15年港姐季軍郭嘉文，自從做咗「楷女郎」，就專心做跟得女友，嚟緊今個月先至25歲嘅佢，近月同楷楷愛得高調，除咗俾人影到陪男友李澤楷到香港木球會，又拍拖飛新加坡旅行，煙韌到暈。
噚晚，郭嘉文就喺IG貼咗張生日相，相中雖然只得郭嘉文一人，但佢就好冧咁拎住個寫上Happy Birthday Karmen嘅汽球，面前就有個蛋糕同甜品。
郭嘉文留言話：「踏入八月，第一餐生日飯。」再hashtag#好欣賞無cream嘅蛋糕#心思禮物最珍貴。今年3月，郭嘉文以個人名義，以1.068億，買入九龍塘逸瓏天池屋，裝修近半年，年底前應該都入得伙。唔知第一年同男友過生日嘅佢，又會收到啲咩禮物呢？
(蘋果日報)
現年40歲嘅韓國女星金喜善，近期因孖金宣兒主演劇集《有品位的她》而再次人氣上升，更被觀眾大讚佢好身材。不過金喜善就被爆唔愛做運動，早前佢演出節目《島劍客》時被爆有個別稱係「三步乘車」，即行三步之後就要坐車，而金喜善亦直認自己唔愛做運動。
唔少網民即好奇40歲嘅金喜善唔做運動點keep fit，而佢就曾透露自己用「蜂蜜減肥法」保持好身材，用30克嘅蜂蜜加入1公升嘅水，聲稱連續飲兩、三日就大概會瘦6.5磅至9磅。
(蘋果日報)
澳洲「昆州公平交易廳」發現至少兩個產品樣本，未有符合相關安全標準，有機會造成嚴重傷亡。兒童頸部水泡是以塑膠製造，用作協助嬰兒的頭部在水面上浮起。
「澳洲公平交易廳」廳長鮑爾（Brian Bauer）表示，有問題的產品未能符合九項強制性的安全標準。該兩款產品現時已在當地勒令停售。鮑爾說：「設計這些水泡，原本用作醫療用途，供殘疾兒童使用；但現時越來越多人用作娛樂性質。」他表示，除非這些水泡經由醫生處方或專業地為嬰兒戴上，否則可能會對嬰兒構成生命危險。
該產品現時可在網上購物平台 eBay 購得。有拯溺人員表示，越來越多家長為求節省金錢，轉到網上購買產品，罔顧兒童的安全。
（SBS）
大台藝人鄧佩儀（Gloria）與歌手林奕匡嘅未婚妻李靄璣（Rikko）向來好老友。
Gloria不時都會相約Rikko見面，遲啲仲會喺佢嘅婚禮做姊妹，可想而知佢兩個係幾咁好感情呀！
呢日Gloria又同Rikko見面喇，佢就喺社交網上載咗多張同Rikko嘅合照，原來早幾日Rikko就舉行咗告別單身派對，Gloria出席唔到，所以呢日佢就同Rikko補祝，仲為佢預備咗禮物。
「很可惜因為工作的關係錯過了閨蜜前幾天的Bachlorette 派對…….所以決定要自己弄一個給她。Ps: 猜猜我買了什麼禮物給她。」
相中就見到Gloria除咗預備咗藍色嘅氣球，仲有一大袋嘅禮物，Gloria咁有心思，難怪Rikko笑得咁開心，仲整咗個心心手勢。
網友都留言話佢兩個感情咁好，唔知道林奕匡會唔會呷醋呢？
(on.cc 東網)
女神全智賢6月宣佈懷上第二胎。目前懷孕約4個月的她減少工作量，更幾乎沒在鏡頭面前亮相，僅有雜誌拍攝工作。
雜誌《SINGLES》釋出她的近況，懷孕的她仍有著纖細身材，懷上第二胎更增添成熟韻味。
懷孕的她氣色看起來很好，配戴簡約素雅的珠寶，氣質白色洋裝襯托出仙氣。
懷有身孕身材仍保持得相當纖細，美到讓人目不轉睛。
事實上，全智賢7月才被發現現身法國巴黎附近，她穿著黑色外套搭配白色上衣，懷孕4個月身材仍維持玲瓏有致。
不過，她婚後對於家庭私生活相當低調，從來沒讓大兒子曝光過，僅有被拍到一家人的背影照，一家3口和樂融融的模樣十分溫馨。
(騰訊娛樂)
今年47歲嘅李嘉欣，早排趁暑假，同6歲囝囝Jayden出埠旅遊享受家庭樂。由於一家三口都係短褲上陣，着住背心短褲嘅大美人，就唔覺意晒一晒白滑美腿。
