陳宇琛與前有線主播林佑蔚（Camille）今年年頭於牧師見證下舉行註冊簽字儀式。
日前二人亦於英國舉行婚宴。
雖然身在外地，但一對新人都有依傳統穿着婚紗、禮服外，都有穿着中式傳統結婚禮服。
新娘Camille換了多套婚紗，當中有露背、露腰。
期間亦向姊妹團拋花球，場面熱鬧。
婚宴中，Camille向坐在櫈上的老公陳宇琛大跳性感舞，之後更拉埋老公起身齊齊跳貼身舞。
(on.cc 東網)
【終於行禮】陳宇琛英國舉行婚宴啦！（多圖）
【強強做到嘢﹗】香香：我覺得佢好偉大
藝人岑麗香（香香）出席彩妝品牌開幕活動，笑言無論自己素顏或化妝的樣子老公都要喜歡，認為兩者都喜歡便「冇得輸」。而香香表示剛拍完無綫劇《溏心風暴3》，現正拍攝新劇《果欄中的江湖大嫂》，認為到外景拍攝雖然很熱，但跟一眾演員拍攝得很開心。
香香分享在拍攝時所遇到的難處，她在劇中飾演一名老師，需要用中文教導小朋友：「呢套係現代劇都好啲，如果古裝仲難。入面有句對白『玉不琢，不成器』，我仲以為係『琢』豬肉咁解。（有冇練咬字？）學緊，其他演員都好好，始終我中文係有限公司，佢哋會講一次我聽，再自己發音。（有冇跟黃光亮學粗口？）聽就聽得多，但講就未到嗰個Level。」
此外，香香更Sweet爆表示老公會一早送她出門口拍劇：「雖然拍劇好忙拍到2、3點，然後6、7點就出門口。但佢都會送我返工，我覺得佢好偉大，咁唔好意思問㗎嘛！我都會珍惜嗰半個鐘頭，好開心。」
(東方日報)
【媽媽一定要知﹗】BB餵食糊仔、粥仔有營新煮意﹗
BB去到大約半歲到，媽媽就可以開始試下餵BB食糊仔、粥仔﹗不過，煮糊仔、粥仔又有冇啲咩有營養、又好味嘅新煮意呢﹖
資深營養師李杏榆就有好介紹啦：
最愛紅菜頭
BB六個月大開始可以介入糊仔和粥仔等半固體食物，七個月開始粥仔可以多元化，每次粥可加磨爛的肉和菜，暫時一日兩餐，每兩天轉一次 （還有每天餐與餐之間吃水果)，每日密密餵。
蔬菜當中，其中一種最愛是紅菜頭。紅菜頭含有多種維他命和礦物質，包括維他命A,B,C, 鐵，鈣，鎂，鋅，鉀，銅等; 而且含有豐富纖維，保持BB腸道健康。
而紅菜頭鮮豔的紅色，叫紅菜甜 (Betalalins), 是一種天然植物色素，有強大抗氧化功能，包括抗炎，提升身體免疫力等。
另外，吸收唔晒的紅菜甜會隨大小便排出，所以食完紅菜頭後有紅色WeeWee同紅色PooPoo屬正常，不用擔心。
(資料來源：資深營養師 李杏榆 / 授權分享; LuxMed逸苗全力支持）
【母乳媽媽注意】營養師教路：十大噴奶食物
資深營養師：「母乳媽媽，天不怕，地不怕，生仔陣痛幾十個鐘都不怕，只怕兩件事：一怕唔夠, 二怕塞」。。。
愈來愈多媽媽加入餵母乳行列，不過就唔喺每位都咁順利，唔少媽媽都有奶量不足嘅問題，不過放心，資深營養師李杏榆有方法﹗
十大噴奶食物 – 外番篇
母乳媽媽, 天不怕, 地不怕, 生仔陣痛幾十個鐘都不怕, 只怕兩件事: 一怕唔夠, 二怕塞. 哺乳初期, 經常擔心奶量不足, 上天下海搜尋增奶食物, 但凡有朋友有報導有傳聞有幫助的, 統統不放過. 不過中西方的增奶食物略有不同, 今次先來個西方飲食建議先, 下次再來中式的.
