今年4月，韓劇《步步驚心：麗》男星李準基被韓媒踢爆跟《朝鮮射手》女星全慧彬拍拖。
不過，今日《首爾體育》爆料指，二人因為工作繁忙，男方拍攝有線台tvN新劇《犯罪心理》，而女方則參演SBS電視台劇集《操作》，導致聚少離多。
二人最近已經分手。
二人結束兩年感情。
二人所屬的經理人公司隨後證實分手消息。
（明報即時娛樂）
【戀情見光死？】公司證實分手消息 兩年情玩完
【仔仔好可愛！】黃浩然生日激罕曬一家四口照
藝人黃浩然正在忙拍無綫劇《果欄中的江湖大嫂》，日日流連果欄，但生日都要抖抖，尋日（25日）就係佢42歲生日，罕有地將一家四口的溫馨合照放上ig，見黃太為黃浩然準備咗一個花花形的生日蛋糕，黃浩然就攬住老婆同兩個仔，場面十分溫馨，而其中有一張相，浩然更係攬到老婆實一實，而穿上低胸上衣的黃太不經意流露出性感的一面。
其實黃浩然一向都好保護老婆同仔仔，所以佢嘅社交網甚少全家福，多數都係工作照，所以今次真係極罕有！
人緣甚好的浩然，劇組都有為他慶生，其中同劇演員黃光亮及林子善兩個大男人向浩然送上「hehe」之吻，浩然留言話：「再次感謝劇組每一位兄弟姊妹，給了我一個很難忘的生日，也謝謝大家對我的祝福，收到哂（晒），感激，感恩，感動」
(on.cc東網)
【咁著係因為單文柔？】陳展鵬：各花入各眼
陳展鵬同龔嘉欣噚晚喺中環出席一間酒吧活動，陳展鵬着咗件黑色通窿外套襯黑色衫嚟，本來冇乜特別，但特別在，呢件外套，早前陳生接受周刊訪問時，係著住佢。
不過，嗰次陳展鵬激好多，喺黑色通窿外套下襯白色背心，瓊姐都忍唔住為佢開post，話陳展鵬呢個look，營造體毛濃密嘅效果，搞到人好似置身喺千禧年代嘅羅湖夜場，時裝觸覺敏銳。講來講去，都係嗰句，即使陳展鵬依家喺無綫紅到發紫，但佢陣亞視除，不滅。
有網民笑言 :「MK味娘味用天拿水都拿唔走」、「的確好大陣味 等你話佢ok靚仔」咁陳展鵬當然都有睇呢個post啦，噚晚問番佢呢件事，佢話：「我都唔知今年服飾係點，可能呢個品牌鍾意vintage，或者覺得唔好睇，所以我今次再着一次，每個人有唔同喜好，唔會一窩峰跟潮流。」咁，你認同自己品味嗎？陳展鵬就話各花入各眼：「潮流要慢慢浸淫，我聽Wyman(黃偉文)講過，做任何嘢盡量唔可以錯，着衫可以錯，因為着錯衫可以着其他嘢，可以改，演員出嚟做嘢，都要鑽研服飾，與時並進吓。」
女朋友會唔會幫佢襯衫，佢說：「都會嘅，唔單止女朋友，媽咪都會幫吓眼，我媽咪審美眼光都好好，出街前有時間，會叫佢望一望。」其實單文柔咪就係佢形象顧問囉，之前有周刊講係單文柔主動抄陳展鵬牌、發短訊、自薦做形象指導。單文柔讀過IVE設計，之後去咗英國讀時裝設計學士，至於呢件通窿黑色外套係咪單文柔手筆呢？
展鵬又話近10年冇去過夜場，細個都會同朋友嚟玩吓，不過就講到自己成晚都係企，冇乜艷遇發生過。記者話佢着黑色裝束似夜蒲戰衣，佢就話：「黑色感覺上似出嚟蒲，平時玩都會低調啲，扮下戴帽、口罩tee。」
(蘋果日報)
【IG留言勁不滿】陳冠希被偷拍街頭湊囡
陳冠希（Edison）與秦舒培的囡囡Alaia，今年3月出世，現時囡囡5個多月大。
有女萬事足的Edison間中在instagram上載Alaia可愛照片。
據報道，有網民昨日在日本街頭遇Edison，當時Edison打扮隨意，推著BB車，用手機替囡囡拍照，享受親子時間。
