貝安琪（Ankie）談到9個月大的囝囝Sebastian即笑逐顏開，不斷讚囝囝好可愛：「佢成日爬，爬得好快，又鍾意開門，我要喺後面跑嚟跑去執嘢，好得意，但一定會攰。佢開心，我都開心，因為生活有咗意義。」
Ankie大爆未婚夫Simon Van Damme是怪獸家長，要求囝囝一星期上兩次Playgroup：「老公好想佢返，我同囝囝一齊玩都好辛苦。（老公係怪獸家長？）係，我就唔係，我唔使佢上啲乜，佢鍾意先學。（囝囝識咩語言？）我同佢講德文同廣東話，我同爸爸講英文，佢都係聽，爸爸同佢講法文。」
Ankie又指自己是嚴母，老公則是溫柔爸爸。問到可會追多個女？她直言要等多一、兩年後，想抽多點時間陪囝囝。
談到婚禮細節，Ankie表示將於明年舉行，等囝囝識行做花仔，而她與Simon現在已經以「老公」、「老婆」相稱。
(on.cc 東網)
孫耀威（Eric）與陳美詩（Macy）早前拉埋天窗，結束八年愛情長跑。
由於兩人都好鍾意小朋友，Eric曾透露婚後會盡力造人，估唔到新婚冇耐似乎有好消息傳出喎！
佢哋最近去咗歐洲度蜜月，大歎美食同欣賞靚景，沿途都喺網上分享旅行靚相。
Eric於社交網上載咗一張喺車站前嘅相，仲寫下耐人尋味嘅留言：「不是兩個人的度蜜月旅行。」
加上Macy早前晒出全身相，見佢一臉幸福咁摸肚，唔通真係有好消息？
隨即亦引起網民關注，唔少人紛紛留言問係咪Macy有喜，仲話希望佢哋今次嘅旅行「兩人去，三人返」，預祝佢哋造人成功，可以早日聽到好消息。
(on.cc 東網)
林盛斌太太Pearl先後誕下三女一子，盡顯母愛偉大！早前透露一直有妊娠糖尿問題，到懷有第四胎時由第五周已經開始要打胰島素針，整個懷孕過程是40周：「第五周開始打，即係我打咗35×7×4=980針。」
第四個小朋友Jaye（林道申）出世後，Pearl遇到乳腺堵塞問題，佢喺社交網表示自己是一名富媽（充足母乳的媽媽），亦不時出現乳腺堵塞問題，前兩、三胎開始，每兩、三個月便會塞一次，並引致發燒，但不能服藥。
今日，Pearl又出現乳腺堵塞，最終要找來催乳師幫手疏乳，佢話：「呢種塞奶時嘅按摩，嗰種痛，好攞命。」仲話佗嘅時候忍打針，生嘅時候忍痛，生完都仲要忍痛疏乳，最後她惟有「我會忍㗎喇！」
Pearl發長文道出為人母遇到乳腺堵塞的感受：
「人奶之路真係荆棘滿途，冇奶煩；有奶其實都煩。冇奶可以嘗試通乳，有奶容易塞嘅，可以疏乳。實不相瞞，我係一個富媽。前兩胎，我每兩至三個月就會塞奶而發燒。有咩方法唔使食藥而退燒呢？無呀，死頂囉！呢段時間我嘗試緊疏乳，起碼令我至依家都未有發燒，今日，我又再疏乳喇！其實無非都係按摩啫，如果有餵奶經驗嘅朋友都會知道，塞奶時嘅按摩，嗰種痛，好攞命！個催乳師睇見我好痛，佢都係剩係叫我忍吓。我心內：忍忍忍！我唔想忍喇！（心內大叫）。䭾嘅時候忍打針，生嘅時候忍痛，生完都仲要忍疏乳，我表面回應：好啦！我會忍㗎喇！大佬，有專業嘅人幫最好啦，有啲地方自己真係按唔到㗎嘛。情緒平復後，疏乳都係值得嘅，疏完之後的確唔再有塞奶痛，仲唔使死忍發燒⋯」
(on.cc 東網)
陳美齡（Agnes）亮相ViuTV節目《熟女在野》拍攝外景，一邊享受大自然景色，一邊以歌聲盡訴心聲，包括與丈夫金子力排除萬難的結婚甜蜜史！
Agnes當年與日籍丈夫能夠拉埋天窗，背後充滿辛酸，皆因當年社會存在反日情緒，外界對Agnes這段婚事並不睇好，更有指她不應下嫁日本人，輿論令Agnes與未婚夫承受着無形壓力。
但金子力對Agnes說，他是日本人的事實無法改變，但如果可以，他甘願為Agnes改變日本人的身份，此番說話令Agnes感動不已，二人終於排除萬難，結成佳偶！
Agnes被問到身兼歌手、作家、教授、媽媽及妻子等多重身份，她最喜歡是哪一個身份？Agnes表示自己最珍惜「媽媽」這個身份，因為她很享受當一個媽媽，認為媽媽是一生一世的身份！
Agnes三個孩子都學業有成，被問到育兒心得，Agnes寄語年青家長千萬不要將自己小朋友與別人的小朋友拿來作比較，因為比較只會令小朋友養成妒忌心，或小看別人的陋習，正確的育兒方法是讓小朋友專注自己的興趣、專長，這樣才可以快樂地成長！
(on.cc 東網)
今日50歲生日嘅周慧敏（Vivian）到粉嶺出席流動獸醫診所活動。她身穿露肩裝現身，而剛巧今日亦是主辦活動的慈善機構成立11周年，於是有代表與Vivian一起切生日蛋糕及唱生日歌，吸引大批途人圍觀。
受訪時，問到打算如何慶祝生日，Vivian坦言活動後要為1月的紅館騷排練，到時會視乎是否疲倦再決定。
