鄧健泓（Patrick）和石詠莉（Sukie）拍拖五年終於修成正果。
兩人將於今年12月29日在香港註冊並舉行婚禮。
今日下午，鄧健泓在其社交網披露婚禮詳情及對女友發表愛的宣言。
「我和她走在一起差不多五年，一起生活，一起工作，一起笑過，一起傷心過，一起努力過堅持過……
其實我覺得她很蠢，因為她選擇跟我一起。哈哈……
感激她一直在我身邊。
我在求婚當晚對她說到，“我唔富有，但我會將我最好嘅俾（畀）你……”過去五年是這樣，現在是這樣，之後的日子也會是這樣。
因為我愛她。
所以我們將於12月29日舉行我們的婚禮。
沒有傳統儀式，一切從簡。
容許我引用一首我寫給她的歌，最後的一句歌詞作總結。
“陪我愛得堅持，一生的預算，有妳便完全”。
她是我的女人，Sukie S 石詠莉」
網民都紛紛送上祝福，仲話呢段「愛的宣言」真係sweet到爆～
(on.cc 東網)
台星修杰楷與賈靜雯結婚後十分恩愛，二人不時放閃，賈靜雯日前在社交網站分享一批二人去旅行的照片，更寫道:「謝謝用心的你們在我身邊給了我好多能量…我已充好電，電力滿滿的面對11月的到來～」原來是修杰楷為與賈靜雯慶祝生日，從歐洲玩到亞洲，更有一張賈靜雯依偎在修杰楷身上的照片，十分甜蜜！
(東方日報)
伊能靜於15年與中國演員秦昊再婚，兩人育有一女「小米粒」。
伊能靜生下女兒後明顯發福，於是她用三個月就瘦了10公斤。
伊能靜曾表示她做完運動，累的時候老公會說:「休息吧，別練了」、餓的時候說:「吃點沒事」，支撐不下去時說:「妳已經很好了」。
老公這麼貼心的表現，令伊能靜覺得對方是豬一樣的隊友：「是不是想把我搞醜了關在家裡。」不過二人假吵架真放閃的行為，卻令網友十分羨慕！
(on.cc 東網)
東北季候風持續為華南帶來晴朗的天氣，天文台在上午7時錄得氣溫22度，相對濕度80%。
預測香港今日(26日)天晴，日間天氣乾燥，氣溫介乎22度至28度，吹和緩東北風；展望未來數日天晴乾燥，下周初天氣稍涼，下周一及二(30至31日)氣溫最低只有20度。
在上午7時45分，強烈熱帶風暴「蘇拉」集結在沖繩島之東南偏南約1100公里，預料向西北移動，時速約20公里，移向琉球群島一帶，並繼續增強。
(東方日報)
金牌經理人陳自強昨日凌晨二時離開了世界，享年76歲。24年前的同一日，亦有一位偶像巨星離世。
「曾在我心如此深深愛戀中，遺下憶記在腦中，從當天起永都不可忘記…」1993年10月25日，不可忘記的一天，永遠懷念港人的「情歌王子」陳百強。這位偶像巨星的殞落，始於1992年5月18日，當日陳百強在半山麥當勞道寓所昏迷，留院17個月後，翌年10月25日離世，終年35歲。
陳百強是圈中出名的完美主義者，對自己要求極高，雖然創作出《幾分鐘的約會》、《有了你》、《摘星》、《偏偏喜歡你》、《念親恩》、《漣漪》、《凝望》等金曲，但私底下個人情緒容易大起大落，據說常要借助酒精麻醉自己，好友亦難以盡解其心結。
至1992年2月，陳百強在上海舉行演唱會後，宣佈同年10月會告別樂壇，當時外界已傳他情緒極不穩定，身邊好友亦特別關心留意。可惜於同年5月18日，他被發現在家中昏迷，報警後送往瑪麗醫院深切治療部留醫，搶救期間心臟曾經停頓，其後雖然保住性命，但腦組織嚴重受損，一直未能蘇醒，延至10月25日因腦衰竭不治，終年35歲，其死訊令不少樂迷傷心痛哭。
對於陳百強昏迷原因，外界一直眾說紛紜，有說他服食了過量藥物並喝下烈酒而肇禍，但其家人及醫院均沒有提供確切說法。不少網民亦於社交網分享陳百強嘅舊照、舊歌，來悼念這位情歌王子。
(蘋果日報)
鄭希怡（Yumiko）近期就帶咗囡囡梁子柔（梁浸浸）出演內地綜藝節目《不可思議的媽媽》，但係Yumiko同囡囡嘅相處方式就引起網民嘅熱烈討論，唔少網民都批評Yumiko唔識湊女。
