近年圈中唔少藝人榮升做父母，黎諾懿今年4月就同太太李潔瑩生咗佢哋嘅愛情結晶品「小春雞」，黎諾懿工作雖然忙碌，但係佢一有時間就會陪住老婆同囝囝，而且不時喺社交網站化身「晒仔狂魔」上載囝囝嘅得意相。
不經不覺，小春雞已經5個月大，身為爸爸嘅黎諾懿今日就喺社交網上載咗佢哋一家三口嘅幸福合照，仲留言：「小春雞五個月大啦！#小春雞」相中嘅小春雞眼仔睩睩咁望住鏡頭，而且擺出一副天然呆嘅表情，十分可愛。一班網民大讚小春雞夠萌之餘，仲話時間過得真係好快呀！
(東方日報)
【八百呎先300萬！】羅敏莊買定樓畀囡囡去讀書
羅敏莊接受電台訪問，講到她在泰國置業，問到可是想移民泰國。
她表示：「唔係，我係去泰國旅行，又鍾意嗰到啲樓，諗住第時去到唔使住酒店，有自己地方住。」
她謂剛在泰國買了一個八百多呎的單位，價值三百多萬港幣。
「我諗如果喺香港買，要成千幾二千萬，上次去泰國嗰陣收咗樓，但老公（陳國邦）叫我租出去先，我哋未過去住，諗住第時個女過去讀書先算。」
講到想囡囡去泰國讀書嘅原因，羅敏莊表示：「有個朋友嘅仔喺嗰邊讀名校，發覺喺嗰到讀名校都唔需要一大筆錢，學校又好大。」
(on.cc 東網)
【校定鬧鐘見囝囝】黃伊汶好掛住陳真
拍拖五年，求婚四次，陳國坤（小龍）2014年正式迎娶黃伊汶，二人婚後誕下一子陳真。原來近日。。。
專注經營品牌生意的黃伊汶（Emme）近日亮相紐約時裝周，帶領品牌發布全新春夏新品。Emme從手錶到進軍時裝，專注發展各地市場。今次她由獲邀請出席活動，以至真正上舞台發布準備了差不多九個月時間。為了盡量做到最好，她參與每一項細節，每個問題對她來說都是新挑戰，雖然艱辛但也很享受這個過程，Emme說：「由準備到了今天真正發生，心情實在很興奮！今次對我來說，是一個很好的經驗，相信對我們的品牌日後再辦同類型或更大型的時裝展是有很大幫助。」
另外，Emme坦言離開香港期間，每天最掛住的就是囝囝陳真，所以每天必定要以視像跟囝囝通話，她笑謂：「因為時差，我每日都要校鬧鐘同佢視像，就好似早晚餐要食藥咁！」
(東方日報)
【「泰利」升級為強烈熱帶風暴】逼港800公里
天文台預測，熱帶氣旋「泰利」會在未來兩三天。。。
下周香港或者又打風。天文台預測，熱帶氣旋「泰利」(Talim，由菲律賓提名，意即刀刃，又解作尖銳及鋒利)會在未來兩三天橫過西北太平洋，移向台灣至呂宋海峽一帶，並逐漸增強，而受泰利外圍下沉氣流影響，本周後期廣東西部天氣酷熱。天文台最新路徑圖顯示，泰利會於周二(12日)升級為颱風，並於周三(13日)變成超強颱風，直襲台灣南部，料闖入香港800公里警戒範圍內。
中央氣象台亦預測，熱帶風暴泰利已於昨晚(9日)正式成形，預料明天(11日)會升級為強烈熱帶風暴，周二變為颱風，周三早上再進一步加強為強颱風，同日下午會升呢為超強颱風，直襲台灣，其後向粵閩沿海靠近。歐洲中期天氣預報(ECMWF)亦預測，泰利於周四(14日)會掠過台灣南部，逼近廈門。
香港天文台表示，受高空反氣旋影響，未來一兩日中國東南部天色大致良好，預料一股清勁的偏東氣流會在本周中期為廣東沿岸帶來驟雨。
天文台九天天氣預測，明天及後天(12日)大致天晴，氣溫介乎27至32度，周三則短暫時間有陽光，初時有幾陣驟雨，而周四至周五(15日)部分時間有陽光及有煙霞，天氣酷熱，稍後有幾陣驟雨及雷暴，氣溫最高攝氏33度，周六至下周日(16至17日)亦是部分時間有陽光及有煙霞，本月18至19日氣溫稍跌至27至31度。
(蘋果日報)
【最重要係聽老婆話】陳慧琳恭喜城城升呢做新手爸爸
