台灣女星賈靜雯即將推出新書，更在書中分享自己「前半生」的故事。提到老公修杰楷，她就指自己原本打算與大女Angel相依為命，直到遇到修杰楷，更被對方一句說話打動：「妳答應我，如果有一天我先走了，妳一定要再找一個人來愛妳。」她又指老公婚後會為家人打點一切，包括接送Angel上下課，令她非常感動。
(東方日報)
【被影到同珠寶商千金蜜遊】黃又南：緣份要嚟擋都擋唔住
杜如風同黃又南嘅緋聞已經傳咗好多年，早前更因為一張相而畀網民追問係咪終於都肯公開戀情，之但係之後黃又南就被影到與珠寶商千金兼珠寶設計師莊沙娜（Sarah）蜜遊銅鑼灣。
黃又南其後接受電台訪問，講到與Sarah蜜遊銅鑼灣，他否認拍拖：「大家係好朋友，普通男女食飯，明白作為公眾人物同女仔食飯就會寫拍拖。」他亦謂兩人認識了幾年，上月與團隊一起去日本睇介紹陀飛輪及珠寶展，而適逢他生日，大家都有一起食飯。
他亦謂現時是單身，問到Sarah可是單身？他謂：「佢都係，但我暫時冇諗（拍拖），搞咗演唱會先，事後先算，隨緣。（但你係open？）open嘅。」
又南謂明年三月Shine將在紅館舉行15周年演唱會，現已準備中，腳及盆骨有傷患的他表示：「依家好番好多，我哋提早半年開始綵排跳舞，我都停咗內地工作唔接。（演唱會將騷肌？）我早兩個星期開始操，依家係理想嘅，5年前我哋有騷肌，當時我哋開三面台，但開完騷落台我同天佑（徐天佑）都攰到出唔到聲，所以今次四面台更加要提早練，因為會仲攰。」
問到是否演唱會完結後才會諗拍拖？他笑言：「演唱會之後我同天佑仲會去拍戲，所以隨緣啦，但緣分要嚟嗰時擋都擋唔住。」
(on.cc東網)
【唔出國影】揀喺長洲大牌檔影婚照超貼地！
準新娘陳嘉寶（Anjaylia）將於下周六（25日），與拍拖四年的初戀男友黃頌祈結婚，一對準新人早前花了兩日時間拍攝婚紗照片，雖然拍攝前收到不少出影婚紗相的邀請，如韓國、日本、以色列等，但最終二人還是選擇了留港拍攝。
他們除了於影樓拍，還走訪長洲大牌檔及小學等地取景，皆因每個拍攝景點相當貼地之餘，對二人來說均意義重大。
Anjay表示選擇於影樓拍攝，因打從十多歲開始做Part Time模特兒，放學後經常出入影樓，故對此有好多回憶及感情。
而長洲則是未婚夫的意思，她謂：「佢係長洲人，屋企幾代都喺長洲生活，選擇到大牌檔，係因為佢細個嗰時，佢爺爺成日帶佢去大牌檔食嘢，有很多回憶，其中一個就係畀滾水照頭淋，所以依家佢身上仲疤痕。」
更指於長洲拍攝期間突然行雷閃電，兼且滂沱大雨，沒料十分鐘過後又放晴，她笑言雨後的景色更漂亮。
Anjay大喜之日撞正台灣金馬獎及馬來西亞星光薈萃頒獎典禮，令她不少圈中朋友撞期，故未能到場見證她重要時刻，Anjay也不禁大呼為賓客座位表感頭痕。
(on.cc東網)
【85折﹗】迪士尼再推優惠﹗即日起至明年1月31日…
香港迪士尼樂園繼上周二(7日)推出大抽獎活動，派5萬張免費門票後，昨日(16日)再宣布新優惠，由即日起至明年1月31日，香港居民於香港迪士尼樂園正門售票處或香港迪士尼樂園官方網站購買3張或以上「奇妙處處通」全年會員通行證，即可獲85折優惠，折扣後成人會員價錢為1001港元至2845港元。
(www.hongkongdisneyland.com)
「奇妙處處通」會員專享禮遇包括購物、餐飲及酒店住宿優惠，明年亦會陸續推出迪士尼奇妙音樂節目、珍藏版迪士尼「花蛋」徽章換領及彼思好友夏日派對等活動。
(www.hongkongdisneyland.com)
另外，香港迪士尼樂園度假區於聖誕優待酒店客人上午提早入園，由12月21日至23日上午8時30分至9時30分。至於迪士尼早前宣布送出5萬張免費門票，今日截止登記，上周二至今10天內已獲近百萬人登記，抽獎幸運兒名單本月22日公布。
(東方日報)
【咁快手？】媒爆余文樂做老豆
余文樂去年底高調認愛皮帶千金王棠云，之後不時會在Instagram放閃，感情相當穩定。近日王棠云又被拍到出現在香港的診所，有媒體指余文樂是否將升格當爸？
據媒體報導，王棠云近日被拍到穿著大衣離開余文樂在淺水灣的家後，搭的士到中環某五星級酒店，接著與助理前往某棟大廈的診所，過程中拿著電話有說有笑，一路上都相當低調。對於和女友是否準備結婚？余文樂日前被媒體追問時則否認說：「沒有！有就會通知媒體。」
