【好消息】男士侍產假擬增至…

2017-09-25

有過來人分享到：「要照顧小朋友同太太，新手爸爸已經好唔習慣，又有好多嘢要學。。。

計劃生兒育女的打工仔有好消息！據了解，在男士侍產假措施落實兩年半後，政府正研究額外增加兩日法定侍產假，即一般打工仔亦可享有五日侍產假，向公務員「看齊」。勞工界代表認為五日侍產假是「最低標準」，該措施生效已兩年半，並沒對僱主帶來負面影響或濫用情況，料資方也不會有強烈反對。資方代表則稱，增加兩日侍產假「有得傾」，惟需進一步檢視措施落實後對中小微企的人力及經營影響。

法定侍產假於一五年二月廿七日生效，政府藉此鼓勵市民生育及推廣家庭友善。男性連續合約僱員，為同一名僱主工作不少於四十周，即可享有三日有薪侍產假，僱員休假時每日薪金按其平均工資的五分之四計算。不過，香港公務員自一二年四月一日起已享有五日侍產期，且休假時領全薪，因此，勞工界及社會上早有意見認為法定侍產假訂定得「太低」，政府更有厚待「自己人」之嫌。

政府已就法定侍產假展開檢討，年底會公布結果。據悉，由於法定侍產假運作暢順，政府有意上調兩日，讓新爸爸們有更多時間照顧家庭，不過，侍產假中是否領全薪，則暫未有定論，消息指，假期薪酬問題要視乎增加法定侍產假對企業帶來的額外具體成本。翻查紀錄，政務司司長張建宗在一二年擔任勞工及福利局局長任上曾披露，五日侍產假的當時勞工成本約涉四億港元。

勞工顧問委員會勞方代表鄧家彪指，如政府調升法定侍產假至五日，是一個向前行的做法，雖與工會要求七日有距離，但仍表歡迎，且措施推行逾兩年，看不到對企業有負面影響或有濫用的情況。他分享過來人的感受，指三日侍產期實在不夠用：「要照顧小朋友同太太，新手爸爸已經好唔習慣，又有好多嘢要學，五日真係最低標準啦！」

勞顧會資方代表施榮懷亦稱增加侍產假「有得傾」，因現時大企業的員工侍產假已達五日或以上，但中小微企就因為勞動力短缺，可能面對較大影響：「如果得一兩個夥計，咁個老闆究竟請唔請到替工呢？請唔到人對佢嘅生意有冇影響呢？」他希望政府羅列有關數據，再交由勞顧會討論。

(東方日報)

【相識30年、結婚6年】莫文蔚老公極浪漫！每年都勁有心思！

2017-09-24

莫文蔚日前作客台灣著名主持黃子佼的網上節目，身為一個超級「吃貨」。她坦言非常鍾意食薯條，但表演、錄音前必定要戒油。

「我一定要吃白飯，尤其要唱歌我要先吃飯，唱歌才會有力量，而且唱一唱就餓了，要繼續吃。我吃滷肉飯的油會封喉，但是吃肉燥飯就有如神助一樣！」

談到其婚姻生活，她就指自己與老公在英國有屋。

「回家老公還會煮飯給我吃，一般是意大利粉，我很喜歡吃！」

莫文蔚又透露老公每年情人節都會送她戒指。

「我沒有暗示，是他自己要送的，都是不同款式，前兩年我們去南美、澳洲旅行三個月，都是大自然的美景，那年他送我的戒指就有綠色的圖案。我回送他飛吻一個！」

（on.cc 東網）

【勁寶勁似媽咪】[email protected]一家三口溫馨旅行

2017-09-24

S.H.E成員Ella（陳嘉樺）4月時誕下囝囝「勁寶」，升呢做媽媽。

近日佢同老公賴斯翔（賴解孵）帶埋囝囝一家三口第一次遊。

Ella仲喺社交網上PO相，留言話感謝「勁寶」嘅配合：「謝謝你這麼好相處，謝謝你這麼享受这（追）趟旅行，媽媽好幸福，好愛你，期待下一次的旅行」

相中可見Ella嘅濃眉亦遺傳咗畀囝囝，其中一張Ella抱住「勁寶」嘅側臉，輪廓完全一模一樣，難怪連網友都大讚好可愛！

另外，Ella仲晒咗張佢孭住「勁寶」，老公說蹲喺旁邊錫囝囝隻腳嘅相，搞笑咁話：「這張照片說明了家中地位排行」

不過就有網友為解孵抱不平指囝囝一出生，爸爸果然就冇晒地位了，認真可憐！

(on.cc 東網)