1. 葫蘆巴籽 – Fenugreek seeds, 是一種植物種籽, 中東, 中國都有, 可用於調味, 亦有茶包, 以及補充劑形式.
2. 茴香籽-Fennel Seeds, 亦是植物種籽, 主要產於印度等地. 與葫蘆巴籽一樣, 可用於調味, 亦有茶包, 以及補充劑形式
3. 黑芝麻 – 黑芝麻粉的芝麻香味很重, 但其實沒什麼味道, 與加了糖的芝麻糊完全不一樣. 芝麻含高鈣質, 鎂和銅, 以及其他微量營養如鐵, 維他命B, 鋅等. 黑芝麻可磨成粉 (於健康食店有), 加入麥皮吃.
4. 燕麥 – 燕麥含蛋白質, 澱粉質, 水溶性纖維, 以及其他微量營養如鐵, 鋅, 維他命B等, 是低熱量, 高營養的食物. 如剛提及, 不妨配豆漿及黑芝麻粉一同食用
5. 黃豆 – 黃豆含優質蛋白質, 低脂, 不含膽固醇, 而當中的大豆異黃酮, 與女性的雌激素分子結構相似. 每天一杯豆漿, 或蒸煮豆腐, 甚至一碗少甜的豆腐花, 都是有營養的食物.
6. 三文魚 – 三文魚, 吞拿魚, 鯖魚等深海魚富含奧米加三脂肪酸 (Omega-3 Fatty Acids), 為BB腦部發育的重要營養 (所以奶粉廣告經常標榜含額外奧米加三, 或DHA (奧米加三的一種). 哺乳期間避免進食未經煮熟的肉類, 所以吃煎或蒸的三文魚較好.
7. 杏仁 – 杏仁含好的不飽和脂肪酸, 纖維, 蛋白質, 及維他命E. 原焗杏仁可以當零食, 杏仁粉可加落食物, 杏仁奶可沖穀物早餐, 代替牛奶.
8. 大麥 – Barley, 是穀物類食物, 含鎂, 纖維, 及其他微量營養, 可加入米飯, 或做湯, 或用大麥加麵粉做麵包, 市面上亦有大麥做的穀物類早餐.
9. 酵母 – Brewer Yeast. 雖然啤酒含大量酵母, 但母乳媽媽應減低酒精攝取量, 所以可考慮補充劑
10. 水 – 雖然不算是食物, 但飲水確實對奶量有幫助. 以每次哺乳前後兩杯暖水計算, 初生的母乳媽媽一天起碼4公升水, 未計其他食物飲料. 所以如何奶量少, 首先回想一下今天飲水是否足夠, 可能飲多兩杯暖水已經回復狀態, 未必需要其他食物外援呢.
(資料來源：資深營養師 李杏榆 / 授權分享)
【母乳媽媽注意】營養師教路：十大噴奶食物 – 中式食材篇
上次提及到十種有助增加奶量的食物/飲料，今次再介紹十種坊間常用的增奶食品。。。
十大噴奶食物 – 中式食材篇
上次提及到十種有助增加奶量的食物/飲料，今次再介紹十種坊間常用的增奶食品：
湯水 – 中國人愛飲湯, 幾乎什麼材料都可以加水煲成湯. 哺乳媽媽最常飲湯的材料包括魚, 黑豆、花生、豬展、木瓜、章魚乾, 雞, 紅豆, 蓮藕等, 其實這些都是高蛋白質的食材. 蛋白質是母乳的其中一種重要成份.
主糧 — 蛋白質豐富, 又較低致敏原的食物, 包括豆腐, 八寶粥, 蒸魚, 果仁, 黑木耳, 蒸豬肉/雞肉, 瘦牛肉等.
