陸永太太昨晚喺社交網分享到：
「事原是咁的… 有日返學途中，Hannah問點(解)佢會喺一個BB喺我個肚拎出嚟… 我一時之間都唔知應該點解釋俾佢聽… 我話因為爸爸放咗啲「種子」喺媽咪個肚入面，粒種子會慢慢變成一個bb… 住到媽咪個肚唔夠位住就要拎出嚟囉… #解釋得唔係幾好」
另外，佢又提到，囡囡話希望爸爸再放啲「種子」落佢個肚到，搞到佢都唔知講咩好….認真搞笑﹗
而網民亦都紛紛留言：
「我覺得解釋得唔錯🤣不過囡囡放錯左重點呢😆😆」
「Hanna 真係好可愛 💗」
「因為爸爸係農夫？」
「爸爸係農夫 要播種 合情合理阿」
(instagram)
兒童眼皮嚴重腫脹至無法轉動眼球、睜閉眼，慎防淚腺受惡菌入侵。有兩歲半男童淚腺感染耐藥性金黃葡萄球菌後發炎，膿液多得把眼球擠壓變形，處方抗生素無效，最終要開刀放膿。調查發現，惡菌來源竟是家傭的鼻腔，懷疑照顧男童期間經接觸傳播。眼科醫生指出，若淚腺膿腫阻截眼球血液，可影響視力，如未及時治療，細菌可經血入腦，引發腦膜炎甚至死亡。
中文大學眼科中心醫生莊金隆和團隊，檢視過去八年醫療紀錄，發現兩宗兒童急性化膿細菌感染淚腺炎。首宗個案是五歲男童，發病前曾出現紅眼症，家庭醫生處方眼藥水後，症狀持續及惡化，右眼外側嚴重腫脹，眼皮墜成橫「S」型，眼白結膜同樣腫脹，以致無法睜閉眼。另一病人為卅二個月大男童，求診前兩日起輕微發燒，右眼皮紅腫及有黃色分泌物。兩童入院接受靜脈輸注抗生素和眼藥水均無效，需開刀放膿，其後康復。
莊金隆表示，首名男童疑因細菌導致紅眼症，細菌再循淚腺細管走上淚腺，引起發炎和膿腫，其後驗出感染金黃葡萄球菌(MSSA)。第二宗個案驗出社區型耐藥性金黃葡萄球菌(CA-MRSA)，情況更嚴重，「此菌較惡和具侵略性，可攻擊健康組織。」追查男童的接觸者，發現家傭鼻腔帶有MRSA，懷疑她照顧男童期間，男童的手沾到惡菌，再捽眼受感染。家傭其後亦獲處方抗生素殺菌。
淚腺位於上眼瞼外側，病發時眼皮紅腫，或被誤當成生眼瘡。要分辨兩者，莊醫生解釋，膿腫會把眼球弧度擠壓扁平，阻礙眼球轉動，透過電腦掃描可看到膿液；眼瘡患者可自如轉動眼球，結膜不會腫至無法睜閉眼。淚腺膿腫若未及時治療，有機會減低眼球血液循環，影響視力。一旦延遲確診，細菌可經血上腦，引發腦膜炎等嚴重併發症。
細菌可於人體皮膚、眼睛表面等各處潛伏，當免疫力差，或用受污染的手捽眼，造成傷口，細菌即有機可乘。莊指出，感染性淚腺膿腫並不常見，惟隨着社區金黃葡萄球菌的耐藥情況惡化，愈來愈多難以抗生素治療的惡菌，未來感染個案可能更多。莊提醒，帶菌者本身未必有病徵，但可傳人，因此需注意個人衞生及避免捽眼。
(on.cc東網)
英國劍橋公爵威廉王子最近去到利物浦外訪，期間佢會見咗幾位當地嘅小朋友，而有個小朋友就送咗粒。。。
英國劍橋公爵威廉王子最近去到利物浦外訪，期間，佢去到一個游泳池會見幾位當地嘅小朋友。
呢班小朋友好有心咁準備咗多份禮物俾王子一家，有熊仔、有花…，而其中一位小朋友就為威廉王子送上咗一粒….牛油果！
點解會送牛油果咁特別嘅？原來…
嗰位小朋友知道凱特王妃有咗之後唔舒服，有孕吐問題，咁佢又諗起，當佢自己媽媽有咗時，一樣有孕吐，不過食完牛油果之後，就好好多啦，所以佢就特登送個牛油果俾王子，等凱特王妃食完會冇咁辛苦﹗
呢個小朋友真喺好體貼，小小舉動，大大嘅窩心﹗
(photos : dailymail)
今年37歲嘅何嘉莉，自從05年退出娛樂圈之後就將心思放落同前夫甜品店太子爺黃逸璋育有5歲囝囝Jean身上，前年何嘉莉宣佈再嫁機師Gerald，今年6月，佢喺IG宣佈再度陀B。
