歌手鄭欣宜與導演彭秀慧出席電影《29+1》DVD簽名會。
欣宜表示一開始接這電影時很驚自己做得不好，因為演戲經驗不多，但幸好導演跟她慢慢傾，亦為她與拍檔蔡瀚億提供練習，讓他們多些了解對方。
今次回響幾好，為日後拍戲打了少少強心針。她笑言：「其實之前都講過，我想做啲八婆、bitch嘅角色，因為可以好不負責任，好好玩。」
另外，談到她獲蕭定一投資千萬開新唱片公司Label，讓她自立門戶做揸弗人。
對此欣宜未有否認：「我九月會出新歌，到時會同大家分享我喺唱片方面嘅動向。」
問到係咪大個女嘅決定：「都大個女，係時候要繼續學多啲嘢，等宣布。」
講到自己喺音樂方面想多啲話事：「其實蕭定一好錫我，一路都畀好多話事權我，有時我係唔識，叫番佢哋揀，但都係好事，可以逼自己成長，逼自己去學做音樂，總之係開心嘢，到時大家等聽好消息。」
（on.cc 東網）
【講得出做得到】張栢芝直播開心宣佈大日子！
張栢芝自從開咗社交網站之後，不時更新同網友玩直播，同大家更新吓近況。
之前栢芝喺直播期間宣布重返樂壇，呢個喜訊真係令到班粉絲大感興奮。
栢芝真係講得出，做得到。
佢仲喺社交網站上載歌詞同大家分享，睇嚟佢真係好重視錄音呢個大日子！
喺錄音期間，栢芝趁住空檔同大家玩直播，話因為依家錄音錄到好肚餓，所以要食番兩啖炒飯先有力再錄。
「壓力好大，我一入錄音室就覺得好大壓力，又唔夠瞓，我唔想靠電腦執音，想一take過！好多話我唱KTV同台上唱現場好唔同，因為KTV冇靠電腦係會好啲。」
及後栢芝話因為要養聲，所以同網友玩多陣直播就講拜拜啦！
(on.cc 東網)
曾演出日劇《交響情人夢》嘅女星紗榮子同購物網站ZOZOTOWN社長前澤友作，前年秋天撻着，佢哋一度傳出好事近，點知日前就爆分訊，紗榮子無望嫁入豪門。
據日本傳媒報道，紗榮子為兩個囝囝到英國升學﹐秋天開始搬到當地居住，不過前澤友作為生意龐大，根本唔可能離開日本，兩人尊重對方意願，已於兩個月前和平分手，但紗榮子日後仍會往返日本工作。對於分手傳聞，紗榮子事務所承認兩人已經分手，話私人事交番佢本人處理。
30歲嘅紗榮子入行多年演藝事業唔夠佢私生活精采，被指拜金嘅佢，另一半都家底十足。紗榮子於2007年同著名棒球手達比修有奉子成婚，並育有兩名兒子，兩人喺2012年離婚收場，紗榮子獲得可觀贍養費。至於前澤友作係購物網站ZOZOTOWN社長，身家更達235億港元，令紗榮子成為圈中富婆，不時於社交網站公開富貴生活。
(蘋果日報)
【認好錫栢芝】謝賢回應「不喜歡王菲」：多餘嘅
謝賢接受電視節目訪問時，談及兒子謝霆鋒的前妻張栢芝及現任女友王菲。
謝賢坦言好錫栢芝：「我成日同人講我好錫呢個新抱，因為佢幫我生咗兩個孫，有咩好得過畀兩個孫我呀？」
問到同霆鋒現任女友王菲有冇見面：「呢樣唔理啦！霆鋒從來唔會問我識咩女仔，我哋屋企唔興問呢啲嘢！」
但近日有指謝賢只喜歡栢芝，而不喜歡王菲，令謝賢大感委屈。
謝賢接受訪問時澄清：「完全係斷章取義，都多餘嘅。」
「我個仔（霆鋒）依家咁開心，性格又開朗，一定有原因嘅。」
之後謝賢仲話：「我梗係好鍾意王菲。」
(on.cc 東網)
陳美齡嘅61年人生，有上有落，刺激如坐過山車。
初生時一度被重男輕女嫲嫲嫌棄，童年一次意外跌入水缸差點喪命，幸好獲嫲嫲救活過來，嫲孫關係逆轉。陳美齡機緣巧合入行，歌唱事業如日方中卻宣佈退出，重投校園，專心向學卻接獲爸爸病逝打擊。當陳美齡遇上心儀日籍丈夫金子力，決定中日婚姻，卻承受歷史枷鎖壓力。「我覺得人生係唔會預想得到，即使有計劃都未必咁順利，o依家幾好，但又突然會病，明明好好時，又會面對爸爸過世。」
