歌手周永恒與趙頌茹（Yu）2014年爆出家暴，同時周永恒被指背妻偷食，苦忍年多的Yu決定離婚，可惜周永恒拒簽字離婚，二人分居兩年後正式離婚。呢幾年裏面，周永恒嘅女友一籮籮，不停換畫，負面報道多多，更被喻為「世紀賤男」。
呢日周永恒突然喺社交網上載前妻Yu嘅訪問短片，並留言：「多謝你，若果沒有你，也許看不見我自己，若果沒有你，我那位置也總有趣味，若即若離，是你令我在舞蹈里（裏）也有妒忌，難道你，再這夜你亦發現你自己，跳出這一套乏味，我方知真的很愛你，字句流露心扉，話說了未能捨棄，很想拉近這段距離，或許哭與笑是調味，勇敢的去接受不完美，換來驚喜，換來生氣，看着鏡子舞着的我，多美。」、「人生如果因為別人的一句話、一種看法、一個他覺得你是……而活得像尿一樣，那倒不如和傷害你的，有看法的，割斷任何關係。我為甚麼不活得輕鬆一點。所以搵我哋段往事刷存在感的，割你臉書！」
冇耐之後，Yu亦有更新Instagram，留言話：「已經對太多矯情的人與事怠倦，不如活得輕鬆與自由好嗎？世界從不圍着你轉，只是人們選擇為着事情地轉……」唔知係咪同周永恒嘅post有關呢？
(on.cc東網)
陳妍希產後復出，為內地錄影節目，體驗具有中國傳統特色的文化。
談到與老公陳曉的愛情結晶「小星星」出世，她直言為母則強。
陳妍希認為自己最大的變化是有了安全感。
「以前常常可能會沒有個重心或者會覺得有些不安。現在可能比較有安全感，很多事情不會那麼鑽牛角尖。」
「遇到一些可能比較不順，或者是覺得很執着的東西，容易願意去放下。就覺得生活已經很美滿，擁有很多。應該好好把事情做好，而不是去糾結一些不必要的情緒！」
又直言只要觀眾願意看她的作品，就會繼續演下去！
(on.cc 東網)
單文柔、關之琳今晚喺富豪機場酒店出席「善學慈善基金」晚宴，單文柔單拖冇伴，佢話係公司安排，只係搵咗華姐冠軍余思霆同落選港姐魏韵芝一齊嚟。單文柔話自己好少出席呢啲慈善晚宴，咁係咪因為同陳展鵬一齊、所以多咗人識？佢就話：「可能係嘅，不過我希望大家認識我，唔係因為展鵬嘅關係，而係因為我嘅工作。」哦…
成為陳展鵬fans公敵嘅單文柔，表示依家嘅工作主要都係指會拍住兒童節目先，嚟緊會加入《安樂蝸》，咁陳展鵬有冇幫手拉線爭取機會拍劇？單文柔稱：「邊有可能拉線？我都未有咁嘅實力，就算佢有教我，都要打好個底先，如果唔係有機會嚟嘅時候都拉唔住。」
最近陳展鵬拍嘅《同盟》播出緊，劇中同胡定欣有好多親密嘅場景，咁話晒嗰陣佢兩個係奉旨拍拖0架嘛…咁依家當然事過情遷啦。問單文柔睇到會唔會眼火爆？佢即時爆笑，仲大讚佢兩個係好拍檔，但現實身份嘅陳展鵬就好唔同。咦，言下之意，係咪想講現實身份嘅佢同陳展鵬夾啲？單文柔即話：「冇得比較嘅，我同定欣嘅情況都唔同，我同展鵬相處得好開心。」
關之琳就話今次撐好友趙曾學韞而來，近日就參加大陸真人騷《我們來了》，佢話：「每星期來回四日，仲有四集就拍晒，感覺好辛苦，但應承咗就要做，冇得瞓冇得食。中國地方好大，成日趕嚟趕去，天氣又好熱，搞到虛脫咁滯。」咁辛苦，下次仲會唔會接？之之即謂：「我喺訪問講過真係唔好搞我喇！今次好特別，講文化，咁玩遊戲我接受到。」有指之之酬勞高達4,000萬，佢馬上避談：「唔好講呢啲，一日拍20個鐘，拍足四日，拍到上飛機。咁我又唔後悔接，接得就盡力做。大家玩到散晒，睡姿都畀人影埋出嚟，但算係好好經歷。」
(蘋果日報)
薛之謙2009年與模特兒高磊鑫傳出緋聞，三年後二人正式結婚，可惜呢段婚姻只維持咗三年時間，最終2015年離婚收場。