【激罕高調合體】王菲李亞鵬「一家四口」High爆跳舞

2017-09-24

王菲喺2013年與內地男星李亞鵬突然離婚，當時消息震驚中港台娛樂圈。

王菲同李亞鵬分開生活四年，平時都係因照顧囡囡李嫣及竇靖童而聚頭，不過每次見面均表現低調。

今次「一家四口」終於喺昨晚舉行嘅嫣然天使慈善晚宴上，齊齊現身舞池，仲交流十足。

向來言行Cool爆嘅王菲亦瘋狂Chok頭、手舞足蹈，四人同場更是毫無尷尬，落足力跳舞，成功炒熱現場氣氛。

跳到尾聲，王菲又攬實李嫣狂咀，因而有網友猜測當時王菲可能飲醉，所以先會一反常態、表現非常興奮。

四人無懼現場多個鏡頭及相機影實，仍表現自然兼High爆。

竇靖童與李亞鵬更嚟個單對單跳舞Battle，「父女」表現合拍，最後更嚟個熱情擁抱，場面難得。

(on.cc 東網)

【育有一子一女】黃長興想再追龍鳳胎

2017-09-24

日前39歲生日的藝人黃長興，孖住太太現身派月餅活動。

黃長興透露為慶祝踏入4字頭的最後一年，兩星期前已開始慶祝活動，與身邊朋友不停飯聚。

正日前夕則與太太二人世界，太太更與他到米芝蓮餐廳燭光晚餐。

忙於拍攝無綫劇集《逆緣》的他，預計下月中煞科，但緊接另一部新劇開拍，故望期間有短暫假期與太太出外小休。

而已有一對仔女的他，被問到可會再計劃生育？長興謂：「都有。」

「想生對龍鳳胎，因為太太有呢啲基因，所以當年先氹到我咋，但生就唔會係呢一年嘅事。」

（on.cc 東網）

【食咗等於慢性自殺】8種食物不能隔夜吃

2017-09-24

1、隔夜雞蛋，可以吃嗎?

科學家：不一定!因為雞蛋如果沒有完全熟透，未熟的蛋黃隔夜之後食用，在保存不當的情形下，營養的東西容易滋生細菌，因此會有害健康，例如：造成腸胃不適、脹氣等情形。但是如果食物(蛋) 已經熟透，而且以低溫(一般冷藏的溫度)密封保存得當，一般可以保存48個小時都沒問題。

從科學家的提示中我們可以知道：雞蛋隔夜能不能吃，不單單要看是否加熱了，而是要在第一次煮雞蛋的時候把雞蛋給煮熟了，只有在第一次煮雞蛋煮熟之後，隔夜再煮熟吃是沒有問題的，茶葉蛋也就是這個道理，可能大家不知道，茶葉蛋是煮倆遍的，第一遍煮熟，第二遍將蛋皮敲碎，加茶葉等輔料，再煮，所以茶葉蛋肯定是熟的，現在有些人愛吃半生半熟的雞蛋，(蛋黃是半液體狀)那種雞蛋就不能隔夜吃了，即使第二次煮熟了，也不要吃了。

2、隔夜茶不能喝

隔夜茶因時間過久，維生素大多已喪失，且茶湯中的蛋白質、糖類等會成為細菌、黴菌繁殖的養料，所以，人們通常認為隔夜茶不能喝。
茶水一般在人體內能滯留3小時左右，而濃茶滯留時間更長，這樣茶鹼在人體內積聚過多，致使神經功能失調。茶水放久了，不僅會失去維生素等營養成分，且易發餿變質，甚至茶水中的鞣酸還會成為刺激性很強的氧化物，易傷脾胃，尤其是夏天，會引起胃腸炎症。

3、隔夜開水都不能喝?

把自來水燒開3～5分鐘，亞硝酸鹽和氯化物等有害物的含量最低，最適合人們飲用。亞硝酸鹽在人體內可形成致癌的亞硝胺。有專家發現，開水中的亞硝酸鹽含量較生水為高。而且反復多次煮沸時間過長或超過24小時的開水，亞硝酸鹽的含量均明顯升高。開水放置24小時後，亞硝酸鹽含量是剛燒開時的1.3倍。

最好是現燒現喝或只喝當天的開水，也不要喝煮沸時間過長的開水。

4、隔夜銀耳能不能吃?

銀耳湯是一種高級營養補品，但一過夜，營養成分就會減少並產生有害成分。因為不論是室內栽培的銀耳和椴木野外栽培的銀耳都含有較多的硝酸鹽類，經煮熟後如放的時間比較久，在細菌的分解作用下，硝酸鹽會還原成亞硝酸鹽。人喝了這種湯，亞硝酸就自然地進入血液迴圈、血液裡的紅血球裡有血紅蛋白，能攜帶大量的氧氣供機體需要。但是亞硝酸起反作用，使人體中正常的血紅蛋白氧化成高鐵血紅蛋白，喪失攜帶氧氣的能力，造成人體缺乏正常的造血功能!