未知Edison是否知道被偷拍，他晚上在instagram上載圖片，並留言表達不滿。
「U WONT LIKE IT WHEN IM ANGRY（當我生氣時你絕不會喜歡）﹗」
(明報即時娛樂)
【10號風球】Jazz都嚇呆咗
歌手蘇永康出席音樂會，當了爸爸的他不時在網誌分享囝囝展弘（Jazz）相片，問到香港日前打10號風球有否嚇親囝囝？蘇永康說：「當日起身見兩個工人喺廳扯番埋個窗同露台度門，到囝囝醒咗就抱佢去窗邊感受下打風，佢平時會不停用手爪人，突然靜晒同定晒，5個月大嘅BB都感到恐懼。」
對於澳門受風災影響出現死傷情況，蘇永康說：「希望澳門成個市區盡快復原，香港算係福地，不幸之中大幸，知道有市民啲車被浸，都係錢財身外物，至少保住條命。（有澳門朋友受影響？）相信大家都平安。」由於香港又有颱風逼近，蘇永康說：「希望各地都唔會有太大影響，天災真係話唔埋，天佑港澳。」
(on.cc東網)
【低調飛日本】謝霆鋒孖王菲共度生日兼七夕
王菲同謝霆鋒又被網民捕獲，繼早前兩人在日本機場過關時被人影到。
呢日再有網民聲稱喺日本又撞見「鋒菲」拍拖，似乎日本係兩人嘅拍拖聖地。
不過今次兩人就比上次更加低調，佢哋更刻意分開排隊，霆鋒戴住cap帽孭住背囊，翹住手擺出一副Cool爆樣，而阿菲則戴住黑超不停撳電話。
其實本月29日係霆鋒生日，所以有網民估計今次係阿菲為霆鋒慶生之旅，兩人仲可以喺日本過七夕，夠晒浪漫。
(on.cc 東網)
【唔怕老公嬲豬？】李嘉欣孖好姊妹齊賀家姐生日！
「大美人」李嘉欣（Michele）與姐姐李嘉明感情深厚，兩姊妹不時相約見面，日前適逢係李嘉明嘅牛一，Michele即約埋好姊妹盧淑儀及邱李茂琪，齊齊為姐姐慶生，相當識做！
Michele喺社交網分享慶生照，相中所見佢哋個個都悉心打扮，着到靚一靚現身，其中Michele以露肩裝上陣晒鎖骨，十分養眼。
佢哋仲高舉香檳，又準備咗大蛋糕為壽星女慶祝，睇嚟玩得好盡興喎！
另外，盧淑儀亦有喺網上晒合照，見佢哋仲拉埋靚仔外籍大廚影相添，莫非唔怕老公「嬲嬲豬」？
(on.cc東網)
【細細個就識】千雪BB承認與醫科男「發展中」
朱千雪現身活動，提到早前有指她與讀醫的圈外人Justin蜜遊新加坡。
問到是否拍拖，她反問：「邊個話我拍拖？相處緊，幾開心。只係趁有假期去旅行，我哋識咗好耐。」
千雪表示二人「細細個就識」，更指自己媽媽同對方媽咪仲friend過她們二人。
Justin(後排左)
講到對方，千雪話：「佢都幾好，依家大家相處吓先，我唔急。大家都係近期先聯絡番，close咗啲，因為之前大家喺唔同地方。佢係香港人，但喺外地工作。」
朱千雪坦言不想講得太詳細，不是怕被公司鬧，而是因為對方是圈外人，有責任保護對方不被打擾。
至於如何撻着，她說：「大家相處得舒服，發展得好自然。」
問到要觀察幾耐，千雪就表示：「觀察到夠為止，需要多啲時間，大家又唔喺同一個地方，唔想諗咁遠，只係要諗下次幾時見、去邊度食飯。」
問到是否已經封盤，她就表示：「唔識答，我知道係咩意思但唔識點答。（你要畀啲訊息其他追求者？）我冇其他追求者，所以唔使畀，總之結婚通知你。」
(on.cc 東網)
【提早報到】B囝出世啦！
