消委會測試60款市面較常見的食油樣本，發現41款含有塑化劑。
當中五款更高於本港行動水平和歐盟遷移限量的標準，並有兩款檢出殘留溶劑哥羅芳 ；42款檢出污染物氯丙二醇及有四十六款檢出基因致癌物環氧丙醇。
消委會期望政府能夠早日立法，制訂食油安全標準，加強食油安全，並敦促業界積極檢視原材料及生產程序，盡量避免食油中含具風險的污染物。
（原文：881903）
【混血、高大、靚仔】方太大讚方生好靚仔﹗
方太（任利莎）爸爸係民國時候嘅高官，三妻四妾喺當時係好普通嘅事，於45年任爸爸帶住其中一位太太及幾名仔女嚟到香港，之後到方太嚟到，一家幾口當時住喺北角一幢唐樓。因為方太媽咪早逝，同有媽咪嘅兄弟姊妹相處得唔快樂，佢形容當時係每日喺屋企都喊，方太話：「嗰時爸爸開咗間餐廳同辦館，因為我冇媽媽，得我睇舖。咁唔通你唔睇呀？以前收舖收12點，喺咁嘅情形之下，你喺屋企唔開心，喺學校讀書讀唔到，o依家啲女仔叻，識出走，嗰時我哋唔敢，驚餓死同失禮自己，所以結婚係唯一嘅出路，我20歲就結婚。」
方太同先生嘅邂逅都幾似電影情節，話說每日以淚洗面嘅方太，令佢暫時釋懷嘅係每星期嘅「紅荳冰時間」，佢話：「我同先生拍拖好浪漫，喺彌敦道屋企舖頭附近有間店，我去食3毫子紅荳冰，係我最開心嘅時間。」方太話當時好興jukebox（點唱機），入一毫子就可以點歌聽，不過當時方太只係夠錢飲冰，佢笑笑口話：「你食3毫子冰，咪坐喺度聽人哋點啲歌囉。嗰時喺屋企好苦悶，我唔可以同爸爸講同同父異母兄弟姊妹相處唔嚟，喺冰室就遇到我先生，佢成日都喺度，佢好靚仔，有少少混血，乾淨企理，我自細就鍾意靚仔。」
方太先後講咗老公4次好靚仔之後，佢跟住話：「佢知道我鍾意聽咩歌，跟住佢就點，你會知道佢係特登點畀你聽。見得多咪打招呼，講真少女時代好寂寞、好唔開心，有歌聽吓覺得好享受。」被方太形容好靚仔嘅方生，人稱方達，是直譯佢嘅英文姓氏Fonda，身高5呎10吋嘅佢絕對係高大靚仔，又喺英國軍部工作，職位係後備後軍上尉。到咗聖誕節方生終於出手，約方太去街，方太話：「佢帶咗我去姐夫屋企食飯，姐夫係英國人嚟香港做幫辦。冇耐佢就同我講你嫁畀我啦，嗰時大家都係20歲左右，相識頭尾一年多啲，以前我哋拍拖，睇戲都唔拖手，所以覺得你哋o依家好奇怪。」
嗰時方太諗呢個係離開屋企唯一辦法，同老竇講結婚時，嚇到佢窒咗。最後反對唔成之下，方太兩公婆都係開個茶會當擺酒，喺當時嚟講都幾前衛。不過呢段婚姻只係維持咗33年，最後都係離婚收場，方太話當一個人越行越遠，而另一個仍然表現不太成熟時，分岐就出現。
其實方太結咗婚之後，為咗生計，有一段時間去北角都城戲院做劃票員，仲引嚟過狂蜂浪蝶。當時有一位有錢嘅英印混血兒日日嚟睇戲，一定坐樓上超特等，仲成日借機搭訕，又買埋陳皮梅畀方太，有一日佢邀請方太返屋企食飯：「都唔知點解自己會去，佢食完飯同我講話好鍾意我，如果你做我女朋友我會畀間屋你住，點樣、點樣。我覺得呢個人不懷好意，之後就請經理調咗自己去另一個部門。」
其實除咗呢位英印過客，方太仲有一位曾任職航空公司嘅知己、伴侶，可惜對方已經喺多年前離世，方太帶點唏噓話：「同呢位知己相識咗33年，認識嗰陣都係大家唔快樂嘅時候，到後來大家一齊生活咗17年，大家都有大家嘅故事，關係可以講係好知己朋友，可以講係一個伴侶。」
(蘋果日報)
【糖尿病瘦60磅】近照瘦咗幾個碼
曾經喺周星馳主演電影《九品芝麻官》飾演尚書大人嘅資深配音員盧雄，近年因為糖尿病而減少幕前及配音工作，現年70歲嘅盧雄，近日接受港台節目《守下留情》主持劉偉恒同梁禮勤專訪，大談昔日配音軼事。節目官網更上載咗一張盧雄近照，見佢比往時足足瘦咗一個碼，但精神尚算不俗。
有周刊噚日打電話俾盧雄，佢表示呢次電台訪問係好早之前嘅錄音，問佢可有冇瘦咗50、60磅？盧雄說：「有呀。」佢承認受糖尿病困擾，由於身體狀況欠佳，暫時不便再接受訪問。
