準人母胡杏兒嘅B仔將於本月底就出世，杏兒之前就講過話到時會揀順產生B，但又擔心痛到發癲，驚自己「唔知捱唔捱到」。
仲有3個禮拜就生得，o依家已經重咗20磅嘅杏兒，就話B仔喺肚入面成日打觔斗，又鍾意「拳打腳踢」勁活躍，噚晚杏兒就喺IG貼咗B仔隻腳板4D圖出嚟，以英語留言話B仔隻腳板大到好似大人咁，難怪踢得媽咪咁痛。
雖然陀仔嗌辛苦，生仔又驚好痛，不過杏兒就話如果冇嚇親，最想係生3個，等佢哋可以有個伴。
(蘋果日報)
【眼濕濕嘴扁扁】謝安琪首次孖半歲囡囡迎月
女神謝安琪（Kay）自從3月生咗細女張靖（Karina）後，一直專心相夫教子，提早過住「神奇女俠的退休生活」！
已經半歲仔嘅Karina首次過中秋節，尋晚阿Kay就帶咗仔仔張瞻同囡囡去參加屋苑中秋迎月晚會，老公張繼聰因為要拍戲所以唔喺現場！阿Kay一心諗住可以同班friend吹水吹風兼賞月，之不過Karina竟然驚驚豬，太怕生保而喊喊豬呀！
阿Kay今日凌晨喺facebook上載咗幾張相，見到阿Kay抱住嘅Karina眼泛淚光扁晒嘴仔，唔知仲以為發生咩事，原來係太熱鬧，阿Kay話：「一開始狀態不錯腳仔撐撐有啲威勢，誰不知當越（愈）來越（愈）多鄰居過來打招呼合照，妹妹就開始喊喊了！」
就連望住人群都驚，最後兩母女要「逃離現場」，歷時10分鐘嘅賞月夜就咁結束咗！阿Kay笑言女仔係要矜持啲，又透露兩兄妹性格好唔同，哥哥半歲時已經好識社交：「妹妹遲啲可以向哥哥拜師學習社交技巧喇！」」
當阿Kay返到屋企問囡囡感覺如何時，Karina就扁晒嘴，同一個emoji icon一樣樣，非常可愛，網民都笑言陰功豬，又叫阿Kay得閒要帶囡囡去蒲見識吓咁話！
阿Kay facebook全文：
「妹妹第一次參加屋苑既（嘅）中秋迎月晚會
一開始狀態不錯腳仔撐撐有啲威勢
誰不知當越（愈）來越（愈）多鄰居過來打招呼合照
妹妹就開始喊喊了
我立即一個箭步同哥哥妹妹二人避到樓梯頂
以為遠離人群妹妹就會平復心情
咁我就可以繼續同朋友吹水吹風兼賞月
可惜我既（嘅）如意算盤今次打唔響喇
妹妹遠遠望住人群仲係覺得驚驚
表情楚楚可憐仲一臉無辜
我都唔忍心要佢久留
我唯（惟）有叫哥哥自己同朋友留低繼續玩
我就要同妹妹先行回家
結束歷時十分鐘既（嘅）賞月初體驗
兩兄妹性格真係大不同啊
我記得哥哥半歲時已經相當sociable
妹妹女孩子確實比較有矜持
妹妹遲啲可以向哥哥拜師學習社交技巧喇
回到家後
我問妹妹對於今晚party覺得如何
佢以呢個emoji icon 😕既（嘅）表情回應」
(on.cc東網)
【奶奶詐型！】田蕊妮襯住假期包餃子：扮吓嘢都要
田蕊妮（阿田）與老公杜汶澤（阿澤）分別煮得一手好菜。
雖然阿澤煮餸煮到上電視主持節目，但阿田亦不讓對方專美，不時於社交網站上載自己的「傑作」。
日前阿澤則「偷影」阿田專心包餃子的英姿，並上載到社交網站展示老婆的賢慧！
阿田接受媒髒訪問時笑謂﹕「我哋呢啲要出吓手嘅，而包餃子係我媽咪由細到大教我嘅『家傳』，咁啱呢幾日公眾假期，我啲姪仔、姪女、阿嫂全部放假，而奶奶又話未食過我包餃子喎。」
「講真呢排我休假，點都要盡吓家庭主婦嘅責任，扮吓嘢都應該啦。」
（on.cc 東網）
【嘉欣BB曾捱到生蛇】馬浚偉見到火滾嗌Cut機！
鍾嘉欣到電台接受馬浚偉的電台節目訪問，表示傾番之前的事及感情。
馬浚偉亦謂：「其實最難問係佢、陳法拉、楊怡嗰啲，因為同佢哋太熟、太錫佢哋，所以有啲事就費事問，不過今次就會講同佢兩次拍劇嘅難關，佢拍《蒲松齡》同《金石良緣》時都出大事。」
