張繼聰（阿聰）最近一家四口出外旅遊。
估唔到佢哋去旅遊都不忘做GYM，為咗要保持完美嘅身材，認真勤力呀！
呢日阿聰就喺社交網同網友分享一張佢同太太謝安琪喺GYM room嘅相，唔少網民都大讚謝安琪清減不少。
難怪阿聰亦都留言表示：「去旅行，最緊要有GYM Room，唔係點擺Pose？係咪先？ Btw，成日比人話肥咗，我表示唔解釋。」
另外一張相，仲見到阿聰晒出兩位小朋友嘅相，阿聰仲抱住囡囡在懷中，場面溫馨！
（on.cc 東網）
【謝安琪修身好成功！】張繼聰一家四口旅行超溫馨
【肥到要用替身】張彬彬投訴抱唔郁迪麗熱巴
迪麗熱巴自加盟楊冪工作室後星途一片光明，參演內地劇《三生三世十里桃花》及綜藝節目《奔跑吧兄弟》令其人氣急升。
最近還與成龍合作英皇電影《解憂雜貨店》，劇集方面則有與舊拍檔張彬彬合作《秦時麗人明月心》。
不過近日張彬彬現身內地綜藝節目時，卻踢爆熱巴體重上升。
他謂:「記得之前跟她拍戲，可以很輕鬆把她抱起，但是《跑男》回來後，熱巴體重明顯飆升，抱上幾秒已經令我很吃力，實在抱不動，後來導演就叫替身上，所以大家看到的那段戲就是熱巴替身來的。」
（on.cc 東網）
【扯頭髮「咬」手仔】梁家輝大女見到B女嗒哂糖
影帝梁家輝早前與太太及一對孖女Chloe及Nikkie到馬爾代夫享受陽光與海灘，孖女在社交網上載泳衣照晒噴血身材，獲大批網友讚索。日前大孖Chloe打扮密實，與女友人及B女現身中環商場。見她對名店全無興趣，只顧與B女玩樂，十分有愛。
嘟嘴索吻
及後她們一行幾人到超級市場掃貨，Chloe化身保母，全程抱實B女不放手，更母愛氾濫不停逗BB玩樂，期間她向B女嘟嘴索吻，怎料B女突然伸出小手扯Chloe頭髮，她未有發嬲，反而捉實B女手仔錫錫及扮咬B女手仔來阻止。掃完貨後，Chloe將B女交回給女友人，見她依依不捨望實B女，然後齊齊搭𨋢離開。
(東方日報)
【真喺好感人】楊千嬅一度泣不成聲
歌手楊千嬅於會展舉行音樂會，吸引父母、弟弟、老公丁子高、歌手林欣彤、Yanny@Super Girls、Jessica@Super Girls、蘇麗珊及填詞人林夕捧場，請來王菀之、吳業坤、陳柏宇、鄧小巧、On仔@C AllStar及顏卓靈等人做嘉賓。
音樂會以音樂劇形式演繹，On仔與顏卓靈飾演一對拍拖到拉埋天窗的情侶。後來，台上出現一名抱住公仔的小男孩，千嬅先拖住對方再坐低唱歌給他聽，但小朋友全程表現得悶悶不樂，當對方落台前，千嬅問小朋友：「你係咪有句嘢同我講？」搞笑的小朋友大叫說：「請你滾落去。」惹來全場大笑，連千嬅都忍不住笑。
到音樂會尾聲，工作人員遞上一封信，千嬅一邊讀一邊淚流滿面，信中內容是千嬅的一位荷蘭女歌迷GiGi母親寫的，GiGi母親透露愛女早年做了開腦手術，最後手術失敗昏迷，一個月前GiGi終於甦醒，之後要重新學寫字、講嘢，GiGi第一筆便寫出「楊千嬅」3字，此時，千嬅已哭崩，不能說下去，要深呼吸後才說：「點解綵排時唔畀我睇？祝你早日康復，GiGi。」千嬅最後以《楊千嬅》結束音樂會。
(東方日報)
【準備去第3輪入學試】王浩信：我為囡囡感到驕傲