在《守下留情》訪問中，講到配音配得最多藝人，盧雄話：「配得最多係成奎安（大儍）。」之後盧雄重即刻扮大儍把惡聲話：「乜嘢事。」講到配音工作，盧雄話：「我哋嗰陣配音，係唔俾人知我哋配佢㗎，要做到我配曹查理，我就用呢把聲，成奎安我就用呢個聲，何家駒就用呢個聲。」盧雄之後又即時再扮大儍、曹查理把聲，講到扮何家駒，盧雄話：「佢把聲冇乜特別，但對方啲戲帶住我咁去。通常佢好多戲係三級片。」
盧雄成日為電影配音，但原來佢已經30年冇入戲院睇戲，因為睇得太多，而自己配音嘅戲，因為配音時已睇晒，所以唔會再睇，佢話：「我又拍戲又配音，已經完全冇代入感。你話點樣驚嘅戲，有鬼出現，呢度後面成班人吖嘛，啲鬼出現我都知係特技啦，差唔多點樣做我都知啦，咁我睇嚟做乜啫？完全冇代入感。o依家啲劇集我久唔久就會睇嘅。」
主持又問佢會唔會聽得唔舒服，盧雄話：「肯定係，所以點解導致我唔多睇呢，就係有呢個問題，除咗佢哋唔對嘴，佢哋啲語氣係唔得，唔係我自己認叻，我哋嗰輩要求高，你睇番啲港產片，真係好似嗰個人講嘢。我哋嗰陣第一要求自己要好，競爭好緊，你一定要比啲功夫比領班、導演睇，人哋咪會多用你囉，我就要自己upgrade自己啦，自己點樣練、點樣配得好啲，曹查理我直頭要講到好似曹查理講咁。」
(蘋果日報)
【好閃呀】許冠文一見老婆即笑笑口
現年74歲嘅影壇「冷面笑匠」許冠文，同老婆鄭潔英結婚45年，平時出街秤不離鉈，十分恩愛，堪稱圈中嘅模範夫妻。
日前(上月23日)下晝約4點半，許冠文竟然單拖現身銅鑼灣，身邊唔見老婆。見佢喺白沙道幾乎逐間逐間，由零食舖、到藥房再到護膚品店，許冠文都企正喺門口駐足唔郁，一時擔天望地、一時又擰轉身向番出馬路，之後佢再行去一間賣天然食品同日用品嘅店舖，望幾望就行入去，喺舖頭氹氹轉，試勻搽椰子油同唔同種類嘅cream喺手背。
再行多一轉，望望手錶，本身一直維持慢動作嘅許冠文，個樣突然好似甦醒咗咁，急急腳行返去對面馬路。等咗一陣，就見到許太施施然喺商場行出嚟，而許冠文亦好自然咁，貼實老婆一齊行。之後兩公婆就再喺附近鞋店睇鞋，老婆試鞋嗰陣，許冠文就識做企喺門口等，不過許太喺鞋店就未見斬獲。
二人等七人車司機期間，許冠文就耷低頭同老婆傾偈，間中仲「手口並用」七情上面，老婆就一味點頭回應，相比起喺條街個發呆樣，許冠文對住老婆明顯生猛晒。70歲嘅夫妻，其實恩愛起上嚟，都可以好閃！
(蘋果日報)
【珍惜眼前人】吳綺莉貼出「唯一全家福」
吳綺莉近日心情靚，日前就上載過囡囡卓林面露微笑嘅相。
囡囡返屋企同住兼重修舊好，搞到Elaine大呼「開心得要掉淚」。
講完個女，今次吳綺莉就講自己父母，雖然雙親早在佢一歲時離異。
不過面對身上發生嘅動盪，吳綺莉同媽咪鄭黎明感情都非常堅固，一直互相鼓勵扶持，惜吳母在2015年離世。
吳綺莉就上載佢同父母唯一一張合照，放下過去，並指自己活着真好。
「不理以前發生甚麼事，是好是瓌也都過去了，這也是我唯一一張和爸媽的合照，珍惜眼前的所有，感恩每一天。」
(on.cc 東網)
【病後重生】鍾慧冰去年患上血管炎
鍾慧冰喺去年年尾患上血管炎，細菌侵襲神經線，令到佢啲關節出現問題，嚴重到需要卧牀，半身麻痺不能動彈，連基本嘅生活都冇辦法自理。
經過大半年嘅治療，呢家康復咗8成，鍾慧冰逐漸回復昔日生活！
鍾慧冰日前接受周刊專訪，由發病到痊癒，佢話感覺好似將自己嘅人生推倒，之後再重生，鍾慧冰變得好隨緣，好嘢都睇得好淡。
鍾慧冰話嗰陣已經買好機票，諗住聖誕去芬蘭睇北極光，小休一輪再去奇妙電視返工。點知佢坐喺地下執屋嗰陣，突然間覺得右腳有啲麻痺，嗰陣以為自己屈得太耐，到咗第二朝瞓醒直頭冇力，嗰陣佢擔心自己中風，即刻叫工人call車入院。