至於女友是否懷孕，他也強調只是陪朋友去看醫生，但談到王棠云，余文樂臉上滿是藏不住的燦爛笑容。
（自由時報）
【梁浸浸成日從後箍頸】刮損陳真面珠 爸爸好肉赤
鄭希怡（Yumiko）、黃依汶（Emme）、黎諾懿、攝影大師水禾田今日到尖沙嘴海港城，出席服裝品牌7 For All Mankind支持慈善活動。唔使問，兩位靚媽一碰頭，就講湊仔，Emme仲爆Yumiko冇本身好耐性，成為人母後有進步，又互相對襯家，黎諾懿都加入叫Yumiko可以考慮下佢個仔「小春雞」。
Yumiko同Emme話，佢哋兩個小朋友依家——即係梁浸浸同陳真都一齊返學前班，希望第日一齊讀書，有個照應。Yumiko會喺屋企教女唱歌跳舞，Emme就好多時會睇書學湊仔，發掘囝囝天份，佢話：「阿仔依家一歲八個月大，爸爸都開始傳授功夫潛質俾佢，近日玩雙節棍，可以表演下俾親朋戚友睇都幾好，又可以對住梁浸浸自衛，因為梁浸浸成日從後好大力箍陳真頸，有次仲試過刮損陳真塊面，爸爸夜晚同我講好肉赤，要教陳真功夫先得。」梁浸浸活躍又肉緊，令Emme又愛又恨。
(蘋果日報)
【老公再求婚】鍾麗緹結婚一周年感動到喊
女星鍾麗緹（Christy）與老公張倫碩喺2016年拉埋天窗，二人剛剛度過結婚一周年，Christy日前先以黑絲女僕Look現身長沙為趕拍新戲既張倫碩打氣兼送驚喜，然後二人又設宴同一班好友齊齊慶祝，認真Sweet爆！
之後，Christy更宣布與前夫所生嘅三個女兒都已經改姓「張」，真係超幸福！
原來，喺二人結婚紀念驚喜派對中，仲有隱藏片段未流出。今日Christy喺社交網上載咗當日一條短片，片中見到張倫碩喺party上為太太和好友們表演變魔術。
正當大家睇得好入神之際，佢突然佢變咗一隻戒指出嚟，鍾麗緹仲唔為意走上前望清楚，然後張倫碩拎住隻戒指上演求婚，並下跪為鍾麗緹套上周年紀念戒指，搞到Christy感動到掩口大叫「OMG」。
之後Christy仲冧爆發文：「腦（老）公 有話要說。到後面 我又感動哭了～結婚一週（周）年11月11日。」
(on.cc東網)
【生日快樂】張嘉兒今年幾多歲﹖望落似24歲﹗
前港姐張嘉兒今個月18號踏入34歲生日，雖然佢早前已經透露生日嗰日老公Nathan唔喺香港，但係佢就一啲都唔寂寞。因為呢日仲有一班好友陪佢預祝生日，非常窩心！嘉兒將生日飯局照上載到社交網同大家開心share，並留言：「感謝好友為我預祝生日，姊姊們令我太高興，在生命中遇上你們，非常感恩。」相中見到前港姐曹敏莉、周美欣同戚黛黛有份出席，佢哋仲大玩變臉App，雖然大部分人已為人妻，甚至榮升為人母，但係心境依然年輕，仲相當之青春添！
(東方日報)
【連啲經紀都打嚟問】湯盈盈回應懷孕傳聞
藝人錢嘉樂與太太湯盈盈向來恩愛，嘉樂更是出名的「愛妻號」，最近有指嘉樂送了豪宅給老婆，盈盈更叠埋心水追第三胎。
對此，嘉樂接受訪問時坦言：「誤會嚟！未有呀！有會公布畀大家聽啦！美麗的誤會！」
至於盈盈接受訪問時笑謂：「真係弊！快啲幫我搵瘦身公司幫我瘦身啦！依家畀人話我大肚喇！我依家拍緊處境劇，平時啲服裝同事好犀利，識得同我搵衫，鏡頭前唔會覺得我肥囉！嗰件衫我真係唔會再着，I am so fat！搞到啲經紀都打嚟問我係咪買咗樓！」
問到盈盈現時是否積極追第三胎時，她謂：「未知呀！依家忙住湊住兩個女，又要拍劇，未諗住生第三個呀！」
(on.cc東網)
【杏兒坐完月即開工】仍欠幾磅先收身成功﹖已經好fit啦喎﹗
藝人胡杏兒產後復出現身Moncler活動，她表示仍欠幾磅先收身成功。剛坐完月的她被問到為何心急搵奶粉錢？她說：「我都冇諗咁快，諗住見孫儷。（老公叫你休息？）佢交畀我決定，我都怕悶，餵人奶都辛苦，冇得瞓，啲肥膏同水都畀晒佢，佢有12磅。（唔捨得BB？）會。（會唔會減產做全職媽媽？）長時間工作接唔到，都要餵人奶半年，鼓勵在職媽媽，會半兼職工作。」
提到她早前在班姊妹面前餵人奶？她直言：「係，好open，自己屋企方便，同姊妹好close ，我驚嚇親佢哋，好大（上圍），想感染佢哋都餵人奶。（上圍大幾多？）冇計，全餵人奶。」她透露老公湊仔叻，自己負責餵奶。
(東方日報)