另外，陳啟泰仲有一個經驗分享，如果有風濕膝蓋痛，原來係要戒食。。。
由陳啟泰、李蔓瑩同小占主持嘅ViuTV節目《晚吹——有病有真相》今日喺柴灣錄影，02年開始失眠嘅陳啟泰，多年來睇過唔少醫生都醫唔好，各種療法都試過，最後佢以食療着手，佢話：「食咗廿幾年寒冷嘢，o依家轉食溫和啲，慢慢去調和，o依家終於可以熟睡。」
陳啟泰仲有一個經驗分享，佢話：「關於風濕膝蓋痛，原來係要戒奇異果，因為我有超過兩個朋友戒咗奇異果，或者好酸嘅生果，係可以減少好多，甚至可以根治。」
(蘋果日報)
【心痛太太患癌期間仍幫手搞演唱會】梁漢文：佢病冇講畀人知
梁漢文（Edmond）將於（18號）起假九展舉行一連兩場《梁漢文我的另一半音樂會》，舉行過四次紅館個唱的他，自言在較細的九展場地開唱是「美事」：「我冇試過，恨咗過好耐搞個同歌迷近距離嘅騷，唱自己鍾意嘅歌，我唔介意收少啲歌酬，但製作上係同紅館一樣嘅。」問是否會賺少好多？他豪氣說：「錢係賺唔晒，況且賺錢機會仲有好多。」
Edmond為炮製一個紅館同不一定的演唱會，他想唱冷門及其他歌手的歌曲，如多年前，由台灣天王周杰倫為他作過，但沒有plug的歌曲，有謂周杰倫唱歌好「𦧲脷」，他說：「佢早期嗰啲冇咁『𦧲脷』㗎。（冇有再搵佢作歌？）冇啦。（太貴？）佢依家貴都好正常啫。」
Edmond的音樂會名為《我的另一半》，可會請太太林文慧（Karen）上台，他說太太會依舊做其服裝設計師，大讚太太：「唔好以為啲衫係買，全部都係佢親手設計、去畫，雖然有啲設計太女性化，我唔係咁接受，但經佢師傅修改就中性啲，可以着上台。」又說和太太常誤會了情侶裝，不過他太太覺得老士很抗拒：「有時做運動着埋同一個顏色，太太會叫我換咗去，（你次次都換？）唔係喎，咁我着先，點解要我換？係佢怕之嘛，其實我都唔鍾意着情侶裝㗎。」
問兩人是否從不吵架？他說婚前較多，但每次也是為小事而嘈，自認是個極愛整齊的人：「我唔可以容忍啲嘢亂咁擺，好似啲醬油用完要擺番喺原位，啲衫要分類同摺好囉，但太太就…隨意啲，咁我幫佢執囉。（會邊執邊黑面同「哦」？）都會㗎，我有我嘅堅持囉。」不過怕爆料後跪玻璃，他補充說：「佢依家整齊咗。」
問到太太曾患病，Edmond說最心痛是太太患病期間仍為他搞演唱會事宜，他說：「佢病冇講畀人知，最擔心係佢開會時不停吸二手煙。」Edmond謂和太太結婚多年最想跟她說：「感激佢對我好細心。」
(on.cc東網)
【陸永太太發聲明】保留一切法律追究權利
藝人陸永太太Reina（陳莉娜）昨晚透過社交網發聲明。。。
藝人陸永太太Reina（陳莉娜）昨晚透過社交網發聲明，指有關一位陳姓先生及某材料工程公司對外一切行為及或金錢糾紛，一槪與她無關，並強調若有人以她丈夫藝人身份向她作出任何要脅、騷擾等行為，她定會報警處理，並保留一切法律追究權利。
與生父關係疏離
身在丹麥工作的陸永剛透過短訊回覆東網，就太太出聲明一事，陸永說：「太太發出聲明入面所講嗰位陳生，就係太太嘅生父，但太太爹吔媽咪喺佢好細個就離咗婚，太太同爸爸一年食飯見一、兩次，但太太因為爸爸一啲欠債畀人騷擾、滋擾得好犀利。」
美容院不停受騷擾
陸永解釋太太在一年前跟朋友夾份開了一間美容院，美容院進行裝修時，就搵了這位做裝修工程的爸爸幫手，當工程完成時已經付清尾數，到美容院營業時，不停有不同部門的工人及其他人上來收錢，陸永說：「佢哋話收唔到錢，我哋先知道有件咁嘅事，期間佢哋受到相當多滋擾，又打電話騷擾，我太太都冇法處理到，之後太太索性退股離開間美容院，去到最近唔知係咪有另一啲債主，又去騷擾嗰間已經唔係屬於我太太嘅美容院，同時又打電話不停話要搵我太太出嚟，甚至最近仲話要搵埋我出嚟，所以我哋發覺咁嘅情況，其實嗰啲債主應該要搵陳生處理，呢個係佢自己私人事務，我哋已經幫唔到佢，其實喺呢件事發生之前，我哋唔知佢咩原因欠人錢，但我哋係有幫佢，當借錢畀佢，但當我哋知道呢件事後，不停遭人騷擾，我哋真係幫佢唔到，呢啲可能睇唔到仲有幾多嘅債。」
