苑瓊丹喺01年透過「相睇」認識老公仲一見鍾情，而喺04年7月，苑瓊丹陪對方去美國出trip，男方突然提出結婚，苑瓊丹把心一橫答應結婚，不過原來。。。

54歲嘅苑瓊丹近年少有喺香港露面，最近期已經係2016年嘅《火線下的江湖大佬》同2012年嘅《造王者》，其實佢近年返咗大陸搵人仔。講到佢嘅感情生活，04年喺美國下嫁家族做玻璃生意嘅富商黃乃掦，老公大佢10年，喺香港擁有多個商用同店舖物業，身家過億。

不過苑瓊丹真係非常保護老公，少有提及，不過佢喺去年一個大陸節目入面《靜距離》就大爆自己同老公相識經過。佢話喺01年透過「相睇」認識老公仲一見鍾情，而喺04年7月，苑瓊丹陪對方去美國出trip，男方突然提出結婚，苑瓊丹把心一橫答應結婚。苑瓊丹仲自認係一個惡妻，成日鬧老公不突止，兩公婆仲試過一言不合打老公咁話。

其中一次，苑瓊丹嬲得滯隨手拎起個鬧鐘，就掟向老公，搞到老公其中一隻眼傷咗，事後畀老婆打嘅嗰個冇出聲，不過打人嘅苑瓊丹之後仲要嗌離婚，逼對方簽分居文件，當時惡妻難服侍，老公當時惟有就範。不過第二日，黃乃揚就私下上律師樓取消離婚文件。夫妻最終牀頭打交牀尾和，事後苑仔都知自己唔啱，仲感激老公對自己嘅包容同忍讓。至於兩夫妻感情由差轉好嘅轉捩點，就因為當時佢哋同苑瓊丹父母同住，喺父母面前，苑瓊丹脾氣當然要收歛，而每次鬧交都專登走去屋企樓下停車場，而到苑瓊丹媽媽過身後，夫妻關係亦開始有好轉。

(蘋果日報)

熱戀中的謝霆鋒和王菲，早前被發現蜜遊日本。

37歲生日的謝霆鋒，日前晚上現身機場抵港大堂，由助手表哥接機，但未見王菲芳蹤。

戴帽﹑戴住太陽眼鏡的霆鋒Chok爆返港，守候的傳媒向他說聲生日快樂，問霆鋒之後會去哪裏慶祝？他說：「我不慶祝生日的，我唔興慶祝節日呀﹗」

霆鋒表示無約家人吃飯，去日本只是為了工作：「我去睇食材，入畀『鋒味』新公司。（阿菲陪你找食材？）不答你﹗」

問到有無掛住囝囝，霆鋒：「不答你這些。」

談及生日願望，霆鋒說：「你睇番我過去10幾年，都係一樣嘢，就係不斷進步，日日都係生日。」

阿菲無和你一齊返港？他無回答，只說了句：「唔該晒﹗」便登車離去。

（明報即時娛樂）

謙謙要識做先得架﹗不過至今都只follow老婆一人呢招都真喺幾冧架喎。。。

楊怡喺舊年10月同羅仲謙結婚，加入人妻行列，呢對新婚夫婦喺結婚之後忙個不停，早前仲有傳楊怡將會回歸拍大台劇《再創世紀》，同郭晉安再做夫妻，但因為簽咗保密協議，達成共識後先可以公開。事後楊怡話：「唔好意思吖，詳情仲未有特別回應，有消息會盡快告訴大家！」

原來今日係楊怡嘅農曆生日，聽日係新曆生日，佢喺ig貼咗張moody相，憑窗而立嘅側影，黑白為主調，有點冷……楊怡淡然寫道：「今天坐在前去工作的車子裏，才突然想起，今天是我農曆生日，明天就是新曆生日，好像未試過能夠連續享受兩天的生日，好吧，在這裡祝我自己『生日快樂，心想事成』！

楊怡再寫道：「人越大，心裏想的不再是要怎樣慶祝，經歷多了，漸漸少了些浪漫與幻想，取而代之的是責任與執著，還有珍惜….珍惜身邊一切，讓人生少些遺憾，多一點美好，生日在工作中渡過，雖然平淡，卻也寫意，生活就是這樣，一切安好就是幸福，願所有人都能平安！」

由構圖到文字都一種淡淡嘅文青feel，又好似有點若有所失咁，同之前新婚未幾羅仲謙送花牌俾楊怡預祝舞台劇演出順利嗰種幸福熱鬧截然不同——謙謙係有like呢個post嘅，佢ig至今一直都只係follow楊怡 only。