不過，薛之謙凌晨就喺社交網站上載咗一男一女影子嘅相片，仲留言話：「我記得……你跟我時……我一無所有……我不想再尋覓了……請讓我給你所有……反正我們也不再年輕了……那就再愛一次吧……」
高磊鑫亦有發微博，寫下：「多少淺淺淡淡的轉身，是旁人看不懂的情深…那麼，餘生請對我好一點。」
原來二人透過社交網公開復合消息，搞到好多粉絲都戥佢哋開心兼送上祝福。
當年薛之謙與高磊鑫離婚，兩個人都沒有講明係咩原因，不過薛之謙就叫外界唔好攻擊佢太太。
薛之謙2006年出道，憑一首《認真的雪》而打響名堂，可惜當時紅歌唔紅人，佢曾經搞過火鍋生意，又成日喺微博上載有趣話題，因而令到佢人氣急升，最後他憑一曲《演員》唱紅歌唱事業。
(on.cc 東網)
67歲嘅薛家燕呢排晚晚出現喺公仔箱，呢位《燦爛的外母》喺現實生活現實係位「燦爛的奶奶」，因為佢二仔石耀庭今年4月向拍拖兩年女友Zoe求婚成功，一對準新人打算出年拉埋天窗。
家燕姐早年被前夫石保慶拋棄，含莘茹苦將三名子女養大，單親媽媽唔易做，佢96年正式辦妥離婚，即復出拍劇接騷養家，先後為三名子女供書教學，30歲二仔石耀庭今年4月向女友Zoe求婚成功，當日石耀庭總動員媽咪、家姐石祐珊同細妹石耀珠幫手籌備求婚騷，令Zoe大為感動，家燕姐事後大讚準新抱100分。
家燕姐第一次娶新抱，一早決定為囝囝擺一百圍酒席，同埋送家傳之寶畀新抱Zoe。呢位「燦爛的奶奶」對囝囝婚事，比兩位當事人仲興奮，每次提起都笑到四萬咁口，一對準新人近日去咗英國影婚紗相。據知婚期已擇日喺明年6月中，家燕姐近日去咗洲際酒店訂場，主要宴請男家親友同女家至親，單係婚宴開支，埋單起碼要7位數字。
家燕姐出年係入行60周年，今年中曾宣佈入紙紅館搞紀念騷，可惜年底檔期未批，製作單位有意延遲到明年7月，撞到正佢娶新抱大日子，家燕姐定好囝囝婚期後，佢馬上將整個6月鎖起唔接job，停工成個月籌備囝囝婚事。家燕姐今日回覆傳媒時話：「婚期同場地都定咗，我有三個仔女，呢次係囝囝搶閘結婚，我第一次做奶奶喎，梗係好多嘢要揸主意。最緊張係賓客名單，我60年代入行做到o依家，識落幾世代朋友，最擔心請漏賓客，萬一疏忽請漏，希望大家唔好介意。」
好友陳寶珠有過做奶奶經驗，佢都同家燕姐分享，家燕姐話：「寶珠畀咗好多貼士我，教我賓客席位要點樣安排，佢過咗我幾招，叫我隨時有問題可以再問佢。」有周刊報道指家燕姐自96年復出，工作做到冇停手，加上佢投資有道，狂買物業。
有指家燕姐至今手頭擁有約7個物業，總巿值逾一億，佢呢次娶新抱，仲大手筆送一間2,000萬西半山豪宅畀囝囝做愛巢，其實唔止有豪宅，原來仲一個面積約2,000呎觀塘工廈單位，價值成千萬，家燕姐有見囝囝搞製作，業務近年都拓展中，需要一個大啲嘅寫字樓，家燕姐一於出錢支持：「我係冇偏心，三個仔女，人人都有一間寫字樓。」問到家燕姐送乜嘢家傳之寶畀新抱Zoe？佢話：「一啲首飾啦。」咁係翡翠定鑽石？家燕姐話：「乜都有啲，前幾日揀好晒。」
(蘋果日報)
運動時突然頭暈目眩，差點站不穩？為什麼會出現這種情況呢？根據「Women’s Health」報導，美國科羅拉多運動生理學家Kristin J. Speaker表示，運動會出現暈眩的情形主要是受到血糖和乳酸影響。
為了防止血糖大幅下降，Kristin J. Speaker建議，盡量不要在運動時吃任何東西，除非你餓太久或是剛跑完一場馬拉松，不然正常來說，肝臟和肌肉本身存有大量肝醣，持續供給身體能量，但若是你在運動時隨意進食，激發胰島素釋放，身體細胞會從血液中大量吸收養分，血糖快速升高後又下降就會容易暈，不過血糖偏低的人，最好在運動前吃點香蕉補充體力會比較好。
