「跳水皇后」郭晶晶出席慈善跑記招，現場她與一名4歲外籍小女孩做拍擋試跑，熱身時小女孩被拿走自己帶來的公仔似感到不開心而扁扁嘴，晶晶即落力施冧功，而試跑時，晶晶亦極力照顧拍擋而甘願跑包尾。
計劃再生：少少想
晶晶透露11月的慈善跑亦想帶同三歲的大仔霍中曦一齊跑，她說發覺兒子喜愛跑步，但不愛游泳，細女霍中妍現時五個月大，她說還未識與哥哥玩耍，問到囡囡是否長得像嫲嫲（朱玲玲）？她說：「不知道，囡囡仲細，每一天都不同，在改變。（仲會唔會拍真人騷？）未有再想，要照顧兩個小朋友，而且之前是因為真人騷是運動題材。（帶子女一同參加真人騷？）不會，小朋友應該做番自己同齡年紀要做的事。問到有否計劃再生？她說：「少少想，仔女冇所謂，已經有一仔一女，老公都冇所謂。」
餵母乳未開始keep fit
早前朱玲玲慶祝生日，晶晶亦有與奶奶慶祝，還與大仔做了一個禮物盒送給奶奶做生日禮物，大仔還唱生日歌，她說朱玲玲收到禮物甚高興。晶晶透露現時仍以母乳餵哺細女，說大仔也餵母乳至一歲，問到會否不能做運動keep fit？她說：「未開始，因為餵人奶，唔想冇營養。（不介意肥？）到時先減。（同奶奶打羽毛球做運動？）唔識。」
如果媽媽覺得寶寶晚上睡得不好，盡量在下午3、4點之後不要再喝。。。
母乳有益嬰兒健康，但很多哺乳中媽媽仍喜歡喝咖啡、喝茶，最近南投縣政府衛生局舉辦母乳哺育宣導活動後就接獲媽媽們詢問：「餵母奶可以喝咖啡嗎？可以喝茶嗎？」。對此，南投縣政府衛生局表示，咖啡、茶中的咖啡因可能排至母乳中，如果媽媽長期飲用大量的咖啡因時，可能造成寶寶躁動不安、不好睡，但若慎選喝的時間，且1天攝取量不超過300毫克，對寶寶影響不大。
南投縣政府衛生局表示，哺乳中的媽媽喝咖啡或茶時應注意適量、適時及適當3大原則，適量是建議1天攝取量不超過300毫克；適時則是咖啡因在進入人體1小時後存在母乳中的含量最高，所以要慎選喝的時間。另外，如果媽媽覺得寶寶晚上睡得不好，盡量在下午3、4點之後不要再喝咖啡。
至於適當是因咖啡會影響鐵質的吸收，而鐵質正好是孕婦和嬰兒最需要的礦物質，雖說咖啡因在寶寶體內的代謝會隨著年齡而加速，影響也會越來越小，但哺乳中的媽媽最好還是意注意一下喝咖啡或喝茶的量，才能讓寶寶更健康。
(自由時報)
最近大台就播緊《三生三世十里桃花》，素素已經回復返神仙身份！
雖然劇中白淺同夜華仲未正式喺埋一齊，不過現實中嘅夜華同素素就終於再見面啦～
楊冪（素素）同趙又廷（夜華）近日就同時現身某品牌時裝周。
兩人現場親密熱聊。
楊冪身穿長身大衣優雅迷人。
趙又廷西裝革履帥氣十足。
望見二人嘅合照，真係令人想再睇返一次《三生三世十里桃花》！
(騰訊娛樂)
消委會測試了30款外置充電器的效能及安全，售價由79港元至500港元不等，產品標示的電容量由5000mAh至12000mAh不等。
測試結果發現各樣本表現參差，4款總評獲5分滿分，而表現最差3款只獲1.5分。
消費者一般會以標示的電容量判斷充電量多寡，但原來其數字只是充電器內電池總電容量，並非充電器實際可輸出電容量，測試發現有3款尿袋，包括VERUS v12、PRODA PPL-23、Leouw LE-212量得的電能較其標示的平均差異超過40%，只有6款樣本的電能差距少於15%。
消委會亦測試尿袋的耐用性，以重覆充放100次，模擬一年使用情況，其中1款價值299港元的thecoopidea journey CP-PB-09，於使用26次後便出現故障，表現強差人意。只有26款樣本在完成100次充放電後，電能跌幅少於10%，3款樣本表現較差，分別下跌10.1%、24.5%、60.5%，其中跌幅24.5%的樣本，電池更出現膨脹，機身發脹4毫米，該樣本為INFINITY QC808。
