現年42歲嘅藝人鄺文珣（May），婚後為老公應德榮誕下兩個囝囝，今年四月仲分享懷有第三胎嘅喜訊。不過May一直好口密，未有公開肚入面BB嘅性別，尋日佢仲喺ig叫網友估吓佢佗仔定女添！
而今日終於揭盅宣布佗B女，真係恭喜晒！
已有兩子嘅May如願追女湊夠「好」字，令家庭更加幸福美滿，當然開心啦！
臨盆在即嘅May仲話好期待囡囡「小麵粉」嘅來臨，佢話：「卸貨倒數中，很高興我的小麵粉就快出來和大家見面啦！這段懷着她的日子的確不容易過，可是可以再次成為媽媽的喜悅勝過了一切，她的來臨也讓我們的家庭多了一個『好』字，願這個『好』也同時臨到大家。感恩和感謝大家一直以來的關心和支持。」恭喜恭喜！
(on.cc東網)
夫婦經歷二人世界後，想增添新成員，就要做足準備。坊間流傳不少準媽媽禁忌，「有咗」不可以洗牙？計劃生育前要食葉酸？懷孕前開始戒吃哪些食物？衞生署高級醫生(家庭健康服務)林慕勤及營養師(家庭健康服務)葉欣琪提醒準媽媽各項準備功夫，確保誕下健康寶寶。
問：夫婦倆要做哪些身體檢查？
答：主要針對遺傳病、傳染病、身體包括口腔檢查。常見的隱性遺傳病都要檢驗，包括地中海貧血、Rh因子。婦女應檢查有否足夠的德國麻疹及水痘抗體，萬一懷孕期間受感染，可導致胎兒先天性缺陷；乙型肝炎帶病毒者亦有機會在分娩期間將病毒傳給嬰兒。若婦女從未接受相關疫苗接種，可於懷孕前向家庭醫生查詢，打針後三個月內要避孕。計劃懷孕前要接受牙科醫生口腔檢查，治療牙患，避免懷孕期間檢查牙齒時要照X光。
問：懷孕前戒咖啡、濃茶？「咖啡癮」起點算好？
答：計劃懷孕及懷孕期間必須限制飲用含咖啡因的飲料，例如咖啡、濃茶、某些汽水及能量飲品。攝取過多咖啡因可增加流產及嬰兒體重過輕的風險。每日不可攝取多於300微克咖啡因，但一般茶餐廳的奶茶、咖啡一杯隨時含逾千微克咖啡因。「咖啡癮」起，可考慮飲脫咖啡因的咖啡或奶茶。
問：葉酸有甚麼作用？
答：計劃懷孕至懷孕首十二周，應每日服400微克葉酸補充劑，有助減低胎兒患神經管缺陷，例如先天腦部或脊椎發育異常。雖然胎兒患神經管缺陷在外國較常見，香港準媽媽也要小心駛得萬年船，日常飲食可多吃深綠色葉菜、各種豆類和乾豆，水果及一些添加葉酸的早餐穀麥片等。
問：素食準媽媽要營養補充？
答：素食者有機會攝取不足維他命B12、鐵、奧米加-3、DHA等，可選用適當的營養補充劑，或多吃豆類、果仁、雞蛋攝取蛋白質；可考慮服維他命B12補充劑或添加維他命B12的早餐穀麥片。
問：準備懷孕不宜服西藥？
答：一般在註冊藥房購買到的撲熱息痛止痛片可按指示服用，若證實懷孕前曾求醫，並獲醫生處方多種藥物，最好帶同藥物再向醫生查詢藥物是否合適，有否需要調節等。
(on.cc東網)
楊洛婷（Rabee’a）周四喺養和醫院誕下6磅半囡囡Tanya，老公Dear Jane主音歌手黃天翱(Tim)收工後趕得切入產房為囡囡剪臍帶！
啱啱榮升做爹哋嘅Tim，今朝一早去咗迪士尼出席跑步活動，講起老婆Rabee’a同囡囡Tanya，Tim笑容滿面話：「其實好攰，呢兩日瞓得6個鐘，醫護人員教點餵人奶，不過太太未上奶，有醫護人員睇住太太，我好放心。」
親手為囡囡剪臍帶嘅Tim，佢話嗰個感覺好刺激，相比樂園內嘅機動遊戲根本冇得比：「感覺好似剪緊牛雜，煙韌得嚟又淋淋地，其實最正係太太15分鐘就生咗，因為佢無痛分娩，幾舒服，見BB出世，我哋大嗌，嗰個感覺係形容唔到。」
提到囡囡似太太，Tim話：「佢每兩個鐘就變樣，o依家收緊水。」Tim嘅囡囡出世，再加上Dear Jane推出新歌，可謂雙喜臨門，佢笑住話：「時間夾得好好，我覺得係天意，好感恩，（就連今日都跑第2？）瞓得6個鐘，所以個人high high哋，陣間都要衝去搵老婆。」
