連工作簽證都辦妥，但可惜出發前被易角，佢無奈地話。。。
藝人王寶葆（春卷）早前有機會演出由荷里活男星史提芬史葛（Steven Seagal）監製的大片，連工作簽證也辦妥，但可惜在出發前被易角，她無奈地說：「個角色係女主角，係做一個蒙古公主，因為我本身有蒙古血統，之前仲飛咗外國去試鏡，其實已經傾好，但最後因為某啲原因臨時換人。」
因為易角一事令她有感原名王宝宝不利事業，故下定決心改名轉運，她說：「其實好多年前已經有人同我講過王宝宝呢個名好差，叫我改名，但呢個名係我媽咪幫我改，所以我冇諗住改，不過經過今次真係覺得自己好黑仔，所以決定改名，我連身份證同其他文件都改晒，個新名同原名係一樣讀音，只係唔同寫法。」
而大感失意的春卷早前更遠赴美國洛杉磯一個多月散心兼尋找新經理人公司，望在演藝事業方面有所突破，又順道在當地慶祝27歲生日。日前返港的春卷已忘記不快，並重新投入工作，正忙於拍攝由錢國偉導演的新片，她在戲中飾演反派，還有不少武打動作。
(東方日報)
「咁多位早晨，我個仔岀場啦！大家話似邊個？#小雞仔 #幾好肉地 #細佬 #感恩」恭喜恭喜﹗
前無綫新聞主播葉昇瓚早前喺Instagram宣佈老婆再度有喜佗雞B，佢接受訪問話：「多謝晒!今次老婆陀B仔，如果老婆開刀預產期就八月尾，如果順產，預產期九月初。」
而剛剛，葉昇瓚就喺IG/FB報喜啦﹗曬出同囝囝嘅合照，再寫話：
「咁多位早晨，我個仔岀場啦！
大家話似邊個？
#小雞仔 #幾好肉地 #細佬 #感恩」
葉昇瓚早前透露，前年囡囡出世後，為多點時間照顧家人離開無綫轉做公關，佢話今次係計劃之内：「囡囡仲有兩個月就兩歲，一直想生多個陪囡囡，生仔女都無所謂，知道係囝囝都開心嘅，湊成好字。」
恭喜哂﹗
(instagram)
唔知大家對兒童節目《閃電傳真機》有咩印象呢？呢個節目陪過唔少人長大㗎喇！
雖然節目已經冇再做，但都成為咗唔少人嘅一個童年回憶！
一班曾經為節目效力過嘅藝人同幕後朋友，就舉行咗一個名為「搞大咗閃電傳真機同學會」嘅派對。
當然重點係大家敍吓舊，結果一呼百應，總共有六十幾人出席。
當中藝人包括兒童節目始祖譚玉瑛啦，仲有黎芷珊、伍文生、麥長青、黃智賢、魯文傑、姚安娜、張沅薇、唐瑋琪、蔡子健等等，童年回憶返晒嚟！
好多網民都話好感動，雖然大家未必仲一齊共事，但可以抽空聚首一堂，人情味極濃呀。
(on.cc 東網)
全家到齊，場面超級感人。。。
歌手鄭敬基（Joe）兒子Jonathan於加拿大多倫多時間（20號）舉行婚禮，新郎完成接新娘儀式後，就依照中國傳統逐一向長輩斟茶，不過Joe認為一切從簡，故不用兒子及初歸新抱跪地請茶，可企起身向在座的所有前輩奉茶，而飲得新抱茶的長輩有Joe、現任太太及Joe媽，前妻及其現任丈夫，還有親家，Joe的女兒Natalie則穿超低胸裝出現，性感亦不失高貴，完成儀式後，一對新人就到教堂行禮。
Joe接受東網長途電話訪問時表示：「斟茶一刻，真係好感動、好感動，但要你講句說話嗰一刻啦，原來睇人哋好似好行貨，但原來自己講，就有好多好多祝福嘅說話想講，（講咗咩說話？）你哋彼此遇上咩問題都唔驚，最緊要有愛就可以解決，主祝福你哋，爭啲好長氣咁樣，見到佢哋充滿幸福，自己都無限感恩嘅，見到我哋屋企咁齊人啦，所以就好多感恩得嚟，充滿主愛的一個婚禮，好感謝主。」Joe又指前妻的現任丈夫非常愛錫他一對兒女，令兒女活在愛中。Joe大讚新抱寫得一手好筆，指婚禮「水牌」上的字出於新抱手筆。
(東方日報)
唔少做咗媽媽嘅女藝人，都好鍾意用社交網站玩直播同大家分享生活，呢次就輪到兩子之母嘅周家蔚喇，今次佢就直播教大家化妝！
一開波周家蔚就唔怕素顏見大家，望落去冇化妝嘅佢，皮膚零毛孔，真係令人好羨慕呀！
直播開頭仲見到周家蔚老公洪天明突然喺後面入鏡，雖然就未有見樣，不過佢都問吓老婆搞緊乜，見到周家蔚好溫柔咁話自己開緊Live，真係睇見都覺得好恩愛！