陳慧琳（Kelly）同張智霖（Chilam）今日喺太古城為代言嘅月餅出席活動，講到中秋節嗰日，Kelly表示唔使開工，屆時會同屋企人一齊過，小朋友亦會自製燈籠。對於Kelly喺13日生日，佢話未知到時點慶祝，問佢有冇收過囝囝嘅最難忘生日禮物？佢話：「冇呀，都係唱歌同送濕吻，咁樣已經夠喇，乖乖哋已經ok，老公就送speaker畀我，因為我要聽歌同練歌，本身嗰部又壞咗。」
同老公過二人世界？Kelly笑住話：「唔使啦，4個都ok，咪當佢哋冇到囉！」身旁嘅Chilam唔知諗咗去邊：「嘩，咁開放！」
對於有傳好友郭富城個B女未出院，Chilam話：「我真係唔知，並無虛言，我哋近排好少聯絡，大家都拍緊戲，遲啲希望有機會再見面，我都好想從你哋口中知道佢嘅狀況。」
Kelly似乎聽到一頭霧水，記者告知佢，有傳郭富城做咗爸爸，Kelly即話：「生咗喇？恭喜晒！仔定女？」記者話佢知道有傳係女，Kelly笑指唔係仔就係女o架啦！
問Kelly有冇嘢要提點郭富城呢個新手爸爸？Chilam即刻提醒Kelly：「呢啲係假設性問題！」Kelly話：「最重要係配合老婆，老婆話乜就乜。」問佢同Chilam有冇交流湊仔心得？佢哋表示：「我哋嗰啲都好大個喇！」
(蘋果日報)
【DSE考20幾分都輟學】蘇志威力撐大女追夢
蘇志威出席以復康大使身分與細囡蘇靖珺出席活動，他表示到來支持朋友及接受禮物。
蘇志威又表示18歲的大囡蘇君蕎讀完中學六年級後沒有繼續升學，決心追尋自己的夢想。
「佢好多同學都入晒港大、中大，但佢決定去做甜品，13歲已開始學，依家喺五星級酒店跟師傅學師拎經驗，出年再去日本深造幾年。」
問到會唔會打本畀囡囡開舖，蘇志威：「呢樣遲啲先講，但想佢用自己雙手去闖，都好放心畀佢做。」
他直言自己是女兒後盾：「佢冇同父母交代嘅壓力，冇經濟壓力，畀心機搵自己夢想就得，作最大支持。」
「佢係主動講，阿女話唔想讀大學。我老婆都有同佢傾偈，叫佢唔想讀都要考好個試，最後有交代拎咗20幾分，夠分讀大學。」
（on.cc 東網）
【為咗報恩一口應承】惠英紅：全因為佢，否則我唔會行得番咁快
從影近四十年嘅惠英紅，早係1982年已經憑動作片《長輩》摘下第一屆金像獎影后，從此奠定武打演員路線，拍下無數動作片，後來再憑《心魔》及《幸運是我》兩度奪得影后寶座。事實上紅姐近年已經好少亮相動作片，直到由《心魔》導演何宇恒主理嘅《Mrs K》，以56歲高齡由頭打到尾，並宣告自此告別動作片。
現年56歲嘅惠英紅曾三奪影后，早排佢就接拍何宇恒執導嘅動作片《Mrs K》，不過佢宣佈從此告別動作片，日前佢喺銅鑼灣接受訪問，講到演出接拍《Mrs K》主因是出自報恩：「今次已經第三次同何導合作，劇本佢喺五年前我51歲嘅時候就已經話開，結果等到我56歲先開，如果再遲多一年我都拍唔到啦。」
紅姐坦言絕對屬年紀問題：「因為知道自己無論點keep，身體機能都係退化，開始信心不足，而且喺拍攝過程入面又受咗傷，胸骨都裂埋，所以就知道真係時候要停，否則搵埋啲錢都唔夠睇醫生。」
講就咁講，但紅姐依然對何導充滿感激，尤其是因為演出《心魔》，令從情緒病困擾嘅佢，再度復出幕前，並成功摘下影后寶座：「全因為佢，否則我唔會行得番咁快，佢未出現嗰兩年，過程係幾辛苦，同時亦帶畀我好多捷徑，去行返嚟今時今日呢度，所以當佢搵我傾嘅時候，我係一口應承。」
戲中紅姐由頭帶到尾，既要拳拳到肉同任達華加埋大馬影帝Faizal Hussein過招，同戲中丈夫伍佰同囡囡嘅連場內心戲都佔相當大篇幅。紅姐覺得以《Mrs K》作為動作片收山作相當完滿：「要遇到一個劇本以自己為中心，我諗錯過咗未必遇得番，而且呢個（何導）係我嘅恩人，所以係一個好好嘅機會做收山作。」