好事壞事突如其來，陳美齡都坦然面對，佢日前喺中環寓所接受專訪時平常心話：「要知自己擁有好多，唔可以成日埋怨，要識得知恩、感恩同報恩，力量就會出嚟，就會遇到貴人有啟示，度過難關。」今年10月係陳美齡抗癌十周年，07年9月某一晚佢喺日本屋企梳化睇電視，發覺右胸有啲痕，摸時覺得有一小粒硬物，佢同老公金子力商量，盡快安排睇婦科做檢查，醫生證實陳美齡患上乳腺癌第一期，結果10月1號就安排入院做咗3小時手術，發現癌細胞冇擴散去淋巴，胸部可以保留，手術好成功。陳美齡由病發到康復，心情好忐忑，回想走過死門關：「我當時諗，細仔（協平）仲讀小學，得11歲，我真係唔可以死。好彩係第一期，唔係當日覺得個胸有少少痕，我會唔知，萬一遲咗，一、兩年會變大，一倍一倍變大。我算係執番呢條命，呢十年我係賺到。」
「呢十年，我好注重細仔，唔係睇化，我病好同天主講，我想要多五年，睇住細仔初中畢業，初中佢都10幾歲，就算冇咗媽媽，佢都可以自立，唔想佢咁細個就冇咗媽媽。五年過去，我又想同天主講數話想睇個孫個樣，咁咪又可以長啲囉，點知唸經時，我講唔出口，o依家已再多五年好感恩。」
結果陳美齡禱告中，佢講咗呢個訴求：「我話任你啦，你覺得我有用咪保住我條命，因為囝囝都讀高中，每日都係恩賜，每日都係賺番嚟，好似生日，好滿足，唔知仲有幾多年，只要有一年就做報恩嘅事。協平o依家20歲，天主畀我恩賜唔可以再問，再開口就以為我好貪心，五年前已經冇要求，我希望佢有指示畀我。」三個囝囝和平、昇平同協平都長大成人，自由時間多咗嘅陳美齡已開始籌備佢第90本書作，佢目標係出100本書。
(蘋果日報)
恭喜晒！官恩娜宣佈懷有第二胎，預產期係出年1月！
官恩娜2015年嫁咗畀混血醫生Juan-Domingo Maurellet後，兩個月就造人成功，前年仲喺香港剖腹誕下6.7磅兒子BéBé G！
呢日佢喺FACEBOOK上載一條短片，見到Ella同囝囝喺沙灘玩沙，囝囝四圍跑非常活潑，之後又同老公拖住囝囝漫步沙灘，仲係沙灘上畫出「Baby #2 Due jan 2018」宣佈自己有喜！
Ella唱片公司發言人接受傳媒訪問時，承認Ella已經有咗：「知佢有咗四個月，佗得好辛苦同日日嘔，不過依家穩定咗，未知仔女！」有報道指，本身打算復出嘅佢，亦都因為咁暫停錄音。
（sina)
早前，李國麟一張與15歲囡囡李沅薐(Cherie)嘅親嘴合照，惹來網上一陣小風波。
有網民認為呢啲係父愛，只要子女唔介意，幾多歲都可以錫；亦有網民以道德標準來批判呢件事，但係實情旁人又怎可單憑雙眼去衡量呢種愛呢！
62歲嘅李國麟早前就接受周刊專訪，重提與囡囡親嘴一事，他依然有自己一套嘅睇法同做法。老年得女嘅李國麟，當然錫到個女燶，佢話好多人都話佢將個女寵壞，個女想要乜就買乜。
李國麟就舉咗一個例子，佢話買咗部新電話俾Cherie，三日就唔見咗，老婆就話不如只買一部長者電話俾阿女就算，但係李國麟就靜靜雞咁帶Cherie去買過部新款電話。
李國麟話，記憶中，爸爸當年都係咁好寵阿妹，李爸爸教落，生仔要嚴，因為將來要孭起頭家；生女就要寵，因為唔知佢將來嫁得好唔好，touch wood 將來嫁得唔好，都有父愛同快樂嘅童年彌補番數吖！
至於上次咀嘴被網民批判一事，李國麟坦言，一直以來佢都唔理會網上嘅討論。佢覺得可能係啲人思想保守或者有啲唔愉快嘅經歷影響，先會戴有色眼鏡嚟睇呢件事。佢話當時同阿女慶祝，有好多朋友在場，唔通搞亂倫會咁公開咩？
李國麟咁惜囡囡，原來佢都對阿女做咗一件事感到好後悔，就係買咗部電話俾阿女。