成個直播都見家蔚好溫柔咁邊化妝邊同大家傾吓偈，唔少網友都話其實周家蔚妝前妝後都唔係太有分別。
上妝嘅佢只不過係有顏色同精神，完全都唔係妝前妝後兩個樣！
之後又到細仔JT亂入，又喺度問媽媽做緊乜，仲攞住個化妝掃扮化胭脂，非常搞笑！唔少網友都讚周家蔚個妝夠自然，仲叫佢開多啲Live同大家互動吓，大讚佢真係好親民呀！
（on.cc 東網）
佢分享到，想要身體好，就要學識呼吸嘅藝術，之前佢病，就係因為生活過分緊張。。。
藝人黃日華的太太梁潔華曾經歷大病，坦言活了大半世人，若非上天讓她遇上粵劇，她連怎樣呼吸也不懂，就像經歷過人生大起大落，才開始頓悟；梁潔華不諱言，沒有粵劇，也沒有今天的梁潔華！
學懂慢活人生
粵劇又稱大戲，對曾是藝人的梁潔華來說，人生的大戲要數早年患上急性白血病（血癌），她說：「其實我好感激上天畀我認識粵劇，以往我做嘢好急躁，但粵劇係如果想唱得好，就要學識呼吸嘅藝術，之前我病，就係因為生活過分緊張，搞到身體唔好，唱戲係愈緊張愈唱唔好，我係喺粵劇裏面學懂養生之道，學識放慢生活，我做咗半世人先學識呼吸同放鬆自己！諗番當初學粵劇，其實係因為嗰時同事話我把聲好啱唱粵曲，我都想搵師傅學，後尾想當埋減肥，就跟名伶文千歲學粵劇。（粵劇減肥得咩？）得，睇我以前啲相幾肥就知！」
踏台板做埋策劃
梁潔華拜師後，才初窺粵劇藝術堂奧，她說：「我讀藝訓班（無綫）出身，起初以為粵劇好簡單，原來處處係學問，師傅係有教無類，睇你程度再安排你演出，我有幸同師傅同台演過《白蛇傳》，我鍾意神仙故事，想像空間大！（囡囡黃芷晴被你薰陶都愛上粵劇？）佢對粵劇唔了解，平時跟佢爸爸學做戲，反而我同師妹千珊就講粵劇講唔完，我當咗佢係第二個女！我哋9月喺高山劇場演出《紅樓夢》，我做埋策劃，明年仲會有兩大演出計劃，但香港演出場地真係唔夠，希望政府做多啲，支持年輕一代粵劇表演者！」
(東方日報)
袁詠儀喺微博上載咗幾張喺飯局中同成龍嘅合照，話同對方廿年心結，一相泯恩仇。
呢個飯局除咗令袁詠儀同成龍大家笑晒口，大團圓結局之外，仲有另外一層意義，就係畀一班返內地工作嘅香港藝人，一齊食吓飯，分享吓工作上嘅嘢。
有份出席嘅汪明荃都有喺社交網上，上載多張飯局上嘅合照。
連久未現身公開場合嘅張敬軒，同依家忙住喺內地拍劇嘅林峯都有出席，非常熱鬧！
汪明荃好開心咁話：「8月18日參加了一個很有意義的晚局，大哥成龍從北京回來、特地請大家吃飯、敍敍、傾吓計。⋯⋯和很多台前幕後演藝人歡聚一堂，除了食，大家還傾到了很多在內地工作上的情況 /交流 /發展 /困難/遇到的問題。我覺得這樣的飯局，至少要一年一次。」
(on.cc 東網)
苟芸慧（苟姑娘）早前成為由其男友陸漢洋成立的車隊「一颷賽車」的車隊大使。
日前她以大使身份隨男友及車隊參加馬來西亞舉行的「亞洲勒芒衝刺盃」，並見證陸漢洋成為該盃賽的年度總冠軍，亦是首位華人奪得此殊榮。
苟姑娘見到車隊奪魁一刻，不禁興奮大叫「great job」。
當陸漢洋衝線回來後，苟姑娘即時上前恭賀男友，兼開心得與對方來個愛的抱抱。
「車隊成立咗咁短時間已經得到呢個成績，作為車隊嘅一份子真係覺得好驕傲。大家都好努力好努力先能夠做到，之後車隊一定會再挑戰更高級別嘅比賽。祝福車隊成為長勝將軍，為港人爭光。」
陸漢洋也不諱言是次總冠軍意義重大，因為他是首位華人踏上這個頒獎台的最高位置。「呢個冠軍得來不易，全靠大家嘅努力先有呢個成績。最開心係不單止車隊做出咗不可能嘅任務，而係自己以香港車手身份攞獎。好多人覺得香港車手不足為道，今次感覺真係為港爭光。
(on.cc 東網)
大家都知45歲嘅袁文傑同兒童節目主持出身、現年40歲嘅女友張潔蓮（Jackeline）拍拖6年。。。