狄龍兒子譚俊彥傍晚再做爸爸，添丁湊夠一個「好」字，譚俊彥已有一個兩歲多女兒譚晴，其內地女星太太任祉妍原定月尾才分娩，但突然作動，比預產期早了一星期，譚俊彥即時聯絡醫生，安排太太入院開刀生B，而之前女兒出世時，其父狄龍遲了到醫院，故今次再做「爺爺」的他不想遲，搶先到醫院看孫仔。
譚俊彥接受訪問時坦言因為之前有經驗，故今次不太緊張，他坦言有入產房「陪生」，但就沒有剪臍帶，因為醫生不批准。他謂：「呢排開工都好忙，拍緊《特技人》，冇乜時間瞓，每日只瞓幾個鐘，試過揸車返公司喺公司門口瞓着咗，套劇都要拍到十月，今晚都要開工，但唔緊要，預咗時間會照顧太太同幫手餵奶。」問到再做父親心情如何？他笑言心情好反覆：「成日着住戲服，做戲多過做自己，有啲亂！」
女兒叫「譚晴」，今次他為兒子改名為「譚杺」，因為自己鍾意兩個字的名字，又笑言：「譚晴、譚杺（談情談心），好玩嘢呀！」問到會否再生小朋友時，他坦言將來有個「老三」都好，但要等小朋友大個一點先，又謂：「等我拍多幾個劇賺多啲錢先。（點獎勵老婆？）未諗呀！我啲錢喺晒佢度，佢鍾意點就點。」
之後他又透露爸爸狄龍好開心，問狄龍鍾意孫仔定孫女時？譚俊彥坦言：「都冇乜特別，佢都好錫孫女，不過佢係一個好傳統嘅男人，大家都明啦！大家諗啦！」
(on.cc東網)
【溫差係皮膚殺手】過敏VS敏感你要知！
今年（2017）8月連續10天氣溫超過36℃，已打破記錄，天氣一熱就想開冷氣，戶外超過36℃，室內冷氣至少26℃，一口氣就相差10℃，此溫差已近乎極端氣候了，對肌膚適應力的考驗更高，iStyle特地專訪皮膚科醫生邱品齊，教你在劇烈溫差下如何養出好皮膚。
過敏VS.敏感
很多人會混淆「過敏」跟「敏感」，但其實是不同的兩件事。「敏感」是皮膚無法承受外界改變而產生的症狀，只要環境、空氣條件或溫度一變就不舒服，通常是發生在臉部肌膚；而「過敏」則是對特定的物質產生過度的免疫反應，像是對灰塵、塵蟎引起體內免疫力誘發，常是全身性過敏，像是結膜炎、鼻子過敏、肌膚則是異位性皮膚炎等。
「溫差」是皮膚殺手
除了空氣汙染、霧霾等環境因素，人為造成的溫差也是讓肌膚容易敏感的原因。夏天氣溫屢次飆高到37、38℃，加上室內空調至少開26℃，室內外溫差高達10℃以上，外頭潮濕悶熱、冷氣房涼爽乾燥，一但進出冷氣房次數頻繁，肌膚一天要承受4種不同溫度濕度，只要一適應不良就敏感出狀況了。
敏感前三名
現在有4成的人認為自己是敏感肌膚，邱醫生說這是10年前看診從未遇過的事。目前比例最高的敏感症狀前3名是：「發癢」、「泛紅」、「乾癢」，刺痛或冒疹子也是敏感的症狀。但肌膚敏感其實是一種狀況，而不是皮膚生病了，是因肌膚調節能力變差造成，每個人敏感狀況不一樣，若超過一週依然無好轉就要看醫生。
敏感從「保養」做起
尤其多為年輕女生因敏感看醫生，邱品齊醫生建議在用藥之前，可以先從保養面改善，如果狀況不顏嚴重，靠做好保養也會恢復到八成，以下三件事一定要做到：
1 溫和清潔
洗臉一天1、2次即可，洗太多次或用清潔力太強的洗面乳，都反而會讓皮膚角質受傷。
2 持久保濕
選擇保濕力持久的保濕品，起碼要用保濕凝露凝膠或精華，化妝水或噴霧的保濕效果太短暫，若肌膚偏乾者就需用上乳液乳霜。只要肌膚長時間不覺得乾繃緊繃，就是適合自己的保濕產品。
3 「低敏」防曬
挑選防曬有個小訣竅，先小範圍搽在臉頰接連髮際處，千萬別試在手背上，因為手部肌膚的角質層很強壯，絕對試不出效果的，連續搽3、4天觀察，若沒有刺癢起疹子等不適狀況就沒問題。
（自由時報）