佢話去到博愛醫院因為唔夠儀器，於是轉咗入屯門醫院，其間又發現右手有三隻手指唔郁得，檢查之後發現懷疑係免疫系統出現問題，喺等報告嗰陣，鍾慧冰嘅左手同左腳又先後出現問題，嗰陣佢雙腳完全行唔到路，最後風濕專科醫生證實佢患上脈管炎，要接受類固醇同抗生素嘅療程，差唔多咗5個月藥。
最初鍾慧冰都食擔心食類固醇會產生副作用導致骨枯，但醫生問我係唔係想癱，血管炎會令免疫力低，引致併發症，但係搞得一樣又搞唔到另一樣，鍾慧冰食類固醇嗰陣，搞到佢身體好腫，亦因為身為手腳唔可以自由活動，搞到佢行唔到樓梯，拎唔到杯同筷子，扣唔到鈕，甚至連剪腳甲都有問題！
鍾慧冰話過去數月睇過幾十個醫生，再加上冷靜分析，可能係後生嗰陣積壓太多壓力，冇好好處理，所以當心情就鬆嗰陣，問題即刻出現！佢仲話呢個病可以令肌肉流失，最差試過手臂得層皮，出現一個個窿，睇落好似個怪人，鍾慧冰笑話唔一世都唔會減！
（蘋果日報）
【又高又型！】劉嘉玲開心賀姪仔大學畢業
女星劉嘉玲向來好疼愛姪仔，早年佢同姪仔在香港行街時曾經被傳媒拍到，於2016年11月嘉玲慶祝媽媽生日時，更罕有晒出全家福，獲網民大讚「這一家人簡直完美到逆天！」仲特別大讚姪仔高大帥氣！
唔經唔覺，姪仔已經大學畢業，今日嘉玲喺微博上載多張遠赴英國諾定咸大學（The University of Nottingham）參加姪仔大學畢業典禮嘅相片，並留言：「飛翔吧我的寶貝！」
相中，嘉玲同戴四方帽嘅姪仔合照，當中有張攬實姪仔嘅合照，感覺二人感情深厚，嘉玲戥姪仔高興之際放下雍容華貴，盡顯佻脫一面，開心到四周圍影相，仲攞咗姪仔頂四方帽戴添！
諾定咸大學是英國著名重點大學，以教學質素見稱，獲歐洲各國公認並推崇的高等教育學府。
(on.cc東網)
【雙喜臨門】鼎爺宣佈好消息
李家鼎及譚玉瑛為無綫主持的烹飪節目《阿爺廚房》大受歡迎，第2輯加碼至30集，但鼎爺直言未獲加酬勞，相反譚玉瑛因剛巧與無綫約滿，她已續約並加人工，節目也帶挈了鼎爺獲老闆投資1000萬，於銅鑼灣開設私房菜，下月便開張，但他卻表示不會長駐廚房，一星期只會客串幾日。
今天他們到新蒲崗為節目宣傳，鼎爺即席示範炮製涼菜「錦繡涼伴」，他表示新一輯共有90多道菜式，一星期5日，每日做3個。談到對收視期望？他說：「當然期望爆頂。還用問？餸永遠煮不完，學也永遠學不完。」
（原文：明報）
【預防於未然】研究：心肌梗塞日漸年輕化
著飲食文化改變，臨床研究不少30至40歲的“年輕人”也都有血管阻塞或心血管疾病等問題出現。若屬於高危險族群，平日需要積極透過有效的健康檢查做好預防，一旦檢查發現心血管問題，務必遵循醫生指示用藥，而硝化甘油有抗心絞痛、胸悶作用，患者也可隨身攜帶硝化甘油舌下碇，防身體不適，一旦發生心肌梗塞，可適時救急。
一般體檢多數為理學檢查、靜態心電圖及超音波為主，建議可進一步接受高解析低劑量電腦斷層檢查，瞭解冠狀動脈血管鈣化指數，可有效評估心肌梗塞風險；醫生指出，對於高危險族群或鈣化指數過高者，建議可接受心臟冠狀動脈血管攝影(CTA)，瞭解血管的粥狀硬化與狹窄的病變。
另外，非侵入性無輻射的心臟磁振造影檢查（cardia
運動、良好飲食習慣雖可以控制心血管疾病的發生，但只是預防而非治療，如有高血壓、糖尿病高血脂肪
（原文：HINET）
【傳暴瘦失聲】劉德華終現身
早前有報導指在1月於泰國墜馬受傷的劉德華暴瘦又聲音沙啞，更與太太朱麗倩秘密到尼泊爾祭拜四眼天神求康復，令粉絲們十分擔心。
劉華早前承諾明年會開個唱，加上新片《俠盜聯盟》即將上映，然而都未見身為監製兼主角的華仔有任何宣傳，日前，他終於更新了自己的官網，更留言：“在為俠盜配音中……想起你們！你們好嗎？你們好我就安心了！夢中見。”華仔樣子十分精神，26個字讓大家感到好興奮，網民與粉絲紛紛回應“華仔好！我們就安心！”
（原文：騰訊／明報）