袁文傑91年無綫藝員訓練班畢業，之後卻選擇加入A記，決定做亞視出身，一做15年，袁文傑去年重返大台，冇「無綫親生仔」之名加持，但就能夠憑《不懂撒嬌的女人》中「游生」一角彈起，《蘋果》今次就搵嚟「游生」袁文傑，剖白佢嘅內心世界。 
最近袁文傑應邀成為信貸公司代言人，係入行27年嚟嘅第一次，袁文傑話：「當然非常開心！終於做到嘞！廣告我拍唔少，代言就第一次，呢個係大品牌，拍攝好開心，今次拍攝有特技，幾有難度，又識到新朋友。」
講到酬勞係咪好高？袁文傑笑笑口話：「當然非常滿意，都有6位數字。」自從「游生」一角彈出，o依家仲做埋代言人，事業得意感情又點呢？
大家都知45歲嘅袁文傑同兒童節目主持出身、現年40歲嘅女友張潔蓮（Jackeline）拍拖6年，係公認嘅一對，常被讚係暖男嘅袁文傑，原來已經計劃好，兩年內娶Jackeline，佢話：「我都係做返男友本份，暖唔暖男都冇相干，大家年紀都唔細，希望兩年之內啦！」
而袁文傑亦一直視對方係結婚對象，佢大讚Jackeline話：「佢係一個好好嘅女仔，我未遇過呢種性格嘅女仔，佢好單純，相處得好舒服，唔使顧忌太多，到我呢個年齡嘅人嚟講，但求大家相處舒舒服服，唔需要波瀾壯闊、驚天動地，過晒嘞！呢刻彼此相處係最好時機。」
講到夢想婚禮，袁文傑就話：「個人崇尚自由、低調、隨意啲，話聲畀啲老友聽就算。但我曾經公開講過會搵陳啟泰、張文慈同蔡國威做婚禮嘅司儀，之前同啟泰食飯佢追問我幾時？叫我唔好甩底！佢嚴厲地逼迫我，我不能低調處理，難得泰哥咁認真對待。」但講到生兒育女，袁文傑就話：「湊小朋友好大責任，屋企已經有囝囝要用心照顧，我係講隻貓，生B冇諗過喎。」
由自己結婚，到心臟冇事，之後阿女畢業，跟住到阿仔碩士又畢業，再去到今日。。。
恭喜！歌手（Joe）今日榮升做老爺了，他的兒子Jonathan於加拿大多倫多時間（20號）舉行婚禮，Joe以短訊回覆東網充滿喜悅：「今日是Jonathan同佢太太Candice嘅大日子，講開心做老竇嘅我係更加開心，由2016年裏面，由自己結婚，到心臟冇事（去年做過通波仔手術），之後阿女畢業，跟住到阿仔碩士又畢業，喺澳洲開始佢自己物理治療嘅事業，之後到今日真係要好感謝主，因為阿仔能夠搵到一個同佢一樣信念，佢太太係一個音樂治療師，大家有好多共同興趣，可以好支持大家。」
禮金超過6位數
今早，一對新人會進行斟茶儀式，阿Joe表示心情好平安，因為知道主會照顧一對新人，他說：「做父母最大喜悅，你嘅小朋友有另一個小朋友可以照顧佢喇，佢哋就會好好彼此相愛，因為有人支持嘅時候係好開心。」由於女家比較多中國傳統，Joe笑說：「今次我都係第一次被人斟茶喎。」問到他送了甚麼禮物給兒子及新抱？阿Joe透露一對新人婚禮完成後，他們就會出發往西班牙度蜜月，跟住兩人就會返澳洲生活，他說：「我諗咗好耐最適合佢哋嘅禮物係咩呢？覺得都係cash（現金）最適合，我好感恩，嚟婚禮前兩日喺美國紐約有個騷，我就將全數cash（歌酬）送畀佢倆個，我覺得美金比較實際，佢哋去歐洲又用得，去到澳洲又換得，連佢哋去旅行嘅機票都幫佢哋出晒，我哋家庭禮物呢啲已經好豐富，大家互相支持，大家聲援大家嗰種感覺。」估計阿Joe這份厚禮超過6位數。
讚新抱賢良淑德
阿Joe坦言最大感受是憶起很多昔日兩
父子的溫馨片段，他說：「最記得佢細路仔騎住我膊頭，佢舐啲頭髮，呢個小伙子依家大咗結婚了。」Joe透露今日一對新人會先在教堂行禮，晚上會有西式婚宴，明晚就輪到女家傳統中式的擺酒，阿Joe大讚新抱賢良淑德，他說：「要感謝親家畀個女照顧我個仔，阿仔有大班兄弟，喺澳洲同佢一齊飛過嚟加拿大做佢戥穿石，我衷心祝福佢兩個，我會陪吓佢哋，直到佢哋去度蜜月，先自己去玩吓，然後就返港工作。」
鄭敬基當年同李婉華拍《卡拉屋企》成為好友，婉華一早就識得Jonathan。
錢嘉樂（中）睇住鄭敬基仔仔大，當年嘉樂飛到多倫多探望佢哋父子。
