名模周汶錡（Kathy）為法籍老公Julien生咗兩個可愛嘅囝囝後，作為媽咪嘅佢時不時都喺社交網晒出囝囝嘅生活點滴，紀錄囝囝嘅成長，每次一出post，都必定成功呃like！
原來唔經唔覺Jacques已經兩歲大，呢日Kathy喺Instagram上載咗段Jacques彈琴嘅短片，留言話：「Special guest」
短片中，見Jacques坐喺鋼琴前彈出音調，雖然未真正學識彈琴，但見佢架勢十足，人仔細細已經對音樂好有天份，相信不久Kathy必定會栽培佢成為鋼琴高手！
(on.cc東網)
【四成防曬霜雌激素多】唔喺愈貴愈好 結果顯示：日本品牌最…
該公司引述世衞指引，類雌激素可引致癌症、生殖能力下降等問題，建議消費者小心選擇。。。
夏日炎炎，不少市民為防紫外光，都會使用防曬產品。水中銀(國際)生物科技有限公司，早前在市面選取了51款防曬霜作檢測，發現多達20種有雌激素成分，當中18個樣本超出該公司的安全標準；其中4個較嚴重樣本，每克被驗出接近一粒，如避孕藥般高濃度的雌激素。該公司引述世衞指引，類雌激素可引致癌症、生殖能力下降等問題，建議消費者小心選擇。
生物科技公司又以「轉基因鯖鱂魚」及「斑馬魚」作胚胎毒性測試，發現27個樣本為紅魚，亦即有待改善；而8個樣本為黃魚即合格；16個樣本則為綠魚，即品質卓越。
被檢測的防曬霜，價格由每毫升0.4港元至每毫升20.6港元不等，結果顯示平價防曬霜即每毫升1.7港元以下的17個樣本，59%為紅魚，12%為僅合格；每毫升4港元的20個貴價產品，亦有65%不合格，20%為僅合格。而中間價位的產品則有較好表現，14個樣本中57%為綠魚即品質卓越，意味價錢愈貴不代表品質愈好。
而51個樣本中，以亞洲品牌表現最理想，21個亞洲防曬霜樣本中，62%為品質卓越，僅19%為不合格。當中以日本品牌最好，11個樣本中9個為綠魚，僅一個不合格，韓國的3個樣本中則2個為綠魚、1個為黃魚。相反，27個歐美產品中，74%的樣本不合格，僅11%為品質卓越，當中3個德國樣本，全均為紅魚；而澳洲的3個樣本亦全為紅魚。
水中銀首席執行官杜偉樑指，類雌激素超出世衞的標準的18個樣本，不建議使用超過18.6克，而當中4個樣本更誇張，檢測到每克防曬霜含12,000至17,000納克類雌激素。若根據標準60公斤的成年人，每日攝取2克防曬霜，已超過世衞標準。
家庭科專科醫生周壯群指，防曬霜的化學成分能被皮膚快速吸收，並能經血液輸送到身體各部分。同時，防曬度高的產品並非塗抹一次便可用足全日，若持續出汗或進行水上活動，則需要補塗。他又建議可用雨傘遮擋太陽，及穿著衣物減少身體被太陽曝曬。
(東方日報)
【結婚十周年】首PO囝囝合照
內地女星黃聖依今年一月喺溫哥華為富商老公楊子生咗細仔後，一家四口非常甜蜜，今日黃聖依就喺微博上載多張家庭照，首次將兩個囝囝樣貌曝光，好得意！大仔仲同爸爸餅印一樣。
其中一張相見到黃聖依抱起細仔大晒長腿，已經係兩子之母嘅佢仍然好有少女味，難怪楊子都忍唔住大讚老婆：「歡迎辣媽回歸，雖然現在要叫你辣媽了，但在我的感覺中你還是個小姑娘」。
而黃聖依就好感性回話：「結婚10周年，有過風雨有過彩虹，珍惜眼前，期許未來。拍個照紀念一下，有你們的日子幸福、知足。爸爸媽媽愛你們，寶貝們！」
