韓流天王Rain今年1月與拍拖多年嘅演員女友金泰希拉埋天窗，兩人於5月再公開金泰希懷孕15周嘅喜訊，獲粉絲送上祝福，目前Rain夫婦正喺意大利進行「胎教旅行」。
而據韓媒《The Fact》今日報道，金泰希多選擇非繁忙時間、醫院冇咁多人嘅時候，孖住母親去醫院做體檢。報道又指雖然醫院方面冇透露金泰希更多嘅情況，不過透過Rain夫婦嘅熟人得知，當金泰希懷孕32周時做咗性別測試，得知BB係囡囡後Rain夫婦都相當開心，B女預計於下月尾或11月初出世。及後Rain及金泰希方面表示：「BB的確預計10月尾或11月初出世，但唔清楚BB性別，其他內容屬私生活部分，無法透露詳細。」
(蘋果日報)
23歲日本女星武井咲，日前驚爆與拍拖兩年半的人氣男團EXILE的32歲主音TAKAHIRO奉子成婚，令雙方粉絲大嚇一跳。
現正懷孕3個月的武井咲，曾向身邊人透露公布婚訊後，令她鬆一口氣。
不過，身為當紅女星的武井咲突然宣佈懷孕，卻連累事務所忙於為她「執手尾」，事務所職員連日來四出奔走，向廣告商交代及道歉。
武井咲現手執10個廣告合約，如廣告因其結婚及懷孕影響而要停播，違約合額恐超過7100萬港元。
另一方面，武井咲於2012年及2014年曾參演的真人版電影《浪客劍心》飾演女主角神谷薰，有指電影原定計劃開拍續集，添食大計現可能受到影響。
武井咲去年與男星長瀨智也及野村周平合演的富士電視台劇集《Fragile》，原定明年1月添食，武井咲因大肚將無法參演，令電視台十分頭痛。
（on.cc 東網）
藝人陳凱琳（Grace）出席港姐決賽活動，Grace性感欠奉，笑言自己行高貴路線，問看好那一位佳麗時，她坦言自己有點偏心，因為她是（8）伍樂怡的導師，都知她是大熱，過程中都有叫她不要太緊張，她謂：「一直都睇好佢，希望佢可以好好發揮，給觀眾好感。」說到昨日伍樂怡出席活動時似乎跌watt，Grace又為她說好話：「都唔算，佢個人好低調，自己都好欣賞佢呢一點。」
(東方日報)
前港姐龐卓欣（Ada）日前為慈善音樂會演出，她表示得到媽媽好友的邀請，到場獻唱兩首歌。
提到於網上推出朱古力奶昔及薯條的食譜影片，她否認「放毒」，因為所用的全是健康材料。
「我以前完全唔識煮，近年就好鍾意整健康嘅嘢，好想試吓喺屋企用唔同整法，可以慳錢，又可以健康啲。我啱啱去完旅行，都要Keep番，之前有人魚線，同媽咪去完歐洲就冇咗。」
她透露在歐洲常常吃麵包、芝士和火腿，就算吃沙律都加了很多橄欖油，因此很期待回到香港可以吃得清淡一點。
說到開烹飪班，她直言很想，不少粉絲都想知道她如何靠運動和飲食Keep Fit。
「我有秘訣，平時喺屋企食得好健康，喺街就好放肆，如果有4款甜品就會嗌晒，好誇張。我男朋友唔鍾意食甜品，但點都要食啲，佢唔鍾意食剩嘢，所以就肥咗啲。」
(on.cc 東網)
藝人陳琪同胡諾言生咗大女胡芷苓、細女胡芷悠同細仔「波仔」，依家一家五口樂也融融。。。
藝人陳琪同胡諾言生咗大女胡芷苓、細女胡芷悠同細仔「波仔」，依家一家五口樂也融融，幸福滿瀉。而9月3號係大女芷苓嘅生日，陳琪就有感而發咁喺Facebook留言：「胡家三寶，2009年嘅今天係我重要嘅一日， 因為胡家嘅大寶就喺嗰日出世！唔經唔覺咁就8年啦！由嗰一日開始，我就開始學習做媽媽！跟住幸福嘅感覺接踵而來……」眨吓眼，芷苓已經8歲，真係時光飛逝，唔怪得媽媽陳琪咁感觸。
(東方日報)
出爐港姐冠軍雷莊𠒇談到得獎感受。
她說：「當然好開心，覺得今晚自己嘅表現都幾好，雖然問答環節有啲甩漏，但我同自己講，唔好因為中文唔好而冇信心，結果我都做到咗，最後贏咗，好Surprise，我贏在信心，幾個月來我嘅信心冇跌過，希望都藉此鼓勵大家要相信自己！」