現時陀住8個月BB嘅何嘉莉，除咗勤做孕婦瑜伽外，仲將個耳筒放喺個肚上，俾肚裡BB聽音樂，實行胎教政策。
距離生B仲有唔夠兩個月，今日何嘉莉就貼咗張全裸嘅相上IG，平時勤做產前運動嘅佢，望落keep得好好，除咗個肚之外身上都冇乜多餘贅肉，佢仲hashtag咗##pregnancy #journey #secondchild，似乎想記錄低自己對即將出世嘅愛情結晶嘅心路歷程。
(on.cc東網)
藝人劉永出席有份客串的英皇電影《Mrs.K》首映禮，他表示近年多數在大陸工作，現住在深圳，只要有工作甚麼地方也會去，最近亦接拍了由麥浚龍執導的電影，感覺良好，希望有更多返港開工的機會。
對於前妻黎燕珊日前透露要按樓供兒子到英國升學，而劉永則只封了一封利是，劉永直認經濟能力不夠，但很開心兒子有心繼續讀書。
他說：「我係綠葉咋大佬！坐港鐵，要用長者優惠，我都想畀大封啲利是，但能力有限，我仲係默默耕耘，我梗係希望有一大筆錢，搵專機送佢去，再買別墅！（睇到呢類報道有冇唔開心？）唔會嘅，唯有自己再勤奮啲，只怪自己做老豆冇用，都冇辦法！佢鍾意讀書，我都好開心，我自己都盡咗力喇！」
在澳洲，雙語學校指的是用第二外語教授語言及語言之外的課程每周不少於5小時的學校。目前，澳洲全國有近30間雙語學校，中英文雙語學校的發展近些年來尤其地快，到現在為止，除在北領地州份之外，其他各種和領地都設有至少一所中英文雙語學校。
儘管各地對雙語學校的情況不盡相同，例如有些學校每周上5至7小時中文課，並以中文教授其他課程，而位於墨爾本東部內城區的Abbottsford Primary School校長Latham Burns則認為他們學校的雙語項目可以說是真正意義上的雙語，因為他們的中英文教學比例為：一半對一半，也就是所有課程一半用中文教授，一半則以英文教授。不僅如此，他們學校的學生從學前班到六年級的學生都按照這個比例學習中英雙語。他說：“這個項目很受歡迎。自從我2013年擔任此校校長以來，我們的學生註冊人數上升了50%。這在四年中是個不小的增長。甚至有些學生從很遠的地區專程到學校上學。家長們看到了這種教學的價值。”
在墨爾本，有學校更會教小學生寫書法，不過這需要家長們的理解和支持，並且向孩子們表達家長們看到子女學習中文的正面感受。對於學生們來說，他們每天都能在中英文中學到新詞彙，對於學生認知來說，這是一大挑戰。
在澳洲各地的雙語學校當中，幾乎有一半是位於維多利亞州（墨爾本）的小學，墨爾本大學教育研究生院高級講師說傳統上講維州對語言教學，尤其是雙語教學及母語非英語學生的母語教育都非常重視，投資不少。她說此外，昆士蘭州和南澳洲也很願意嘗試雙語教育。
由於這個雙語項目特受歡迎，因此阿伯茨福德小學今年正式成為一所百分百雙語學校。中文已經成為非常受歡迎的語種。它也成為維州一種發展最快的第二外語。正是這種語種優勢就進一步加強了中英雙語教學項目。
（原文：澳洲新聞網）
紥根澳洲．絕非移民顧問或中介！
澳洲執業會計師律師直接主理
申請簽證、撰寫計劃書全程跟進
分期收費流程清晰透明
一條龍提供澳洲商業顧問、業務買賣、稅務策劃
熱線：2111 9055
Whatsapp：9888 5563
https://goo.gl/ns1lf1
惠州政協陳小春最近帶4歲嘅Jasper一齊上大陸真人騷《爸爸去哪兒》第五季掘金，唔少大陸網民都覺得陳小春對囝囝超凶，不過某啲細節都睇得出佢對囝囝係幾貼心。
喺《爸爸》首集，小春都認之前要工作，四年時間好少同囝囝相處，囝囝一直由太太應采兒照顧，佢同Jasper嘅父子嘅關係唔太親密，今日有大陸報道指小春早前接受《調戲大明星》專訪時，直言試過兩父子去食飯，感覺尤如陌生人。