會唔會作歌畀太太同囡囡？佢話o依家冇時間去寫，但如果有靈感都會作歌。至於會唔會再追多個？Tim話：「有諗過，但見步行步啦，慢慢嚟，o依家先生咗第1個。」佢透露中文名會由爺爺去改。問到Tim嘅隊友Jackal會唔會做契爺？佢話：「梗係做，等佢爸爸媽媽邀請我先，我連禮物都準備好喇！」
(蘋果日報)
湯洛雯最近火速上位，又做「是非精」，又劇接劇，最近劇集《燦爛的外母》出街，佢嘅演技都獲唔少網民力讚！
湯洛雯貴為上位花旦，靠佢個靚樣，都迷倒唔少男士！
日前，佢就上載條片，佢旁邊有一個貌似苟芸慧嘅靚女，原來佢係湯洛雯嘅妹妹！
兩姐妹顏值超高，真係冇得輸！
湯洛雯妹妹不時四圍去旅行，食吓好西，好識享受生活。
網友都留言話「世界級姊妹」，更大讚妹妹唔去選港姐嘥晒呀！
(on.cc 東網)
應屆出爐港姐冠軍雷莊𠒇自當選以來是非不斷，早前喺社交網開直播反擊一班對佢負評嘅網民，仲話「I don’t care」，懶理所有負評。
雷莊𠒇日前就喺社交網上載與牙醫男友貼面合照，非常Sweet！
佢留言祝賀男友生日快樂，仲sweet爆讚對方靚仔。
「Happy birthday my handsome Hanmin! One of the many reasons why we work so well together is because we both fully shoot for the stars and have each other’s backs.」
雷莊𠒇仲話依家同男友分隔兩地，但無論相隔幾遠，都無阻二人之間嘅感情，最後仲冧爆講愛的宣言。
「We make each other proud from our own achievements and we are both ambitious. Thank you for believing in me and supporting me & my career choice. For a year now, you’ve hyped me up and now I’m another step closer to my goal! I promise to not let distance (nor fame) affect us, you have my heart. Love you babe!」
不過，依然有好多網民繼續攻擊雷莊𠒇，但未有影響雷莊𠒇嘅心情。
尋日佢仲喺網上發千字文，重申指自己唔會被負評影響，仲話自己活得好開心，唔會改變自己。
(on.cc 東網)
踏入36歲的范冰冰，和李晨以「我們，永遠」在微博留言宣布婚訊，其實「我們」這兩字對他們別具意義。
在2015年5月晨冰在微博以「我們」作為留言正式公開戀情，更是范冰冰入行以來首次認愛！
相識多年的范冰冰和李晨，在2014年合演內地劇《武則天》擦出愛火花。未認愛前，范冰冰已甜到漏的公開盛讚對方：「他是不錯的選擇！他人品非常好，而且有英雄主義。」
李晨對范冰冰呵護備至，並曾為她向舊愛張馨予公開反擊！晨冰公開戀情不久，張馨予在微博語帶相關說：「有時候你以為一輩子在身邊的人，也許會突然消失，甚至來不及抱一下。」並刪除她和范冰冰的合照外。
未幾即傳出范冰冰是介入李晨和張馨予做小三！不甘女友被插及忍受不住舊愛張馨予「贈興」的李晨，即反擊指張馨予出軌導致分手，並堅稱自己和范冰冰拍拖時雙方都是單身！