喺節目入面梁浸浸相當依賴Yumiko，而新一集梁浸浸就由其他嘅媽咪照顧，不過梁浸浸嘅反應可以話出乎意料之外，唔少網民睇見梁浸浸嘅反應都笑言梁浸浸變咗啦！
喺新一集入面，一班媽媽就要互相交換自己嘅仔女，而梁浸浸就交由素人媽咪新欣照顧，要同囡囡分開兩日一夜，Yumiko就似乎唔太捨得。
不過一向依賴Yumiko嘅梁浸浸就似乎冇呢一個問題，事關佢一聽到媽咪走咗之後，即時大叫咗一聲：「Yeah！」梁浸浸仲跑咗去同新欣High-five，似乎已經將Yumiko拋諸腦後。
之後梁浸浸仲同新欣齊齊整曲奇，不過人仔細細嘅梁浸浸就有啲手忙腳亂，喺打蛋嘅時候連埋蛋穀掉落去，而且仲當個大碗係鼓咁樣起勢打，相當可愛呀！
Yumiko亦都有留言：「媽咪唔係度，原來你係咁嘅⋯不可思議媽媽第五集，頭先仲好唔捨得，原來妳已經好獨立。我應該得罪咗剪接師，媽咪走咗後仲要幫我加個Yeah。」
(on.cc 東網)
#郭羨妮：朱小姐從出生就一直跟著牠們。。。
藝人郭羨妮同老公朱少杰育有一女Kylie，唔經唔覺Kylie喺2018年就要讀小學一年班啦，作為廿四孝媽媽嘅郭羨妮，話已經報咗七至八間小學，仲話想Kylie讀傳統學校。
雖然讀書要緊，但小朋友休息都緊要！不過似乎郭羨妮都唔係怪獸媽媽，呢日佢喺微博上載Kylie瞓喺度同隻貓相處嘅相，見Kylie笑得好開心，仲特登畫咗個貓樣嚟同貓仔傾偈，真係好開心！
郭羨妮自爆Kylie一出世就已經同貓仔相處，難怪佢哋會咁好朋友，郭羨妮在微博留言：「家裏是個動物園，從小家裏便有寵物，高峰時期三狗一貓，老的已經上了天堂，剩下一貓一狗，牠們都十幾歲了，朱小姐從出生就一直跟著（着）牠們，是她最好的朋友。 」
(東方日報)
視后胡定欣近兩年來劇接劇忙個不停，加上緋聞纏身，雖然事業達到頂峰，但感情方面仍然交白卷。隨着緋聞男友陳展鵬傳有新戀情，定欣亦加緊步伐，計劃趁工作空檔抖一抖，擴闊生活圈子多交朋友，期望緣分前來敲門，找到一個呵護她、照顧她的Mr. Right。
兩屆視后胡定欣的演藝生涯踏入第15個年頭，近兩年她在劇集《城寨英雄》與《同盟》中大展身手，去年更憑《城》劇封視后，為一線花旦立下新標準，就是女仔亦可以「好打得」！
定欣與陳展鵬在《城》劇火花四濺而傳緋聞，早前宣傳《同盟》期間再被炒熱，加上「前度」馬國明與黃心穎撻着，令她捲入緋聞中央！談到展鵬與單文柔發展中，定欣說：「大家都單身，好戥佢開心。我對緋聞一向都Relax嘅，工作同私人生活唔一定要掛鈎，相信宣傳過後，緋聞好快就會過去。（同展鵬昇華做最佳拍檔？）都係，《同盟》同《城寨英雄》好唔同，有好多對打戲，要對戲就位，仲要合力搞笑，或者監製再搵我哋拍檔，都會頭痕諗諗要搵乜新題材。」
對男友展現另一面
定欣事業登上高峰，在劇中接連大顯身手，平日又不時晒運動照，相信不少人都認為她是位擅長照顧自己的事業型女性，她笑說：「做得呢一行嘅女仔都好硬淨，多數時候都要自己照顧自己，可能大家覺得做藝人要好Strong，大家有咁嘅印象我係開心嘅，但其實我都有想人呵護、好Girly嘅一面，班姊妹都知我戀愛時會唔同晒。（叫姊妹介紹對象，宣揚吓你另一面？）有時間相處就會睇到我另一面。」
獨自旅遊搵緣分
定欣早前與Fans慶祝入行15周年、影迷會13周年及預祝36歲生日，談及Fans對她的感情生活非常緊張，她說：「冇得急喎！我都試過停低諗一諗，我以前覺得事業同感情可以同步進行，但呢兩年真係好忙，每日都係凌晨或朝早先收工，試問又點會拍到拖呢？我都想趁拍完《宮心計2深宮計》休息吓，去擴闊生活圈子，或者我真係需要識多啲唔同嘅朋友。（有冇初步計劃？）或者可以去旅行，我一直好享受一個人去旅行，相信緣分會有安排。」問到哪類型男士能吸引芳心？定欣直言：「男人最緊要有上進心，有清晰目標，照顧到另一半。（鍾情有才華嘅男士？）我好欣賞有才華嘅人，才華亦都係散發吸引力嘅一種方式。」
