藝人周柏豪、張繼聰、林敏驄及林盛斌（Bob）等現身電影《西慌極樂：太爆·太子·太空艙》首映。張繼聰指已很久沒到銅鑼灣鬧市，如今重臨，感覺似離開了香港數十年的老華僑。
談到近日為愛女張靖拍片時撞正對方嘔奶，頓時成為焦點，阿聰笑謂：「又唔好咁講，但阿女真係好得意，因為之前開劇少時間湊女，所以佢唔係幾認到我，諗住上天台喊住飲啤酒㗎，不過依家拍完劇多咗時間對住，見到個女望住我甜笑，真係好感恩，亦多謝屋企人同太太好悉心照顧。」
而柏豪則笑指平日很少到鬧市宣傳，故也趁機留意周圍建築物的變化。問到婚後可有生仔計劃？他謂：「未有，順其自然啦！（向張繼聰取經？）係都搵阿Bob去參考下啦！」
活動上大會安排有份參與該片的狗仔以神秘嘉賓身份出現，並與演員們大合照，期間更齊齊拉紙炮，由於聲音太大令狗仔受驚失控掙扎，及後鄭欣宜、張繼聰見狀即上前安撫。
至於王宗堯、楊淇、鄭融、唐貝詩等亦有現身捧場，場面熱鬧。
(on.cc東網)
吳君如喺開學日前大手入貨，一買就買咗6對鞋俾阿女陳是知，升中一後每日都可以換新鞋。
淨係買鞋都睇得出君如有幾錫個女，如果睇埋佢平時啲生活相，可能會仲羨慕。平時君如一家三口好識把握時間享受家庭生活，好似早排君如生日，成家人就喺英國慶祝生日，喺大草地跳起Yeah，生活好寫意。
君如同是知關係融洽，因為咁多年嚟君如花咗好多時間陪阿女，佢曾經喺專訪講過，無時無刻都會陪是知讀故事書，可以喺車上講、放學又講、臨瞓前都講。近年君如就鍾意同阿女睇戲，等佢唔好成日玩手機。
至於教女方針，君如都幾特別，佢話過阿女講大話唔緊要，因為實有講大話嘅理由，但最重要係自律。
佢仲話小朋友係要逼，做唔99分都要做到90分，以免將來阿女埋怨唔栽培佢。是知進入青春期，對感情關係都好敏感，君如話阿女最近好關心爸爸媽媽情史，但原來君如唔想阿女咁早拍拖，仲俾埋時間最早要21歲先拍得。
(蘋果日報)
仲早過杏兒自己個BB出世﹗
由藝人胡杏兒創立的婚紗品牌舉行時裝騷，腹大便便的杏兒穿上粗高跟鞋配拖尾長裙示人，她表示今次是第二度舉行時裝騷，比上次大型得多，可招待500名賓客。問會否感到很大壓力？她回答：「唔會，只係大家都話我大肚仲咁操勞，但冇辦法，每年都要搞。（老公有冇詐型？）有少少啦！佢怕我操勞。」
杏兒還有另一件事要宣布，就是婚紗品牌會在上海開分店：「十月中會開店試業，我唔會飛過去喇，我預產期係十月尾，上海嘅『BB』仲早過我自己個BB出世。等我生咗，收埋身先搞grand opening（開幕禮）。（忙完今晚就停工休息？）唔係，仲要拍廣告，唔會好辛苦。（之前你上載喺上海食小籠包照片，係咪好好胃口？）依家好番，最初胃口好差仲瘦咗，依家肥咗20磅。（知道BB性別未？）未知，因為有啲長輩喺英國未返嚟，所以叫醫生唔好講住，一次過先公布。BB好百厭，成日打斛斗。（買晒BB嘢未？）未，唔想封塵。（會唔會叫品牌設計BB衫？）設計咗啲衫畀我先，因為大肚衫好難買。」
(蘋果日報)
TVB噚晚搞嘅「 2017 香港小姐決賽」有唔少人都睇到面紅赤耳，除咗認為冠軍欠說服力之外，由「校長評判」 Do 姐 ( 鄭裕玲 ) 嘅「關鍵一票」選出冠軍嘅做法亦為人詬病。與此同時，有網民就揾嚟 2017 年國際小姐澳門小姐麥嘉欣 ( Sofia Paiva ) 做比較，一睇之下，似乎真係鄰近地區佳麗更為「吸睛」？
今年 20 歲嘅 Sofia 係一位土生土長嘅中葡混血兒，除咗有一般歐洲人立體嘅五官之外，亦有東方人擁有嘅甜美笑容，非常吸引。 Sofia 現時喺澳門聖若瑟大學就讀心理學系，希望日後能夠成為一位成功嘅心理學家。
