有報道指謝安琪（Kay）誕下囡囡張靖後，由於不時進補，仍未收身，又指Kay下半身較圓潤，要穿全黑的秋裝遮掩身形，有網民在社交網站留下涼薄留言惡意攻擊，甚至指阿聰和Kay整容。
「愛妻號」張繼聰今午在社交網站大反擊，他先cap低留言的圖片，然後撰文護妻，他坦言香港有言論自由，可惜未必每個人都有尊重別人的修養；阿聰又感謝Kay懷胎10月之苦，讚她是偉大母親，全文內容如下：
「香港有言論自由，可惜未必每位朋友都有尊重別人嘅修養。我好少放係（喺）心，更加唔會嬲，不過講我太太，我就講幾句。太陽係喺東邊升起，係唔需要証（證）明，又唔駛（使）討論，因為係事實。就好似我覺得我太太有幾靚一樣！
我感激我太太，暫時放低自己嘅事業，承受懷胎10月之苦，無微不至咁照顧我地（哋）嘅小朋友。依（呢）種已經唔係靚咁簡單，係為人父母嘅偉大。
仲有，女士們生完BB，最緊要係調理身體，根本唔需要介意身形。到適當嘅時候，先開始運動配合飲食，你慌唔會fit番？
大家放心，我老婆係唔會變番以前咁，而係會比以前更健康，更fit（更靚我就唔敢講啦，因為係我心目中已經好盡吓，不過唔介意再盡啲）
（原文：明報/圖片：FACEBOOK）
台灣女星徐熙娣（小S）育有三位囡囡，她在個人社交網站上與囡囡上演古裝劇，留言說：「就算我年過80，身邊有三個女兒，我也一點都不感覺遺憾，因為我相信我將來老了、殘了、廢了，我三個女兒肯定是會守在我身邊的。」
小S未幾就大叫大女的名，正在洗澡的大女幾秒後出現，站在小S後面，用嘴形無聲的學媽媽說話，小S問她：「媽媽將來老了、殘了、廢了，需要人推輪椅，拍痰，妳願意做這個事嗎？」囡囡調皮地不回答，令小S怒叫：「回答！」十分搞笑！
卓林係吳綺莉為成龍所生嘅私生女，早於99年2月，成龍同吳綺莉傳出緋聞，兩人均矢口否認，又話關係只如兄妹。當時有周刊拍得成龍送吳綺莉返回舊山頂道的寓所；事後問兩人是否拍拖？成龍謂：「o依家啲報館嘅採訪手法似乎有啲問題，成日搵狗仔隊跟明星，其實外國都有好多狗仔隊，但唔同香港嗰啲，人哋外國狗仔隊會證實咗先寫，但香港就係『屈字堆』。我哋香港嘅電影界同報界應該要團結，惡性競爭先會令到生靈塗炭。」
同年10月，驚爆吳綺莉懷孕四個月，當時成龍笑笑口謂：「做乜問我啫！」記者再問：「有消息話吳綺莉大肚，傳嗰位武打明星係你喎？」成龍謂：「係咩？我都唔知點解。佢（指吳綺莉）都冇話係我。唉，係咩？是但啦，你鍾意點寫就點寫啦。嘿！好吖，我終於可以打低鄭伊健，成為頭條啦！」
近年不少星二代都加入娛樂圈，魔童年紀輕輕已經遺傳爸爸媽媽的優良DNA，連老婆靚靚都曾大讚囝囝靚仔，問到若果魔童將來想入行，Chilam又有何看法，「其實做藝人都係其中一行，但聽講呢個世界仲有72行，每一個小朋友都有好多可能性，所以我唔會成日著眼於佢究竟會唔會入行，呢個行業好細，世界好大。」
Chilam與老婆靚靚是圈中的模範夫妻，結婚16年依然恩愛，更不時於網上放閃 ，不過Chilam就強烈否認自己是浪漫的人，「我真係唔係，有時都會被投訴話唔夠浪漫。」不過聽到他說出對浪漫的定義，其實就已經足以冧爆，「浪漫並唔係在於品質，時常要送嚟送去，送嚟送去但係你成日都出去沾花惹草都係冇意思，反而我覺得係一個遵守，或者叫做keep住一個promise係最浪漫嘅一件事 。」靚靚有要求你做什麼浪漫的事嗎?，Chilam笑說「咁就實在太膚淺喇！」
Chilam早前過了46歲生日，身為美魔男的他無論皮膚外貌身形，依然保持得非常好，這次受訪時因為拍戲而留鬚，更多了幾分男人味，對於衣著打扮，Chilam表示私下愛輕鬆，「喺工作上我都有要求，每次出嚟希望都符合到要去嘅場合，但私底下就盡量輕鬆，平時已經好dress up，私底下就盡量casual平衡番自己生活，平時又咁行，做嘢又咁行，我唔係想要咁嘅生活。」