講到自己僅僅贏何依婷一票，雷莊𠒇表示：「最尾階段我都好緊張，因為DoDo（鄭裕玲）有兩票，我咁遠來到，當然想攞冠軍！」
她又開估雷莊𠒇的「𠒇」字之謎。
雷莊𠒇說：「其實我當年攞身份證嗰陣一直冇發覺，原來喺嗰刻已經寫錯咗，到我參選，我仲問大會做乜寫錯我名，佢哋話係跟住我身份證咁寫，我先發覺寫錯咗，我遲啲會去改番！」
佢打算之後在身分證改回個「𠒇」字，變回「兒」字。
(on.cc 東網)
今年無綫大玩破格，為落選港姐搞了一個「big big channel落選香港小姐」競選，經過一輪頒發一堆「玩味十足」的獎項後，終選出落選佳麗中的「真正冠軍」便是6號邱晴，但她出來領獎時，明顯不知獎項是甚麼，拋出一句「其實乜嘢嚟㗎？」令大家都笑不攏嘴，但她都欣然接受獎項以及多位落選港姐的祝福。
(東方日報)
2017年港姐冠軍終於出爐，芳齡23歲（5）雷莊𠒇在全晚表演穩定下摘下桂冠，兼奪最上鏡小姐，成為雙料冠軍！雷莊𠒇由上屆冠軍馮盈盈進行加冕並為她戴上后冠，可謂實至名歸。亞軍則由（1）何依婷奪得，（4）黃瑋琦奪得季軍；至於（8）伍樂怡大熱倒灶冇獎攞。
賽前雷莊𠒇被選中試戴后冠，今次可謂「打破魔咒」，雷莊𠒇今次絕對險勝，事關評判即場投票，她與何依婷同樣獲得4票，最終由「校長」鄭裕玲再投一票決勝。雷莊𠒇奪得后冠，絕對要多謝鄭裕玲「神聖一票」！
李嘉欣在馬季開鑼日第十場現身，手戴巨鑽戒指及粉色連身裙更顯高貴。
李嘉欣與老公許晉亨十指緊扣為家翁許世勳旗下愛駒「估惑」打氣，賽前更是頂頭大熱。
向來腳頭好嘅李嘉欣，每次現身馬場都為老公的愛駒拉頭馬。
問可有信心拉頭馬？李嘉欣回眸一笑點頭示意充滿信心。
當他們走到馬場沙圈時，即有馬迷要求向李嘉欣索合照，之後繼續跟友人有講有笑聊天，並行到看台準備觀賞賽事。
李嘉欣拖實老公許晉亨離開馬會。
(on.cc 東網)
現年47歲嘅陳慧珊，先後有過兩段婚姻，無獨有偶，兩任老公都姓鍾。陳慧珊曾經係大台當家花旦之一，但其實佢喺走紅之前，早已為人妻，與當年的花旦多為未嫁雲英嘅「趨勢」有啲唔同。
陳慧珊嘅首任老公係大學教授鍾偉明，網上流傳，當年陳慧珊同鍾偉明邂逅，係因為鍾偉明赴美求學，剛好租中陳慧珊屋企，每日鍾偉明都會刻意咁等埋陳慧珊出門，然後扮偶遇再打個招呼，再車埋陳慧珊返學，請佢食早餐。
當時陳慧珊已經鍾意咗呢個「香港仔」，最後兩人拍拖7年拖就決定結婚。咁啱，當時佢哋覺得喺美國冇乜發展機會，所以決定返香港博一博。就係咁，陳慧珊加入咗無綫明珠台新聞部，擔任新聞節目及天氣節目主持、記者及編導等工作；兩年後，更係鄧特希幫助下，轉過去翡翠台，正式成為藝人。唔知叫唔叫好彩，陳慧珊憑住套劇《壹號皇庭V》走紅，成為無綫力捧花旦之一；另一方面，佢同鍾偉明越走越遠，最終搞到離婚收場，於2001年正式分手，幸好兩人再見亦是朋友。
之後，陳慧珊專注演藝界發展，拍劇、唱歌，演藝事業推向高峰。到咗2006年，傳出與男友兼經理人鍾家鴻（Mike）結婚，翌年更被揭大肚，結果陳慧珊親認自己已經結咗婚，同年9月誕下女兒鍾律然。不過，Mike於2012年2月入稟高院自行申請破產，佢聲稱身為市場推廣公司老闆，因公司運作不大順利及遇上糾紛，自己又唔想糾纏落去，故與律師研究後決定申請破產，當中不涉及妻子，對家人生活亦不會構成影響，就係咁，陳慧珊獨力孭起頭家，接job、顧家、湊女全包。2014年甚至有傳陳慧珊被老公打，但佢否認，話係撞到私家車門車，先搞到「爆缸」流血。
(蘋果日報)
