藝人胡杏兒今日（6日）38歲生日，上個月佢為老公李乘德生咗囝囝Brendan後，就一直喺屋企坐月。咁坐月點過生日好呢？杏兒梗係約埋一班好朋友、咪即係胡說八道會一班成員，好似胡定欣、李施嬅、胡蓓蔚、姚子羚、黃智雯一齊慶祝啦。相信一班成員為咗遷就坐緊月嘅壽星女胡杏兒，就齊齊去咗杏兒屋企慶祝。
生日派對個主題係以睡衣為主題，每位成員都着晒不同類形嘅睡衣出席，仲好大膽咁素顏上陣，其中姚子羚更唔介意以「表哥」小眼睛示人，認真大方！而胡蓓蔚則手抱連一個月都未夠嘅Brendan，仲撳住佢個額頭仔話Brendan教緊佢哋擺甫士。
李施嬅喺社交網上載咗生日會照片，仲留言話：「Happy birthday to偉大媽媽Myolie （胡杏兒）！見到你完全充滿愛，完全付出給BB和身邊的人，有點心痛你的辛苦但是很感動的。今年生日特別有意義，等我哋一齊陪你坐月啦。baby Brendon實在太搞鬼，表情多多，見到一班契媽的坐月妝都冇眼睇。Healthy and beautiful and happy always.#胡說八道會」
(東方日報)
現年43歲的藝人李漫芬（Fanny），今年2月與圈外男友談成坤結婚拉埋天窗，月前在社交網公布喜訊，表示造人成功現懷有身孕，她留言：「和大家分享一個好消息啦！謝謝這份天賜的禮物，我們要當爸爸媽媽了，定會好好享受這奇妙的過程！除了感恩，還是感恩！謝謝大家一直的愛錫和祝福！寶貝阿姨有了寶貝。」
現時懷孕約五個月的Fanny，為慈善義賣活動擔任司儀。穿上連身長裙的她非常小心，放棄高踭鞋以波鞋上陣工作，肚皮也愈來愈大！Fanny指因老公Alvin有工作在身，故她自己要求對方不用陪她出席活動。
(東方日報)
組合Super Girls的模特兒師妹鄧穎堯（YoYo）今日同拍拖8年半嘅富二代俊男Daniel Lee（李浩楠）拉埋天窗，有份擔任姊妹團嘅模特兒余香凝同埋歌手陳詩欣亦有喺社交網站上載眾姊妹與YoYo嘅大合照，見姊妹們同樣着上粉紅色姊妹裙，兩位仲好感性留言，余香凝說：「今日係2017年最好嘅日子！#三大金花嫁女 #鄧穎堯好靚 #靚爆姊妹團，」
至於陳詩欣則留言：「靚爆姊妹團，成班喊到傻，我愛你李太，以後有咩事，我都會第一時間企出來幫你。」至於新娘子YoYo亦有在社交網上載望着裙褂及同老公嘅合照，獲得不少網友送上祝福。
(東方日報)
有周刊日前踢爆熊黛林(Lynn)成功懷有郭可頌嘅骨肉，肚凸凸去書店，但佢嘅經理人Kim回覆周刊話要交番俾Lynn去答呢啲私人問題，噚日Lynn就以WhatsApp，簡單回覆一句：「多謝。」再問到陀B有無不適、預產期等，佢一概冇回覆。
但今日Lynn就喺微博公佈喜訊，佢留言話：「第一次，和寶寶一起開工，好奇妙的感覺！」正式承認有喜，真係恭喜Lynn同郭可頌呀！按照中國傳統要夠三個月先可以公佈有咗，Lynn今日忽然認有B，唔通剛剛夠三個月，終於可以同fans開心share。
(蘋果日報)
藝人（Lisa）育有三女一子，貴為「四B之母」嘅Lisa，照顧仔女嘅生活當然一啲都唔簡單，真係少啲精力都唔得呀！
