痛和經血倒流等問題，間接影響受精卵着床。有女士為緩和經痛，不時沖泡玫瑰花茶飲用，具行氣活血功效。但若懷孕而不知，飲用過量可增流產風險。
卅五歲的馬女士結婚六年，曾花費三萬多港元尋坊間補藥和食療補身，並向不同中醫求診三年多，仍未能自然懷孕。經轉介到西醫檢查後，才發現患多囊卵巢症。她最後接受人工受孕，三年前誕下一女，去年再誕一子。
張琛說，許多女士患病不自知，胡亂進補，愈補愈差。男女雙方在四十歲後難自然受孕，若有懷疑應盡早求醫，對症下藥。有意生育的男女平日宜少吃生冷食物，忌煙忌酒。
(東方日報)
53歲吳啟華主力喺大陸工作，出騷、拍劇、仲投資搞甜品店，瓣數多，今日有周刊指，吳啟華為咗養家，就算喺大陸嘅甜品店開到第10間，佢仍然好慳家，由月租十幾萬住畢架山豪宅，搬咗月租平一半嘅太子道西一幢「凶樓」，幢樓曾經有住戶跳樓，原來佢開支都幾大，要養前妻一家，又要照顧阿女吳熙兒嘅生活費。
吳啟華喺2007年同細佢21年嘅大陸女石洋子結婚，不過婚姻只維持7年，有傳太太石洋子係「大花筒」，不過吳啟華都冇介意，覺得女人買靚嘢好平常，吳啟華又覺得自己冇將婚姻處理好，所以佢俾前妻每月6萬作贍養費，據知囡囡熙兒係交由前外母照顧，吳啟華除咗要養囡囡之外，仲會俾前外母一啲家用，舉家去旅行又係吳啟華俾，佢呻過去日本使咗幾十萬，最後一日仲碌爆卡，據知佢都係想囡囡有家庭溫暖，先一齊去旅行，又話吳啟華o依家多數接拍網絡電影，一來開工時間短，有多啲時間見個女。
(蘋果日報)