藝人王浩信到尖東出席聖誕亮燈活動，他以一身厚衣到場，他受訪時解釋謂：「啱啱喺英國拍《兄弟》外景返嚟幾日，返到嚟冇停過繼續開工，所以都有少少感冒。（太太陳自瑤又係唔舒服，因而缺席今日台慶綵排？）佢冇喎，頭先我哋仲一齊做運動。係咪溝通上有問題？如果通知咗佢會到㗎。（驚唔驚再被傳，係想避開本來都有份綵排蔡思貝？）唔關事嘅。」
請假去女兒入學試
王浩信又指將陪同女兒出席第3輪入學試：「我暫時請咗1日假。我哋報咗十幾間學校，而呢間心儀嘅學校就入去到第3輪面試嘞，我為囡囡感到驕傲，不過依家啲學校要求家長寫文去闡述自己對小朋友及學校嘅寄望。自中學後我都未寫過文章，好彩平時睇開劇本，有得學吓文法去表達自己意思。」
聖誕要開工
至於今年聖誕，王浩信相信要在工作中度過：「希望平安夜前後有少少時間可以陪吓屋企人啦。（最難忘嘅聖誕係點？）因為以前囡囡仲細，所以冇乜難忘嘢，但希望嚟緊可以為佢製造更多嘅回憶啦。之前帶佢上船玩，佢好開心，嚟緊相信有多啲機會嘅。」
(東方日報)
【熊黛林宣佈有喜】城城：對於有圈內朋友有好消息…
郭富城主演嘅電影《破‧局》今晚喺圓方舉行好友場，主角城城當然有現身，佢老婆方媛（Moka）喺老公做訪問期間，靜悄悄同媽媽前後腳入場，不過佢嘅芳蹤逃唔過記者法眼，行蹤曝光後，Moka都有應記者要求停低影相。
城城早排一索得女Chant，咁佢個舊愛熊黛林（Lynn）啱啱宣佈有喜，問城城知唔知？佢話：「如果大家有追蹤我嘅近況，都知道我忙緊拍戲，而我冇乜留意同關注娛樂新聞，對於我嚟講，我哋做娛樂圈呢一行，對於有圈內朋友有好消息，我哋都會祝福。」
好喇，唔講舊愛，咁講新戲啦，城城話多謝導演連奕琦同王千源，因為今次同一啲英國攝影師合作，自己都大開眼界，喺片中要演倒霉警察，係一個黑色幽默嘅故事，有別於自己以往演出嘅角色。近況呢，城城就忙緊拍由翁子江執導嘅電影《全球通緝令》，就同梁朝偉合作，城城話：「第一次同偉仔合作，好欣賞對方，自己去到唔同影展，人哋問我想同邊個合作，我都會話想同發哥同偉仔合作，咁發哥就合作過，今次就到偉仔。」
城城又話：「對手對自己嚟講都有唔同嘅挑戰，偉仔係自己好欣賞嘅演員，又好有魅力，亦都俾到好多衝擊自己，偉仔係一個好開心好認真嘅演員，大家私底下都有傾偈，似啲做運動嘅嘢，大家以為偉仔平時係一個好沉默嘅人，但其實佢都好鍾意傾大家有共同話題嘅嘢。」
(蘋果日報)
【影后的小小情人】湯唯激罕晒囡囡Doris照片！
湯唯下嫁韓籍導演金泰勇，去年8月誕下女兒Doris，現在已14個月大。
湯唯過往甚少出現於社交平台。
最近她都開始上載照片，其中一張小女孩背影照令人關注。
照片中是小女孩梳著2條辮子，看著手機的樣子，十分可愛。
湯唯寫道：「兩個小辮子，你喜歡嗎？」小女孩年紀與Doris相若，所以大家估計這就是湯唯女兒。
(明報即時娛樂)
【完美抽擊】三星新廣告寸爆蘋果 （有片）
蘋果公司推出的十周年紀念版手機 iPhone X ，用戶評價好壞參半，雖然首次推出的 5.8 吋全螢幕設計突破，不過頂部的「 M 字額」設計卻令人反感。其競爭對手三星近日推出最新廣告，短短一分鐘內狂抽 iPhone 落後於同期的 Android 手機，片段中更加插一名「 M 字額」男子排隊買 iPhone ，引起不少網民熱議。