【謝雪心分享簡單有效保健心得】食早餐前…
真喺好簡單﹗人人都做到﹗而心姐就話佢試咗成年，真喺幾有效。。。
藝人出席2017-18年度「博愛月全港慈善籌款」開幕典禮，謝雪心認為現時除了醫藥之外，官立醫院亦非常緊張，她說：「博愛都有捐出一啲床位，好老實講身體健康好緊要，但唔到你話事。一個家庭有一個人唔舒服都會令成家好辛苦，所以好值得去多謝啲善長人翁。」她表示會在晚宴上唱歌讓大家開心，她說：「都有小小心意啦，開心吓，要多謝佢哋。」
Keep住修身
問到有甚麼保持身體健康的心得，謝雪心說：「我拍《深官計》嗰時，蕭正楠教我飲兩杯溫水，舊年開始已開始嘗試去做，飲完9個字後先再食早餐。如果9個字唔得就半個鐘，佢一定有佢道理嘅，因為溫水可以幫我哋調節血液循環。」她又分享最近學到的能夠讓有血糖高及高膽固醇減少血糖吸收的方法：「可以先食菜再食肉，最後先食飯，做足呢幾個步驟可以減少血糖吸引得勁。」除了以上兩種方法之外，謝雪心表示自7月從內地拍完劇回港後，現時有健身及帶同家中兩隻小狗一起游泳修身：「一星期會對狗仔兄妹去游兩日水，冇見隻狗一排佢直頭冇咗條腰，因為我唔喺度直頭唔玩唔運動。」
同羅蘭學習
對於有傳蕭正楠與女友黃翠如下年結婚，謝雪心認為是好事一樁，最喜歡就是頻頻有喜事，問到曾合作過的蕭正楠有否通知她此喜事，她笑言：「呢個未，我又唔係佢老爺奶奶。（你咁忙要搵你度期嘛？）呢個得，知道咗即刻度，我成日都度期去人哋婚禮。」謝雪心又坦言衷心向同場的羅蘭學習，表示很喜歡她的品德，又將會在無綫新劇《跳躍生命線》合作，她說：「羅蘭到時會幫我線面，痛都唔緊要，靚就得啦。」
(東方日報)
【一家四口出巡】郭晶晶囡囡首曝光
郭晶晶在今年4月份為霍啟剛生下了小女兒霍中妍，現在一家四口低調的幸福生活。女兒的樣子只是在剛出生的時候老公霍啟剛分享過出來，最近終於有媒體拍到了他們女兒的樣貌，原來他們一家四口外出度假。霍啟剛和郭晶晶分別負責一個孩子，一家人真幸福。
4歲大的兒子霍中曦（Lawrence）坐在行李箱上吃蘋果，相當的悠閑。
在過閘囗的時候，郭晶晶並沒有叫保姆幫她弄嬰兒車，而是將女兒抱起先給保姆，隨後自己親力親為的收起嬰兒車。弄完後立刻抱回自己的女兒，果然是一個好媽媽。
至於已經是4個月大的女兒手腳都很長，看來遺傳了媽媽的好基因。照片雖然有點模糊，但是隱約可以看到郭晶晶抱著女兒是相當開心的。
一向低調節儉的他們這次也帶了2個保姆過來機場，為什麼呢？原因很簡單，這次是女兒第一次搭飛機，所以兩位保姆負責把奶粉袋和各種嬰兒用品拿到機場。
去完溫哥華後，他們一家人的行程並沒有結束。他們還去了北京探望郭晶晶的父母，至於小女兒就沒有一起回北京，畢竟這麼緊密的行程對嬰兒來說很累。
當天有人拍到他們帶著兒子探完郭晶晶父母回程香港的畫面，夫妻倆人都戴著帽子，至於兒子就由霍啟剛抱著。這次沒有帶女兒出來，所以也沒有叫保姆同行。
行程這麼緊密，4歲大的兒子都打哈欠了。
郭晶晶走在前面左望右望的尋找自己的位置。
找到位置後兒子坐在了爸爸的大腿上，然後就有點想睡覺。
(騰訊)
【宣布有喜3個月】開心分享：預產日期係Alan嘅生日3月1日﹗
昨日喺社交網Instagram公布喜訊，上載一張超聲波照片，仲透露BB。。。