聯絡唔到
陸永表示即使他們要去幫陳生，都冇法做到，因為對方從不現身，他說：「我哋搵唔到陳生，我哋上幾次聯絡到佢，都係經中間人，某啲親戚嘅親戚先打到畀佢，每次佢都話會處理，但之後都冇處理仍然咁樣，所以我哋覺得好騷擾，我又擔心我太太，所以冇辦法下先出聲明。」
【終於行禮】陳宇琛英國舉行婚宴啦！（多圖）
陳宇琛與前有線主播林佑蔚（Camille）今年年頭於牧師見證下舉行註冊簽字儀式。
日前二人亦於英國舉行婚宴。
雖然身在外地，但一對新人都有依傳統穿着婚紗、禮服外，都有穿着中式傳統結婚禮服。
新娘Camille換了多套婚紗，當中有露背、露腰。
期間亦向姊妹團拋花球，場面熱鬧。
婚宴中，Camille向坐在櫈上的老公陳宇琛大跳性感舞，之後更拉埋老公起身齊齊跳貼身舞。
(on.cc 東網)
【強強做到嘢﹗】香香：我覺得佢好偉大
藝人岑麗香（香香）出席彩妝品牌開幕活動，笑言無論自己素顏或化妝的樣子老公都要喜歡，認為兩者都喜歡便「冇得輸」。而香香表示剛拍完無綫劇《溏心風暴3》，現正拍攝新劇《果欄中的江湖大嫂》，認為到外景拍攝雖然很熱，但跟一眾演員拍攝得很開心。
香香分享在拍攝時所遇到的難處，她在劇中飾演一名老師，需要用中文教導小朋友：「呢套係現代劇都好啲，如果古裝仲難。入面有句對白『玉不琢，不成器』，我仲以為係『琢』豬肉咁解。（有冇練咬字？）學緊，其他演員都好好，始終我中文係有限公司，佢哋會講一次我聽，再自己發音。（有冇跟黃光亮學粗口？）聽就聽得多，但講就未到嗰個Level。」
此外，香香更Sweet爆表示老公會一早送她出門口拍劇：「雖然拍劇好忙拍到2、3點，然後6、7點就出門口。但佢都會送我返工，我覺得佢好偉大，咁唔好意思問㗎嘛！我都會珍惜嗰半個鐘頭，好開心。」
(東方日報)
【媽媽一定要知﹗】BB餵食糊仔、粥仔有營新煮意﹗
BB去到大約半歲到，媽媽就可以開始試下餵BB食糊仔、粥仔﹗不過，煮糊仔、粥仔又有冇啲咩有營養、又好味嘅新煮意呢﹖
資深營養師李杏榆就有好介紹啦：
最愛紅菜頭
BB六個月大開始可以介入糊仔和粥仔等半固體食物，七個月開始粥仔可以多元化，每次粥可加磨爛的肉和菜，暫時一日兩餐，每兩天轉一次 （還有每天餐與餐之間吃水果)，每日密密餵。
蔬菜當中，其中一種最愛是紅菜頭。紅菜頭含有多種維他命和礦物質，包括維他命A,B,C, 鐵，鈣，鎂，鋅，鉀，銅等; 而且含有豐富纖維，保持BB腸道健康。
而紅菜頭鮮豔的紅色，叫紅菜甜 (Betalalins), 是一種天然植物色素，有強大抗氧化功能，包括抗炎，提升身體免疫力等。
另外，吸收唔晒的紅菜甜會隨大小便排出，所以食完紅菜頭後有紅色WeeWee同紅色PooPoo屬正常，不用擔心。
(資料來源：資深營養師 李杏榆 / 授權分享; LuxMed逸苗全力支持）
【母乳媽媽注意】營養師教路：十大噴奶食物
資深營養師：「母乳媽媽，天不怕，地不怕，生仔陣痛幾十個鐘都不怕，只怕兩件事：一怕唔夠, 二怕塞」。。。
愈來愈多媽媽加入餵母乳行列，不過就唔喺每位都咁順利，唔少媽媽都有奶量不足嘅問題，不過放心，資深營養師李杏榆有方法﹗
十大噴奶食物 – 外番篇
母乳媽媽, 天不怕, 地不怕, 生仔陣痛幾十個鐘都不怕, 只怕兩件事: 一怕唔夠, 二怕塞. 哺乳初期, 經常擔心奶量不足, 上天下海搜尋增奶食物, 但凡有朋友有報導有傳聞有幫助的, 統統不放過. 不過中西方的增奶食物略有不同, 今次先來個西方飲食建議先, 下次再來中式的.
