賴慰玲懷孕8個月，預產期為12月。
賴慰玲日前出席陳嘉寶嘅bridal shower，而佢哋一班好友仲變身「美少女戰士」大玩特玩。
賴慰玲仲笑言要教陳嘉寶做「蠱惑人妻」。
今日有周刊指賴慰玲一知有咗已經book咗準備去私家醫院生，點知最近做產檢，發現血指數唔穩定，曾被私家醫院拒收，建議佢去設備完善啲嘅政府醫院。
為咗安全起見，佢喺政府同私家醫院都開咗file，最近血指數穩定，最終都係決定喺私家醫院順產生B。
佢仲喺報道講BB未出世，已經有好多朋友想做契媽。
不過賴慰玲就誠邀拍《殭》成為亦師亦友嘅鄭嘉穎做BB嘅契爺。
(Apple Daily)
范冰冰出道多年被喻為典型的美女，不過多年來一直被整容傳聞困擾。
隨着近日有網友上載了她的嫲嫲以及家族親戚的照片到社交網後，網友直言范冰冰是「神基因」遺傳下來的美女，令整容傳聞不攻自破。
從范冰冰嫲嫲的照片中所見，她散發着一股古典氣質。
再加上嫲嫲修長的身形、鵝蛋臉、眼大、高鼻，與范冰冰的神韻十分相似。
范冰冰的粉絲更表示她的底子本身高質，再加上後天的滋養絕對能夠繼續美下去。
（on.cc 東網）
著名時裝設計師兼芭蕾舞蹈家張天愛（Flora）出席活動，為品牌設計童裝芭蕾舞系列。她表示自小已經非常崇拜此品牌，對現在成為首個華人設計師感到好開心，另外又設計一系列展覽芭蕾舞長裙，挑選了70個她認為最精英的芭蕾舞蹈家，滿載多年回憶。Flora表示孫女已經擁有首對芭蕾舞鞋，希望她可以盡快跳舞。
Flora透露回港後有探望女兒邢嘉倩及孫女，她希望女兒可以慢慢休息建立家庭：「佢依家有第一個女，都好健康又識得錫身子去建立下一代。（佢會想生多個小朋友？）一定想，佢好鍾意大家庭，好有一個以家庭為目標嘅性格。」談及感情生活，她表示希望可以看到女兒多生幾個小朋友，而自己再慢慢諗私人生活：「我好愛我嘅舞蹈學校，會想連同香港、英國同法國舞蹈界朋友去做舞台演出活動。」
(東方日報)
劉佩玥（Moon）最近就忙緊拍攝無綫新劇《跳躍生命線》。
凌晨時劉佩玥喺社交網上上傳咗自己危坐喺天台同一碗粥嘅相，唔知Moon係咪病咗呢？
佢發咗段長文，話自己係怪人。
之後，佢又話有時要病吓就會發現除了健康同愛你嘅人，其他咩都唔重要。
最後佢仲hashtag咗anxiety cure（焦慮治療）。
有網友睇到之後都好擔心又留言嗌Moon保重呀，希望佢冇事快啲好番喇！
（on.cc 東網）
開心開心﹗恭喜定先。。。
藝人陳美齡今日出席活動，她表示希望能夠推介一些有益身心的圖書給予0-18歲的兒童和青少年，培養他們自小閲讀的習慣，使他們的思想更為廣闊。問到是否自小就培養三位仔仔閱讀的習慣？美齡表示自小已培養他們看書：「每次睇書嘅時候，我都會讀一次畀佢哋聽，之後叫佢哋讀番一次，再同爸爸講，令到佢哋可以更了解本書嘅內容。而我仲成日會帶佢哋去圖書館，所以佢哋自細已好鍾意睇書，係書蟲。」
美齡還透露三位兒子看書的類型都各有不同：「大仔細個就鍾意睇啲關於昆蟲、魚嘅書，二仔就鍾意睇Fantasy嘅書，而細仔就咩都鍾意睇，不過依家大仔就鍾意睇啲科學、哲學嘅書，所以我最怕同佢交換書睇。」
另外，早前陳美齡透露大仔將會結婚，她指已籌備得七七八八，而問到對未來新抱的感覺如何？她说：「係一個好女仔，好溫柔，對我大仔都好好，我好鍾意佢。（急唔急抱孫？）我好心急，但唔敢催佢哋，驚畀到佢哋壓力，不過佢哋兩個都好高，相信第時我個孫一定都好高。」而美齡又指大仔答應她可在香港擺酒，但唯一要求就不能請太多人。
(東方日報)
因被發現患有新生兒溶血症，一出生就立刻留醫治療，經過一個月多月照護的小B仔，終於可以離院回家了。
周杰倫前度，台灣美女主播侯佩岑上月剖腹誕下第二胎，她昨在臉書上曬出大兒子Ian看著弟弟的照片，表示Ian自從弟弟回家後，就變得特別懂事、貼心，還時常對著弟弟說：「弟弟加油，你要健康平安快樂的長大喔。」非常有大哥哥的風範。
她感慨大兒子所說的童言童語，是所有父母的心願，還對兩個兒子舒發心事：「寶貝，請繼續樂觀堅強的去面對世界帶給你的挑戰和試煉，爸爸媽媽永遠做你們的後盾。」她強調「只要你願意我會永遠牽著你的手」、「好愛好愛你」。一番真情留言讓不少網友看了都非常感動，「世上所有愛孩子的父母親，你們真的辛苦了！」