范冰冰前年她說：「接下來的心願，就是接幾個自己想演的角色，有一個好的家庭……還要幹嘛啊，我是個女的，對吧？」
她承認與李晨的戀情是以結婚為目的，大讚李晨是完美的另一半及認定他為最後一個男友：「我覺得他就是那種典型的，能夠一步一步成為好老公、好爸爸的這樣一個男人，他很穩定。」
李晨深得范冰冰歡心，相信是其可愛及坦白的性格所致！
2015年年底晨冰在小S的節目中被直問：「最近一次做愛是甚麼時候？」李晨誠實回答：「澳洲回來的第一天。」范冰冰尷尬笑說：「其實你可以繞圈子，不用這麼認真回答。」
(on.cc 東網)
尚有約3星期便到中秋節，有關中秋節的冒牌物品在市面湧現。海關接獲線報指有人在網上及上水藥房街，銷售懷疑冒牌半島迷你奶黃月餅，經調查後採取行動，共撿獲213盒冒牌月餅及拘捕5人，另外在港九新界多間店舖，撿獲211件懷疑侵權燈籠，及逾800件懷疑侵權玩具，料市值約11萬元，整個行動共拘捕15人。
海關上周接獲線報，指有冒牌半島迷你奶黃月餅在巿面出售，前日採取行動，關員在上水一間藥房巡查，發現店內放有懷疑仿冒半島迷你奶黃月餅，售價較原價338元貴約30元，關員扮顧客購買後，隨即表露身份檢查該批月餅，據稱在現場售賣的53盒半島月餅中有3盒證實是冒牌貨，料有人混合真假貨圖魚目混珠，關員以涉《違反商品說明條例》拘捕一名店員。
另外，海關巡查社交網站發現，有人放售懷疑假冒半島迷你奶黃月餅，遂扮顧客相約賣家在港鐵站交收，並派員監視，一名女子現身交貨後被關員跟蹤至深水埗一間食店，海關即突擊檢查該食店，撿獲210盒懷疑假冒半島迷你奶黃月餅，海關初步調查發現，該食店並無售賣任何月餅，卻成為冒牌半島月餅的儲存倉，該批貨品網購價為210元，較原價便宜128元。行動中拘捕一名先前在港鐵站交收的女子、一名透過社交網站發佈消息的用戶持有人，及兩名涉事食店店員。
海關版權及商標一般調查組指揮官譚佩英稱，今次是海關首次破獲有人在巿面放售冒牌半島酒店迷你奶黃月餅，連同海關早前撿獲211件侵權燈籠，及逾800件其他侵權物品，整個行動共拘捕15人，包括8男7女（38至68歲），其後全部獲准保釋候查，海關會繼續在中秋期間進行打擊售賣侵權物品的行動。
譚提醒，真假月餅在包裝上有3大類不同，包括字體、分隔位及圖案線條等，例如月餅盒底部正貨英文字句印有「IN A」字樣，但冒牌貨卻將「INA」相連；月餅盒正貨盒面蓮花花瓣圖案有12劃線條，但假貨卻有18劃線條；正貨月餅盒側面或底部的逗號等符號與中英文字體相隔，如「cool, dry」，但假貨的「cool,dry」則無空格。
譚稱，海關已將懷疑偽冒貨品送往政府化驗所檢驗，偽冒月餅未有超出法例規定重金屬含量上限，相信假貨流出巿面數量不多，會繼續追查。
香港半島酒店發言人回應，海關主動聯絡指有人涉嫌售賣懷疑侵權的半島迷你奶黃月餅，公司聯同海關合作分辨真偽，提醒顧客可往半島精品店及指定分銷商購買月餅。
(蘋果日報)
享盡齊人之福嘅43歲嘅澳門賭業猛人周焯華（洗米華），佢同正印陳慧玲（Heidi）再加埋情人Mandy Lieu嘅三角關係，已經成為城中熱話，嗰陣因為洗米華同Mandy嘅「世紀一拖」，搞到Heidi決定離婚。
不過最後喺洗米華極力挽救下，成功冧掂老婆Heidi撤銷離婚申請，另一邊廂又用銀彈政策o氹掂Mandy Lieu乖乖留英國，結果兩頭住家和氣收場。
本來呢段三角關係沉寂咗一時，但係點知喺今年6月，洗米華去咗夏威夷參加老友澳門德晉集團百億CEO陳榮煉同台灣女星安以軒婚宴，攬住日模松岡李那跳舞，搞到Mandy嬲嬲豬，仲有傳話佢越洋用WhatsApp鬧爆松岡。事後有傳洗米華飛咗去英國o氹番Mandy Lieu，仲先後有讀者喺英國唔同地方捕獲佢哋兩個！