她說：「咁多年我同老公都有共識，無論周年定生日都唔會特別做啲咩，好隨意。」
不過，問到有冇收到驚喜，Vivian表示：「昨晚收咗，不過想保持Privacy，唔公開講。（小禮物？）係呀，好開心。」
講到踏入5字頭，她認為分別不大，最重要心態上保持慢活：「我嘅性格好急，希望學吓慢啲，對養生都好。」而提到生日願望，她就想在個唱以最佳狀態示人，令粉絲覺得她入行以來的30年值得回味，並祈求身體健康。
(on.cc 東網)
徐若瑄（Vivian）早年風靡全亞洲，係唔少男士嘅夢中女神。而佢嘅囝囝「李V寶」亦遺傳其優良基因，生得可愛又精靈，年紀輕輕就已經魅力沒法擋！
呢日Vivian喺社交網上載囝囝學畫畫嘅多張相，見佢同關穎囡囡「C.C.」齊齊着上圍裙，用手同埋其他工具畫畫，佢哋仲頭貼頭一齊玩，搞到面上都有顏料驚變「花面貓」！
佢哋兩小無猜，唔少網民都大讚佢哋好Cute，亦有人笑言「李V寶」好有女仔緣，同賈靜雯囡囡「咘咘」都好Close。
隨後Vivian代囝囝搞笑澄清：「大人冤枉，我不是撩妹王！CC、咘咘和我真的只是『純友誼』而已！」
(on.cc 東網)
下星期就係前港姐盧淑儀嘅45歲生日，正日當然留番同老公李克勤齊齊過喇！
不過一班好姊妹李嘉欣（Michele）、李嘉明（Joanna）及邱李茂琪都好有心提早同盧淑儀慶祝。
邱李茂琪喺網上晒合照，相中佢哋打扮到靚一靚現身，其中Michele仲露出小小香肩，十分搶鏡。佢哋準備咗兩個蛋糕為壽星女慶祝，認真sweet呀！
另外，盧淑儀亦有喺社交網上傳一段影住兩個生日蛋糕嘅片，片中仲寫住「Thank you Michele & Joanna」，睇嚟佢哋玩得好盡興喎！唔知到正日生日時，李克勤又會點同老婆慶祝呢？
(on.cc 東網)
今年6月宣布懷孕的賈曉晨，目前專心養胎，她不時在微博上載孕照。
雖然佗B一段時間，但賈曉晨手腳仍算纖幼，肥胎不肥人。日前她才說：「不少人說我沒胖，可大家知道嗎？我的寶寶偏大三周呀，『小飯兜』是吃貨中的戰鬥機。」
今日，賈曉晨再更新微博，原來她被BB「踢醒」了：「左側臥踢、右側臥踢、變著花樣踢、不停的踢…並且踢到我肋骨響，小飯兜你是在模仿我打功夫嗎？」
(明報即時娛樂)
你常常做夢嗎？有人說，夢跟潛意識有關，不同的夢境，可能有著不同的背後含義，也可能反映出你的現實狀態。而根據研究顯示，世界上約70%的女性都曾夢過自己懷孕。這種怪異的夢境到底代表什麼呢？一起來聽聽專家怎麼說！
據國外網站《Elite Daily》報導，精神分析學家Carl Jung表示，在人類潛意識中，「懷孕」象徵一種正在成長的生活狀態，若夢到自己懷孕，其實並不代表你渴望懷孕，也不是你想結婚，而是在暗示你的內心想法，以及未來即將會有的改變及發展。夢典（Dream Dictionary）則解釋，這些夢境代表我們潛意識中，尚未被意識到的「新想法、生活」。
此外，夢境中的懷孕「月數」，也代表了你潛意識中對「新想法、生活」的成熟度有多高，這些「夢」象徵著我們自我省思的需求。如果你的夢告訴你，你的「孩子」將在「某個時間」出生，可能代表在「那個時間點」，你潛意識中的想法就會浮出水面。
若你不小心夢到自己懷孕，也別太擔心！建議你可趁這時好好思考，自己現階段的生活中，是否有某件事停滯不前、或受到阻礙而無法向前？或是你一直很想嘗試、卻還未去做的事情？這時「孕夢」就在暗示你，近期內，這些困擾你的事可能就會想出解決方式。
(ETtoday)
Neway太子兼陳法拉前夫薛世恒（Daniel）今年膽粗粗入行，成為娛樂圈新人。圈中朋友多多的他坦言一直對娛樂圈感興趣，大學時代已開始跟朋友夾Band，表演欲旺盛。
問到認為自己有甚麼條件適合做藝人？他笑說：「我可唔可以話係外形？哈哈！我想演戲，人生經歷有番咁上下，想將內心攞出嚟。」
問到最想與哪位藝人合作，他首選相熟的好友，例如袁偉豪、黃長興及陳敏之等。至於前妻陳法拉，他亦不介意合作，並大讚：「佢係一個好專業同資深嘅演員，可以合作好開心，而且我哋都係朋友。」
年屆四字頭才做新人，Daniel抱着有進無退的心態闖娛圈，揚言：「冇得退！（你好勇？）我性格係咁，會諗將來好多可能性。（怕唔怕畀人覺得你玩玩吓？）都怕人咁諗，我會加倍努力，否則會畀人覺得我係玩，因為我唔係靠呢行食飯，咁我出咗嚟做嘢10幾年，都有積蓄，唔係手停口停，但我入行真係好認真，希望大家見到。」
（on.cc 東網）
