陳小春一向都好保護4歲大嘅愛兒Jasper，平時都唔會點公開仔仔個樣。
除咗BB仔時見過吓，之後都唔知佢大咗到底係點樣，令到大家都好想見吓Jasper正面！
點知小春忽然玩自爆，將Jasper瞓緊覺嘅正面相放上微博。
雖然相中Jasper合埋眼又側晒頭，不過都睇得出個樣似足老竇小春，而小春仲打咗一堆Hashtag，當中就有「爸爸去哪兒」。
似乎佢今次係借相承認参加新一季嘅親子真人騷《爸爸去哪兒》，仲話會帶仔仔Jasper去冒險添。
「#胤##爸爸去哪兒##好好睡.明天爸爸帶你去冒險##I love u only you# 」
（on.cc 東網）
原子鏸(Marsha)同媽咪鄭佩佩今日喺。。。
原子鏸(Marsha)同媽咪鄭佩佩今日喺尖沙嘴出席《木蘭從軍》兒童音樂劇巡演記者會，作為嘉賓嘅Marsha仲現場示範音樂劇中嘅舞蹈。
問到兩母女會唔會想一齊合作音樂劇？佩佩姐話：「我嘅水準唔及Marsha，差好多級，尤其係音樂劇。」佩佩姐話忙緊賴聲川嘅舞台劇《那遙遠的星球．一粒沙》大陸巡演，3個月去足24個地方，演出31場，連佩佩姐都大嗌辛苦，Marsha仲爆：「媽咪話唔鍾意舞台劇，因為劇本唔可以掉，如果拍劇做完一場就可以掉，永遠都有新嘅。」
佩佩姐話：「話劇有姿態，永遠都唔會唔記得，又唔使戶外，但就冇NG，劇就可以有最好表現。」講到Marsha同老外男友，佩佩姐就話：「我呢個媽咪好開放，唔保守，我有見過，最緊要佢鍾意，right moment，right person。」咁到right timing結婚未先？Masha話：「有感覺就知，等感覺。」
宣萱在微博曬與張智霖的合照。
「我都忘記了多少年沒合作了，雖然今次只有一場戲，但也是開心的。」
照片中，宣萱穿著藍色裙；張智霖穿藍色西裝，搭著她的肩膊，兩人露出開心笑容。
網民看到照片勾起逾20年前他們合演劇集《天地男兒》的回憶。
好多網民都非常開心：「男神、女神，期待你們再合作。」
(明報即時娛樂)
講到教育方法。。。
麥明詩媽媽麥何小娟，上年書展出咗本書《我的女兒麥明詩》，分享佢嘅教育方法。留意番，麥何小娟絕對唔係「借阿女上位嗰個」，因為佢真係喺教育工作花咗30年光蔭，讀過2個碩士課程，絕對夠資格講點教女。
入番正題，麥何小娟冇特別check功課，反而着重培養小朋友嘅專注力、創造力同逆境智商咁。麥明詩喺書中寫序就話，補習唔多，返屋企會自動波溫書，仲有一樣，就係麥媽媽教識佢溝通同洞察世情，畢生受用。有教學經驗，麥媽媽得心應手，冇嘅，可能就要從錯誤中學習。
楊千嬅早排被發掘一篇15年嘅訪問，話阿仔Torres鍾意粉紅色、煮飯仔云云，好驚。呢段經歷令千嬅成長，佢話從其媽媽身上面，學識建立信心，最終見證住Torres由《魔雪奇緣》出發，培養咗閱卷興趣；因為喜歡煮飯仔，食到阿仔親手整嘅蛋糕。
森美之前喺活動自認管教嚴厲，對仔女嘅感情有獨特處理方法，佢話希望小朋友早啲拍拖，佢試過知道阿仔被傳同女同學拍拖，就約位女同學、女同學家長見面，目的係想小朋友知道家長係好開通嘅。不過咁，原來只係對阿仔嚴，對阿女就呵護有加。因為阿女好有自覺，做完功課會主動要求買補充練習，咁乖，梗係錫晒佢啦。
(蘋果日報)
有人讚佢參選港姐都有好大勇氣，向海嵐就話。。。
