江華日前與太太麥潔文（Kitman）現身九龍區的商場拍拖二人世界，夫婦途經護膚品專門店時，Kitman獨自入內選購，而戴Cap帽及黑超的江華則「望妻石」上身，站在門外耐心等候。
之後Kitman手持戰利品步出，見記者在場亦友善打招呼，兩公婆又大方企定定合照後才繼續往掃貨。
(on.cc東網)
【中秋唔寂寞】陳貝兒：真係好驚喜
陳貝兒早前承認離婚，但離婚後首個中秋節就唔寂寞，因為曾接受貝兒訪問嘅德國人妻同泰國人妻齊齊帶埋老公嚟香港過中秋，順道探望貝兒，貝兒當然要一盡地主之誼，喺中追月夜帶咗佢哋去打邊爐，一齊Re-U追月啦！
早前陳貝兒隨攝製隊出埠拍攝節目《嫁到這世界邊端》，走訪唔同地方，訪問多名異鄉人妻，大講到愛情家庭觀，失婚嘅貝兒仲多次淚灑幕前。不過呢次外景，佢都重新認識自己，決定重新出發尋找幸福。
期間，貝兒到訪過德國同泰國訪問異鄉人妻，見證了兩段sweet爆異地緣，估唔到德國人妻卡菲同泰國人妻Judy趁中秋節返咗香港呢個娘家，佢哋仲帶埋老公同行，貝兒噚晚就同佢哋打邊爐，大搞追月宴Re-U一吓，鏡頭前後都嘈到爆。
德國人妻卡菲同泰國人妻Judy雖然從不認識，但首次見面都一見如故，兩對夫妻有講唔完話題，至於見到人哋雙雙對對嘅貝兒都唔會羡慕，貝兒今日接受傳媒訪問時話：「我享受happy single，我可以有自己更多空間同時間，不過今年中秋有佢哋飛返嚟同我一齊過，真係好驚喜。」
(蘋果日報)
【好彩虛驚一場】陳慧琳試過「怪位」生瘡
陳慧琳（Kelly）出席關注乳癌活動，表示自己每年都會做身體檢查。
「我係比較敏感，有少少唔妥就會Feel到，就會問朋友有冇呢個情況出現，如果持續落去就會睇醫生。」
被問到有冇試過係虛驚一場自己嚇自己，Kelly：「有試過呀！」Kelly又謂試過在奇怪位置生瘡：「唔係喺塊面，總之喺啲怪位生瘡。」
她亦表示較注重面部：「因為要上鏡，但裏面都重要，入面都反映到面部，五臟六腑都緊要。」
問到平時有否補身，她說：「飲啲湯水，生完係咁補番，依家間唔中飲吓，但唔敢飲太補，會生瘡。」
問到老公可都注重身體健康？Kelly謂：「佢絕對唔注重，我都逼唔嚟，只要佢身邊朋友有咩發生佢就會驚，所以我講冇用。（佢會定期檢查？）冇呀，佢唔妥先會檢查。」
Kelly就話擔心老公會傳染畀兩個仔：「不過佢都真係好勁，我哋全家病晒佢都冇病，係幾壯，所以我唔擔心佢，通常個仔有病，第一個就會係我病。」
(on.cc 東網)
【蘇永康超緊張】Jazz出世兩日就搵定升學章程
藝人蘇永康自榮升爸爸之後，有仔萬事足！他接受ViuTV 《Interviu》節目主持廖嘉輝訪問時談及湊仔樂事，更即場示範換片餵奶！同時也大談多位前輩歌手在事業上對他的啟迪！
蘇永康話已將家庭放喺人生的首位，他坦言：「太太Anita嘅愛不但令我決定再婚，更由冇生育計劃都願博一博！因為太太認為有小朋友先至係完整家庭！點知真係博到，小朋友係上天給我嘅好禮物！」康仔仲話：「之前阿仔未戒飲12點夜奶都係我親自餵！」
提到教育囝囝，蘇永康不知道自己會否是「虎爸」，不過卻很緊張兒子Jazz的將來，早在兒子出生第二天就叫朋友拿海外升學章程來參考。至於會否想到兒子將來像他一樣玩音樂？他說：「 睇我BB目前嘅發展，我相信唔超過三歲就知道 ！我Feel到 Jazz對音樂有感覺！」