5、隔夜葉菜不要吃!

由於部分綠葉類蔬菜中含有較多的硝酸鹽類，煮熟後如果放置的時間過久，在細菌的分解作用下，硝酸鹽便會還原成亞硝酸鹽，有致癌作用，加熱也不能去除。

健康吃法：通常莖葉類蔬菜硝酸鹽含量最高，瓜類蔬菜稍低，根莖類和花菜類居中。因此，如果同時購買了不同種類的蔬菜，應該先吃莖葉類的，比如大白菜、菠菜等。如果準備多做一些菜第二天熱著吃的話，應儘量少做莖葉類蔬菜，而選擇瓜類蔬菜。

6、隔夜湯怎麼辦?

廣東人喜歡煲湯，喝不完的湯放入冰箱裡，第二天煮滾了再喝。這種隔夜湯對身體好嗎?

健康吃法：最好的保存方法是湯底不要放鹽之類的調味料，煮好湯用乾淨的勺子勺出當天要喝的，喝不完的，最好是用瓦鍋存放在冰箱裡。因為剩湯長時間盛在鋁鍋、不銹鋼鍋內，易發生化學反應，應盛放在玻璃或陶瓷器皿中。

7、海鮮品不能隔夜!!

不該食用的隔夜食物有魚、海鮮、綠葉蔬菜、涼拌菜等。

魚和海鮮隔夜後易產生蛋白質降解物，會損傷肝、腎功能。綠葉蔬菜中含有不同量的硝酸鹽，烹飪過度或放的時間過長，不僅蔬菜會發黃、變味，硝酸鹽還會被細菌還原成有毒的亞硝酸鹽，有致癌的作用。涼拌菜由於加工的時候就受到了較多污染，即使冷藏，隔夜後也很有可能已經變質，應現制現吃。

8、滷味不要隔夜吃

不少市民還喜歡把吃剩下的滷味糟貨放冰箱「過夜」，可這種做法有很大的食品安全隱患。預防食物中毒，春夏季節吃滷味糟貨不要隔夜。

散裝滷味是要當天吃完，不可隔夜的。從食品安全角度講，這是不衛生的，可能的話最好不要吃隔夜糟貨。食品專家提醒，即使放在冰箱裡的食物，也並非絕對「保險」。冰箱裡易孳生黴菌，還有嗜冷菌等。

隔夜 / 食物 / 健康

【唔抗拒仔女入娛圈】甄子丹：我唔覺得一定要完成大學

2017-09-24

星二代演藝工份係有遺傳嘅，甄子丹同太太汪詩詩育有嘅一對子女，13歲囡囡甄濟如（Jasmine）同9歲囝囝甄濟嘉（James）各有天份，雖然唔係爹哋身手，但Jasmine能歌擅舞，上台冇怯場，James又彈得鋼琴又rap得。

子丹唔抗拒子女將來做娛樂圈生力軍：「o依家小朋友畀佢自己揀，我同太太唔係強迫性，當然都有基本。做父母都望子成龍，希望佢哋學多啲知識同學問，但都要睇小朋友興趣同天份。」

子丹畀子女好大自由度，未必一定強制大學畢業先有選擇權：「總之學識、教育基本要有，我唔覺得一定要要完成大學，視乎小朋友係咪夠成熟，同埋佢哋乖唔乖，對社會係咪有責任。」

可會為子女搭路入行？子丹話：「o依家好多人爭住簽佢哋，囡囡o依家得13歲，每次出嚟表演，好多圈內朋友都叫我將囡囡簽畀佢哋，囡囡唱歌跳舞係有天份，佢鍾意表演，囡囡一上台係咪霸，同平時兩個人，佢一口氣唱晒成首歌。囝囝outgoing，鍾意彈琴同rap。」

自問唔係虎爸嘅子丹，雖關心子女學業，但一定唔會畀太大壓力：「香港教育迫得小朋友太緊要，求學不是求分數，教育應該係啟發學生，唔係去攞分數，不過一定壓力係要有，畢竟小朋友太細個，都要去管制，佢哋未去到咁成熟，但我一定唔會為分數傷害我哋之間感情。」

Jasmine係子丹「前世情人」，兩父女關係密切，子丹將來係咪係呷醋外父？佢就話：「子女喺父母心中永遠係BB，你睇我囡囡以前細細個行catwalk，眨吓眼o依家大個咗咁多，我每拍完一部戲返嚟，佢哋都大咗，由BB變少女，再轉眼就變woman，我好開心亦忐忑。」

(蘋果日報)