40歲美國男歌手Robin Thicke與拍拖兩年嘅22歲嫩模女友April Love Geary宣布搞出人命， April已經有喜3個月！
April昨日喺社交網Instagram公布喜訊，上載一張超聲波照片，仲透露BB預產期正係Robin亡父Alan Thicke嘅71歲冥壽：「Robin同我好興奮跟大家分享我哋有咗BB啦！預產日期係Alan嘅生日3月1日！」真係別具意義！據知April今次佗嘅係BB女，Robin跟分居老婆保娜柏頓（Paul Patton）所生嘅7歲大囝囝Julian已經知道喜訊，內幕人士爆料：「Robin同April喺本星期話咗畀Julian聽，Julian即刻勁興奮就嚟有個細妹！」
Robin同保娜至今仍未辦好離婚手續，就兒子撫養權一事未達成共識。二人於2014年宣布分開後，Robin於2015年5月公開與April嘅戀情，今次有喜係二人嘅首個愛情結晶品。至於Robin嘅視星父親Alan於去年12月因心臟病發離世，終年69歲。
(東方日報)
【梁家輝最後都係批准】靚女細孖Chloe入娛圈
今年59歲嘅影帝梁家輝，同老婆江嘉年早年生咗對孖女，大孖Nikkie(梁靜禧)同細孖Chloe(梁穎晨)今年已經25歲，慣咗外國讀書生活嘅佢哋，不時喺IG貼火辣比堅尼相，身材好樣夠索，加上星二代光環，就算唔入行，都已經受外界高度關注。
一直有報道指孖女讀完書後，有意步老竇後塵加入娛圈，近年二人亦不時被邀出席活動，但講到話要瞓身入行，就始終過唔到嚴父一關，梁家輝就曾經講過：「完全冇考慮過！都冇聽過佢哋想唱歌拍戲！」斬釘截鐵毫無轉彎餘地。
不過一直處心積累誓要入娛圈嘅細孖Chloe，近日終於突破老竇嘅防線，早前處女下海接拍時代廣場廣告宣傳短片《二人前後》，戲入面同翟威廉做情侶。
不過，今日就有報道指，即使對阿女開咗綠燈，但喺圈中人脈甚廣嘅家輝，就講明唔會插手幫Chloe，亦開出家規，唔准阿女簽死一間公司，諗住佢貪新鮮玩吓就算。
而同Chloe合作嘅翟威廉回應傳媒時就話：「同佢合作愉快，佢樣子清純，人好nice，大家合作好開心」。
(蘋果日報)
【失眠困擾15年】陳啟泰近年戒口瞓到變豬
另外，陳啟泰仲有一個經驗分享，如果有風濕膝蓋痛，原來係要戒食。。。
由陳啟泰、李蔓瑩同小占主持嘅ViuTV節目《晚吹——有病有真相》今日喺柴灣錄影，02年開始失眠嘅陳啟泰，多年來睇過唔少醫生都醫唔好，各種療法都試過，最後佢以食療着手，佢話：「食咗廿幾年寒冷嘢，o依家轉食溫和啲，慢慢去調和，o依家終於可以熟睡。」
陳啟泰仲有一個經驗分享，佢話：「關於風濕膝蓋痛，原來係要戒奇異果，因為我有超過兩個朋友戒咗奇異果，或者好酸嘅生果，係可以減少好多，甚至可以根治。」
(蘋果日報)
【心痛太太患癌期間仍幫手搞演唱會】梁漢文：佢病冇講畀人知
梁漢文（Edmond）將於（18號）起假九展舉行一連兩場《梁漢文我的另一半音樂會》，舉行過四次紅館個唱的他，自言在較細的九展場地開唱是「美事」：「我冇試過，恨咗過好耐搞個同歌迷近距離嘅騷，唱自己鍾意嘅歌，我唔介意收少啲歌酬，但製作上係同紅館一樣嘅。」問是否會賺少好多？他豪氣說：「錢係賺唔晒，況且賺錢機會仲有好多。」
