【大插網民唔係太聰明】港姐冠軍Juliette直播挑機網友

2017-09-04

新鮮出爐港姐雙料冠軍雷莊𠒇打破魔咒，試戴完后冠之後尋日即拎埋冠軍，風頭一時無兩，不過網上反應兩極，當中更有網友直指佢唔應該攞冠軍，隨即又有報道指佢有個富爸爸同牙醫男友等大起底。

性格自由奔放嘅佢似乎就被網友留言等影響，今日竟然喺社交網開直播，逐點反擊負評，仲全程用英文直播，大晒流利英文。

直播中，雷莊𠒇一開始就已經講到明佢有嘢想為自己發聲，話知道外間有好多人都唔撐佢拎冠軍，佢都好尊重唔同人嘅意見。

「不過講真，其實我唔係好Care（負評），一個人係要愛自己，我就好知道自己價值喺邊。」之後佢又提到有富爸爸嘅報道，佢又大插網友可能唔係太聰明，竟然會相信媒體嘅報道。

雷莊𠒇續指為憎佢、同佢啲粉絲起罵戰嘅人感到傷心。

「首先要多謝撐我嘅人，不過我真係覺得挑起罵戰嘅人好Sad，對佢哋好失望…佢哋話我好醜樣，I Don’t Care！佢哋淨係睇到我個樣，佢哋都唔知我個人係點。我依家開Live唔係為自己辯護，我只係希望大家都可以同我一樣咁堅強、有自信，大家可以停止攻擊性留言。你哋可以繼續講你哋想講嘅嘢，不過我唔識睇中文㗎，我係唔會浪費時間去翻譯……你哋唔滿意呢個賽果嘅人，唔通你想我放棄個后冠？我依家唔會咁做囉，我只會花時間去理我嘅支持者，我唔係要全部人都鍾意我，如果係咁我都好冇自信啫…之後我會繼續做自己，我唔會改變去討好其他人！」

佢仲講到明會再喺big big channel度用中文講多次呢番說話添！

(on.cc 東網)

【甜蜜拖手勁恩愛】張丹峰洪欣夫妻合體現身機場

2017-09-04

日前，張丹峰、洪欣夫妻二人現身機場。

當天夫妻倆牽手現身，很大的閃光彈！

二人見鏡頭不忘駐足微笑，超級nice。

夫婦倆手牽手甜蜜又恩愛。

網民看到後都紛紛祝福二人要幸福快樂！

（騰訊娛樂）

【親自透露下月尾生B】媒爆知道BB性別後勁開心

2017-09-04

韓流天王Rain今年1月與拍拖多年嘅演員女友金泰希拉埋天窗，兩人於5月再公開金泰希懷孕15周嘅喜訊，獲粉絲送上祝福，目前Rain夫婦正喺意大利進行「胎教旅行」。

而據韓媒《The Fact》今日報道，金泰希多選擇非繁忙時間、醫院冇咁多人嘅時候，孖住母親去醫院做體檢。報道又指雖然醫院方面冇透露金泰希更多嘅情況，不過透過Rain夫婦嘅熟人得知，當金泰希懷孕32周時做咗性別測試，得知BB係囡囡後Rain夫婦都相當開心，B女預計於下月尾或11月初出世。及後Rain及金泰希方面表示：「BB的確預計10月尾或11月初出世，但唔清楚BB性別，其他內容屬私生活部分，無法透露詳細。」

(蘋果日報)

【廣告恐停播】懷孕闖出禍！隨時要賠上千萬

2017-09-04

23歲日本女星武井咲，日前驚爆與拍拖兩年半的人氣男團EXILE的32歲主音TAKAHIRO奉子成婚，令雙方粉絲大嚇一跳。

現正懷孕3個月的武井咲，曾向身邊人透露公布婚訊後，令她鬆一口氣。

不過，身為當紅女星的武井咲突然宣佈懷孕，卻連累事務所忙於為她「執手尾」，事務所職員連日來四出奔走，向廣告商交代及道歉。

武井咲現手執10個廣告合約，如廣告因其結婚及懷孕影響而要停播，違約合額恐超過7100萬港元。

另一方面，武井咲於2012年及2014年曾參演的真人版電影《浪客劍心》飾演女主角神谷薰，有指電影原定計劃開拍續集，添食大計現可能受到影響。

武井咲去年與男星長瀨智也及野村周平合演的富士電視台劇集《Fragile》，原定明年1月添食，武井咲因大肚將無法參演，令電視台十分頭痛。

（on.cc 東網）

【陳凱琳自認偏心】力撐心水奪冠：一直都睇好佢

2017-09-04

藝人陳凱琳（Grace）出席港姐決賽活動，Grace性感欠奉，笑言自己行高貴路線，問看好那一位佳麗時，她坦言自己有點偏心，因為她是（8）伍樂怡的導師，都知她是大熱，過程中都有叫她不要太緊張，她謂：「一直都睇好佢，希望佢可以好好發揮，給觀眾好感。」說到昨日伍樂怡出席活動時似乎跌watt，Grace又為她說好話：「都唔算，佢個人好低調，自己都好欣賞佢呢一點。」

(東方日報)

【Fit到有人魚線】龐卓欣分享健康瘦身秘訣

2017-09-04

前港姐龐卓欣（Ada）日前為慈善音樂會演出，她表示得到媽媽好友的邀請，到場獻唱兩首歌。

提到於網上推出朱古力奶昔及薯條的食譜影片，她否認「放毒」，因為所用的全是健康材料。

「我以前完全唔識煮，近年就好鍾意整健康嘅嘢，好想試吓喺屋企用唔同整法，可以慳錢，又可以健康啲。我啱啱去完旅行，都要Keep番，之前有人魚線，同媽咪去完歐洲就冇咗。」

她透露在歐洲常常吃麵包、芝士和火腿，就算吃沙律都加了很多橄欖油，因此很期待回到香港可以吃得清淡一點。

說到開烹飪班，她直言很想，不少粉絲都想知道她如何靠運動和飲食Keep Fit。

「我有秘訣，平時喺屋企食得好健康，喺街就好放肆，如果有4款甜品就會嗌晒，好誇張。我男朋友唔鍾意食甜品，但點都要食啲，佢唔鍾意食剩嘢，所以就肥咗啲。」

(on.cc 東網)

【幸福﹗】陳琪勁感觸：2009年嘅今天係我重要嘅一日…

2017-09-04

藝人陳琪同胡諾言生咗大女胡芷苓、細女胡芷悠同細仔「波仔」，依家一家五口樂也融融。。。藝人陳琪同胡諾言生咗大女胡芷苓、細女胡芷悠同細仔「波仔」，依家一家五口樂也融融，幸福滿瀉。而9月3號係大女芷苓嘅生日，陳琪就有感而發咁喺Facebook留言：「胡家三寶，2009年嘅今天係我重要嘅一日，因為胡家嘅大寶就喺嗰日出世！唔經唔覺咁就8年啦！由嗰一日開始，我就開始學習做媽媽！跟住幸福嘅感覺接踵而來……」眨吓眼，芷苓已經8歲，真係時光飛逝，唔怪得媽媽陳琪咁感觸。