【一日宮縮幾十次】鄺文珣囡囡好大機會係「中秋寶寶」

2017-09-24

腹大便便的鄺文珣出席活動，佗住B女的她表示預產期於中秋節10月4日。

現在體重達131磅，比起生前100磅重了31磅。

她希望可以在生前，再谷B女變大隻一點。

「之前產檢囡囡6磅幾，想佢大隻啲，之前仔仔都有7磅幾，可能因為女，所以人哋話骨幼啲，我初頭都唔想重，怕之後會難減，但又怕佢難湊，所以係咁食，谷肥啲。」

她透露已準備走佬袋，但要慢慢執，不想有太大壓力。

因為預產期撞正中秋節，所以會早點做節，最重要是小朋友。

問到老公今胎會剪臍帶？她笑說：「佢有兩次經驗好熟，佢每次都陪我，每次都剪，佢唔緊張，但好興奮，成日同bb講嘢，話要認住爸爸把聲。」

她又謂這個星期很辛苦，又睡不到，而且宮縮一日幾十次，醫生也叫她多休息。雖然如此辛苦，但她現時更一腳踢搞自己的慈善機構，並希望爭取時間在生BB前處理好。

(on.cc 東網)

【ABO新生兒溶血症】侯佩岑終於可以抱B囝返家：感恩再感恩！

2017-09-24

台灣女星侯佩岑喺今個月初於自己社交網站宣佈第二胎B仔早產，而且一出生就證實患有ABO新生兒溶血症，需要轉往台大新生兒加護病房，幸好經治療後，已經喺當日出院。

原來B仔離開台大後，同媽咪侯佩岑轉咗去禾馨民權婦幼診所，一來可以有兒科醫生睇住B仔康復進度，二來又有人照顧坐月嘅侯佩岑，而今日，侯佩岑再度更新社交網，佢話囝囝昨日滿月，而且母子都可以出院返屋企，侯佩岑留言感謝醫護人員嘅照顧，仲話：「再次感謝所有偉大的醫護人員，多虧有您，我們才能夠把孩子帶回到身邊，緊緊的抱着，所有的所有，盡在不言中……感恩再感恩。」

侯佩岑貼咗一張同囝囝額頭貼額頭嘅相，佢留言話：「寶貝，謝謝你來做媽媽的兒子，謝謝你的勇敢和努力，就像護理師阿姨說的，親愛的小勇士，謝謝你披荊斬棘的渡過難關，回到媽媽的身邊。」另外，佢再貼多咗一張相，係B仔握住媽咪手指，侯佩岑留言講番囝囝所患嘅新生兒溶血資料，仲叫啲準媽媽唔使太擔心。

最後侯佩岑貼咗張囝囝小腳板印，並代囝囝留語致謝：「感謝溫暖的禾馨醫療團隊，謝謝叔叔阿姨們照顧我和媽媽。」又cute又sweet！

祝BB健康快樂咁長大啊！

(蘋果日報)

【佗B七個月】賴慰玲低調簽字結婚

2017-09-24

現年31歲嘅賴慰玲（Winki）與舞台劇演員男友梁子峰拍拖5年，今年7月8日生日當天仲突然喺網上報喜，公開懷孕嘅消息，而兩人亦於8月28日入紙申請結婚，雙喜臨門！

由於賴慰玲現時佗B七個月，腹大便便嘅佢就話婚禮唔會大搞，打算同屋企人簡單食餐飯，估唔到尋日兩人低調簽字結婚，正式結為夫婦。

榮升梁太嘅賴慰玲啱啱喺社交網宣布好消息，仲上載咗三張簽字結婚嘅花絮照，相中着上禮服嘅兩人簽字後頭貼頭合照，另一張相佢哋就十指緊扣，Sweet到爆！

賴慰玲仲冧爆留言話：「餘生請你指教。」佢又透露：「昨天，在家人的見證和歡樂的氣氛下我們結婚了！So Blessed」而佢嘅好姊妹陳嘉寶（Anjaylia）、蔡思貝及陳瀅都有在場見證，Anjaylia仲喺Instagram晒相，叫Winki永遠幸福咁話！

而同Winki喺無綫劇《殭》合作過嘅鄭嘉穎都有在場，佢仲慈父上身抱住小朋友，唔知女友陳凱琳有冇去到呢？

Cheronna就話自己身處泰國，呻見證唔到呢個時刻。

Winki接受訪問，佢話簽字時內心超激動，但要扮鎮定，佢話：「以前成日睇人簽字咁感動，原來到自己發生，係會咁激動，但要扮冷靜，只係默默流淚，件事係充滿愛嘅，抬起頭見到大家都喊緊，蔡思貝仲喊到缺堤，真係好感動！另外現場嘅得意事，就係我姪女好得意，大家都爭住抱佢，佢真係好可愛呀！（會唔會再搞婚宴？）應該唔會喇！」

(on.cc東網)