呢日Lisa喺社交網上載多張帶小朋友去游水嘅相片，見到佢哋都穿上潛水衣，實行家庭裝上陣。相中見到Lisa仲拖住囝囝嘅手仔游水好有耐性咁教，媽媽咁用心，囝囝當然都要有一啲表示先得，所以另外嘅相，就見到佢對住Lisa又攬又錫，場面溫馨！囝囝咁識做，相信Lisa都一定冧晒啦，難怪佢都笑得咁開懷！唔少網民都大讚Lisa係個好媽媽，仲話有位咁錫佢哋嘅媽媽喺身邊，仔女真係好幸福，另外亦有人指陳浩民啲基因實在太強大，因為仔女同佢簡直係餅印呀！
(東方日報)
藝人林盛斌（Bob）今年追仔成功，老婆Pearl（Bob嫂）8月時為佢誕下囝囝Jaye（林道申），而三個囡囡就榮升家姐，不過相信各位父母都有相似經歷，就係擔心細嘅出世，大嘅會覺得媽咪「被分薄」，所以會呷醋！呢日Bob嫂就喺Instagram發長文，話三個女「行為倒退」，上至9歲大女到3歲細女都有反常行為，而今次就係細女喺Bob嫂餵緊奶時扭要陪佢瞓覺豬：「我請佢在旁邊等一等，我餵完奶十分願意陪佢！」於是阿女就喺旁邊扮出一副可愛瞓覺樣！
情緒暴發不能處理
佢話：「大嘅自然感覺被忽略，然後出現各種行為嘅反常，例如本來可以自行如厠（廁）卻突然話唔識、或是本來可以自行食完一整碗飯，現在卻一啖都要人餵、另外仲有最重要嘅情緒起伏不定。呢啲行為（我）統稱為行為倒退，至於點算（解）唔索性叫妒忌呢？因為大嘅平常時候分明十分愛錫細嘅，每日都要錫錫，只係當大嘅感到明顯嘅忽略，行為就會突然倒退，有時加上情緒嘅暴發，而且完全不能處理。」
多關注三個女
不過Bob嫂就自言其實除咗處理細仔食奶同沖涼，其他都交畀家傭，一心都專注喺三位公主上，但係似乎不似預期，佢話：「每日家姐們嘅各種情緒暴發卻令我每日好似地幔裹面嘅岩漿–不能自制嘅滾熱流動，但願這場不能避免的風暴可以慢慢變得溫和且日漸散去。」
(東方日報)
「四洲太子女」戴凱欣同上海姑爺樊林爽喺君悅酒店補搞結婚酒會，由於四洲集團主席戴德豐身兼全國政協常委、香港太平紳士等尊貴銜頭，又曾獲香港特區政府頒發金紫荊星章、銀紫荊星章，幾乎成個香港政圈人物都現身到賀，仲有高官、名人、藝人濟濟一堂，造就咗兩pair過氣情人同場聚首，包括曾傳緋聞嘅何超蓮同霍啟山、過氣夫婦呂良偉同鄺美雲。
賭王千金何超蓮狠撇台灣歌手吳克群後，曾經同霍震霆公子霍啟山傳緋聞，有傳霍啟山狂追超蓮，兩人被影到蜜遊台灣食牛肉麵，可惜最終未獲超蓮賜予男友名份；而鄺美雲係呂良偉嘅第二任老婆，兩人喺96年結婚，但婚姻僅維持一年半即閃離，現呂良偉跟第三任老婆楊小娟育有一子，鄺美雲至今仍然係單身貴族。
鄺美雲接受訪問表示：「同新娘一家都好熟，恭喜一對新人百年好合早生貴子。自己送人情。」單拖出席嘅呂良偉話老婆喺上海開會，問到有冇夫妻相處之道同一對新人分享？阿呂笑笑話：「老婆永遠是對的。祝佢哋新婚快樂，長長久久，永結同心。」