消委會測試發現尿袋安全問題亦成疑，9款未能通過部分測試要求，若尿袋的電池發生短路，有機會產生火花甚至起火，為了阻止火燄蔓延 ，尿袋物料必須不易燃發及阻止燃燒擴散，其中7款尿袋的外殻物料未能通過火燄測試，外殻被火燄燃點30秒後，仍繼續燃燒超過60秒，外殻有待改善，樣本包括Maxtron、VERUS、牛魔王Maxpower等。
另有3款樣本實際輸入電流較標示高，差別由20%至70%不等，高於標準10%上限，有機會導致USB超出負荷而過熱，最嚴重時會爆炸。
(on.cc 東網)
如果皮膚容易敏感的話，更加啱用。。。
根據國外網站Natural Living Ideas的報導，因椰子油的分子十分的細小，且成分中富含了維他命E，因此當直接塗抹於肌膚上使用時，可以很順利地被肌膚吸收而不阻塞毛孔，達到保濕和抗老的功效！
用途廣泛，功效顯著，不妨可以一試：
1. 保濕滋潤：在潔面後拍上爽膚水，將一至兩滴椰子油放在掌心輕輕搓暖，再塗到面上按摩，很快就會被肌膚完全吸收。
2. 減淡細紋：椰子油中含有豐富的抗氧化劑，可防止引致老化的元兇「自由基」的形成。睡前取少量椰子油，輕輕按摩面部及眼底至完全吸收，有助減淡細紋，讓肌膚更細膩。
5.卸除彩妝：椰子油能輕易卸除最頑固的防水眼唇彩妝。將椰子油塗抹於面上並打圈按摩，再用面紙抹乾。對付眼唇的化妝則可用化妝棉沾上椰子油輕輕擦拭。
6.唇部護理：用手指沾上少許椰子油塗於唇上可作天然的潤唇膏。亦可混合砂糖在嘴唇輕輕按摩，去除唇部死皮。
(每日健康)
由於兒童玩滑板車時要長時間用雙手抓緊手柄，消委會亦針對手柄物料進行化驗。結果發現15款滑板車有14款的手柄物料都驗出有不同程度的致癌物多環芳香烴（PAHs），當中10款含量更高於德國自願性安全標籤計劃（GS Mark）要求上限，有機會刺激小童皮膚，引致發炎。
消委會建議家長應根據產品標示的適用年齡、最大承重等資料為孩子選購合適的滑板車，並要留意滑板車的說明書及標示是否齊全。
由於兩輪和三輪滑板車需要不同的平衡技巧操作，家長宜根據子女的能力選購，使用時應為子女穿戴合適的護具，如頭盔、護肘、護膝、運動鞋等，並由成人監督下在人流較少、地面較平坦的地方使用。當兒童玩完滑板車後應立即洗手，以免攝入PAHs或重金屬等有害物質。
【5款滑板車通過全部測試及有完備標示說明】
1. 「Globber」Primo（$580）
2. 「HTI」Disney Toy Story Move & Groove Scooter（$399）
3. 「Avigo」Twisty Scooter（$200）
4. 「Zinc」Interceptor Scooter（$350）
5. 「HTI」Hello Kitty Folding Scooter（$399）
【3款滑板車測試評級最低】
1. 「Fei Yue」極限王子兒童滑板車（$198）
2. 「Mesuca Disney」 Frozen Multi-Function Scooter / DXK35-Q （$390）
3. 「ScooTer」 SSWT-929 （$220）
（資料來源：消委會）
韓國男團MONSTA X嘅24歲成員元虎，前日一邊做運動一邊開live。
佢仲同粉絲分享自己十日減11磅嘅方法。
元虎表示：「感覺需要減肥啦，為咗展示腹肌而運動，我十日減咗11磅，每日都分別踩單車及跑步一個半小時。」