另外，近期他推出首張HIFI大碟，翻唱80年代歌曲，蘇永康話很愛唱別人歌曲，當年前輩羅文、梅艷芳對他有很大影響，今日他注重打扮，就是從前輩身上學會，明白歌手的造型、服飾配搭非常重要，前輩對工作的熱誠及認真的態度，對他是一生受用。
(on.cc東網)
【出櫃後壓力爆煲】卓林PO文感謝網民雪中送炭
吳綺莉吳綺莉日前透過社交網站「出櫃」。
今日凌晨時分再於社交網站發表長文，感謝網民對自己「出櫃宣言」的支持。
文中她坦言「出櫃」後得她近日都有不少壓力，幸得網民雪中送炭。
「我對於大家的支持和愛感到十分驚喜與感激。你們在我和我女朋友的instagram戶口留下的正能量實在令我感恩，多謝來自世界各地的你們給我的祝福…我從小在一個布滿負面和封閉的環境下長大，但是隨着社會進步，我希望能夠利用我的故事來說出真相從而幫助其他和我處境一樣的人。」
她直言自己曾對世界和未來感到非常無助和迷惘，但慶幸身邊一直有不同的人支持和鼓勵，令她成長及想通了。
(on.cc 東網)
【Riley又大個咗！】佗B升Cup開心曬相
藝人蔡思貝早前與人夫王浩信傳緋聞，雖然惹來謠言滿天飛，但係未有影響蔡思貝嘅心情，近日約埋大肚婆好友賴慰玲，去探姊妹孫慧雪（雪雪）同囝囝Riley。難得好姊妹相聚，當然要影相留念啦，就算素顏都唔介意，果然姊妹情深！
雪雪同賴慰玲分別都有喺社交網上載即影即有嘅合照，相中見到三女齊齊素顏上陣，雪雪就抱住瞓緊覺嘅囝囝，而隔籬嘅賴慰玲可見谷奶令上圍升Cup，仲罕有露出事業線，連賴慰玲自己都喺社交網留言話：「未懷孕、已卸貨、懷孕中『Riley：你哋傾夠未？影夠未？我要瞓食痾（屙）呀！』#睇個樣就知你懂事啦 #姨姨好少有事業線 #送畀你做禮物」
(on.cc東網)
【陳豪自認好保守】蔡少芬當年同陳豪講：你唔好鍾意我
蔡少芬和陳豪接受無綫節目《最佳拍檔》接受主持黎芷珊訪問。
提到兩人在2002年拍攝劇集《洛神》而成為好友。
陳豪記得蔡少芬第一句向他說的話就是「你唔好鍾意我呀」，當時陳豪覺得她很奇怪。
蔡少芬解釋原來她不想拍劇傳緋聞，所以會叫男拍檔不要喜歡她。
蔡少芬與陳豪分享二人都不擅長拍攝接吻戲。蔡少芬記得拍攝《金枝慾孽貳》時，陳豪與鄧萃雯拍攝接吻戲，見到鄧萃雯很投入，但陳豪動也不動。
陳豪解釋自己是一個傳統的中國男人，比較保守，覺得男女授受不親，所以初期拍攝接吻戲時的確有點抗拒。
（on.cc 東網）
【戴紫水晶手鏈保…】王浩信陳自瑤傳婚變首度合體
近年劇接劇極速上位的王浩信，2011年與Yoyo結婚後，翌年誕下女兒王靖喬，一家三口不時大晒幸福。
不過近月傳出夫婦婚姻亮紅燈，有指王浩信與《踩過界》女拍檔之一的蔡思貝關係親密不時單獨約會，令Yoyo難以容忍而分居收場，雖然王浩信隨即澄清傳聞「拆彈」，又指與太太情不變，但過往例必力撐老公的Yoyo今次卻「潛水」玩失蹤，即使更新社交網亦只談扮靚及湊女事宜，老公統統「被消失」。
傳婚變後「潛水」多時的Yoyo，前日（5日）終於首度現身，並與老公「合體」！當日下午約5時，夫婦倆撇下女兒，並由王浩信驅車離開日出康城寓所，直駛西貢一間傢俬店。
同是戴上口罩的Yoyo及王浩信，泊車後前後腳匆匆步入傢俬店，雖然難得「合體」，但閉關多時的Yoyo殘樣盡現，冇厘心機的她黑眼圈極深之餘，頻頻眉頭深鎖，於炎熱天氣下仍穿上長袖衫，更見右手戴上了主攻旺人緣增進夫妻感情、催運保婚姻的紫水晶手鏈，可見她出盡辦法力保婚姻。
