37歲嘅星級索媽張栢芝最近經常活躍於Instagram。
呢日佢又上載一段撐住拐杖行路嘅片，透露自己隻腳舊患發作要去睇醫生。
佢一邊行一邊話畀粉絲知：「唉！年紀大，隻腳好番㗎喇！」
「依家唔知係咪落咗一場大雨，打風呀，搞到又風濕番又痛番，依家又要冒住風雨去整腳。會唔會咁快痛呀？不過真係唔係講笑，真係痛！救命呀！」
網友見到都留言叫佢小心身體，仲叫佢以後唔好玩得咁搏呀！
(on.cc 東網)
【嗌哂救命】37歲張栢芝概歎自己年紀大
【飛美國低調再婚】拖老公甜蜜現身﹗
回復人妻身份﹗十指緊扣現身，十分甜蜜！恭喜恭喜﹗
名模樂基兒（Gaile）於2012年與天王黎明結束四婚姻後曾表示不會再婚，不過一向戀愛大過天的Gaile在今年六月宣布，拍拖兩年的男友Ian上年求婚成功並即將舉行結婚派對。於美國時間本月27日，Gaile與從事有機食品生意的Ian行禮完婚回復人妻身份。
Gaile貫徹低調處理感情事的態度，在美國加州舉行的結婚派對只邀請為數約50名親朋好友參加，昨日舉行的婚前派對Gaile的好友兼名模Danielle便是座上客之一。婚禮以簡潔溫馨為主，身穿低胸款式婚紗的Gaile與老公Ian十指緊扣現身，十分甜蜜！
(東方日報)
【港姐冠軍無奈捲入風波】斥責：無聊過頭，胡亂生謠
能夠入圍選港姐，一定係有幾分姿色，能夠戴上冠軍，更加係不得了啦。
向海嵐98年當選香港小姐冠軍，仲係當屆嘅最上鏡小姐、動感都會大使、環球美態大獎得主。明明係靚女一名，但世事往往都係咁奇妙，10年有人質疑近屆港姐三甲當中有變性人，向海嵐就不幸被捲入漩渦當中。
向海嵐之後喺慧妍雅集晒身材反擊，仲斥責有人無聊過頭，胡亂生謠。當時曾醒明都解釋過，港姐面試要出示身份證明文件，可以肯定到參賽者性別。
其實向海嵐喺銅鑼灣聖保祿學校讀書，做過學校風紀，車婉婉同黃德如都係佢師姐，變性謠言不攻自破。
(蘋果日報)
【戴埋同款戒指】竇靖童襯七夕公開男友？！
今日（8月28日）係中國情人節七夕，圈中好多情侶、夫妻，甚至乎父母都出嚟晒愛。愛情親情一樣咁Sweet，真係男女老幼都咁閃爆社交網。
講到最爆嘅就一定係天后王菲愛女竇靖童（童童）。
性向一直成疑嘅佢，雖然曾經被拍得同同性服裝設計師Rebecca Tsang喺北京箍頸激吻，事後又未有正面回應自己嘅性取向，反而頻頻被傳出櫃消息。
去到今朝凌晨，童童發現喺微博上載一位男子嘅相，淨係附上一個愛心Icon。
搞到網友都估佢究竟係咪借七夕公開男友身份，仲有網友指嗰位男子食指上嘅戒指童童都有戴過添！
（on.cc 東網）
【結婚只喺請咗林嘉欣】開心晒婚戒：唔使鑽戒，食麵包、飲暖水就夠
大方展示左手無名指的婚戒說：「好Cheap咋，唔使鑽戒，食麵包、飲暖水就夠，結婚好低調。。。
組合at17出席黑暗中獻唱音樂會，成員盧凱彤（Ellen）早前在台灣舉行的「金曲奬頒獎禮」上宣布出櫃兼大方承認去年已與台灣攝影師密友余靜萍（小余）在外地拉埋天窗，更公開答謝「太太」，Ellen公開婚訊後首度接受香港娛樂版訪問，記者以「人哋老公」恭喜他，Ellen說：「人妻呀，兩個都係女仔，都係太太。」問到「太太」有否到場支持？Ellen說：「冇，佢喺澳門拍緊戲，做攝影師。（咩電影？）唔知呀。」
由於澳門日前受颱風影響搞到全市停水停電，Ellen說：「佢去咗幾個星期，入住酒店冇水冇電，情況混亂。（唔叫佢嚟香港？）佢成team人，依家處理緊，詳情唔清楚，等颱風走咗之後我就過去搵佢。」Ellen大方展示左手無名指的婚戒說：「好Cheap咋，唔使鑽戒，食麵包、飲暖水就夠，結婚好低調。（冇藝人出席？）得林嘉欣，因為佢同小余好好朋友。（曾經傳緋聞？）係，林嘉欣十幾歲已經識佢。」問到是否閃婚？Ellen說：「唔係，我哋拍咗拖7年，中間分開過，經歷咗躁鬱症復合後，諗清楚佢可以同我過下半世。」問到有否度蜜月？Ellen大方說：「啱啱5月結婚一周年紀念去咗日本。」
林二汶打爛醋埕求嫁
將於12月23及24日舉行相隔7年再重組演唱會的at17說：「今晚首度唱我哋7年後合體嘅新歌。」林二汶打爛醋埕向Ellen說：「你聖誕節好娶我。」Ellen即說：「你嫁一定要畀我過目。（佢可能同你一樣娶？）唔理，總之點都要問我啦。」
(東方日報)
【Lucas、Quintus好乖】張栢芝被大讚好識教仔！