Edmond為炮製一個紅館同不一定的演唱會，他想唱冷門及其他歌手的歌曲，如多年前，由台灣天王周杰倫為他作過，但沒有plug的歌曲，有謂周杰倫唱歌好「𦧲脷」，他說：「佢早期嗰啲冇咁『𦧲脷』㗎。（冇有再搵佢作歌？）冇啦。（太貴？）佢依家貴都好正常啫。」
Edmond的音樂會名為《我的另一半》，可會請太太林文慧（Karen）上台，他說太太會依舊做其服裝設計師，大讚太太：「唔好以為啲衫係買，全部都係佢親手設計、去畫，雖然有啲設計太女性化，我唔係咁接受，但經佢師傅修改就中性啲，可以着上台。」又說和太太常誤會了情侶裝，不過他太太覺得老士很抗拒：「有時做運動着埋同一個顏色，太太會叫我換咗去，（你次次都換？）唔係喎，咁我着先，點解要我換？係佢怕之嘛，其實我都唔鍾意着情侶裝㗎。」
問兩人是否從不吵架？他說婚前較多，但每次也是為小事而嘈，自認是個極愛整齊的人：「我唔可以容忍啲嘢亂咁擺，好似啲醬油用完要擺番喺原位，啲衫要分類同摺好囉，但太太就…隨意啲，咁我幫佢執囉。（會邊執邊黑面同「哦」？）都會㗎，我有我嘅堅持囉。」不過怕爆料後跪玻璃，他補充說：「佢依家整齊咗。」
問到太太曾患病，Edmond說最心痛是太太患病期間仍為他搞演唱會事宜，他說：「佢病冇講畀人知，最擔心係佢開會時不停吸二手煙。」Edmond謂和太太結婚多年最想跟她說：「感激佢對我好細心。」
(on.cc東網)
【陸永太太發聲明】保留一切法律追究權利
藝人陸永太太Reina（陳莉娜）昨晚透過社交網發聲明。。。
藝人陸永太太Reina（陳莉娜）昨晚透過社交網發聲明，指有關一位陳姓先生及某材料工程公司對外一切行為及或金錢糾紛，一槪與她無關，並強調若有人以她丈夫藝人身份向她作出任何要脅、騷擾等行為，她定會報警處理，並保留一切法律追究權利。
與生父關係疏離
身在丹麥工作的陸永剛透過短訊回覆東網，就太太出聲明一事，陸永說：「太太發出聲明入面所講嗰位陳生，就係太太嘅生父，但太太爹吔媽咪喺佢好細個就離咗婚，太太同爸爸一年食飯見一、兩次，但太太因為爸爸一啲欠債畀人騷擾、滋擾得好犀利。」
美容院不停受騷擾
陸永解釋太太在一年前跟朋友夾份開了一間美容院，美容院進行裝修時，就搵了這位做裝修工程的爸爸幫手，當工程完成時已經付清尾數，到美容院營業時，不停有不同部門的工人及其他人上來收錢，陸永說：「佢哋話收唔到錢，我哋先知道有件咁嘅事，期間佢哋受到相當多滋擾，又打電話騷擾，我太太都冇法處理到，之後太太索性退股離開間美容院，去到最近唔知係咪有另一啲債主，又去騷擾嗰間已經唔係屬於我太太嘅美容院，同時又打電話不停話要搵我太太出嚟，甚至最近仲話要搵埋我出嚟，所以我哋發覺咁嘅情況，其實嗰啲債主應該要搵陳生處理，呢個係佢自己私人事務，我哋已經幫唔到佢，其實喺呢件事發生之前，我哋唔知佢咩原因欠人錢，但我哋係有幫佢，當借錢畀佢，但當我哋知道呢件事後，不停遭人騷擾，我哋真係幫佢唔到，呢啲可能睇唔到仲有幾多嘅債。」
聯絡唔到
陸永表示即使他們要去幫陳生，都冇法做到，因為對方從不現身，他說：「我哋搵唔到陳生，我哋上幾次聯絡到佢，都係經中間人，某啲親戚嘅親戚先打到畀佢，每次佢都話會處理，但之後都冇處理仍然咁樣，所以我哋覺得好騷擾，我又擔心我太太，所以冇辦法下先出聲明。」