除此之外，運動時前後30分鐘可先喝150~250c.c.的水，並隔一段時間再補充100c.c.的水，除了能防止脫水外，還能調節體內溫度，幫助降溫，減緩頭暈的問題，而不常運動，突然間大量運動也會頭暈，所以要記得安排休息時間唷。
(自由時報)
洗完澡保養腳，腳底摸起來還是粗粗的嗎？為什麼腳底的角質會變厚、變硬呢？根據「LBR LIFE&BEAUTY REPORT」網站報導，腳皮會粗粗的其實跟你的一些小習慣有關係，只要多加注意，腳就算不天天保養還是會很嫩。
鞋子尺寸不合
鞋子太小，腳底被擠壓後會摩擦，若太大，鞋子不斷滑落，走路姿勢會變得很奇怪，對某些固定施力的部位來說也會造成負擔，久了就會長出繭，皮當然也會變粗糙唷！
經常穿高跟鞋
高跟鞋容易將施力點著重在指尖和腳上某些部位，重複摩擦就會開始長水跑，腳跟變粗，甚至還會影響腳型，除了建議少穿高跟鞋外，買高跟鞋的時候盡量買大半號，剛穿的時候放鞋墊，腫脹的時候拿起，這樣穿不僅舒適，也不會過度摩擦。
鞋底太硬
鞋底若是過硬，沒有足夠的緩衝，比如高跟鞋和芭蕾舞鞋，腳底就會因為吸震力太弱而導致肌膚變粗糙，但是太軟也會造成這種結果，買鞋的時候建議直接用手指按壓，壓到感覺一點點陷入，放鬆立刻恢復這樣才算是好的鞋底唷！
(自由時報)
「樂壇校長」譚詠麟同「歌神」許冠傑（Sam）上個月世紀合體，喺紅館開咗次一共12場令人回味無窮嘅演唱會！
雖然演唱會已經完滿結束，但係兩位依然形影不離添！
尋日9月6日就係許冠傑嘅69歲生日，佢就開咗個生日會，唔只阿Sam一家總動員出席，校長同彭健新都有去到齊齊為歌神慶祝，場面好熱鬧，真係好幸福呀！
校長喺社交網上載幾張相，發文話：「出動私伙珍藏為亞（阿）Sam慶祝，生日快樂！」 真係夠晒朋友！
一句講晒，鮑姐定家燕姐？
點解會咁問？因為大台兩套黃金時段劇集，分別以67歲嘅家燕姐同68歲嘅鮑姐做主角，啱晒一班念舊嘅家庭觀眾。
不過後生一輩搵到新睇法，將《同盟》入面嘅鮑姐奉為新女神，證明愛係無分年齡。有人喺連登討論區開post，鮑姐幾個投票都拋離對手幾條街，家燕姐應該都輸得心服口服喇。估唔到嘅係，佢仲連贏司棋姐同港姐冠軍雷莊兒，最勁係贏埋細一個對，只係得34歲嘅李佳芯。
呢件事連瓊姐都感到震驚，喺facebook專頁開post，兩個choice都係「鮑姐好正」同「鮑姐好索」，真係公又我贏，字就你輸，真係你玩晒啦。
連監製文偉鴻留言話要通知鮑姐，然後無耐鮑姐現真身留言「咁搞法！笑死人了！」網民一致撐鮑姐，話鮑姐夠晒煮家婆feel，但睇唔慣佢做黑社會大佬。
不過同劇嘅對手梁舜燕、韓馬利都係老戲骨，唔知佢哋幾時會俾人發掘呢？
(蘋果日報)
藝人蔡少芬（Ada）與老公張晉育有兩個囡囡張楚兒（湯圓）同張信兒（包子），一直都係囡囡大過天嘅Ada，早前開學日為囡囡「湯圓」預備飯盒，點知畀網友轟搽咗指甲油唔戴手套整嘢食，不過Ada一於少理繼續湊女。
點知到咗今日凌晨（8日），Ada就喺社交網表示湯圓不幸打敗仗，發燒燒到39.3度，又甫相見到湯圓戴晒口罩同額頭敷住毛巾，真係睇到都覺得心痛，好彩Ada近日手頭上嘅工作都完成咗，所以佢都可以留喺屋企親自照顧湯圓，加上細女包子間學校放假，三母女齊齊好好休息：「發燒。。。好心疼啊。。但也超感恩！1)剛好完成兩天的工作，可以照顧大女！2)以為要明天要送細女兒上學，剛發現明天原來學校放假！感謝主，真好！我們三都可留在家了！好好休息！」
唔少網友都祝福湯圓快啲好番，又提醒Ada記得要小心隔離湯圓同包子，免得兩個交差感染。
(東方日報)
