今天(4日)是中秋佳節，不少家長購買玩具燈籠，與子女齊齊歡度佳節。但東網發現市面今年「新進」的兒童玩具燈籠布滿危機，包括閃燈面具、音樂轉轉棒及彈跳螢光球，開動後不停跳動，隨時閃盲眼及受傷。有專家直指，欠缺保護罩的轉轉棒開動時如風扇運行，隨時傷及兒童面部及眼睛。有眼科醫生更警告，螢光球及轉轉棒轉動頻率急速，有機會誘發癲癇症，而閃燈面具發出的藍光亦有可能影響兒童視力。
東網記者日前在深水埗福榮街及灣仔太原街，購得3款今年新出的玩具燈籠，包括閃燈面具、音樂轉轉棒及彈跳螢光球，價格由25至30港元不等，由於售價便宜，深得不少小朋友歡心。其中太原街一檔玩具店出售的轉轉棒，開動後隨着音樂如風扇般不停轉動並有閃燈，店主向佯裝顧客記者表示，「3歲玩都冇問題。」不過該玩具沒有包裝，更未有寫上警告字句。
「閃燈面具3歲都玩得，藍光唔怕啦。」福榮街有不少出售該類閃燈面具的店舖，店主強調閃燈面具非常安全，毋須擔心其發出的藍色光會影響小朋友的眼睛，惟包裝上都未有列明警告字句。同一條街亦有多檔出售彈跳螢光球，拉着繩子在地上或拋在空中玩耍，便會發出耀眼的藍光。
理工大學機械工程學系前工程師盧覺強測試彈跳螢光球，將螢光球與膠球比較，並模擬一個身高60厘米的兒童，分別把螢光球及膠球掉下地面，計算出螢光球威力較膠球更厲害。另外，盧亦提到，轉轉棒如同風扇般不停轉動，卻無保護罩，兒童玩耍時，稍一不慎，容易打中眼睛，對兒童造成傷害。
「彈跳螢光球同轉轉棒嘅轉動頻率太快，不斷咁閃，有機會誘發癲癇症。」香港眼科醫學院前院長周伯展表示，兩款玩具燈籠長期極速閃動，會令發育中兒童的眼睛受傷害，除會有疲勞綜合症，若長時間注視，更會造成近視。而閃燈面具發出的藍光亦有可能傷害兒童眼睛。
另外，記者發現海關早前掃蕩後，在灣仔、上環、荃灣、旺角、深水埗的玩具店、文具店、香燭店及報紙檔，仍有多款侵權的卡通公仔燈籠。記者亦同時發現多款玩具燈籠無張貼「識別標記」及「雙語警告標籤」，涉嫌違反《玩具及兒童產品安全條例》。
海關發言人表示，由2012年至今年8月，海關共破獲25宗涉及燈籠侵權案件，並拘捕39人。
(東方日報)
據知，嘉欣今次同埋老公囡囡返香港，除咗噚日上好友馬浚偉嘅商台節目做嘉賓外，佢仲打算喺香港逗留兩個禮拜，主要係趁住中秋節，探親兼同朋友聚舊，之後嘉欣就會飛去馬來西亞出席活動，今次老公有長假期空檔，馬國之行，一樣會陪埋老婆飛過去。而下年同大台約滿嘅嘉欣，已經兩年冇拍過戲，有消息指嚟緊佢會為大台拍新劇《再創世紀》，而大台為咗遷就佢，劇組仲會去溫哥華拍外景一個月，方便佢湊女同照顧老公咁話，日前有報道仲話嘉欣打算等Kelly兩歲時，就為老公追多個，若然係真嘅話，真係有排都唔使再睇嘉欣BB做戲囉。
藝人岑潔儀（Zoey）出席活動，她表示現年兩歲半的兒子Damian就讀幼兒班，見證第一天上學時更感觸落淚，兒子更喊足一個月，她說：「送到佢返學見佢喊，見到嗰刻我都忍住，出到去先喊。我覺得小朋友長大得好快，個感觸好深，可以喊出個海洋，但佢都已經適應咗，丟低媽咪返學。（有諗住追多個？）會呀，努力緊，希望下年有好消息。（有問囝囝？）佢話no，唔要呀。（追個囡囡？）我自己鍾意女仔，但老公係傳統客家人，鍾意仔仔多啲，想生幾多個都OK嗰啲人。（係咪陪踢波？）可能係，老爺都係鍾意仔，而仔仔同老公成個餅印，我就好想要個女仔幫佢扮靚，可以似我。」
Zoey透露嚟緊會拍微電影及網劇，她表示方便遷就時間照顧小朋友：「囝囝返學，拍呢啲就冇咁困身，其實有電視台都有邀請我拍啲性感角色，不過推咗，覺得依家唔應該行性感，留番畀後生，自己想拍啲角色適合同健康形象。（同老公有約法三章？）有，佢唔鍾意我性感，但其他都可以。」
追B順其自然
千嬅個唱由12月23日開到12月26日，不過反應熱烈，會加開12月29日至明年1月1日四場，問到會否再加12月27及28日兩場？千嬅說：「開幾多得幾多，公司怕我辛苦，想我抖抖，加開到就開，開唔到就抖啦，冇乜所謂，今次已經破咗我之前開7場嘅紀錄。」因為千嬅未試過在聖誕及跨年開騷，她開心說：「人生得到好大紀念價值，好珍惜，今次會用好多體力。」問到仔仔Torres會否上台？千嬅說：「唔會喇，希望佢簡單啲。（老公丁子高上台？）唔會啦，因為佢都好忙。」
另外，不時送仔返學的千嬅坦言仔仔Torres已搭校車，並透露不時會與仔仔搭港鐵，千嬅指：「唔理，咪由人望囉，會不停Hello。（有冇人讓座畀你？）反而暑假同仔仔去大阪旅行時真係有人讓座畀我，當時我食到成60KG。（你有坐？）我冇坐呀。（即刻減肥？）食多陣先。」