張栢芝向來好錫兩個仔Lucas同Quintus，佢亦好明白身教嘅重要性，所以為咗仔仔常常喺日常生活中做個好榜樣。
話說近日香港同澳門一連被兩個颱風吹襲，澳門更因此造成多人傷亡，栢芝亦好關注今次事件。
於是今晚佢同兩個仔食飯前，就要求兩個仔為颱風造成嘅傷害而禱告，網民見到後都大讚栢芝教得好，仲話兩個小朋友好乖！
栢芝留言：「兩個仔好乖哦 禱告完就開飯 等不及了哈哈哈 菜看起來真的好好吃！」
栢芝又留言指要求兩個仔喺飯前禱告係希望佢哋明白幸福唔係必然。
「因為他不知道颱風會令到多少人受苦，所以我要佢哋親自食飯前向受難者禱告，不希望他們常常覺得自己很幸福，所有事情都不是必然的。」
(on.cc 東網)
【原因係…】陳柏宇拖住老婆行行吓喊
陳柏宇（Jason）出席在黑暗中舉行的音樂會，第一年參加的Jason笑言表演期間腦海想了其他東西，問到想了甚麼東西，他笑言：「冇特定方向，工作乜都有。」
Jason之後又自爆：「結婚前試過拖住Leanne（符曉薇）瞇埋眼喺條街度行，行行吓我開始喊。」
到底點解，Jason就話：「發現原來拖住前面嗰個人行係要好大信任，同埋有幻想如果自己睇唔到嘢會點，所以就開始喊。」
而問到剛才表演期間可有蝦碌事發生，Jason笑言唱唱吓突然忘記了一句歌詞，Jason亦謂希望下年可以再參加。
(on.cc 東網)
【扁晒嘴】林子博爆囝囝返學畀人蝦
學打拳只係保護自己﹗
林子博與12歲囡囡林詠渝同8歲囝囝林卓楠，今日喺油麻地分別參加綜合搏擊賽，近年熱愛打拳嘅沈穎婷則擔任裁判；過程中，子博拎住手機全場直播，喺台邊睇得好緊張，由於卓楠最終打輸咗，所以佢事後扁晒嘴話：「唔學喇！」
打得唔錯嘅詠渝，擊倒對手贏得金牌，詠渝表示好開心，子博笑指詠渝出腳重，係因為平時喺屋企經常踢細佬而練成，佢仲話：「佢哋兩個都係呢個暑假開始學，阿仔喺學校成日畀人蝦，不過我同佢講唔可以打番人，打拳只係保護自己。」眼見卓楠感到好失望，子博即刻笑住加以安慰：「你打得好好架喇，今晚啤啤佢喇！」
(蘋果日報)
【小豆好識做】張頴康颱風天大曬親子樂
近日香港被兩個颱風輪流吹襲，大部分人自然安全至上，一直留喺屋企。
趁住天氣轉好，藝人張頴康與太太麥雅緻即興嚟個親子日，帶埋囡囡小豆出街，享受天倫之樂，仲喺社交網晒一家三口照。
成日都話囡囡係爸爸嘅前世情人，張頴康為咗前世情人都落足心機，唔單止帶囡囡去兒童樂園，仲全程抱實佢玩遊戲，相當溫馨。
呢位前世情人亦好識做，冧爆地向爸爸張頴康送上香吻，又同麥雅緻開心share飲品，難怪麥雅緻冇呷醋，仲甜到入心添！
「一星期兩個颱風天，希望大家都平平安安就好了！ 感恩我們仍可親子日，爸爸帶小豆『打恐龍』，媽媽和小豆分享奶昔！」
(on.cc 東網)
【四料港姐離台9年】大台劇本兩次密密送…依然未有期﹗
佢話唔介意再做奸角﹗不過…雖說無綫曾先後兩次搵過佢，仲出動埋監製同劇本，誠意十足，但佢都。。。
98年四料港姐向海嵐(Anne)，卸任後隨即俾大台安排拍咗唔少古裝劇，其中《楊貴妃》同《無頭東宮》最深入民心。不過08年，向海嵐忽然宣佈息影，轉到上海做公關，直到前年，佢就簽約汪子琦間公司，大陸、香港兩邊走。
今年10月就43歲嘅Anne，最近留港參演音樂劇《我和青天有個秘密》，周一(21日)下晝，有周刊喺銅鑼灣見佢同一女性友人，入咗一間餐廳食晏。席間見佢滔滔不絕發表偉論，女友人只係點頭和應，佢哋食咗約1個鐘就埋單走人。食飽打算鬆一鬆嘅Anne，就同友人到附近上樓舖揼骨，按摩，約兩個鐘後，Anne再現身，唔知係咪成身鬆晒，落樓嗰陣仲笑晒咁行去附近搭的士走人。
離開大台9年嘅Anne，當年講到明因為公司冇幫佢發展，與其留喺娘家繼續等運到，不如出去搏一搏，不過有指大台近年出色女奸角唔多，之前喺《無頭東宮》同《胭脂水粉》做奸角，搞到觀眾咬牙切齒嘅向海嵐，自然成為大台挖角目標。
對於回巢返無綫，Anne接受訪問時，就承認無綫曾先後兩次搵過佢，仲出動埋監製同劇本，誠意十足。Anne表示：「其實最緊要時間夾到，最近呢次，就係因為我要演舞台劇，所以先推咗佢哋。之喺香港留4個月，到年底又要返國內拍劇，都希望下次有機會。」問Anne無綫係咪搵佢做奸角，Anne就話：「應該咁講，我唔介意做奸角，奸角發揮大啲，成功感亦大啲。況且o依家啲人好明智，就算憎都係憎個角色，唔係憎個藝人。」