個個都咁開心﹗而爸爸阿Bob就話。。。
藝人林盛斌（Bob）昨日喜獲麟兒，太太為他誕下第四位小朋友，仲要係慈姑椗添，真係仲開心過六合彩呀！Bob於下午現身醫院，仲帶埋三個女兒一齊探Bob嫂同BB，全程開心到爆！
BB出世激動落淚
Bob接受訪問時透露，B仔有七磅重，母子平安，有份入產房的他，見到BB出世一刻登時激動落淚：「之前太太生BB都有喊，好感動，覺得好奇妙，好多謝醫護人員幫手，入到去畀太太支持，叫佢加油，不過佢應該聽唔到，因為佢喪叫喪嗌！」他又指太太患有妊娠糖尿，醫生不建議拖太耐，所以B仔早點出世會較好，原定預產期為八月底九月頭，怕再留在媽媽肚中達八磅時，太太會生得辛苦。
談到Bob嫂的身體狀況，他表示：「健康嘅，佢已經行到，今次係順產，見到BB有何B仔覺得好奇妙，因為未見過呀嘛！」
「呢胎係仔係天意」
他又表示在個人社交網站上有不少人恭喜他追仔成功，但他謂一直沒有這個想法：「我同太太都好鍾意小朋友，呢啲係天意，一家五口嗰陣已經覺得好美滿，後來太太話想生多個，去年話不如再生一個，今次係計劃好嘅，但係仔定女就順其自然啦！」
順產生大半粒鐘搞掂
談到太太患有妊娠糖尿，令人擔心B仔會有糖尿病，他表示目前醫生正在檢查，要睇BB的血糖指數，而太太目前未有大礙。被問醫生可有建議過開刀生？他說：「咁又冇，話之前都自己生今次都自己生啦，過程係痛，但生得好快，大半個鐘搞掂！」至於太太可有需要繼續食糖尿病的藥？他說：「要睇吓醫生點講，希望唔使啦！」
帶埋三個女兒來醫院的他，表示三個女都十分期待見細佬，來到不斷讚細佬靚仔，至於可有輪流抱細佬，他謂：「未，因為怕細菌，細佬要瞓箱，我都未抱呀，一家六口相仲未影！」他又指太太預計兩日後可以出院。
請第三個家傭照顧BB
至於他是否準備停工陪太太坐月？他說：「休息唔到，下星期有talk show，又要拍戲，成個九月都要做嘢，要返內地，加拿大同泰國做嘢，最快要忙到九月尾！」不過他已經請陪月照顧太太，又打算請第三位家傭去照顧BB。
今年雨季吸風力強，颱風一個個輪流來襲華南沿岸。「天鴿」今早(22日)已進入香港800公里範圍，並逐漸增強，明早(23日)更會近距離掠過香港，香港天文台預測未來9天均有雨。另外，中央氣象局預料，天鴿將於明天在深圳至茂名一帶沿海登陸，未來10天南海及西北太平洋則再有一至兩個颱風生成。
陳柏宇憑個人實力喺樂壇唱足11年，今日喺九龍灣開記者會宣佈一擊即中，即將於12月2日舉行紅館處男個唱，記者會佈置彷如畢業禮。佢喺演唱會海報上，胸前仲扣滿唔同獎項嘅嘉許勳章，當中佢最喜歡一個係「陳廣偉」，因為呢個係佢嘅真名：「係一個代表，陳柏宇等於陳廣偉，就如Bruce Wayne代表蝙蝠俠。」
(蘋果日報)
電台DJ阮小儀21號正式重返電台為節目開咪，放了兩個星期大假的她，未有離港外遊，前日只孖好友森美捧場梁漢文假九展的演唱會，原來她不出外度假的原因，是要入院做手術，她在「復工」日完成節目後自爆住院原因：
「因為甲狀腺左右兩邊都出現咗2大個結節，Size頗大，唔切唔得，所以只好聽話，做手術搞掂佢。而家冇咗2粒大嘢，亦冇咗甲狀腺，以後每日記住食甲狀腺素補充劑就基本上ok㗎嘞。今次我好幸運遇到好嘅醫生，好嘅醫生朋友畀各方面意見我，同埋好嘅保險朋友，過程一切順利！休養咗2星期後今日開始回歸。而家傷口入面好番嘅進程就等身體自己搞掂㗎嘞，醫生話畀啲時間個傷口會冇問題！好，報告完畢。祝自己同每一位身體健康。」
並上載了一張手背插喉管及收到一束鮮花的相片，未知此花是否追求者因關心小儀所送呢？