新娘想明年生B，問到有冇生仔秘笈提供？阿呂表示：「好吖，越快越好，要努力唔好嬉戲，認真啲。」有記者問食乜易懷孕呢？阿呂笑說：「我又唔係中醫。」而薛家燕着黃色外套似龍胞登基，十分隆重，家燕姐話：「同戴生戴太認識咗3、40年，千金結婚好開心，特登嚟飲，阿仔出年都娶老婆，我要嚟取經，仲好開心見到阿呂，因為大女之前喺上海撞到呂哥，仲諗住約佢食飯。」
(蘋果日報)
藝人孫慧雪（雪雪）今年8月誕下囝囝Riley，今日正是囝囝出世後第一百天，阿雪在社交網站上載為囝囝慶祝的照片，並留言說：「最重要是以後要健健康康、開開心心！無論任何事，爸媽都會在你身邊。」
阿雪接受周刊訪問時表示未有特別為囝囝搞百日宴：「淨係簡簡單單兩公婆喺屋企同佢切蛋糕咋！（點解唔搞？）我哋諗住等佢大個啲先同佢搞生日，等佢識同啲小朋友玩先，所以依家簡單啲，因為佢未識玩。」她又坦言已習慣湊囝囝：「因為個模式已經觸摸到。（幾時全面復工？）我依家都唔捨得BB，佢見親我都好似嗒晒糖咁，好唔捨得喺佢咁細個就放低佢出去做嘢。」
雖然阿雪現時努力湊B，但原來亦開始「半復工」，間中都有接拍廣告：「每次臨出門口我都好唔捨得，出去做嘢之後都會飛奔返屋企，一返到去就即刻去睇佢。」她謂除要等BB大些才再工作外，另一原因是仍未成功收身：「我依家130幾磅。雖然好多人睇相話我唔肥，但其實我肥過以前20幾磅，我想減多啲，以最佳狀態再出嚟同大家見面。」此外，她又上載自己及囝囝的童年照作對比，還留言問：「唔似我咩？」
(東方日報)
經典電視劇《流星花園》2001年面世，當年更捧紅了「F4」言承旭、周渝民、朱孝天和吳建豪。
該劇的「偶像劇教母」柴智屏，近來努力打造「2018版流星花園」，日前她宣布新F4誕生了。早前柴智屏透過微博宣布：「很榮幸能和時尚芭莎攜手宣布新F4陣容，讓電視劇《流星花園》成為第一部攜手時尚雜誌的電視劇。」由她打造的2018年版流星花園新F4，也在今天登上雜誌封面。
柴智屏說，4位男主角為官鴻、梁靖康、吳希澤、王鶴棣，4人平均身高185cm，年齡都在21歲左右。這4位「新F4」將演出全新《流星花園》中的哪個角色，至今仍是個謎，連柴智屏也守口如瓶，保密到家。最後她還大賣關子說：「究竟每一位分別飾演誰呢？真的很想提前透露給大家。」
（自由時報）
這世界上，沒有醜女人，只有懶女人。46歲黎姿保養得而，凍齡有法，每次示人都係完美狀態，佢噚晚喺facebook分享，覺得人生「真正奢侈」係心態凍齡，自己唔好過分在意年齡，而係珍惜年齡帶俾大家嘅經驗、智慧、成就同幸福，黎姿仲話「美好的人生，不外就是這冰火兩重天」，呢個兩重天就唔係外界講嗰啲(誤)，而係心仲熾熱，年齡自然就會凍結!
講起黎姿多年嚟接受訪問都有唔少心得分享，佢自3歲開始每日睡前喝一杯熱鮮奶，仲要係全脂奶，從來冇刻意食燕窩護膚，而且佢一向好著重防曬，見佢外遊，或者照顧囡囡嗰陣，佢都係戴帽，而且黎姿成日都袋住支保濕噴霧同支水，補充足夠水分，佢連頭髮都要防曬，間唔中就換洗頭水。黎姿之前有喺微博貼過一張健康餐單，睇得出佢相當注意飲食，盡量食得清淡，減少食甜嘢同油炸食物，間唔中就會做運動，每晚用半粒鐘浸熱水浴同做磨砂，去掉角質，再搽潤膚乳液再加按摩。
(蘋果日報)