其中拍《蒲》時嘉欣因為有思鄉病，以致失眠，每日好似喪屍，嘉欣表示：「我冇瞓過覺成3個月，有一晚食咗安眠藥，但我食完又冇即刻瞓，所以唔瞓覺喺屋企見到啲黑色嘅嘢，以為自己撞鬼，原來唔瞓覺真係會有幻覺。」
到拍《金石良緣》時，因嘉欣當時又要拍《溏心風暴》及拍戲，缺乏休息以致免疫力下降，搞到由頭到腳都好似生蛇般，而且又甩晒皮。
馬浚偉表示：「拍緊一場戲時，我見到佢左耳甩皮，所以我就叫cut機，然後輕輕幫佢抆咗塊皮，其實嗰陣我好火滾，我叫佢冧，但佢話自己新人唔敢冧，所以我就同導演講『依家我唔舒服我要走，因為我見到我個對手咁樣我做唔到落去』，所以佢唔冧就我冧，然後捉佢出廠抖吓。」
嘉欣亦謂之前經歷這些事是很難過，但現時睇番就覺得好好笑。
問到是否更喜愛現時生活，她表示：「好鍾意，因為我有鍾意嘅加拿大同屋企，另一個就係香港，其實好多人都叫我只係選擇其中一邊，但我想自己成為例外，想兩邊兼顧到。」
(on.cc 東網)
【中秋玩燈籠危機重重】家長要留心
今天(4日)是中秋佳節，不少家長購買玩具燈籠，與子女齊齊歡度佳節。但東網發現市面今年「新進」的兒童玩具燈籠布滿危機，包括閃燈面具、音樂轉轉棒及彈跳螢光球，開動後不停跳動，隨時閃盲眼及受傷。有專家直指，欠缺保護罩的轉轉棒開動時如風扇運行，隨時傷及兒童面部及眼睛。有眼科醫生更警告，螢光球及轉轉棒轉動頻率急速，有機會誘發癲癇症，而閃燈面具發出的藍光亦有可能影響兒童視力。
東網記者日前在深水埗福榮街及灣仔太原街，購得3款今年新出的玩具燈籠，包括閃燈面具、音樂轉轉棒及彈跳螢光球，價格由25至30港元不等，由於售價便宜，深得不少小朋友歡心。其中太原街一檔玩具店出售的轉轉棒，開動後隨着音樂如風扇般不停轉動並有閃燈，店主向佯裝顧客記者表示，「3歲玩都冇問題。」不過該玩具沒有包裝，更未有寫上警告字句。
「閃燈面具3歲都玩得，藍光唔怕啦。」福榮街有不少出售該類閃燈面具的店舖，店主強調閃燈面具非常安全，毋須擔心其發出的藍色光會影響小朋友的眼睛，惟包裝上都未有列明警告字句。同一條街亦有多檔出售彈跳螢光球，拉着繩子在地上或拋在空中玩耍，便會發出耀眼的藍光。
理工大學機械工程學系前工程師盧覺強測試彈跳螢光球，將螢光球與膠球比較，並模擬一個身高60厘米的兒童，分別把螢光球及膠球掉下地面，計算出螢光球威力較膠球更厲害。另外，盧亦提到，轉轉棒如同風扇般不停轉動，卻無保護罩，兒童玩耍時，稍一不慎，容易打中眼睛，對兒童造成傷害。
「彈跳螢光球同轉轉棒嘅轉動頻率太快，不斷咁閃，有機會誘發癲癇症。」香港眼科醫學院前院長周伯展表示，兩款玩具燈籠長期極速閃動，會令發育中兒童的眼睛受傷害，除會有疲勞綜合症，若長時間注視，更會造成近視。而閃燈面具發出的藍光亦有可能傷害兒童眼睛。
另外，記者發現海關早前掃蕩後，在灣仔、上環、荃灣、旺角、深水埗的玩具店、文具店、香燭店及報紙檔，仍有多款侵權的卡通公仔燈籠。記者亦同時發現多款玩具燈籠無張貼「識別標記」及「雙語警告標籤」，涉嫌違反《玩具及兒童產品安全條例》。
海關發言人表示，由2012年至今年8月，海關共破獲25宗涉及燈籠侵權案件，並拘捕39人。
(東方日報)
【個肚又大咗】 甘比歎月餅曬四個幾月孕肚
有香港女首富之稱的「大劉」劉鑾雄太太陳凱韻(甘比)，即使已懷孕4個多月，日前偕好友鍾楚紅做善事「找數」接力雪糕挑戰。
今日華置公告透露，甘比及華置在8月底開始增持恆大(3333)，一個月增持6500萬股，目前持有1億股恆大，依照恒大今日狂升8.8%來計算，帳面已賺了3億多，身家繼續暴漲，如她的肚內第3個BB一樣，一日一日長大。
她更上載一張照片，保持愉快心情，坐在豪宅花園食月餅，祝各位好友中秋節快樂。
無論身家再升幾多，她都能安心坐在歎月餅，這是否當女首富的至高境界?
