楊愛瑾（Miki）日前就將7個月大的囝囝Luken變身成小龍蝦，而她就穿上一身廚師服飾，莫非想煮龍蝦湯？
原來唔經唔覺Luken已經七個月大啦～
Luken似足媽咪，擁有一對又大又圓的眼睛，加上天然呆表情，十分可愛﹗
Miki留言問︰「Happy Halloween 🎃 Who wants a 7-Month Old Baby Lobster!?」
(明報即時娛樂)
【Luken七個月大啦！】Miki變身大廚 囝囝扮小龍蝦
【包包開學好唔捨得】徐榮：明明昨天仲係個BB
藝人徐榮囡囡包包（徐心怡），話咁快已經2歲大喇，係時候讀幼稚園N班，今日係包包嘅重要日子，就係開學日喇，11月先嚟開學？
估計包包可能係同哥哥一樣讀國際學校，第一日開學爸爸徐榮同媽媽徐太都一齊出動送包包返學呀，見包包着起校服個樣好醒神笑得又好甜，唔知返到學校會唔會喊呢？
徐榮就喺社交網大嘆話囡囡大得太快轉眼間已經返學，「明明昨天仲係個BB。」
相信都係好多爸爸媽媽嘅心聲。
(on.cc東網)
【搞鬼放閃法】馮德倫屍變 咬住舒淇唔放
一到萬聖節，好多圈中人都會打扮吓應節，馮德倫同太太舒淇都出動搞鬼一番。
馮德倫就喺社交網上載咗一張同太太嘅合照。
呢張相片個構圖都好搞笑，馮德倫企喺舒淇後面扮吸血殭屍咬住舒淇條頸吸血。
影后舒淇都好配合喺前面扮掙扎，仲趴喺玻璃扮求救，呢對夫婦真係好搞鬼。
網民都話好閃啊！
(on.cc 東網)
【原來已經生咗第三胎？】洗米華想Mandy返澳門住
太陽娛樂老闆周焯華(洗米華)、正印Heidi同Mandy Lieu呢個三角關係，真係比處境劇仲要長篇，雖然中間加插咗松岡李娜呢個新歡，有傳Mandy Lieu嘅地位不保，點知轉個頭又有讀者透過「爆相爆片」，今年8月喺英國見到洗米華同Mandy Lieu行街街，當時讀者話佢阿姨見到Mandy肚凸凸，疑似已經懷住洗米華嘅第3胎！
雖然事後又有相片流出，聲稱Mandy同洗米華去咗朋友一個婚禮，當時見到Mandy身形出奇地Fit，一啲都唔似有咗BB，點知事隔唔夠兩個月，有周刊報道話原來Mandy喺今年9月為洗米華生多咗個囡囡，佢哋仲為BB影咗初生相，就係咁呢啲好sweet嘅相就喺網站「意外」咁流出喇！
之前仲見到洗米華去買B囡衫！
報道仲話洗米華好享受同Mandy一齊過大家庭嘅生活，計劃要生4個先夠晒數喎！不過佢哋將呢個喜訊冚得好密，只係得幾個信得過嘅朋友先知道，雖然之前有講過洗米華為咗o氹返Heidi，叫Mandy長居英國，但係今次就話洗米華勁錫Mandy，希望Mandy可以留喺佢身邊，所以喺澳門買咗層豪宅，安排佢哋去澳門住，又話本來Mandy好鍾意英國嘅生活，但係洗米華同佢講過好多次，最後應承咗去澳門住！
(蘋果日報)
【吳奇隆47歲生日】孖住老婆劉詩詩去工廠慶生！
吳奇隆與劉詩詩自2015年結婚後，一直都相當恩愛。
日前乃吳奇隆47歲生日，兩公婆就拍拖去咗一間工廠度參觀。
之後兩人參觀工廠的相片曝光！相中劉詩詩身形纖瘦，吳奇隆則好像有點發福。
兩公婆行到邊都笑容滿面，心情勁靚，兩人最後更在工廠內慶祝生日。
網友們亦送上祝福，祝兩人甜甜蜜蜜、吳奇隆生日快樂！
(on.cc 東網)
【Bob嫂完美還擊👏🏻】Bob Po文笑太太似「龍婆」
張繼聰不時將佢同老婆謝安琪、仲有一對仔女嘅生活逸事放上網同fans、網民一齊開心share，而反應亦都相當唔錯。而身為張繼聰老友嘅Bob林盛斌亦都一樣不時喺網上開心share。
