早在1993年由加拿大回港參加國際華裔小姐摘冠而入行的鍾麗鍉(Christy)，分別在1998年及2004年結婚但離婚收場，兩段婚姻為她帶來三個女兒。
到了2015年7月，與張倫碩合作內地真人秀節目《如果愛》日久生情，更被媒體拍到戲假情真，大方確認姊弟戀關係 。二人在去年11月8日於北京舉辦婚禮。
久未露面的Christy，日前身穿露肩鬆身衣服現身北京機場，有網民留言：「是否又有好消息？」、「又要懷孕了嗎？」
（圖片：騰訊）
【跳水女王吳敏霞出嫁啦﹗】網民覺得新郎似「翻版林峯」
中國跳水女王吳敏霞終於出嫁了！吳敏霞今天（5日）與「翻版林峯」張效誠在陝西富平舉辦了一場熱鬧的中式婚禮，跳水隊姊妹陳若琳擔任伴娘。新郎新娘跪地向長輩敬茶，張效誠現場簽下結婚保證書，並有家裏孩子來「壓床」及拍攝了中式全家福相，完成整個中式傳統婚禮程序。
今午兩人在男方家陝西舉辦了一場熱鬧中式婚禮，邀請了跳水隊好姊妹陳若琳做伴娘，親眼見證幸福甜蜜結婚騷，但並未見到其他中國跳水隊的朋友出席！
去年里約奧運奪得生涯第5面奧運金牌，吳敏霞隨即在里約公布戀情，去年底宣布退役結束15年國家隊征戰，上月與男友張效誠共同創業設立品牌！現年31歲的吳敏霞出身上海，今年5月與相戀8年的男友張效誠領證結婚，隨即在微博上晒恩愛公布婚訊！
(東方日報)
【未夠3個月唔講得﹖】李蘊搞笑回應
26歲李蘊（Renee）與商人老公羅章冠結婚兩年後育有1歲大的女兒羅紫晞，嫁人後的Renee相夫教女，並不時上載家庭樂照片。最近李蘊就更新IG，與大家分享她的湊女樂！
仍餵母乳的Renee，今次就一家三口去了台灣觀光，其中兩公婆仲陪女兒去海洋館玩。他們欣賞海豚表演之餘，仲趁機近距離接觸兼合照，但相中見紫晞的表情不太開心，似乎好驚驚！不過亦有網民將重點放在Renee身上，皆因穿上貼身長裙的她肚凸凸甚有孕味，難道又有好消息？但之後Renee親自回覆網民，搞笑否認有喜：「絕對不是，不要歧視我的小肚腩。」
而今次旅行，Renee還帶了女兒去游水，穿上泳衣與女兒拍照。
【平均月薪5萬幾】最大抱歉搞到楊千嬅：我哋好公平
亦都強調：樣靚身材好都冇用，一定要。。。
一家舞蹈公司喺社交網出post招請dancers，為楊千嬅紅館個唱搵伴舞，但就惹來一場公關災難，被指「平價請舞蹈員」，又被好多行家批評…. 事源….
楊千嬅嘅年尾紅館騷，有公司喺網上貼文招募舞蹈員，註明「少量演出經驗者優先」，引起議論紛紛！公司負責人係著名排舞師High King，其太太接受周刊電話訪問澄清：「意思係冇經驗一定唔得，少少都可以，冇講過平定貴，我哋好公平，最大抱歉搞到楊千嬅。」
High King太太質疑因同行如敵國遭攻擊，強調其公司對舞蹈員要求好高：「喺我公司做咗十幾年嘅dancers，肯定係全行最貴，平均月薪有5萬幾，嚟我哋公司睇吓就知乜叫專業，樣靚身材好都冇用，一定要跳得好。」
(蘋果日報)
【處女黨變「索爆人妻團」】嘉欣返港勁齊人即刻下廚樂
4位人妻一人捧一碟。。。
想當年，鍾嘉欣、岑麗香、王君馨、李亞男同苟云慧，因為有相同宗教信仰嘅關係，組成「Amazing Esther」——即係後來被稱為處女黨嘅組合，從此，多咗一個朵。
至今，5名成員中4名已出嫁，只剩下苟姑娘待嫁，叫處女黨好似有點那個，其中今日舉行婚禮嘅王君馨曾經喺社交網站話處女黨要改名做「索爆人妻團」，但係好似冇乜人記得……到今日，嫁雞隨雞但又返香港返得幾密吓嘅鍾嘉欣抽時間同班姊妹見面，佢今日喺Instagram貼相，並以英文留言稱：
「我想念與我的姊妹們一起已經很久了。每個人都有成長及內外都變得更美。為你們感到自豪。特別多謝Leanne BB（李亞男）下廚煮午餐，很美味。下次在溫哥華，輪到我（下廚）。」