回望數十年動作片生涯，紅姐感到完全無憾：「50幾歲高齡整個咁好嘅劇本畀我仲想點？唔係個個有呢啲機會，有啲轉咗戲路就不了了之，所以我覺得個天對我好好。」
公開宣佈停拍動作片原來有另一考慮，紅姐說：「我份人唔識得say No，講咗以後其他人唔使搵我啦，唔想再用自己身體嚟較飛，我最怕係臨老先嚟出問題就淒涼，其實依家身體都有唔少問題，同細佬妹去旅行行得耐都周身骨痛，呢啲全部都係以前嘅舊患。」
此外，本地著名藝術家又一山人幫紅姐拍咗一輯相集，喺即日起至16日於荔枝角D2 place商場舉行「惠英紅Moving On 57 x 57」展覽，本月18日至10月2日則移師尖沙嘴iSquare舉行。
(蘋果日報)
【四肢依然纖幼】「Rain嫂」金泰希7個月孕肚曝光
現年35歲的韓星Rain與交往近5年的37歲女星金泰希，於今年1月拉埋天窗。
金泰希於5月宣布當時已懷孕15周，而現時懷孕7個多月的金泰希於上月底與Rain一同前往意大利旅行。
Rain在旅行期間亦有更新Instagram，上傳意大利的風景照及大批美食照片，看來兩口子在當地大快朵頤。
過去十多天，Rain與金泰希的行程相當低調，在意大行期間幾乎沒有被捕獲。
直至昨日有網民終於在意大利羅馬的機場捕獲兩口子，Rain與金泰希戴上情侶帽及墨鏡，似乎正準備由意大利返韓。
而懷孕7個多月的金泰希穿上黑色鬆身連身短裙及平底涼鞋，並用手袋遮肚，其手腳還很瘦，完全看不出懷有7個多月身孕。
以短褲波鞋的輕便裝扮示人的Rain則手挽行李袋，二人在等候辦理出國手續時，後面還有一名伯伯，可能便是同行的Rain父親。
（on.cc 東網）
【「加明叔叔」逝世、享年94歲】兒子「Harry哥哥」：父親的喪禮會是一個慶祝
兒童節目主持Harry哥哥（王者匡）丁父憂，父親王曦於8月28日逝世，享年94歲。
Harry哥哥父親是香港第一代兒童節目主持「加明叔叔」。
Harry哥哥接受其他媒體訪問時，說:「父親的喪禮會是一個慶祝。it’s a celebration of a successful happy and joyful life.如果沒有昨天的爸爸（加明叔叔），今天便沒有我（Harry 哥哥）」。
「加明叔叔」的安息禮拜將於9月30日早上在聖公會聖保羅堂舉行。
據資料「加明叔叔」的由來是上世紀50年代，麗的映聲開台，王曦當時是中學老師，喜歡音樂、魔術與木偶。他應邀往表演木偶，負責人安排他主持節目《Calvin’s Corner》，並為他改英文名Calvin，他將名字譯為「家明」。
60年代他主持的《快樂生辰》成長壽節目，他有兩個手偶拍檔，分別是「馬騮仔」與「尖鼻仔」，當年給小朋友帶來開心回憶。
（明報即時娛樂）
【周杰再翻舊帳】向林心如還擊 ：人家就是聖女嗎？
林心如早年喺台灣綜藝節目《康熙來了》中爆料指有次喺內地同一名男演員拍吻戲，點知對方想將條脷伸入佢嘴裏，當時節目一出，網友已經將矛頭直指曾經同佢合作過《還珠格格》嘅大陸演員周杰！
相隔多年後，周杰竟然喺9月6號晚於微博發文否認傳聞，仲話如果係真強行舌吻某人，點解對方唔當場抗議？
隔咗冇幾耐後，林心如工作室就喺微博留言：「品行自在人心，多說無益。」疑似回應呢件事。
隔咗幾日，周杰今日又喺微博發文提番件事，佢分享一篇名為「周杰微博公開懟林心如，到底他們誰在說謊？」嘅文章，呢篇文章嘅內容可以話係一面倒撐周杰，又讚佢演技好之類，周杰睇完篇文章後留言話自己「淚奔」。
「為什麼你都知道，為什麼還有你這樣清醒的人幫我說話，為什麼這麼簡單的道理都有人犯傻？那些腦殘的人們啊你們想過嗎，在她們的網路上有沒有人像你們這樣的人替我們說話的啊？難道我們就是流氓混蛋人家就是聖女嗎？她們養活過你嗎？」
(on.cc 東網)