Sofia 將會喺 11 月代表澳門到東京參與國際小姐競選，想留意佢備戰情況嘅話可以關注佢嘅 Facebook 同 instagram啦！
(Sina)
賽前一直被視為大熱的伍樂怡，最後三甲不入，頗令人意外。
伍樂怡昨晚表示：「唔會好失望，自己都已盡力，向父母及自己有所交代。）一直盡力做好自己，覺得表現最好是發表感言這環節，一直想向父母表達心意，終於敢開口講出來﹗」
問到認為自己哪一個環節失分最多，伍樂怡表示：「可能是跳舞方面，因無跳舞底子，又不是有太多時間練習。」
問到由鄭裕玲決定賽果有沒有覺得不公平，伍樂怡：「無話公唔公平，因每年賽果都有不同，今年就有娛樂性﹗」
伍樂怡表明入行與否視乎機會，若有機會拍古裝劇，讓她表演古箏也可嘗試。對於賽後被無綫惡搞，於直播節目中獲頒「最誘惑TV Body」獎項。
伍樂怡說：「無想過攞任何獎，覺得這個直播節目富娛樂性，不會太介懷﹗」
伍樂怡今日收拾好心情，即在社交平台留言：「看到很多窩心的留言和信息，好多謝大家一路以來的支持。這趟旅程總算完滿結束了。雖然未能獲獎，但對自己整體的表現總算有所交待了。」
(明報即時娛樂)
藝人呂慧儀到將軍澳電視城出席《愛．回家之開心速遞》之「開心家長日」宣傳活動，剛於9月3日過35歲生日的她，獲劇組送上生日蛋糕，與同是9月生日的鄭世豪齊齊慶生。
老公驚喜慶生
問到生日如何度過，呂慧儀笑說：「9月2日嗰晚都收得夜，返到屋企仔仔黃柏翹（蟹籽）迎接我，平時佢都瞓咗㗎喇，佢啱啱喺上個月過3歲生日，佢就以為個個都係3歲生日，佢話媽咪你3歲生日呀，然後帶咗我去雪櫃睇蛋糕，原來老公準備12點畀我驚喜！已經3年冇喺正日慶祝，咁啱老公都放假，當然送蟹籽去畀老人家湊，等我同老公過吓二人世界啦！（老公有咩表示？）都係送首飾，保值嘅，佢話我平日開工少戴首飾，叫我粗戴，佢會努力啲賺錢，或者叫埋蟹籽幫手賺錢喎，最開心當然係蟹籽錫我嗰兩啖啦！」
唔怕生多個
問有否計劃為蟹籽添個弟妹？呂慧儀笑言：「等丹爺（劉丹）公布加幾多集先，其實都有諗，天意注定有都可以，就冇強求嘅。（怕蟹籽呷醋？）都要，上次老公同我玩作勢打我，佢竟然打番老竇，所以會同蟹籽傾吓，叫老師幫手嚴厲管教。」
(東方日報)
日本混血女星水原希子，近期積極宣傳與妻夫木聰合演的新電影《想成為奧田民生的男孩，和讓男人瘋狂的女孩》，為此她也拍攝幾家雜誌，重操模特兒舊業，強打曝光量。從模特兒出道的她，尺度無極限，上空秀裸背、單穿小褲褲、甚至蹲廁所的模樣，都能自在演出。
裸背單穿小褲褲的照片曝光後，許多網友都誇獎，水原希子的S曲線，0贅肉的身材，不只男人看了流口水，就連女人看了都抱以羨慕眼光。原來，衣架子下的身材長這樣！水原希子過去曾分享「豆腐減肥法」，用飲食、運動雙管齊下，養出性感身段。
豆腐含有可降低脂肪的大豆卵磷脂，是相當好的蛋白質，還含有預防便秘的大豆寡糖，與能潤澤皮膚的大豆異黃酮、維生素B等，低卡、煮法多變，讓它成為超棒減肥聖品。豆腐減肥法進行方式，用「豆腐」替代其中一餐的主食，搭配其他菜色，就能慢慢瘦下來。
此外，也要注意不能使用「臭豆腐」、「炸豆腐」等高熱量豆腐，選擇嫩豆腐等未處理過的豆腐進行，才能有效執行這套減肥計劃。
(ETtoday)
冠軍由5號雷莊𠒇摘冠兼最上鏡小姐，成雙料冠軍。不過，今年嘅評分制度惹來好大爭議，「校長」鄭裕玲(嘟姐)一人可以投兩票，唔少網民都話「嘟姐你玩晒啦」！
