成龍女兒卓林早前喺IG出櫃，同加拿大網絡紅人Andi終於可以大大方方面對公眾，但係佢喺IG表示曾經「為家庭好，去隱藏」，咁親生老豆成龍對於卓林出櫃又點睇？
卓林講過就算俾1億佢都唔會同成龍相認，媽媽吳綺莉今年3月亦喺記者會度喊晒口咁爆成龍對個女不聞不問連生活費都唔俾。
對於卓林認同性戀，今日有國內傳媒就報道，話成龍喺一個活動上面終於開腔回應咗呢件事，只係講咗5個字：「她開心就好！」
態度相當冷淡，但係比當年房祖名涉嫌容留他人吸毒、藏毒嗰陣，成龍大罵：「小王八蛋」，今次語氣算平和咗好多。
(蘋果日報)
張達倫於日前榮升爸爸，太太為他誕下囝囝Zachary。
昨天張達倫接太太和囝囝出院，又笑稱想幫囝囝改名「張紙」，不過他表示囝囝的中文名，會交給長輩給予意見。
今午張達倫在instagram上載囝囝新相，睡在BB牀的Zachary眼仔睩睩，望住掛在BB牀的公仔。
初為人父的張達倫說：「Zachary come home love! 給你一個五星級的家。我地會24小時全天候照顧你、保護你、愛護你。希望你都唔好投訴咁多，喊少D、瞓多D！因為張床仔咁舒服。」
（明報即時娛樂）
黃子揚日前被發現在港入紙申請與內地經理人Bobo結婚，這次是他第3度當新郎。 
豈料喜事曝光後即被翻舊帳，他遭揭發早年被好兄弟林俊賢「撬牆腳」，其第二任太太Winnie先與他拍拖，但之後林俊賢介入並與Winnie結婚，二人育有一名兒子。
及後Winnie與林俊賢感情決裂再與黃子揚復合，而黃子揚一直視林俊賢兒子如己出，更負責養育多年！
今日凌晨時分，黃子揚於微博上載婚照，且留言寫道﹕「Praise the Lord讚美主，謠言止於智者，過去幾十載的事不想再去重提傷害無辜，所有真相上帝全知曉，神是最公義的…唔解釋，一切交托畀神，感謝神給我真正的幸福很感恩，有神的祝福已經很足夠…為所有關注我嘅人禱告，願神祝福你們福滿溢，say grace amen！」
只見他與未來太太分別穿上中西禮服拍婚照，二人無論笑容及視線都甚有默契，相信對未來婚姻生活相信充滿憧憬，認真恭喜！
（on.cc 東網）
受到颱風「卡努」吹襲嘅影響，唔少本來要工作嘅人都因此多咗一日假期，呢位大台女星都唔例外。
佢因為打風所以留咗喺屋企執吓嘢，佢仲搵到張佢細個嘅相。
大家又估唔估到係邊個呢？
咪就係龔嘉欣（Katy）！
不過就留言話好似唔係好似Katy自己：「颱風天 休息一天 剛好可以整理一下 找到這女孩 看了很久 這……一點都不像我 我是懷疑的 但這個確實是我來的 還有那小手 太優雅了吧」
其實睇真啲都唔係唔似呀！
就連網友都留言讚佢細個好可愛添！
（on.cc 東網）
藝人楊洛婷（Rabeea）上月14日榮升做媽媽誕下小公主Tanya Faith Wong後，一直專心湊女嘅Rabeea，周不時都喺社交網分享生活點滴，呢日佢就上咗為載囡囡慶祝一個月大嘅相，Rabeea仲忍唔住「爆粗」留言添！
相中被媽媽抱住嘅Tanya喊晒口，而Rabeea就同老公Tim交晒戲擘大個口扮晒想咬人咁，佢哋嘅朋友就為Tanya整理頭帶，個個都七情上面，唔知以為發生咩事，一個BB被三個大人「夾攻」，張相真係喜感同驚嚇程度十足！
Rabeea就留言「WTx」，而呢3個字母亦係囡囡（黃子霏）英文名縮寫，非常巧合噃！佢哋亦簡單為囡囡慶祝，用咗唐詩詠送嘅迷你蛋糕砌咗個1字！
另外一張相，就見到Tanya瞓咗喺張氈上，畀張被包住，非常可愛！