元虎又表示佢有食維他命補充劑，飲食盡量唔好太鹹，注意多飲水。
食飯前一定要食香蕉同番薯，而且每日都會浸半身浴。
(Apple Daily)
前組合2R成員黃婉佩（Race）喺5月時為新加坡富商老公David Loh誕下囡囡Cara！轉眼間Cara已經100日大，Race喺社交網晒出老公為囡囡搞咗個百日宴派對嘅相，場面溫馨。
派對上擺滿唔同嘅花花同各式各樣嘅甜點做裝飾，非常華麗！Race亦開心留言：「Darling you’re so good to me!!!!（親愛的你真係好好呀！）」
唔少網友紛紛送上祝福，希望Cara健康成長！
(東方日報)
現年45歲嘅戴耀明係TVB綠葉王，入行二十五年，有「御用傻仔」之稱，相信好多觀眾都認得佢，不過就未必知佢叫咩名，但佢女神你就一定識，就係佘詩曼，原來戴耀明更曾向阿佘示愛！
有報道指，2003年，戴耀明同阿佘拍完《金枝慾孽》做咗好朋友，佢曾同阿佘講，話將來搵到錢要娶佢做老婆，又試過飲醉酒以短訊示愛話好掛住佢，不過戴耀明話預咗阿佘拒絕自己，希望將來可以有機會同佢拍戲有感情線，當係一個回憶。被記者問到此事，戴耀明更大笑：「我哋係好朋友，成日同埋阿戚（戚其義）成大班演員聚會，呢啲係講笑嘅說話，我哋嘅距離係10萬億咁遠，望吓就夠！」佢仲話：「不過阿佘真係好正，有時比男人仲男人，但係有時佢又好女人，性格又爽直，佢真係數一數二嘅珍品，難得一班朋友咁玩得，真係好難得！」
而家感情方面，佢同拍拖5年嘅圈外女友分手，戴耀明話：「其實分咗手都有一段時間，心情都已經平伏晒，童話故事只會喺劇集裡出現，兩個人相處，唔係淨係話好鍾意就得，有時位置太遠，一定會有好大壓力。」
感情失意，事業卻得意。報道仲話，戴耀明將會返大陸拍劇做男主角！戴耀明：「今次會同曹查理合作拍一套時裝劇。」咁係咪會北上發展？佢話：「其實真係好好彩，好多謝大家俾呢個機會，我o依家都未有確實計劃，我同公司仲有合約，而且喺大陸又冇經理人，係自由身，所以諗住邊拍邊學，慢慢再決定！」
報道話戴耀明今次喺大陸拍劇酬勞可觀，拍一組戲已經等於喺香港兩、三個月人工，佢就話：「始終上面有好多電視台，唔係好似香港得一間，變咗需求自然大，喺綠葉演員嚟講，我已經算平，好似同一個級數，出得嚟認得個樣，起碼有四、五萬一組，就算嗰啲企喺皇帝身邊嘅太監，都有兩、三萬一組，我只係中位價。」
（蘋果日報）
參選港姐晉身娛樂圈嘅麥家琪，06年下嫁大律師王國豪，之後淡出幕前，做少奶奶之餘更密密生。麥家琪婚後連生兩子，大仔 Johan，細仔Enoch，而有仔自然想追女，佢12年再如願順利誕下細女。
麥家琪昨日出席ViuTV「G-1格鬥會II」記者會，已經生咗兩子一女嘅佢，出場時話好耐冇見大家，今次參加MMA比賽係想話畀仔女知咩叫堅持。受訪時，被問到點備戰？家琪就話最近好忙，要為電影宣傳，覺得好累，未有時間練拳。問到有冇信心勝出比賽？佢直言冇，會當平時做運動咁。佢又笑住話會真打對手：「打佢囉，梗係要真打，其實我本身唔驚，但愈睇外國比賽就愈驚，打到噴血，頂唔順。（驚唔驚小朋友睇到會擔心你？）有教小朋友咩係運動，咩係爛仔交，我有畀佢哋學泰拳，保護自己，但唔可以蝦蝦霸霸。」
不過家琪話現場比賽就一定唔畀小朋友嚟睇，費事佢哋騷擾到其他參賽者，而小朋友亦唔知佢參加今次比賽。問佢怕唔怕體力唔夠？佢話：「唔擔心，呢啲係練番嚟，最多休息多啲。（少咗時間陪仔女？）唔會，以佢哋為先。不過真係好忙，又湊小朋友，又練拳。」
(東方日報)