1. 葫蘆巴籽 – Fenugreek seeds, 是一種植物種籽, 中東, 中國都有, 可用於調味, 亦有茶包, 以及補充劑形式.
2. 茴香籽-Fennel Seeds, 亦是植物種籽, 主要產於印度等地. 與葫蘆巴籽一樣, 可用於調味, 亦有茶包, 以及補充劑形式
3. 黑芝麻 – 黑芝麻粉的芝麻香味很重, 但其實沒什麼味道, 與加了糖的芝麻糊完全不一樣. 芝麻含高鈣質, 鎂和銅, 以及其他微量營養如鐵, 維他命B, 鋅等. 黑芝麻可磨成粉 (於健康食店有), 加入麥皮吃.
4. 燕麥 – 燕麥含蛋白質, 澱粉質, 水溶性纖維, 以及其他微量營養如鐵, 鋅, 維他命B等, 是低熱量, 高營養的食物. 如剛提及, 不妨配豆漿及黑芝麻粉一同食用
5. 黃豆 – 黃豆含優質蛋白質, 低脂, 不含膽固醇, 而當中的大豆異黃酮, 與女性的雌激素分子結構相似. 每天一杯豆漿, 或蒸煮豆腐, 甚至一碗少甜的豆腐花, 都是有營養的食物.
6. 三文魚 – 三文魚, 吞拿魚, 鯖魚等深海魚富含奧米加三脂肪酸 (Omega-3 Fatty Acids), 為BB腦部發育的重要營養 (所以奶粉廣告經常標榜含額外奧米加三, 或DHA (奧米加三的一種). 哺乳期間避免進食未經煮熟的肉類, 所以吃煎或蒸的三文魚較好.
7. 杏仁 – 杏仁含好的不飽和脂肪酸, 纖維, 蛋白質, 及維他命E. 原焗杏仁可以當零食, 杏仁粉可加落食物, 杏仁奶可沖穀物早餐, 代替牛奶.
8. 大麥 – Barley, 是穀物類食物, 含鎂, 纖維, 及其他微量營養, 可加入米飯, 或做湯, 或用大麥加麵粉做麵包, 市面上亦有大麥做的穀物類早餐.
9. 酵母 – Brewer Yeast. 雖然啤酒含大量酵母, 但母乳媽媽應減低酒精攝取量, 所以可考慮補充劑
10. 水 – 雖然不算是食物, 但飲水確實對奶量有幫助. 以每次哺乳前後兩杯暖水計算, 初生的母乳媽媽一天起碼4公升水, 未計其他食物飲料. 所以如何奶量少, 首先回想一下今天飲水是否足夠, 可能飲多兩杯暖水已經回復狀態, 未必需要其他食物外援呢.
(資料來源：資深營養師 李杏榆 / 授權分享)
【母乳媽媽注意】營養師教路：十大噴奶食物 – 中式食材篇
上次提及到十種有助增加奶量的食物/飲料，今次再介紹十種坊間常用的增奶食品。。。
十大噴奶食物 – 中式食材篇
上次提及到十種有助增加奶量的食物/飲料，今次再介紹十種坊間常用的增奶食品：
湯水 – 中國人愛飲湯, 幾乎什麼材料都可以加水煲成湯. 哺乳媽媽最常飲湯的材料包括魚, 黑豆、花生、豬展、木瓜、章魚乾, 雞, 紅豆, 蓮藕等, 其實這些都是高蛋白質的食材. 蛋白質是母乳的其中一種重要成份.