仲不忘落番佢個amazing esther嘅hashtag。睇番張相，4位人妻一人捧一碟，咁啱就得番苟姑娘冇嘢揸手，唔知係咪因為未做人妻未使下廚呢？Anyways，5女都的確仲keep到，至於早前被老公王祖藍爆有抑鬱、會喺屋企喊嘅李亞男，除咗晒廚藝，仲晒咗個好sweet嘅笑容，睇嚟應該冇咩事。
(蘋果日報)
【如果有Kiss Cam】余文樂孖女友放閃 怕醜避鏡頭
「Fisherman Lok」余文樂出名係籃球躉，呢日佢應NBA邀請，到內地睇NBA中國賽深圳賽勇士對木狼嘅比賽！
場內比賽激烈，而場邊就夠晒閃，點解？事關余文樂同埋女友王棠云，呢日齊齊睇波，仲畀大會鏡頭捕捉到，之旦係佢同女友似乎有啲怕醜，只係笑笑口咁擰轉面！
唔少人都話可惜唔係Kiss Cam，如果唔係有得睇佢哋錫錫！
(Sina)
【寶兒杏賢同場出騷】袁偉豪：就喺鍾意佢地呢樣嘢
新歡舊愛同場，寶兒同杏賢都未有不快場面出現，而袁偉豪就表示。。。
「港姐殺手」袁偉豪嘅港姐新歡張寶兒，同港姐舊愛岑杏賢，日前同場出騷。
新歡舊愛同場，寶兒同岑杏賢雖未有不快場面出現，但見到岑杏賢就明顯有點唔自然，而佢哋喺出場前，一齊企埋一邊，仲有講有笑，出場時寶兒仲好有禮貌咁拉一拉岑杏賢嘅手一齊行。上到台，司儀陸浩就問佢哋中秋點樣過？岑杏賢就笑陸浩話佢冇睇佢噚晚嘅直播：「我噚晚同朱千雪一齊開live，之前已同家人慶祝咗中秋。」寶兒就話自己同親戚一齊食飯，一家人開開心心，之後佢哋仲喺台上分享過往嘅難忘中秋。
而對於女友張寶兒與舊愛岑杏賢同場出騷，身在布拉格拍攝《再創世紀》的袁偉豪，以短訊回應周刊：「同場演出是公關的手法，雙方都經過考慮才出席，所以沒有甚麼尷尬，她們都是很大方和賢淑的女子，這就是我喜歡她們的原因。」
談到與張寶兒拍拖，被指是「女尊男卑」，他表示自己一直做事用心、熱愛工作也熱愛娛樂事業，一直為自己打拚，他說：「我食、着、洗都是靠自己而且還要養屋企人，男人就是要有承擔，為甚麼是為了拉近大家距離而買跑車？這統統都不是！」入行近廿年的他，直言辛苦工作多年才開始有成績，所以獎勵自己讓自己與家人生活過得舒服點。
(蘋果日報 / 東方日報))
【Sofia廣東話進步好多 】梁詠琪同囡囡「扮貓扮兔」鬥萌
梁詠琪昨晚在社交網站上傳兩段視頻。
一段是囡囡Sofia扮免仔用廣東話祝大家：「中秋節快樂！」網民都讚囡囡廣東話有進步。
另一段是梁詠琪與Sofia配合動作望著鏡頭扮貓喵喵叫，兩母女都好可愛。
梁詠琪留言問粉絲：「扮完兔仔扮貓仔！邊個cutie D？」大家又覺得邊個可愛啲呢？
（明報即時娛樂）
【郭富城首任圈中女友】51歲姚正菁依然星味十足！
51歲姚正菁相信年青一輩未必認識。
姚正菁是天王郭富城圈中首個公開承認的女朋友，可惜最終分手收場。
姚正菁早年曾在無綫發展，雖然樣子不錯，但未能踏上一線。
姚正菁後期毅然接拍三級片，最終是嫁人退出娛樂圈。
姚正菁日前相約麥景婷、吳麗珠、吳浣儀及陳維英等飯聚，被網民發現她保養不錯。
她的個人微博亦上載不少照片，依然星味十足。
（明報即時娛樂）
【陪父母團圓過節】謝霆鋒孖謝賢狄波拉大曬演技
中秋節，唔少傳統嘅中式餅店一早就磨拳擦掌，搶佔市場，而霆鋒嘅鋒味曲奇，近年亦加入戰團，喺中秋搶佔一席。
又係老闆又拍劇仲要做大陸騷，不過中秋節，就算再忙，霆鋒都會抽時間，陪吓屋企人團團圓。噚晚霆鋒就貼咗佢同老竇謝賢、媽咪狄波拉嘅合照。佢哋仲即席示範咩叫「舉頭望明月，低頭吃蘋果」嘅表情。
簡簡單單兩張相，就睇到謝氏一家嘅表情，有着微妙嘅變化。而網民都笑佢哋果然係出自演藝世家，做個表情都到位過人。
(蘋果日報)