有一次老婆應采兒約咗朋友食飯，叫老公好好睇住Jasper，搵個地方一齊食飯，小春嘆咗一口氣：「吓!她跟兒子談好，你今天跟爸爸，媽咪出去跟朋友吃飯約會，那時候我不喜歡我兒子給人家看，因為自我感覺不良好，所以找了一家沒甚麼人的餐廳，就兩個人吃，當時大家吃完就沒甚麼話。」
小春扮囝囝啲表情，當時佢問囝囝好唔好食，囝囝只係「嗯」咗一聲，無奈咁點點頭，小春再問囝囝，同爸爸出嚟食飯開唔開心，囝囝Jasper無言，低頭左望右望，然後繼續食飯，未有回答，小春瞪大眼：「這真的是親生兒子，上次跟他吃飯好像剛認識一樣，好像兩個男女在約會一樣。」
身為爸爸嘅小春，雖然喺節目中，對住囝囝Jasper，成個嚴父咁，不過小春喺專訪中，搖搖頭，坦言：「他從來不怕我，看不起我，做爸爸厲害沒用啊，他喜歡跟公公，公公是早飯、午餐、晚飯都煮很好吃的東西給他吃，但這次他會有點……不要說怕吧，他起碼(No)，他會收。」
小春笑笑口話今次同囝囝關係有進步，至少識點應付小朋友，完全自己照顧囝囝，學識湊囝經，知道點o氹囝囝瞓覺，當囝囝覺得喉嚨痕，又或者話「我不困」，其實就好想瞓，只要爸爸講睡前故事，或者扮瞓着，囝囝就好易恰着，o依家囝囝多咗黐佢，令小春覺得很幸福，父子好似「好兄弟」。
(蘋果日報)
正於加拿大溫哥華嘅陳冠希家姐陳見飛，香港凌晨時間喺ig貼咗兩張相，其中一張喺佢左手無名指上，套上一隻藍寶石加鑽石嘅戒指，另一張就係戒指原圖，佢以英文留言話：「ENGAGED to @tomlern ! Thank you for the engagement ring of my dreams. Beyond my expectations! (多謝為我打造出夢寐以求的訂婚戒指，超出預期的好)」真係好Sweet呀！
據知陳見飛同Thomas拍拖差不多一年，而Thomas就係溫哥華華僑，二人都係鬼聲鬼氣，所以十分投契。
睇翻10年嘅報道，陳見飛曾公開宣佈話11年會同飲食界才子Eric結婚，當時佢仲話會搵細佬Edison做伴郎，但一直就未聞婚訊同分訊，原來唔聲唔聲陳見飛已經情歸Thomas喇。
(蘋果日報)
昆凌今年6月為台灣天王周杰倫誕下第二胎。
近日昆凌與英國型男荷李活男星Orlando Bloom現身內地綜藝節目宣傳新片。
喺節目中，昆凌表演咗「極速變面」，扮同老公拍拖時畀狗仔隊撞破，竟立即走上前對住狗仔隊咆哮：「你可不可以不要再拍了！」仲搶埋電話，嚇到大家！
不過，昆凌下一秒後又立即回復本來嘅和顏悅色，氹得奧蘭度不知幾開心！
除咗即場晒演技外，昆淩仲畀奧蘭度爆料指「在片場都在打電話給老公」，搞到昆淩初時勁怕醜唔畀佢再講落去。
不過昆淩最後仲忍唔住玩自爆：「我的確是拍戲中途懷孕的。」
據知昆凌喺新片中有頗多動作場面，佢仲試過不慎跌親，直至拍完先至知自己大咗肚。好彩最後有驚無險啫！
(on.cc 東網)
朱咪咪今年2月喺紅館舉行《利利是是演唱會2017》時，就已經預告咗大仔馬健庭會喺今年年尾結婚。
當時咪咪姐仲話10月先喺新加坡註冊，11月先分別返大馬同香港擺酒。但原來噚晚健庭同女友Jeanette已經噚晚結咗婚喇！真係恭喜晒咪咪姐！
今朝凌晨3點幾，咪咪姐嘅官方微博上載咗幾張大仔健庭嘅結婚相。
「馬生&咪咪姐榮升新老爺、新奶奶之喜，看着他囝囝長大，現在成家立室了，真替他們高興，恭祝一對新人百年好合永結同心。三年抱兩，滿堂吉慶席間還遇到好多老友添，這個不一様的新奶奶，職業病無計喇，好攪，自己做埋司儀添！」
一向圈中人緣甚好嘅咪咪姐，到賀嘅圈中人當然唔少啦，包括姜皓文、譚炳文、黃一山、黃俊棠、李家仁醫生、尹揚明、方伊琪、喬寶寶等等，真係好熱鬧！
（Apple Daily）