至於有人建議用豬手, 雞腳煲湯, 或每日飲兩杯鮮奶, 食紅豆沙, 芝麻糊, 雞油飯, 麻油雞等, 這些都是高脂肪高熱量的食物. 雖然說母乳需要有脂肪, BB才會覺得飽, 但那少少脂肪, 是在慢慢幫媽咪消耗懷孕其間儲下多餘的脂肪, 所以飲食中並不需要刻意額外補充油份, 否則會 “越餵越肥”, 但肥在媽媽身上呵~~
(資料來源：資深營養師 李杏榆 / 授權分享)
想知更多: https://www.facebook.com/AnnieLeeDiet
【營養師教路】BB發牙痕食咩好﹖
BB半歲開始出牙仔，容易發牙痕，但凡在手中的都會放入口咬咬，又口水長流。。。
BB 半歲開始出牙仔，容易發牙痕，但凡在手中的都會放入口咬咬，又口水長流。
見好多朋友媽咪都會比較容易緊張，一見BB放物件又口就立即喝停 “NO!”。BB未知發生什麼事，只見到媽媽一副驚嚇樣，最常聽到是個 “NO”字，久而久之會對這個 “NO” 字免疫，反正媽媽什麼都是NO NO NO。
BB放物件入口，除了因為發牙痕，其實亦正處於探知期階段，透過不同觸覺去認知新事物。
如果唔想BB亂放物件入口，可以自製健康小食。不用想得太複雜，簡單灼菜心 (要粗莖的，不要菜心苗)，迷你甘荀 (一袋很多條，超市有)，玉米筍 (即小粟米)，都是健康又方便的止牙痕小食。
如果外出唔方便，亦可用米餅，乾果條等。
待出多幾顆牙，就可以自己吃一截截的粟米了。
天然食物有味又有營養，千萬不要貪方便，買蛋糕糖果等來氹BB，健康的飲食習慣一定要從小培養啊。
(資料來源：資深營養師 李杏榆 / 授權分享)
想知更多: https://www.facebook.com/AnnieLeeDiet
【專家話你知】打C Egg （打嗝）點算好？
嬰兒飲奶要掃風是常識吧，但明明掃完風，BB愉快地排出一啖胃氣，過不久突然會聽到BB開始發出「Egg」「 Egg」聲。。。
嬰兒飲奶要掃風是常識吧，但明明掃完風，BB愉快地排出一啖胃氣，過不久突然會聽到BB開始發出 “Egg” “Egg”聲，打起嗝來，唯有又抱起，繼續掃風了。
打嗝，俗稱”打C Egg”, 肯定任何人都試過，亦一定聽過不少似是而非的民間方法，包括閉氣，飲凍水，食糖，食花生醬，突然嚇一嚇，整喊BB, 甚至是大力拉條脷出來，或放個碗在頭上，用筷子篤篤篤等。究竟邊個方法最有科學根據呢？
打嗝其實是胸肺中的橫膈膜肌肉出現刺激和陣發性的痙攣而引致。吃得太快，太飽，飲了有氣飲料，進食時吸入空氣，太緊張或太興奮等，都容易引致打嗝。
上網翻查有關打嗝的研究，原來到現時仍未有一個有科學根據，又一定有效的打嗝方法，以上方法都是根據個別經驗而得，並非萬試萬靈。
至於嬰兒打嗝，預防方法包括減慢餵奶速度，勤於掃風，讓BB飲奶時坐直少少 (大約45度), 別平躺著飲奶等。
嬰兒打嗝一般只持續短時間 (數分鐘), 亦對BB健康無礙，父母不用過於擔心。不過如果持續打嗝超過48小時 （特別是成人），就不應掉以輕心啦，因為有可能是一些慢性疾病，例如肺和呼吸道功能異常，腸胃問題，甚至是腫瘤等，最好找醫生檢查一下。
(資料來源：資深營養師 李杏榆 / 授權分享)
【鑑貌 “便”色】便便 ___ 色, 正常嗎?
便便 ___ 色, 正常嗎?
營養師李杏榆剛剛分享：
「今日見個客, 她說最近便便呈綠色, 問是否有病? 還是因為吃了太多菜而令便便變色.
正常便便顏色應該是淺至深啡色, 如果飲食習慣改變, 例如進食某些深色或含色素的食物, 有機會令到便便 “染色”. 不過, 如果飲食同平時差不多, 但便便顏色異常, 則有機會是身體發出疾病的警號. 例如內出血, 腸發炎, 痔瘡等, 要小心留意.
以下是不同顏色的便便可能的成因和健康問題:
綠色便便 – 除了因為進食大量深色蔬菜外, 或有色素的飲料 (如雞尾酒), 有可能是食物臑動太快, 膽汁未能及時分解, 容易於腹瀉時出現;
灰/白色便便 – 有機會是膽汁分泌不足, 或膽管阻塞.