開心嘅時光過得特別快，話咁快大美人同老公、囝囝嘅悠長假期就結束咗。去旅行面對美食誘惑又真係好難抵檔嘅，所以假期嘅第二日，李嘉欣就即刻做gym同打拳去踢走多餘嘅卡路里。
見佢拳拳到肉，腳腳有力，似乎唔似係第一次打Boxing。不過要踢走脂肪都要付出代價，事關一落機就狂操嘅大美人，就hashtag咗#jetlagged，佢仲好謙咁話自己係#花拳繡腿o忝。
(蘋果日報)
周杰倫（周董）一向都係愛妻號，昨日佢為老婆昆凌慶祝24歲生日。
周董在其官方微博晒出與愛妻的合照，見兩人拿住生日蛋糕合照。
昆凌緊緊貼住老公，一副小鳥依人的樣子。
而重點係生日蛋糕嘅碟上用朱古力寫住Jay Love Hannah，而另外一張相則是兩人戴上情侶手鈪，Jay的手鈪刻有HANNAH，而HANNAH則刻有Jay。
兩公婆用手勢做出2和4，代表昆凌24歲生日。
周董在微博寫上：「祝24歲的美麗媽咪生日快樂哦！」網友狂讚周董勁浪漫，又話佢大放閃光彈，網友都被佢哋兩個閃盲。
(on.cc 東網)
藝人李佳芯（Ali）及蔡思貝到深水埗宣傳無綫劇集《踩過界》，Ali回應有指她與ViuTV主持陳炳銓，因為公司壓力，要將戀情低調。
她表示：「公司冇壓力，我本身都低調。（係咪拍拖？）正常交往，我本身都想喺事業上面衝，所以呢方面一向低調，我諗我依家如果冇一個正常嘅交往，我自己都驚。（男方有壓力？）唔知佢有冇壓力，我哋冇傾呢啲嘢，但有都會係好事，可以係一種動力。（話你哋女尊男卑、美女與野獸？）係咩？我幾鍾意睇《美女與野獸》，幾浪漫！其實佢都做男主角喎，喺我角度我唔覺得係女尊男卑，同埋做朋友，舒服、開心就得！」
(on.cc東網)
現年40歲、95年亞姐亞軍黎淑賢(Bonnie)係出名嘅索媽，與前夫盧惠光生咗兩個仔。後來嫁俾現任丈夫、美容醫生許智政再生兩個仔，但身材依然fit到漏，一啲都冇走樣。
不過，黎淑賢最近嘅嘅樣就被指好膠，五官越來越精緻，有整容之嫌。
日前Bonnie接受訪問時，誓神劈願否認整容，佢話：「對我嚟講，要開刀嘅先係整容，我冇開過刀，我只係打咗針！」Bonnie老公係美容醫生，Bonnie打美容針當然由老公負責。
問佢係咪女為悅己者容，同時又要取悅老公？Bonnie一口否認話：「點解我要取悅別人？至緊要係自己覺得好睇，唔需要為別人而生活！」
盧惠光係黎淑賢嘅前夫，被問到佢上一段婚姻對現在有冇影響，佢話﹕「每一段婚姻都唔同嘅，對象唔同吖嘛！不過人係會長大，以前我10幾歲就結婚，當然唔夠成熟，o依家我有4個仔，從佢地身上，我都可以學到好多嘢！」
Bonnie隨後笑住更正：「應該係5個仔先啱」因為第5個仔就係老公！
「我真係精神分裂！對住個大嘅就要講大人嘢，對住細嘅，又要扮cute。我成日叫錯佢哋嘅名，有時要叫４次先叫得啱，連工人姐姐都笑埋一份！」
(on.cc 東網)
現年50歲嘅前港姐陳法蓉近年注重作息，已減少幕前嘅產量以享受生活。呢日佢突然喺微博晒出2001年嘅古裝劇《小寶與康熙》舊照，並留言：「舊日的足迹。」
照片中，當年嘅演員張衞健、朱茵、陳法蓉、吳辰君、張茜等齊齊入鏡，大家樣貌青澀，面上仲帶有幾分稚氣，簡直係男嘅型，女嘅索！
呢幾張相一曝光，即引來網友無限回憶。
唔少人都話好羨慕張衞健可以畀一班靚靚「老婆」圍，佢哋紛紛留言：「好喜歡這部劇」、「真的好喜歡這部電視啊，好喜歡你扮演的龍兒」、「怎麼沒有林心如和舒淇呢」。
仲有網友唸出「小寶」張衞健嘅名詩：「涼風有信，秋月無邊，虧我思嬌嘅情緒好比度日如年，雖則我唔係玉樹臨風、瀟灑倜儻，但我有廣闊嘅胸襟加強勁嘅臂彎！」真係見字有聲呀！
(on.cc東網)