喺英國受恐襲前一日，即14日嘅下晝5點左右，有讀者黎小姐透過「爆相爆片」，喺倫敦Harrods行街，黎小姐話：「嗰陣我見到佢哋啱啱睇完女裝，跟住撘電梯去咗睇童裝，不過個男人喺嗰兩程電梯好熱情，好主動擰轉後面錫咗Mandy 4、5次！行到去童裝部，佢哋都男仔女仔嘅衫都有睇吓！」
黎小姐仲話：「其實男嘅警戒性都好高，見佢周圍望，佢都有懷疑我影佢，係咁望住我哋，不過喺現場都有一批香港人見到佢哋，有唔少人對佢哋指指點點，但係佢哋都冇乜點理！」
提到英國受恐襲一事，目前仍喺倫敦嘅黎小姐，被問到倫敦受襲後嘅市面情況，佢話：「我都有睇到新聞，不過因為我近st. James’s park，同事發地點都有半個鐘車程，啲人淨係叫唔好去嗰邊，佢哋又唔係好驚喎，雖然佢哋咁講，但係我都唔係好敢去嗰邊！」
另，松岡李那原計劃噚晚由日本飛到倫敦睇分別喺英國時間16日及17日嘅兩個時裝騷，其經理人王友良回覆《蘋果》話松岡已經決定取消行程。王友良話：「其實今朝北韓發射導彈（飛越北海道上空），佢已經冇乜心情，o依家倫敦又發生恐襲，兩件事令到佢決定取消倫敦行程，留番喺日本陪佢父母。」
(蘋果日報)
譚芷昀（Celine）日前於美國全國廣播公司NBC嘅《全美一叮》出局。
日前Celine現身NBC王牌清談節目《The Ellen DeGeneres Show》，有傳大會極力補飛為Celine挽人氣！
Celine自6月打入《全美一叮》奮戰連過三關成全城焦點，不過於準決賽慘被淘汰，令粉絲大嘆可惜。
雖然無緣殺入決賽，不過Celine自言已贏珍貴經驗與友誼！
Celine接受曾主持奧斯卡嘅名嘴Ellen DeGeneres訪問，更特別安排上季冠軍Grace與Celine同場互動！平日好少見《全美一叮》出局參賽者上艾倫節目咁大陣仗。
有指Celine今次獲邀上節目原來係《全美一叮》補飛之作，傳《全美一叮》今季被勁多網民批評揀選大量小朋友演唱出賽，搞到好似歌唱比賽。
大會為此調動Celine勁敵Angelica Hale於準決賽出賽的日期，搞到Celine對撼重量級Angelica，提早出局。
不過對於在《全美一叮》人氣爆燈的Celine被「叮走」亦感到遺憾，最後於她出局當日，秒速請她驚喜亮相NBC王牌節目《The Ellen DeGeneres Show》。
(on.cc 東網)
藝人海俊傑與太太Effie於北角一間酒店設婚宴，一眾圈中人包括：王書麒與太太許秋怡、陳浩民同太太、何華超、李璨琛、姜大偉、張學潤、關寶慧、葉佩雯和黃佩霞等亦先後到賀。
王書麒與太太許秋怡夫婦受訪時，秋怡說：「未入行前已識海俊傑，後來二人相認，仲喺內地一齊做嘢，14年前我哋結婚佢都有嚟飲，所以今日到佢結婚，我有騷都唔接，推Job都嚟見證。（教佢哋夫妻之道？）佢哋兩公婆都好好，反而我同書麒成日鬧交，不過老公話呢啲係增進感情。」
及後他們夫婦更自爆，14年前結婚都沒有註冊，書麒說：「都好想同秋怡註冊，秋怡仲話唔想喺香港，佢講笑話美國註冊好，離婚都快啲，啋！」秋怡在旁謂：「依家註冊都好方便，叫律師返嚟屋企，着睡衣都得！我哋呢21年感情（包括拍拖）都好好，其實一紙婚書唔重要，二人感情好就得，只係保障方面，如果我有大手術，書麒冇得幫我簽字！（仔仔知嗎？）佢都知，都冇催，但我哋一定會做，喺我出年7月20號生日註冊囉，當生日禮物。」
(on.cc東網)