向海嵐、周嘉莉、黃韻材、黃建東等今日喺太子出席一個奬學金頒獎典禮，向海嵐表示讀書時未曾攞過奬學金：「我喺學校好靜，又唔參與課外活動，淨係識得讀書，所以讀中學嘅時候，我唔係好投入學校，後來去加拿大升學，教育方式比較開放，所以讀得好輕鬆，成績係A，父母都好放心。」佢又話好佩服時下嘅年青人：「我星期五會演出音樂劇《我和青天有個秘密》，呢個劇嘅導演今年19歲，但佢16歲嘅時候已經寫好劇本、完成曲歌，我當年16歲都唔知做緊乜。」有人讚佢參選港姐都有好大勇氣，向海嵐笑住話：「都係貪玩，其實翁嘉穗係我加拿大同學，佢參選都贏咗，又見佢咁成功，真係冇黑幕。」
至於周嘉莉有份演出嘅新片《我們的6E班》將於9月上映，佢話：「戲中仲有孫耀威飾演老師，我就做訓導主任，雖然外型爭少少，但就用演技扮惡，其他人覺得我合格。」
(蘋果日報)
林志穎日前於台北活動。
林志穎與老婆陳若儀婚後生下大兒子Kimi與雙胞胎兒子Jenson、Kyson。
被問可會想再追一個囡囡，他笑謂：「有這個想法，順其自然，老婆也OK！」
林志穎也大贊Kimi是好哥哥。
Kimi會講故事給弟弟聽，抱弟弟瀡滑梯。
雙胞胎起爭執時，Kimi更會擋在中間不讓他們打，充當「和事佬」角色！
(on.cc 東網)
張筱蘭憶記當年，丈夫馬德鐘忙於事業。。。
馬德鐘太太張筱蘭博士早前為黎燕珊主持的《潮拜傲媽》任嘉賓，大談仔女經，披露長得高大威猛的兒子，已代表學校在澳洲雪梨泳賽取得8個個人金牌及全場總冠軍；原來視爸爸馬德鐘是偶像，並有意在演藝界發展，在唸完中學後，已赴法國唸一個有關電影的暑假課程；張筱蘭指兒子一手一腳辦理申請入學手續及行程，說兒子已長大成人，能獨立處事，她大可以放心放手了。
兒子獨立處事
她教子心得是讓兒子走出世界，而不僅是在波波池玩得開心就夠。兒子成長階段漸漸對電影產生興趣，會自己找經典電影看，像羅拔迪尼路的「的士司機」，兒子看完又看，講戲頭頭是道。兒子曾到橫店看馬德鐘演戲，他說爸爸演戲太認真，他不會跟爸爸同場演出。
至於男神如何教子？張筱蘭指丈夫是家中的開心快樂組，專職帶給家人快樂；她明瞭這一點不輕鬆，會很攰。而丈夫亦有嚴肅時刻，兒子有次回家時，一進升降機就猛按掣，不想等其他人；返家後，丈夫很認真地跟兒子解釋做人道理。
感恩兒子改變夫妻命運
張筱蘭曾是上世紀模特兒，畢業於香港科技大學的社會科學系哲學博士，亦是研究百歲人瑞、健康長壽、人口老化及認知障礙家屬支援的專家，現時仍是香港大學社會工作及社會行政學系的名譽助理教授；她憶記當年，丈夫馬德鐘忙於事業，她跟丈夫商量到歐洲做博士後事宜，丈夫說完全放手由她處理，她成功取得獎學金之餘，更帶着襁褓中的孩子去歐洲進行研究工作，當時曾惹來很多人誤會他夫妻婚姻破裂，以為她攜子離家出走，其實事前她已與馬德鐘商量，徵得丈夫同意才付諸實行。
張筱蘭指幸福是自己營造，視乎自己會否行出第一步，她說兒子見她有時遇事不開心，會說：「Let it go.」（由它去吧！）讓她覺得可以向兒子學習；她說兒子的世界跟自己那一代不同，父母未必對，下一代不一定全錯，她很感恩有這個小朋友，改變了她兩夫婦的命運。
(東方日報)
伊能靜與內地演員秦昊成婚後生下了囡囡「小米粒」。
小米粒不知不覺間已經一歲。
伊能靜亦不時在個人社交網上載囡囡的照片。
見她帶着小米粒去散步，身穿粉紅色衫的小米粒，露出兩條肥肥白白的肉腳。
肥嘟嘟十分可愛！
和媽媽手牽手散步，伊能靜不時回頭照看小米粒，以防她會跌倒盡顯關愛之情，成個畫面充滿愛！
（on.cc 東網）
當時覺得二人感情仍然友好，可能婚姻有得掹，所以未有即時答應，點知等咗一年。。。