（明報）
【陽光喺不遠處】王浩信愛的宣言：我鍾意佢呢樣嘢
王浩信同陳自瑤(YoYo)喺2011年奉女成婚，點知婚姻維持6年多，近日又傳出亮起紅燈，有指王浩信被爆組人夫獵食團「三劍俠」，因工作太忙，成日唔返屋企，兩公婆聚少離多，王浩信更搬出愛巢。日前出活動嘅時候，王浩信堅稱同太太YoYo冇分居，只係冇時間陪老婆。
近日又有報道指，話王浩信揸車出現喺蔡思貝屋企樓下，今日王浩信接受傳媒訪問嘅時候就話：「唔好屈得就屈啦，我哋嗰時拍《溏心3》，我睇到張相係我拍《溏心3》嗰時泊喺嗰度，佢都冇拍《溏心3》。」講到老婆YoYo喺社交網站話有陰影，而陽光喺不遠處，王浩信就話：「佢係比較多愁善感，我亦都係鍾意佢呢樣嘢，所以大家唔好再胡亂猜測。」
(蘋果日報)
【不認不認還須認】靚湯終於承認同羅天宇發展中！
湯洛雯與羅天宇早年拍攝處境劇《愛．回家》傳戀情，兩人早已是圈中公認的一對。
近日羅天宇30歲生日開生日派對，玩到興起之際，眾人起哄下湯洛雯冧啜羅天宇，相片在網上流傳。
最近受訪時承認與羅天宇「發展中」的湯洛雯，被問到是否公開戀情？她說：「冇話公唔公開，前幾日都同大家講發展中，但係嗰日開Party，冇預期啲相會出咗嚟，有朋友唔小心擺咗出嚟。同佢發展中，嗰日佢生日大家起哄，開心吖嘛咪畀個Kiss佢，好尷尬。」
問到有冇其他慶祝，湯洛雯表示：「佢攞住蛋糕我整，心意緊要啲，嗰日都好緊張，又要準備嘢食、整蛋糕、裝飾啦，嗰日又好多人。」
問到幾時見家長，湯洛雯就話：「嗰日屋企人出咗街，佢哋之前撞過，我哋啱啱開始發展，進一步先啦，未去到嗰個階段，我哋真係想低調啲，等穩定有結婚念頭先公開，依家完全冇呢個諗法，做嘢先。」
(on.cc 東網)
【捨難取易】連續26年經濟增長 澳洲創業前景長期被低估
對亞洲企業來說，香港、新加坡是許多新創企業家的首選，充足的資金、資源支援，利於新創企業作為向往海外拓展的跳板。然而，現在有一股趨勢正在興起：亞洲新創企業，開始看向澳洲。
Alex Huynh是一位旅遊平台創業家，他的公司專門媒合旅人與當地人，提供當地的文化體驗。來自越南的他，拜訪許多澳洲新創公司，相互交流後對澳洲有了新的看法。基於經濟、政策、創新氛圍，及科技發展等面向，他認為澳洲很適合亞洲新創前進。
經濟體質強健，26年未曾出現不景氣
﹣已開發國家中唯一，26年未曾出現經濟不景氣。
﹣GDP年均增長維持2.5%。
﹣股市交易熱絡，名列全球前20大。
﹣退休金儲蓄創有史以來新高，達2.3兆美元。
在過去26年間，澳洲是一個經濟持續成長的已開發國家，國民GDP年均增長達2.5%，經濟發展相對穩定。雖然在新創投資方面，澳洲過去長期處於低水位，但這兩年有明顯的變化。 以雪梨為據點的創投公司AirTree去年的投資金額就創2億5千萬美元的新高紀錄 。
澳洲的科技發展如火如荼的進行中，其中 Fintech 是重點發展項目。
根據世界經濟論壇，澳洲Fintech的市場規模與投資額是世界第六大，在亞洲國家中僅稍稍落後於新加坡，健全的金融體系下，也成功吸引外商投資，澳洲的Fintech創業如雨後春筍般出現。
澳洲同時也是一個鼓勵企業創新的國家。過去澳洲的出口以礦業為主，一年平均可貢獻1,700億美元，占總出口額的60%。然而，隨著礦業時代的結束，澳洲政府正在尋求新的創新和創業項目，藉此推動國家經濟前進。澳洲政府在2016底宣布未來四年將投資11億美元於創新產業中，同時給予技術研發的稅額減免，最高可拿回研發經費的43.5%，有助於創新產品的實現。同時為了吸引國外人才， 澳洲也推出創業簽證，即便不是澳洲公民，只要是投資額超過20萬美元就有機會在澳洲設立公司 。