整段廣告只有短短一分鐘，卻貫穿多代 iPhone 與 Android 手機的比較。廣告中的男主角本來是一名「果迷」，他先後使用多代 iPhone 並面對不同的問題，包括使用的 iPhone 3G 時經常遇到容量不足問題，不過當時的 Android 手機已經可以插入外置記憶增加容量。
使用 iPhone 5S 時，男主角與女友交換電話，對方利用觸控筆輸入電話，男主角則要利用手指在螢幕上笨拙地輸入；到 iPhone 7 時，男主角與女友一同跌進水裡，女友的三星手機因為有防水功能，成功拍下跌進水前的一刻，而他的 iPhone 7 則因為不防水而壞掉，此外，這時的 iPhone 因為耳機轉接頭不方便，與使用無線充電的三星手機形成強烈對比。
廣告的最後，男主角決定轉投三星陣營，當他經過一間 Apple Store 時看見門外排隊等候買新手機的人時，與一名「 M 字額」男子對望並微微搖頭。影片推出短短兩日已經錄得超過四百萬人次觀看，不少人都大讚廣告拍攝得相當細緻，但亦有網民揶揄廣告沒有記錄三星 Note 7 爆炸事件。
（SINA）
【品質安全項目不合格】多款維他飲品未能過關 包括維他檸檬茶
中國國家質量監督檢驗檢疫總局進出口食品安全局公布，9月有56批由香港維他奶國際集團有限公司出產的飲品，包括檸檬茶、菊花茶、石榴汁、芒果汁、蘋果汁等，因品質安全項目不合格，均遭深圳邊境口岸拒入境，當中原因包括「標籤不合格」、「超過保質期」及「損毀或殘缺」。
另外，據內地新華網報道，國家質檢總局新聞發言人於10月31日的例行新聞發布會上指，在未准入境的進口食品名單中，不含酒精的飲品再次成為不合格入境食品的「重災區」，不合格批數高達301批次，佔不合格進口食品總數的35.5%。而今次亦涉及產自香港的「維他檸檬茶」系列，是「網路熱銷茶飲產品」。
香港維他奶國際集團回覆有關查詢時指，經了解後，該批產品進口中國大陸前，並未得到維他奶公司的官方許可。公司強調，在香港生產和售賣的維他奶產品完全符合香港法規要求，而在中國內地生產和售賣，以及由本公司經銷進口的維他奶產品亦完全符合中國法規要求。
(香港01 / 新華網)
【感動全場！】祖藍亞男互動發表「愛的宣言」
王祖藍與太太李亞男以嘉賓身份亮相內地綜藝節目《快樂大本營》。
為了測試祖藍夫婦的恩愛及默契程度，主持何炅要求競猜太太的體重、回憶最近一次說「我愛你」的時間以及回答最不喜歡太太甚麼行為。
結果在回答「最不喜歡太太甚麼行為」時，祖藍大爆李亞男有潔癖：「比如我哋有時工作太忙，會唔想洗頭或者沖涼，就咁上床瞓，然後老婆會大叫：『細菌呀…細菌呀…細菌呀！』後來我就慢慢感覺我係細菌，所以以後我返到屋企冇有沖涼或者冇洗頭，我就習慣瞓梳化。」
李亞男聞言哭笑不得，祖藍再爆李亞男曾主動要求「冇沖涼」的自己一起睡，但祖藍的回應竟是：「唔好，我係細菌！」
李亞男只即冧爆說：「細菌我都愛。」這對夫婦真是既恩愛又調皮。
另外，祖藍又說雖然李亞男經常被騙，尤其是金錢方面，但他卻不介意：「冇辦法，單純就係咁樣，如果你愛佢單純，佢有時候就會畀人欺騙。但我要記住，我本來就是愛佢單純嘛！」愛的宣言即時感動全場。
祖藍又指其實每晚臨睡前，都會習慣性摸摸太太李亞男的頭、說一句：「LOVE YOU！」亞男亦甜蜜補充謂：「係，就算冇見面，我哋都會短訊或者視像講LOVE YOU。」真係sweet到爆！
（on.cc 東網）