講開謙謙，佢本月28日剛度過33歲生日，喺社交網都有貼圖慶祝，有大有細，楊怡應該係要開工，所以未能陪伴，就連七夕佳節，兩公婆似乎都係分開度過，但就連老公扮萌著粉紅衫出po祝大家七夕快樂，有情人終成眷屬，楊怡都未有派like。搞咩呢……？

楊怡晚上回覆周刊謂：「真係難得舊曆同新曆前後日嘛，梗係發表下感言啦，人哋話19年先會遇到㗎！」再問會點樣慶祝？她稱：「冇吖，開工吖，同家人之前食過飯。」咁老公有冇送神秘禮物？楊怡哈哈笑話：「冇吖，抵打！」不過以謙謙平時咁鬼馬，就算做舞台劇都識得送製造驚喜俾老婆，生日呢啲咁重要嘅日子，佢一定有準備！

歌手林奕匡（Phil）在加拿大迎娶前TVB財經主播、體育主持李靄璣（Rikko），他們於Phil大學UBC校園內一間過百年歷史的古宅、Cecil Green Park House舉行婚禮，邀請摯親好友約80人出席，當中包括樂隊Dear Jane主音黃天翱（Tim）、組合Robynn & Kendy、馮允謙、黃美棋及男友鍾健威。

Phil上周飛返溫哥華作準備，他指婚禮交由Rikko全力策劃，婚前雖然有很多事情要處理，幸好兩人獲親友幫忙，減輕他們的煩惱，Phil說：「每日嘅task係數之不盡，甚至係去到婚前嗰晚嘅凌晨1點，我先知道個task有人去處理，我可以放心，安心去瞓覺。」Phil又稱因為每日有太多事去處理，實在太累，所以根本沒有緊張到失眠；他更笑言因心情興奮，到達婚禮會場時心跳很快，身體很熱。

向長輩斟茶嗌感動

Phil自言是個非傳統的人，但今次婚禮也有做傳統儀式，包括向長輩斟茶，他自爆在婚禮中多次感動落淚：「當我哋遞茶，叫聲爸爸媽媽，嗰吓好感動，咁多年嚟佢哋都當我係親戚嘅一部分，今次係officially向佢哋表示敬意，嗰陣真係冇得唔喊。」而一對新人在婚禮上向對方讀各自寫的誓詞時，Phil看着太太在流淚，卻又不能為她抹淚，也是婚禮上的感動位之一，他指伴娘和伴郎的發言亦令他們非常感動。

喊到變豬頭

新娘Rikko直言自己由斟茶開始便感動落淚，幾乎喊足全程，甚至「喊到豬頭咁」！她感激從世界各地，包括來自日本、拉斯維加斯、多倫多、魁北克省、香港等地的親友，特地飛到溫哥華去參加她的婚禮。Rikko透露她和Phil在婚禮上有個First Dance，其實是他們返加國後，特地請老師教他們，雖然「臨急抱佛腳」，但兩人結果順利跳出他們的First Dance。

Phil坦言因為婚禮舉行前一天才到會場，所以沒有時間準備驚喜給太太，反而是班兄弟姊妹有送手作禮物給他們，Phil謂：「太太開心，我就開心。」Rikko透露是黃美棋及鍾健威以828元加幣摺成的心心擺設，再加上心意卡。送給在8月28日結婚的Phil和Rikko。

剛剛成家的Phil指婚後沒有很明顯的分別，因為他一直視太太為終身伴侶，只是現在正式多了一對父母及弟弟，他自覺非常幸福。而Phil的媽媽對兒子娶得Rikko感到開心又安心，因為林媽媽大讚Rikko是個好好的女孩子，幸好兒子沒有辜負對方，亦做了正確的選擇。

年3月補度蜜月

提到造人大計，Phil坦言未準備好，過兩年後才考慮，但他笑言希望先仔後女：「因為哥哥會照顧妹妹，但姐姐照顧細佬，會變成縱個細佬，不過呢啲冇得控制，哈哈！」Phil笑言準爸爸Tim沒有特別教他「造人秘技」，但就叫他「趁嫩生」！Phil和Rikko稍後便會拉隊去旅行，感激一班兄弟姊妹全力支持，預計明年3月會去意大利補度蜜月，遲些亦會在港補擺喜酒，屆時也許會補做接新娘和玩新郎的環節。

(東方日報)