佢話依家電話佔咗阿女95％時間，Cherie同手機人機合一。李國麟好欷歔咁話，以前阿女當自己係偶像，依家偶像變閒角，佢話真係唔敢想像之後阿女拍拖佢會點，但係肯定嘅係佢一定會呷醋，感覺儼如失戀。
Cherie有向李國麟透露，有人曾向她表白，幸好阿女拒絕咗，但呢位老竇都好爆炸，竟然問阿女拒愛嘅理由係咪佢同性戀，Cherie即回佢一句：你黐線㗎！
李國麟話，覺得阿女遲早都會進入成人世界，佢更形容阿女呢隻紙鳶就快斷，所以佢更珍惜依家同囡囡相處嘅時間。
(蘋果日報)
剛推出Hifi發燒碟的蘇永康（阿公），在電台錄音訪問中，回想2002年因台灣搖頭丸事件陷入人生低潮，翌年又與首位太太離婚，談及專輯中翻唱華星大姐大梅艷芳的《心債》，阿公除了指阿梅這故友曾對他透露好怕歌迷叫她唱《心債》外，亦由衷感謝阿梅於他低潮期向他施以援手，阿公說：「嗰次同梅姐飲完酒嚟我屋企閒聊，佢嘅經理人Marianne同我講，梅姐有意搵我做巡迴演唱會嘉賓，至少有六場。我一睇合約嘅酬金，係嚇咗一跳！當時我根本唔值咁高嘅價錢！完全唔值！」
雖然最後梅姐因病離世，未能完成這次巡唱，蘇永康亦十分感激亦師亦友的梅姐一直以來對自己恩情，他說：「有啲朋友就係咁可愛，喺你走路順風嘅時候，你未必發覺佢喺你旁邊支持你。但當你一出事，你永遠可以喺線視範圍見到佢，梅姐就係其中一個。」
與第一任太太離婚後，蘇永康坦言根本沒有再婚的考慮，直至2006年於陳奕迅的婚宴上認識現任太太Anita，蘇永康坦言沒想過這個女人改變他的一生，他甜蜜地解釋：「我後來先知，愛，可以改變一切。愛，你就會為一個人轉變，改變本身好堅持嘅想法。拍拖前，我已跟佢講好，我唔會結婚。如果要搵結婚對象，不如做朋友。點知佢又接受，又肯同我癲，又會有咁嘅女人！哈哈！所以2008年我以作品《紅顏知己》頌讚她。」拍拖六年後，蘇永康克服了對婚姻的恐懼，決定迎娶Anita，他說：「我覺得大家都相處咗咁耐，都知道對方最好最壞嘅一面，唔想蹉跎呢個人。其實我覺得婚姻係合理嘅，只要遇上啱嘅人，之後就有結婚打算。」蘇永康原本沒有打算生下一代，但婚後他決定尊重太太的想法，把生孩子的計劃交給上天，最後更一索得男，組織幸福家庭。
談到家中婆媳關係，蘇永康感恩蘇媽媽與太太都尊重彼此的看法。他更慶幸生了孩子蘇展弘（Jazz）後，令曾經患癌的蘇媽媽更積極追求健康，一向疼錫母親的阿公說：「Jazz嘅出現，令媽咪想對住個孫長一啲日子。佢04年生cancer，嗰時佢曾經同我講點樣都要多活五年，佢話未歎夠、未搭過郵輪去阿拉斯加，其次，佢未見到我企得番起身、又未結婚冇人照顧我。由04年加五年，即09啦，哈！到依家媽咪已經八十有二，今朝仲自覺去咗做身體檢查，咁係代表佢更愛錫自己嘅身體，我個仔出生時，佢喺醫院講咗一句話：『無論如何我都要捱落去，要見到佢返學。』佢想見個孫耐啲，有更多相間同佢相處，佢生存意志就係咁樣。」
(on.cc東網)
無綫劇集《踩過界》第2季於本周開始播映，大家將焦點落在正式出場的朱千雪與王浩信再續《EU超時任務》未了緣，可惜悲劇收場，仍沒有好結果。其實，第2季還有兩個催淚故事值得留意，是延續第1季盲俠（王浩信飾）與爸爸文叔（羅樂林飾）的父子情，以及盲俠與狗仔Golden的人狗情，王浩信也極力推介！
《踩過界》是無綫與愛奇藝合作劇集，香港安排在周六、日晚播出，內地觀眾每季可以率先一氣呵成欣賞，劇情早被曝光，難免減弱香港觀眾追劇心情，收視平平。
不過，劇集口碑不錯，在內地有過億點播，王浩信的演繹獲讚賞，有望憑盲俠一角爭今年視帝。即將播出的故事中，盲俠與Yanice（朱千雪飾）的一段感情關係成焦點，盲俠為她申請婚姻無效，因而再次激怒Yanice的爸爸戴德仁（單立文飾），遭遇伏擊被斬傷。