(on.cc東網)
謝安琪（Kay）去年宣布暫別樂壇，回歸家庭展開人生的另一個10年，結果她如願以償再度懷孕。今年為丈夫張繼聰誕下細女張靖（Karina）。
外界一直關心產女後專心照顧家庭的Kay何時復出，惟她早前表示身體未回復最佳狀態，暫未考慮復出的事。
不過，世事無絕對，終於傳來Kay復出有期的好消息﹗
有指Kay獲好友麥浚龍（Juno）以8位數字的天價力邀加盟Silly Thing，鐵定明年復出樂壇﹗
正忙於拍攝電影《風林火山》的Juno今日在facebook上載與Kay的合照，留言︰「期待。謝安琪 Kay Tse」。
Kay轉貼Juno的照片及回答一句「我也期待」，默認加盟Juno公司及復出的消息﹗
(明報即時娛樂)
繼陳奕迅同梁漢文睇香港網球公開賽後，藝人鄭嘉穎同陳凱琳（Grace）昨日十指緊扣現身維園睇波。
睇波期間，嘉穎主動拖實素顏Grace隻手，真係甜到漏。
鄭嘉穎其實小學開始已經打網球，依家身形keep得咁弗，相信因為成日做運動，Grace睇波經常同男友密密斟，唔知係咪想請教吓打波技術呢。
(on.cc東網／騰訊)
馮德倫與吳彥祖近日兩兄弟拍住上，為內地真人騷《漂亮的房子》任嘉賓，為上將鄉村舊屋大翻新。
馮德倫於首集曾拿住行李上山，反而吳彥祖l則是背包上陣，並嘆氣自嘲不及好兄弟靚仔有型，及後又於節目中展現搞笑天分，既扮謝霆鋒切蔥，又扮包青天同睇相佬。
馮德倫更於節目中在竹林劈竹，又要搬接近200磅的竹下山，結果觸及以前拍打戲時的腰傷舊患，但仍然忍痛完成。
吳彥祖亦於節目中大爆當年拍《美少年之戀》時，其實並不喜歡馮德倫，笑指當年大家都覺得自己比較靚仔。
直至拍《特警新人類》時遇上謝霆鋒，馮德倫說他實在太有型：「我跟Daniel兩個加起來都不夠，所以就成了好朋友聯手對抗他。」
(on.cc 東網)
孫慧雪7月尾時誕下份量十足、重8磅10安士的囝囝Riley。
轉眼間，Riley已經2個半月大，遺傳了爸爸大隻基因的他全身肥嘟嘟，絕對是個大隻BB，尤其被身材瘦削的孫慧雪抱在懷中時就顯得更加巨型。
難怪孫慧雪在社交平台留言︰「媽媽抱住，BB好巨型 VS 爸爸抱住，BB好細粒。結論係：因為媽媽好瘦，爸爸好大隻，不過2個半月來講都係好巨型。」
（明報即時娛樂）
Twins為全新粵語專輯《花約》舉行簽名會，吸引過百粉絲到場支持，更與現場粉絲大玩遊戲，蜜運中的阿嬌更全程春風滿面！
接受訪問時，談到阿嬌醫生男友賴弘國有冇陪自己開工，她指男友唔係住香港，兼要經常周圍飛。
問到阿嬌有冇掛住男友，佢話：「你話呢？咁你寫唔知啦。（成日冇得見？）佢都好好，會organize schedule去就啲期，佢本身都周圍去，編番近啲香港。啲行程實在冇人忍受到，車程過飛機嗰啲，佢堅持到好勁。」阿嬌更覺得對方犧牲好多。
提到阿Sa早前有指幻想過同阿嬌一齊舉行婚禮，阿Sa直言要實行很有難度，問到兩人邊個會跑出先結婚。
問到對方有冇視自己為將來嘅太太，阿嬌：「係啩，唔知呀，你哋問佢啦，搵王陽明，佢哋咁似樣。（婚後會定居台灣？）講到咁遠，講講吓冇咗呀，唔好講！冇諗過咁快畀人知，咁快畀人知好快冇㗎！」
另外，談到男友嘅情史被網友起底，阿嬌即護男友：「每個人有歷史，每個人都有過去，唔介意、包容同鍾意咪得囉，最緊要唔好影響都人哋之前嗰個，唔好騷擾到人。」
問到見咗家長未，阿嬌：「未見呀，都唔係拍咗好耐，識咗3個月都冇。」
（on.cc 東網）