（自由時報）
衛蘭（Janice）將於明年1月12及13日第四次假紅館舉行演唱會。
Janice暫時未定會否邀妹妹衛詩擔任演唱會嘉賓，不過舞台的設計圖已定，布景全部是出自Janice之前的畫作再伸展出來，好有童話感覺。
Janice多年來被取笑身形「肥過部電單車」，為以最Fit狀態示人，連月來積極收身、練氣。
早前更被拍得在超市齋食生果。
據知，Janice為減磅寧願長時間捱餓減食，可是未見成效，而其營養師指Janice的減肥方法全錯，皆因脂肪會因長期肚餓而作出調節，身體反而更容易吸收食物營養而令脂肪增加。
營養師提議她每日要食三餐且要飽肚。
Janice得知毋須捱餓很開心，但亦不敢太放肆，奉行少食多餐，每日以三文魚、蔬果及澱粉質為主。
(on.cc 東網)
陳奕迅（Eason）為咗宣傳新碟，今日起一連兩晚喺旺角麥花臣體育館開騷谷新歌。喺唱完幾首新碟作品後又唱咗《超人的主題曲》及《喜歡一個人》等幾首廣東歌，全場氣氛熱烈。
Eason心情都靚豬，聲線狀態又好，佢喺唱完一輪廣東歌後話：「原本唔想講咁多，但唱唱吓又想講，今日揀啲歌都係好少唱，我隨時都可以唱首《K歌之王》，或者唔好咁舊，隨時唱《無條件》都得，係隨時都得。」
但好快Eason就話今日唔可以隨心所欲咁唱：「話晒都係大碟宣傳，難得唱晒全隻碟嘅歌，怕冇機會。」然後，Eason要tag自己跟住唱嗰首歌，佢撰擇咗一個看似冇特別，但識嘅就發現好冧豬嘅tag法：「以下呢首歌都係好好嘅，就似我太太咁，《人生馬拉松》。」嘩！唔知台下嘅徐濠縈有冇被冧暈呢？
Eason唱多兩首歌後，就問現場觀眾：「細場係咪聽得楚啲，係咪正先？你哋都知㗎啦，年紀大咗越來越多嘢講，都係唱多啲歌，唔好做咁多訪問好啲，一陣又被人話。（台下觀眾問邊個…）大把人，唔講得笑冇幽默感，識笑嘅唔會留comment，稍為有涵養嘅都係笑完就算，費事寫嘢。」
(蘋果日報)
劉明軒上月16日剛40歲生日，不時都在喺網上update近況嘅佢，日前仲去咗灣仔利東街喺巨型月亮裝置自拍，不過今日佢忽然喺facebook貼咗幾張相，包括一張瞓喺醫院病床嘅素顏照，仲留言表示切除咗子宮肌瘤：「切除了十數個像太陽行星般的fibroids(子宮肌瘤)，雖然是微創，但頭兩天的痛楚比想像中大，比想像中更不適，護士們都告訴我，這其實是大手術呢！What an experience!!!感謝醫生及護士們的悉心照料，其實當醫生護士很偉大！現在總算一切平安。」
有周刊聯絡劉明軒，佢以訊息回覆：「多謝關心，早幾日入院做咗個微創手術，割除啲纖維瘤，因為最大嗰個都有大約9cm，所以都要做手術。現在正在休息及康復當中。」劉明軒曾於12年閃嫁王傲山，可惜婚姻維持1年便告終，今年6月被傳媒影到同57歲人夫、無綫非執董盧永仁多次短聚，其後盧永仁在facebook貼文，指二人只是生意夥伴，但未有解釋車廂親蜜原因。
(蘋果日報)
娛樂圈有唔少人都被指「撞樣」，首先有陳法拉前夫兼「Neway大少」薛世恒同袁偉豪。
薛世恒更表示過：「試過畀Ben嘅朋友或合作夥伴認錯。」仲有小朋友認錯佢係袁偉豪，話要同佢影相。
另外，蔡思貝更一直被同達哥撞樣。
其實娛樂圈仲有一對好似樣嘅「兄弟」，就係王浩信同楊明。
日前，王浩信出席無綫新劇《兄弟》拜神儀式。訪問時，王浩信表示劇集講述他與楊明、伍允龍的兄弟情，更笑指入行初期不少人覺得他與楊明撞樣。
「依家睇Playback都覺得係兄弟，個樣都接近八成。（你似佢定佢似你？）互相都似，唔知係咪失散兄弟？佢大我少少，但佢個樣細我少少。（你Keep得唔好？）冇辦法啦，多嘢拍係殘啲！」
王浩信經常同女拍檔傳緋聞，而今次就與文青女神江嘉敏多對手戲，問會否擔心跟對方傳緋聞：「唔怕，大家都係想做好個戲，希望各位高抬貴手。」又大讚對方喊功了得，有一場戲勁喊三個鐘，驚為天人。
提到他與眾女角零親密場面，問老婆陳自瑤會否因此而非常放心，他謂：「佢每次都好放心，係唔知點解會有古怪報道，所以冇咩特別避忌，做演員都係做好作品為大前題。」
(on.cc 東網)