嘟姐今日喺商台節目《口水多過浪花》，都有講番呢單咁具爭議嘅港姐競選。佢話自己做過港姐好多唔同崗位，包括星級選民、導師、司儀，到今次做校長，都係睇呢期興乜搞乜。嘟姐都係喺節目前一日先收到通知自己有兩票：「返嚟(公司)都係留意天氣，驚打8號風球，就冇現場觀眾。當日我哋都有綵排，我專登玩嘢畀同分，例如9號同10號，係3比4，我畀埋9號打和，最後嗰票唔畀9選10，咁好好玩，但心諗好少有咁嘅可能。」
嘟姐話係憑良心投畀5號，絕對冇造馬成份，佢話：「我係睇整體表現，除咗才藝表現我冇睇，但我俾其他人着數，之前已睇咗班女仔一輪，對佢哋有啲認識，我係憑良心，5號表現好好，每個範疇都ok，咁當然人人都有缺點。但絕對冇話咩造馬，有晒會計師行喺度，好難做到，佢哋四、五個人喺現場望實，喺後面一路做一路畀分，用平板電腦入面又計一次，10變8變5再變冠軍，冇理由推到咁，大會計師行唔使做到咁啫。」
由於最後一票太重要，嘟姐都有一刻猶豫，有試吓問現場觀眾意見，佢話：「因為現場睇同電視睇有啲唔同，我心覺得係5號，咁現場都好多人舉5號，你哋番睇啦，我冇數，我覺得5號幾好，咪畀5號囉。成晚流程就係咁。我檢討過我有冇做錯㗎？諗番掉轉唔跟自己心，唔選5都會俾人話。另聽講仲有個大熱(8號伍樂怡)，咁如果另一位入最後兩強嘅話，咁當然又唔同，但並唔係我嗰part出事，係跟公司，如果你哋鍾意其他賽制，咁等出年囉。」
李佳芯現身電台接受訪問時，在節目內有提及另一半陳炳銓。
在接受訪時經常提到另一半，問會否覺得困擾，她直言：「唔會嘅，都係指定動作，都知好難避免嘅，但講少啲好啲。」
李佳芯否認公司有畀壓力，表示：「係我自己畀壓力自己，就算係，不過在於公司立場都唔想見到李佳芯出嚟都淨係講感情，寫咁多對我都唔好，希望可以講多啲工作。」
李佳芯唔覺得公開咗會好啲？：「見其他人公開咗都見到相，仲名正言順咁講，唔好呀，我仲有好多角色想做、想試。」
提到有報道指李佳芯同男友女尊男卑，她直言唔明點解會有呢個講法，亦唔係事實，因根本不存在女尊男卑：「只要兩個人相處得好舒服同溝通到，呢個層面就唔存在女尊男卑。如果外間要將工作同女尊男卑掛勾係唔公平，佢都好努力工作，幕前幕後都係，冇得比較，咁樣對佢唔公平。」
（on.cc 東網）
前有線主播陳貝兒（Janis）驚爆同結婚6年嘅商人黃國棟離婚，日前出席活動時直認二人已分居，仲講到喊晒口。
陳貝兒喺新節目《嫁到這世界邊端》中，被指觸景傷情，諗起自己感情事，就忍唔住喺鏡頭前爆喊。但其實節目亦有溫情一面，貝兒仲邂逅一名小鮮肉添。陳貝兒喺分居期間，隨製隊去丹麥哥本哈根，訪問港女Perla，佢透過網戀，越洋嫁畀丹麥男Jasper，婚後生咗4歲半混血小鮮肉Andreas。
Perla話囝囝性格內向，只講丹麥話，雖然同陳貝兒雞同鴨講，但身體語言打破佢哋年齡隔膜。Andreas喺四日內勁黐陳貝兒，仲讚佢係「仙女姐姐」，陳貝兒返港後，仍有同Andreas拍片傳情。而Perla日前喺facebook貼文爆Andreas突然好掛住陳貝兒，童言無忌問媽咪：「我真係好掛住佢呀，我可以點做？」Perla就o氹囝囝遲啲返港探姐姐。
陳貝兒日前接受傳媒訪問時，笑言向來好有小朋友緣，佢話：「我男女通殺，反而成年人就要培養吓。我同Andreas相處四日，佢好跟我，成日拖住我，我走時佢又送我出機場，仲話唔捨得我走。基本上佢講丹麥話，我同佢溝通唔到，都係hug同kiss。」問到現實中可唔可以接受姊弟戀？佢話：「睇緣份，年齡唔係問題，要大家溝通到。(會唔會學Perla透過社交網覓第二春？)我仲未到deadline，我啱啱先重出江湖，可以觀望吓巿場先，我對愛情仲有憧憬同勇氣㗎。」貝兒直言現在仍未ready接受新一段感情，靜待下一段緣份，先享受一個人生活。
(蘋果日報)