黃色 / 油便便 – 進食太多脂肪食物, 或身體因某些疾病影響脂肪代謝消化, 如胰臟炎, 膽石, 腸炎, 甚至食物敏感等;
紅/黑便便 – 如進食紅菜頭, 或飲紅酒, 會令便便變紅/黑色. 另外, 亦有機會是消化系統內出血. 不過, 整個消化管道由食道開始, 至胃, 大小腸等, 可能是任何位置. 如果紅/黑便便持續, 不容忽視, 應找醫生作詳細檢查.
所以, 每天有便便, 都未必代表正常, 記得每次便後, 沖廁前望望, 可能身體有些私人密碼要通知你」
(資料來源：資深營養師 李杏榆 / 授權分享)
【產後補身食咩好﹖】日日隊酒好唔好﹖（雞酒）
生完要補就喺人都知啦﹗不過，識補應該要點補﹖營養師。。。
除了豬腳薑, 另一種產後熱門補品是令人又愛又恨的煮雞酒.
雞酒, 一般材料為雞 (通常用成隻雞煮), 黑木耳, 紅棗, 薑, 糯米酒, 或加麻油或糖.
雞有高營養價值，特別是蛋白質, 以前經濟環境許可的婦女會每天吃一隻雞補身, 而黑木耳, 紅棗有活血, 補氣血作用. 至於糯米酒, 除補氣血, 亦可促進血液循環.
但雞酒煮成後, 十分高脂多油. 就算努力撇走浮面的油, 依然很肥. 而且糯米酒經煮熟後, 酒精已揮發得七七八八, 一點沒有喝酒的感覺, 但酒精的卡路里還在, 於是一路食一路覺得好肥.
要補充同樣營養, 不如自製三色蒸雞飯. 依然可以用雞件 (不過去皮), 木耳, 紅棗, 薑, 更可加入糙米和燕麥, 更多纖維之餘亦有更高營養價值. 全部材料放入飯煲, 只要煮多一碗菜已經夠營養均衡, 最適合忙碌的新手媽媽.
所以產後補身一定是重要的, 但亦要依據個人口味, 飲食習慣作出調整, 否則產後進補變成了一件苦差之餘, 亦容易越食越肥.
#營養師 #AnnieLee #產後進補 #雞酒 #黑木耳 #糯米酒 #蒸雞飯 #補氣血
(資料來源：資深營養師 李杏榆 / 授權分享)
想知更多: https://www.facebook.com/AnnieLeeDiet
【產後食豬腳薑﹖】媽媽唔駛咁驚青
紅雞蛋, 豬腳薑, 甜醋份外香﹗不過好多女士都會怕豬腳薑好油、好肥，營養師Annie就話。。。
紅雞蛋, 豬腳薑, 甜醋份外香!
這首由細聽到大的廣告歌, 令好多媽媽根深諦固相信產後必定要吃豬腳薑 (當然亦要派給親朋好友). 難題是, 未必所有女性喜歡吃酸的食物, 而且動物的皮又肥, 又高膽固醇, 甜醋又高糖. 所以很多新一代媽媽對豬腳薑十分抗拒.
但長輩一味話對身體好, 一定要吃. 另一個方法不妨解構內裡的營養, 然後自己以其他食物 “西當中吃”.
首先, 豬腳薑有薑, 甜醋, 豬腳和蛋. 產後婦女氣血流失, 易怕冷, 而中醫角度薑有驅風及散寒的效果. 其實煮什麼都可以放幾片薑, 甚至磨薑汁加少許黑糖做黑糖薑茶, 代替平時飲一兩杯水.
至於豬手/豬腳, 用醋煮, 會容易釋出膠原蛋白與及鈣質. 新鮮食物中除了海參, 花膠等珍貴食材含膠原蛋白, 牛筋, 魚肚等都有, 而且多吃優質蛋白質食物, 身體自然識得自己製造. 另外, 維他命C有助促進體內膠原蛋白合成, 所以除了食肉飲奶, 亦同時要進食不同顏色的生果.
而豬腳薑內的雞蛋, 都是補充蛋白質啦. 好的蛋白質, 多喝魚湯, 雞湯或豆湯營養價值一樣高, 哺乳前後要多補充湯水, 比只喝水口感好些.
(資料來源：資深營養師 李杏榆 / 授權分享）