父母擔心人生大事唔敢追問！
談及感情生活，定欣罕有地提起家人，她說：「媽咪問我會唔會有時間識多啲朋友。（爹哋呢？）佢比較內斂，唔會講出口，但我知佢心裏面係想知嘅，佢會問其他屋企人我最近點，但佢哋都明白我工作嘅情況，所以唔會開口追問。媽咪好細心，知我做嘢辛苦會幫我準備湯水，我都盡量唔表現出辛苦一面，怕佢哋掛心。」
定欣感激父母一直讓她自由選擇：「見到爺爺嫲嫲好支持我演出，睇得咁開心，已經覺得喺事業上交到功課。（有冇信心今年再爭視后？）唔敢再諗，仲有好多同事做得好。」
六姊妹開劇有得諗！
定欣在《同盟》中與「胡說八道會」好姊妹姚子羚共同進退，她開心之餘，卻大呻唔夠喉：「對上一次同劇已經係2006年嘅《酒店風雲》，今次仲加埋好朋友陳山聰，我哋三個知道可以合作都非常開心。子羚嘅表現好有驚喜，原來佢同山聰可以咁Sweet，我哋會互相分享女仔點去演打戲，但其實對手戲唔多。」
談及下次劇集或可加入黃智雯做對手戲，定欣即向各監製公開呼籲：「可以搵齊我哋6位胡說八道會姊妹拍套劇呀！好似《女人俱樂部》咁，一班女仔有唔同故事。我哋之間有太多經歷，如果可以帶入角色或劇情會好特別，雖然胡杏兒嘅情況可能要再傾傾，但相信有機會成事。」
《同盟》播出期間，網上流行一條選擇題：「揀胡定欣或姚子羚？」令一眾男士相當頭痕！定欣指子羚確實如劇中一樣「Girlfriendable」，她笑說：「佢不嬲好索、好甜美，一直好受男孩子喜愛，我哋都有研究呢個話題，子羚話會揀我，咁我當然係揀佢，所以係平手嘅！」
(東方日報)
林作早前爆媽咪要賣豪宅套現周轉，更揚言願做鴨代母還錢。賣樓消息傳開後，他表示收到逾百地產經紀來電騷擾，令他忍無可忍發文大呻，他更公開媽咪的「電話號碼」。
他聲稱所公開的號碼只是「假電話」，並揚言：「冇人會中，冇事嘅！」不過，該號碼其中6個字連排列次序都與林母的電話號碼相同。
加上記者照撥該號碼時，話筒傳來一把女聲稱「撳咗佢咪聽」，隨即Cut線，證明林作「老作」的號碼並非空號！
對於該號碼的機主可能無辜受騷擾，林作說：「剛開始可能輸入錯誤8個字號碼，我很快改番9個字號碼。（公開人哋電話，怕唔怕惹上法律責任？）法律上冇咩問題。」然後扯開話題鬧爆騷擾他的地產經紀。
提到林作出Post玩謝無辜市民，不少網民留言鬧爆，一名自稱受害者家屬更揚言會報警。
「呢個電話號碼嘅持有人係一個退休嘅老人家，請你搞清楚先好Post，如果你呢個Post令該老人家受到不必要嘅騷擾，我會報警及採取相關行動，謝謝。」
(on.cc 東網)
曾經擔任成龍、張學友、張曼玉、鍾楚紅同鄭裕玲等紅星的經理人的陳自強，昨日凌晨在家中離世，享年76歲。
於香港電影市道最蓬勃時期，「金牌經理人」陳自強曾捧紅無數巨星，成龍和學友，紅姑和曼玉，家輝和嘟嘟，全盛期，旗下藝人沒有一個一年拍少過10套電影。
但亦因為仔仔女女眾多，間中亦會出現爭風呷醋的事件。80年代流行歡場電影，其中一部經典《月亮星星太陽》，陳自強三個女鄭裕玲、鍾楚紅和張曼玉一起演舞女。他在訪問中，表示看過劇本得知三個角色中，一個是當紅小姐，一個是正在上位，一個走下坡，陳自強當時認為嘟嘟應該演走下坡的一個，而事實亦因為她年紀比其餘兩個大。但嘟嘟聽完要演走下坡一個，就有所保留，陳自強指其實三個角色中，這個最有發揮，最後亦說服嘟嘟接演此角色。結果這部電影亦為嘟嘟帶來金馬獎影后殊榮。
而陳自強在訪問中，亦笑談當時聽得仔女最多的說話是：「點解老竇你咁偏心？點解得獎、賣座嗰啲好戲，你梗係搵佢唔搵我？我又勤力過佢、靚過佢。」而陳自強亦透露當年會保管仔女的片酬，他指曼玉喜歡買衫，每個月會做report給對方看，叮囑她小心花錢，而學友的錢又經常亂放，不會正經放入銀包，導致經常有金錢不翼而飛。
(蘋果日報)