Bob噚晚就喺ig、fb post咗張林太夜媽媽熜晒燈，喺床上只係開咗疑似係手機電筒幫囝囝換尿片，原來非常之咁sweet嘅一件事，不過Bob就發揮「衰衰」本性，留言話：「其實我真係唔需要去玩咩哈佬喂，呢期半夜瞓醒次次都見到龍婆……」
不過睇嚟林太唔係省油的燈，Bob今日就喺ig post咗林太嘅回覆，仲留言：「神回覆，今次我輸咗………」
到底林太講咗啲咩呢？原來佢話：「其實我都係唔需要去哈佬喂，因為每晩半夜換片嘅時候，見到你瞓到成條浮屍咁，我又可嘗唔係有少少瞻仰遺容嘅感覺呢……」今次林太真係技術性擊倒！
(蘋果日報)
【鑽戒先價值3萬】宋慧喬結婚花球值成7萬！
宋仲基及宋慧喬舉行世紀婚禮，宋慧喬於婚禮中的全身裝束亦都大受關注。
宋慧喬行禮時手持的花球是由外形小巧的鈴蘭花製成的。
鈴蘭花的花語是「一定要幸福」，象徵純潔和幸福。據悉是宋慧喬的造型師特地為她準備，希望她婚後幸福美滿。有傳如果將鈴蘭花贈給親朋好友，幸福之神就會降臨到收花之人。
由於鈴蘭花是韓國很難買到的花，要由外國進口，加上又是只在5月短暫會開的花，因此這個花球價值不菲。
有指普通的鈴蘭花花球要7,000港元以上，而酒店準備的鈴蘭花花球更有機會超過7萬港元，估計宋慧喬的花球亦超過7萬。
此外，在章子怡公開的合照中，令兩人的婚戒曝光，據悉宋慧喬戴着的鑽石戒指價格約31,500港元。
（on.cc 東網）
【玩到癲晒】陳瀅爆好姊妹年尾結婚！？
王敏奕、陳瀅、陳嘉寶（Anjaylia）、陳凱琳、倪晨曦、鍾浠文、李靜儀等今日喺旺角出席「Shu uemura 2017發佈會」，講到Anjaylia噚晚同王敏奕、陳瀅等一班姊妹齊齊開party，佢哋表示玩得好開心，玩到癲晒，美中不足係陳凱琳有工作而嚟唔到。
陳瀅好開心咁話：「好多嘢慶祝，我過咗生日，王敏奕年…尾結婚，係生日、生日、生日，我講錯咗，係Anjaylia結婚，王敏奕1月1日生日，唔好意思，我講錯，我未瞓醒。」講錯嘢嘅陳瀅即刻掩嘴，王敏奕就一臉茫然咁笑住望住陳瀅。
對於早前有報道指黃宗澤（Bosco）追王敏奕，令到王敏奕同男友曾國祥感情亮紅燈，佢即刻話：「唔使解釋，我覺得冇人會信，當晚陳瀅、糖妹都有去呢個《飛虎極戰》嘅煞科宴，我哋去Bosco間餐廳食飯，我哋冇飲到好醉，好開心嘅，完咗之後就搭車返屋企。」
Anjaylia力撐王敏奕同曾國祥好sweet，有冇結婚嘅準備？王敏奕表示想拍多啲戲先。至於佢同曾國祥嘅感情？王敏奕話：「非常之好，羡煞旁人。」講到佢哋會做Anjaylia婚宴嘅姊妹團，問佢哋會唔會搶花球，陳瀅笑住話：「我未ready結婚，連男朋友都未有。」
Anjaylia好搞笑咁話：「當晚會有兄弟放題。」穿上低胸露背嘅陳凱琳，佢透露已做足安全措施，唔會走光，除非有怪風啫！提到佢亦係Anjaylia婚禮姊妹團之一，陳凱琳話：「人生第一次做姊妹，我有成日問Anjaylia有咩要幫手，點知佢自己都處理晒，之前我哋開party玩美少女戰士，我哋有keep住啲衫，到時用嚟玩新郎。」佢仲話乘機會取下經，為自己將來結婚做準備。
（蘋果日報）
【今個Halloween唔嚇人】黃磊大女「多多」扮公主靚到爆！
黃磊與太太孫莉育有兩女一子，佢仲不時同網友分享其生活點滴，一家五口幸福美滿。