王浩信與Yoyo於店門位置揀選地櫃時，全程沒甚溝通，明顯貌合神離，期間還各有各睇，身形高大、穿背心大晒麒麟臂的王浩信，很快便被途人認出眼望望，他一度步上二樓揀選其他心頭好，兩公婆最終於店內逗留了約10分鐘，似乎仍揀不合心水。
兩人步出傢俬店時，即引來不少街坊目光，其中有三名女途人還突然停步，站於他們身後手指指兼竊竊私語，眼見引來途人指指點點，Yoyo及王浩信更顯得渾身不自在，兩人急步往取車，Yoyo期間頭耷耷躲於老公身後，上車後兩人即返回寓所，未有再外出。
(on.cc東網)
【去年結婚再離婚】阿嬌新歡前妻係「空界林依晨」
單身已久的鍾欣潼近日被傳有新戀情，有指對象是台灣醫生賴弘國。
其實賴弘國現年32歲，身高1米77，157磅，長相帥氣，貌似台灣男星張孝全及王陽明的混合體。
賴弘國近年在網絡上迅速走紅，更被封為「醫界王陽明」，而賴弘國早前就由婦產科醫生轉行做醫學美容，主力做面部保養「陰道美容」，繼續好好運用自己的婦產科技術。
他曾多次獲邀上電視節目，包括節目《康熙來了》等等。
至於戀情方面，賴弘國早年與有「空界林依晨」之稱的前空姐趙筱葳交往，兩人更於去年拉埋天窗，可惜他們結婚半年便於同年宣布離婚收場。
回復單身後，賴弘國專注事業發展，曾任職婦產科醫生的他，早前轉行做醫美，並不時周遊列國。
（on.cc 東網）
【網民：唔相信係周董打】周杰倫深夜PO文冧昆凌
台灣天王周杰倫（周董）同老婆昆凌2014年結婚，先後育有一女小周周（Hathaway）及囝囝Romeo湊成好字。
出晒名錫老婆嘅佢除咗陪對方遠赴國外拍片，凌晨時周董仲難得喺IG晒佢同昆凌嘅合照，幫愛妻加油打氣，指繼自導自演的電影後，另一個令佢驕傲佢嘅作品，就係昆凌生咗囝囝Romeo嘅產後2日，佢幫愛妻拍攝進軍荷里活嘅試鏡demo，而依段片唔止如願爭取到電影角色，還將同巨星狄維莊遜合作添！
之後周董仲話佢哋即將前往拍攝，又嗌大家替昆凌打氣：「……After the #secret movie, a film that I did recently that I’m really proud of is @hannah_quinlivan Hannah’s casting tape that she made just two days after giving birth to our son (No ! Definitely not the tape of her giving birth). At the end she got the role of the Hollywood movie with The Rock. She’s going to shoot it in October. Plz support her 。（繼電影《不能說的秘密》之後，另一個令我驕傲嘅作品，就係昆凌誕下囝囝嘅2日後，我為佢拍攝嘅試鏡demo（不！這絕對唔係佢生產時嘅影片）。最後，她成功爭取到電影角色，還將同巨星狄維莊遜合作。她10月將會準備拍攝工作，請大家多多支持佢。）」認真sweet呀！
不過網友就好似放錯重點喎，有網友說對周董嘅英文突然進步神速，感到不可置信呀，留言話周董應該找昆凌代筆、仲話唔相信係周董打嘅英文。到底係點就真係要問吓周董先知喇！
(on.cc東網)