主糧 — 蛋白質豐富, 又較低致敏原的食物, 包括豆腐, 八寶粥, 蒸魚, 果仁, 黑木耳, 蒸豬肉/雞肉, 瘦牛肉等.
至於有人建議用豬手, 雞腳煲湯, 或每日飲兩杯鮮奶, 食紅豆沙, 芝麻糊, 雞油飯, 麻油雞等, 這些都是高脂肪高熱量的食物. 雖然說母乳需要有脂肪, BB才會覺得飽, 但那少少脂肪, 是在慢慢幫媽咪消耗懷孕其間儲下多餘的脂肪, 所以飲食中並不需要刻意額外補充油份, 否則會 “越餵越肥”, 但肥在媽媽身上呵~~
(資料來源：資深營養師 李杏榆 / 授權分享)
想知更多: https://www.facebook.com/AnnieLeeDiet
【營養師教路】BB發牙痕食咩好﹖
BB半歲開始出牙仔，容易發牙痕，但凡在手中的都會放入口咬咬，又口水長流。。。
BB 半歲開始出牙仔，容易發牙痕，但凡在手中的都會放入口咬咬，又口水長流。
見好多朋友媽咪都會比較容易緊張，一見BB放物件又口就立即喝停 “NO!”。BB未知發生什麼事，只見到媽媽一副驚嚇樣，最常聽到是個 “NO”字，久而久之會對這個 “NO” 字免疫，反正媽媽什麼都是NO NO NO。
BB放物件入口，除了因為發牙痕，其實亦正處於探知期階段，透過不同觸覺去認知新事物。
如果唔想BB亂放物件入口，可以自製健康小食。不用想得太複雜，簡單灼菜心 (要粗莖的，不要菜心苗)，迷你甘荀 (一袋很多條，超市有)，玉米筍 (即小粟米)，都是健康又方便的止牙痕小食。
如果外出唔方便，亦可用米餅，乾果條等。
待出多幾顆牙，就可以自己吃一截截的粟米了。
天然食物有味又有營養，千萬不要貪方便，買蛋糕糖果等來氹BB，健康的飲食習慣一定要從小培養啊。
(資料來源：資深營養師 李杏榆 / 授權分享)
想知更多: https://www.facebook.com/AnnieLeeDiet
【專家話你知】打C Egg （打嗝）點算好？
嬰兒飲奶要掃風是常識吧，但明明掃完風，BB愉快地排出一啖胃氣，過不久突然會聽到BB開始發出「Egg」「 Egg」聲。。。
嬰兒飲奶要掃風是常識吧，但明明掃完風，BB愉快地排出一啖胃氣，過不久突然會聽到BB開始發出 “Egg” “Egg”聲，打起嗝來，唯有又抱起，繼續掃風了。
打嗝，俗稱”打C Egg”, 肯定任何人都試過，亦一定聽過不少似是而非的民間方法，包括閉氣，飲凍水，食糖，食花生醬，突然嚇一嚇，整喊BB, 甚至是大力拉條脷出來，或放個碗在頭上，用筷子篤篤篤等。究竟邊個方法最有科學根據呢？
打嗝其實是胸肺中的橫膈膜肌肉出現刺激和陣發性的痙攣而引致。吃得太快，太飽，飲了有氣飲料，進食時吸入空氣，太緊張或太興奮等，都容易引致打嗝。
上網翻查有關打嗝的研究，原來到現時仍未有一個有科學根據，又一定有效的打嗝方法，以上方法都是根據個別經驗而得，並非萬試萬靈。
至於嬰兒打嗝，預防方法包括減慢餵奶速度，勤於掃風，讓BB飲奶時坐直少少 (大約45度), 別平躺著飲奶等。
嬰兒打嗝一般只持續短時間 (數分鐘), 亦對BB健康無礙，父母不用過於擔心。不過如果持續打嗝超過48小時 （特別是成人），就不應掉以輕心啦，因為有可能是一些慢性疾病，例如肺和呼吸道功能異常，腸胃問題，甚至是腫瘤等，最好找醫生檢查一下。
(資料來源：資深營養師 李杏榆 / 授權分享)