不只政府大力推行創業，許多澳洲大公司也意識到創新的重要性，例如四大會計事務所之一的KPMG，在雪梨辦公室設立創新中心，設置了世界一流的設備；澳洲國家銀行的風險投資部門也一掃過去印象，不但設置固定辦公室，讓部門更與新創公司連結，也創造一個有利於新創的環境。
澳洲政府同時也了解到，澳洲的繁榮與亞洲，尤其是東協脫不了關係 。從圖二中可以了解到，澳洲2015年的商品與服務貿易夥伴，前15名中有11個都是亞洲國家，東協的貿易金額也全部的14.1%。因此也鼓勵澳洲的新創企業效法矽谷精神，並積極將版圖拓展到亞洲來。
然而雖然多數澳洲企業了解到亞洲時代的來臨，但為何澳洲的創投公司未大舉投資亞洲企業？作者訪問了多家澳洲創投後，了解到 澳洲人對於亞洲市場的認識較少，因而不敢有太大的動作 ，因此澳洲當地也出現了專門為澳洲創業者與創投公司提供擴展到亞洲所需知識的新創團隊，這也可以成為進入澳洲的一個切入點。
澳洲在Fintech和AI領域的完善發展與金融制度的健全有利於海外企業家，政府全力支持新創事業發展，再加上澳洲企業正在將重點轉移到亞洲國家，並希望獲得更多的有關亞洲的知識，種種因素交互影響下，澳洲應成為亞洲企業發展的新目標。
（原文：創業新聞）
——————
紥根澳洲．絕非移民顧問或中介！
澳洲執業會計師律師直接主理
申請簽證、撰寫計劃書全程跟進
分期收費流程清晰透明
一條龍提供澳洲商業顧問、業務買賣、稅務策劃
【免費Point Test評分】
香港（852) 2111 9055
WhatsApp : (852) 9888 5563/ (61) 434 414 082
Facebook.com/WhimAU
【入有線月薪7千】黃翠如入行13年：經常懷疑自己
13年前，啱啱大學畢業嘅黃翠如，喺廣告公司搵到份工，因緣際會結識到現時係大台高層嘅余詠珊，亦因為咁，妹妹仔就無心插柳入咗娛樂圈。余詠珊入有線，翠如入有線做主持，余詠珊入大台，翠如入大台做花旦，更成為大台最高曝光率嘅女藝人之一。
睇番翠如嘅事業運，真係唔使麥玲玲，都知佢平步青雲，事實有幾多大台姐仔，賠上青春精力夢想，都未能坐上女一之位，偏偏翠如BB一入大台，配角都唔使做，直接喺《心路GPS》登上女一之列。至於家庭運同愛情運，老竇黃永華間建築公司舊年喺港交所上市，同男友蕭正楠見少日都話唔得。喺旁人眼中，黃翠如少年運行得比人順暢，不過原來13年前，翠如BB都曾經迷失過、挫敗過。
噚晚，佢就喺fb留咗篇感言，以自己做借鏡，勉勵大家，只要無忘初心，總會發現面前有自己一片天空。
翠如BB留言如下：「剛剛十三年了。
我是由娛樂新聞台出身的。
那時，月薪由七千做起，一班剛畢業的人，穿上借來的名牌衣服，影了一張好像有點型格的合照。
十三年前的自己，或許你經常懷疑自己，覺得自己所做的事情不是特別出色，但你不用覺得寂寞，因為十三年後的你，也是有同等的懷疑。但只要努力，保持初心，不要計較地默默地走，你也會有自己的一片天空。
更加重要是，即使跌倒，沿途風光其實也不錯。
我是由娛樂新聞台出身的。
那時，月薪由七千做起，一班剛畢業的人，穿上借來的名牌衣服，影了一張好像有點型格的合照。
十三年前的自己，或許你經常懷疑自己，覺得自己所做的事情不是特別出色，但你不用覺得寂寞，因為十三年後的你，也是有同等的懷疑。但只要努力，保持初心，不要計較地默默地走，你也會有自己的一片天空。
更加重要是，即使跌倒，沿途風光其實也不錯。
為你打氣，黃翠如。
也為各位打氣。」
加油呀翠如BB！
(蘋果日報)