在第1季結尾，盲俠因怨恨爸爸文叔在他小時候意外失明後，將他拋棄，決定給文叔150萬元脫離父子關係。到第2季，父子情繼續發展，還加入盲俠與狗仔Golden的感人情節。Golden是文叔特別訓練陪伴盲俠，Gogo（張振朗飾）瞞着盲俠將Golden帶回家。盲俠初時很抗拒Golden，慢慢培養出感情。不過，當盲俠知道Golden是文叔所養，狠心將牠拋棄，綁在欄杆，然後乘的士離開。Golden不捨並鬆開狗繩追着的士，盲俠強忍悲傷不理會，但之後數天刻意坐的士經過拋棄Golden的地方，見到捉狗隊將Golden帶走，終下定決心將牠領回。無奈他接回Golden時，被殺手追斬，Golden護主咬着殺手而慘遭殺害，盲俠傷心後悔。
（原文：明報）
坊間有一些關於耳鳴的迷思滿天飛，例如：「耳鳴永遠都治不好」、「鳴久必聾」，或是「耳鳴會導致腎虧」、「耳鳴就是耳中風」等，到底是否正確？尤其是聽到醫師告訴患者：「耳鳴會變聾」，往往會讓患者感到萬分沮喪，繼而失眠，甚至使得耳鳴症狀更加嚴重。
你有耳鳴的困擾嗎？其實耳鳴不是病因，絕大多數的耳鳴是身體發出的警訊，表示有地方出現異常，「耳鳴是來救命，不是害命的」！一旦出現耳鳴的症狀，無需緊張，但也不能輕忽大意，而「剛剛好的耳鳴，是你最忠實的健康守護者」！
不要輕易判耳朵死刑 找出真正原因
台灣耳鳴學會理事長賴仁淙醫師表示，鼻子過敏、鼻竇炎、胃食道逆流、睡眠呼吸中止症、更年期、恐慌症及憂鬱症等，都可能會造成耳鳴，所以，不要輕易判耳朵死刑，而是應該好好檢視自己的健康狀況，找出引起耳鳴的真正原因。
什麼是指「剛剛好的耳鳴」？賴仁淙醫師在其新書《耳鳴，是救命的警鈴》表示，「剛剛好的耳鳴」即指適量又有任務性的耳鳴，是身體最敏銳的警衛隊。我們可以把耳鳴視為身體的警衛隊，尤其是聽覺或附近器官系統出狀況時，例如胃食道逆流患者也可能耳鳴，這是因為胃酸到喉嚨及耳咽管的距離很短，一旦胃酸湧上來時，就可能塞住耳咽管，引發耳鳴。
民間有「鳴久必聾」的說法，其實，是錯誤的！ 耳鳴和身體的疼痛一樣，事出必有因，不能只想著止痛或是消滅耳鳴，而忽略了追查背後的真相。
【破解常見3個耳鳴迷思】：
迷思1：耳鳴一輩子都治不好了？
大部分的急性耳鳴6個月以內會自然痊癒，而且都可以回復到正常狀態。就如同百分之九十九的暈眩症患者一樣，症狀大部分都會在3個月內好轉。醫師不宜告訴患者耳鳴永遠都不會好，將使患者頓時陷入絕望的情緒裡，以為自己這輩子完蛋了，使得負面情緒會加劇耳鳴的狀況，耳鳴又會產生負面的想法，於是產生惡性循環。
臨床發現，百分之八十五的慢性耳鳴患者，或多或少都有聽力損失的狀況。雖然感音神經性聽損不能治癒，但是耳鳴的感覺卻是可以被改善、被壓縮的。因為耳鳴不是從內耳發出，而是從大腦感覺而來的。
迷思2：耳鳴久了必聾？
民間有「鳴久必聾」的說法，其實，是錯誤的！ 耳鳴和身體的疼痛一樣，事出必有因，不能只想著止痛或是消滅耳鳴，而忽略了追查背後的真相。耳鳴的存在，代表身體正在發出求救信號，所以，醫療人員更應該善用這條線索，認真追查。
迷思3：耳鳴會造成腎虧？
傳言說「耳鳴會導致腎虧，進而讓性能力下降」，也許正是不少男性害怕耳鳴的原因。由於中醫古籍有「腎開竅於耳」的說法，因此耳鳴被視為與腎虛、腎虧相關，對一般人而言，常常會有性功能障礙的聯想。將耳鳴跟腎虛或腎虧劃上等號，其實是受限於古代解剖生理學知識的不足所致。
最後提醒，耳鳴和身體的疼痛一樣，事出必有因，不能只想著止痛或是消滅耳鳴，而忽略了追查背後的真相。耳鳴的存在，代表身體正在發出求救信號，所以醫療人員更應該善用這條線索，認真追查。
(華人健康網)