43歲陳煒保養得宜、演技又正，又肯瞓身去演，絕對勝過一眾上位小花，喺大台發展唔錯，而處理感情上，煒哥一向好低調，就算5年前台灣富商老公顏志行，主動提出離婚，煒哥都係獨自返港搵食，靠友人同工作捱過傷痛，亦冇講過前夫壞話，直至有報道指「老公」戀上台灣歌手鄭雙雙，見鄭雙雙無啦啦變咗「小三」，煒哥先認已離婚。
今日有周刊指，煒哥於2012年離婚後返港，冇地方住，當時前夫提出買樓俾佢當贍養費，但煒哥覺得二人感情仍然友好，可能婚姻有得掹，所以未有即時答應，點知等咗一年，發現關係冇改善，反而事業發展幾好，煒哥先決定接受前夫嘅安排，喺2014年由前夫出錢買咗貝沙灣一個高層千呎豪宅，市值二千幾萬，煒哥揸咗一年，就以3千幾萬賣咗，轉手賬面賺650萬。有錢揸手嘅煒哥，之前都有被周刊影到同一個中佬去睇三級片，不過見有記者在場，佢就話對方只係朋友，據知當時個中佬都想追煒哥，但係為咗前夫面子，又未公開講已離婚，所以就同中佬冇再聯絡，而宣佈回復單身後，煒哥亦繼續為事業努力，同前夫再見亦是朋友。
(蘋果日報)
32歲的Mandy與洗米華已育有一對子女，大女周願已兩歲大，而兒子亦一歲多，昨日被爆。。。
太陽娛樂文化老闆周焯華（洗米華）早前傳撻着日模松岡李那，即刻要飛倫敦向女友Mandy Lieu作安撫，更罕有出律師聲明指松岡是「異性友人」，有報道指洗米華更以愛的紋身o氹Mandy。洗米華密密飛倫敦交人，前晚他在倫敦與Mandy行街被周刊讀者「爆相爆片」，相中見Mandy腹部明顯隆起，似懷孕5個月，若然屬實，她與洗米華三年抱三。
洗米華今年6月在夏威夷出席台灣女星安以軒婚禮，因為撻着日模松岡李那，令原本在倫敦「棲息地」安心湊仔女的Mandy Lieu大動肝火，洗米華亦急急飛倫敦安撫對方，之後更罕有出律師聲明，指松岡是「異性友人」。
Mandy留在倫敦湊一對子女，加上洗米華為與正印陳慧玲不離婚，禁止Mandy返香港及澳門。自爆出松岡介入後，洗米華亦頻頻飛去倫敦交人，上月23日被本報讀者影到二人在當地食平民餐，剛過去的星期日晚上，洗米華再度搭夜機去倫敦，前晚周刊讀者黎小姐透過「爆相爆片」，指目睹二人合體在Oxford Street行街。
當晚大概9時許，洗米華與Mandy繼續以黑白情侶裝示人，拖手仔行Nike專門店。Mandy身穿黑色外套、闊腳褲及白波鞋，而洗米華就着白色運動風褸及黑色運動褲，他手持一袋購物袋，見Mandy腹部明顯隆起，極有孕味，似有5個月以上的身孕般，黎小姐表示：「啲相係我阿姨喺英國影嘅，見到佢兩個入咗去Nike專門店，Mandy個肚已經幾大，佢哋行咗半個鐘，邊行邊傾。」
除了孕味身形，Mandy髮型亦有大轉變，由染金長髮變成較短黑髮新造型，莫非遵從長輩教導，剪短頭髮不搶BB營養及預備坐月期間方便打理？32歲的Mandy與洗米華已育有一對子女，大女周願已兩歲大，而兒子亦一歲多，若然她再度有B，目測其巨肚估計BB在今年底出世，果然進擊兼進取。
對於Mandy疑再度懷孕，本報昨日聯絡過她的經理人公司，對方回覆：「沒有回應，如果要宣佈會通知大家。」昨日有雜誌指Mandy為松岡事件嬲爆洗米華，更帶一對仔女離家出走兼嗌分手，洗米華Mandy，在自己左臂內側紋上「I will honour and love you Forever M.W」，M即代表Mandy，而W代表洗米華的華字「Wah」，表示會永遠尊重及愛Mandy。報道更刊登二人上月去友人婚禮的照片，見洗米華攬實Mandy黐頭芒啜面珠，另一張相兩人與另一對情侶各自咀嘴親熱相，文中更指洗米華希望Mandy搬回香港及澳門，方便一齊住多見面。
(蘋果日報)