趁住萬聖節，唔少人都會化個鬼妝去應一應節，而一啲家長都會幫自已小朋友打扮得靚靚，等小朋友感受吓節日嘅氣氛，就連黃磊都唔例外。
呢日黃磊就喺微博甫咗張大女「多多」黃憶慈打扮到成個公主咁嘅相。
相入面見到「多多」着住公主裙仲戴住一個頭冠，仲擺晒甫士又托住下巴，十足十Model咁真係靚到不得了！
靚成咁一啲都唔嚇人，難怪黃磊都留言話：「萬聖節不是應該要扮鬼嗎？」而唔少網民都大讚佢囡囡好有氣質呀。
(on.cc 東網)
【發嫂好GFable】發哥原來係咁樣追到發嫂嘅…
發嫂是一個很傳統的女人，出嫁從夫。
「我老公係發哥」訪問中，發嫂不止一次說：
「做得佢老婆，我一定要保護我老公。」
「我做得佢老婆，我就要喺好多方面，去幫下佢。」
但同時發嫂又好……「估你唔到」，18歲女先至第一次著裙，貪得意又走去投考警察仲俾佢考到；傳說中有個富豪爸爸，但呢個女，喺英國讀完Business，畢業後走去做receptionist，最後又去咗Singapore Airlines做空姐。這是後話。而且，發嫂做女嗰陣，都好GFable，令發哥為之癡迷。
「好好笑喎呢單嘢，因為我有個朋友成日晒冷、講佢識周潤發、同周潤發出街喎，咁我就同我個好朋友講，你識周潤發吖嘛，咁第日周潤發嚟嘅話，你就介紹俾我哋識啦！」
相信呢啲「我識呀邊個邊個」嘅朋友梗有一個喺左近，但平凡人如你我都係聽完就算，估唔到發嫂咁認真，而佢個朋友，咦，有口齒，真係講得出，做得到。有日周潤發嚟到新加坡，友人邀請佢一齊去睇明星，就在新加坡香格里拉大酒店，「真係見到周潤發喇！就係咁奇妙！嗰刻林嶺東同周潤發一齊落嚟，就係咁樣開始囉！」就係咁？真係咁。但萍水相逢做下朋友（仲係同明星做朋友！），點解可以成為情侶？問發嫂識咗之後點解會拍拖呢？她淡然謂：「冇刻意去拍拖，係做朋友咋，好似我話齋，想睇我朋友講真定假。」
如果咁都唔係緣份，咁係乜嘢？咁發哥當年係點追到發嫂呢？「有一日，我朋友就講，我正話送咗周潤發上機喇！咁啱我就office，就嚟要離開，有個電話入嚟，嗰個係周潤發。」冇錯，發嫂係嗌全名㗎。跟住呢？「周潤發就搵我，問我：『你可以陪我食飯冇？我上唔到機。』因為喺曼谷轉機嗰度冇位，佢就要停留一日，咁我咪同佢出去食飯囉。」
如此驚心動魄的經驗，發嫂說得平淡，就好似講緊九龍城街市菜檔檔主個女識咗個新男朋友咁……大家都張大了嘴巴……「第二日嘅早晨，因為我哋一般新加坡人係好鍾意送機，窩心啦，頭都冇梳，着短褲踢對拖鞋就送周潤發上機，就係嗰次之後，佢返到香港就日日call我喇，日日每張postcard寄俾我。就係咁樣開始。」
發哥原來係咁追女仔嘅！咁發哥喺Postcard寫啲咩？「佢幾幽默嘅，有時寫嗰啲嘢好簡簡單單，就講……」豎起耳仔聽，點知發嫂話：「……我唔記得喇，好耐喇，太多喇！好大疊㗎。」想偷師學下嘢？「有保存，喺新加坡屋企。」開始追求你未？發嫂嘟嘴，諗咗諗，不肯定地謂：「應該係啩…佢日日send卡喎，日日打電話喎。有時出街 要走返嚟聽電話喎。」
如果有90後會睇呢篇專訪，大概會又一次O嘴。返屋企聽電話？「有時同朋友出街㗎嘛。」那時應該有「大哥大」，但未流行。方才提過，發嫂好GFable，咁發哥有競爭對手，都係正常不過。「我有幾個朋友……男朋友㗎嘛！（當時你仲有其他男朋友？）一定有㗎啦呢啲！」發哥知唔知？「唔知知唔知，唔記得！我諗我冇講！」
(蘋果日報)