2006年張柏芝和謝霆鋒在菲律賓秘密結婚，不過兩人這段夫妻關系只持續了6年，2012年謝霆鋒和張柏芝正式離婚，謝霆鋒之後和王菲復合，而張柏芝就做起了單身媽媽，獨自撫養兩個兒子。
8月19日早晨，張柏芝在IG上曬出一張為兒子做愛心早餐的照片，此前她還做了一場直播。張柏芝在評論裡還稱自己眼睛哭腫了，多謝粉絲稱贊她美其實樣子醜得不得了。
在早上6點，張柏芝在IG上曬出一段劃水的視頻並附上一段長文，張柏芝寫道：不管發生什麼我都堅持自己不放棄的精神，我的人生有透不過氣的壓力，一次次的失敗流著淚親手把眼淚抹乾，現在還是勇往直前。
這段話其實是說她的人生經歷，之前她婚姻失敗，不過她沒有放棄追求愛，她之前也說到有人追求，只是因為要照顧兩個兒子才一直單身。不過今天張柏芝應該是暗示自己將開始新戀情了，因為昨天她直播的時候曾公開表示有新追求者，而且這個人追求很熱烈，攻勢強烈，她內心有一些糾結。
有網民在評論區祝福：「希望你往後的路是你所想所愛，暢通無阻。」張柏芝也回復她「我也這麼覺得，說得我那麼開心，你真聰明。」
祝福張柏芝，希望她新戀情順利！
（騰訊）
今年四月英國皇室成員威廉及哈里王子兩兄弟齊齊現身《星球大戰8》片場，開頭以為佢哋純粹探班，之後就傳出佢哋參演《星戰8》嘅消息。
皇室發言人未有就傳聞否認，而電影公司方面亦都拒絕回應。
呢個消息終於得到證實，佢哋兩兄弟仲會做反派角色！
在上一集《星球大戰：原力覺醒》中飾演「叛變白兵」Finn一角的演員John Boyega，接受訪問時確認威廉同哈里演《星戰8》嘅傳聞。
「我受夠這些秘密了！他們（威廉與哈里）確實會參與演出，我不想再守着這個秘密，反正遲早會洩漏出去！」
據知威廉同哈里將會飾演反派「帝國風暴兵」，到時戴住頭盔，除非有類似「叛變白兵」嘅劇情，否則都好難認得出佢哋兩兄弟。
(on.cc 東網)
蕭正楠（Edwin）、曹永廉（阿廉）、王君馨等於將軍澳出席《超時空男臣》之「超時空午宴」活動，無綫助理總經理（戲劇製作）曾勵珍亦有現身，更大讚眾演員演技出色。
Edwin日前與女友黃翠如到英國旅行，問到此行是否籌備婚禮。
他笑說：「我都唔知乜嘢叫睇景，拍戲就要睇景啫！我未去過英國，今次係正式去。我拍咗三部劇，好耐冇休息，咁啱佢都去探細妹，大家決定去呢個旅行，但只不過係一個好普通嘅旅行，唔好將結婚、度蜜月掛鈎。」
對於阿廉上次宣傳劇集時指後生仔有衝動註冊，Edwin笑說：「我都唔後生。」
他又指女友從來未入球場睇波，今次卻與他一同睇愛隊曼聯的比賽：「佢唔識乜叫越位都問咗我半個鐘。」
問到翠如BB係咪等佢表示，Edwin：「我都等佢喺七萬幾人前求婚，等到入球都未等到，大家互相等。不過呢個trip令我更加了解佢，佢好錫佢細妹，又知慳識儉，漢堡包貴都唔捨得食。佢係好女仔，娶得過。」
身旁的阿廉笑指Edwin可能早已求婚，但被女方拒絕。Edwin笑說：「唔係！今次純粹旅行，我都等佢求婚，佢性格好怪，要畀佢做主動。希望快啲，我都唔想等咁耐。」他表示父母未有催婚，現先畀心機工作。
（on.cc 東網）
袁偉豪昨日出席活動時，大方公開與張寶兒的戀情。提到舊愛岑杏賢送祝福，他說︰「我知道，她有看到新聞。當時仍未知真假時，她已傳了訊息給我，我很感激她﹗」
袁偉豪坦言跟岑杏賢分開後仍有聯絡，2人如親人般以第二個方式繼續去愛對方。他說︰「我很釋懷，大家都可以繼續向前﹗」
岑杏賢目前仍然單身，他就找到新戀情，可會為對方著急？袁偉豪說︰「相信她絕對會找到一個適合她，甚至乎比我更好的人﹗」
(明報)
三哥苗僑偉同三嫂戚美珍愛囡苗彤（Phoebe）今日喺灣仔一間餐廳舉行迷你影展，埸內掛上近十幅作品，係佢近兩年喺香港、泰國同美加所影作品，主要影人像為主。今次係佢首次辦個人相展，未知何時再辦大型影展，暫時以全職攝影為工作，會拍攝婚紗相。平時鍾意周圍影人，但從未試過以家人為模特兒，當提議佢幫爸爸三哥影寫真？佢話:「佢就想啦。」
父母同弟弟非常支持，但三哥開緊工嚟唔到，媽咪就陪住三哥開工，而細佬苗俊身在加拿大，講到細佬日前不小心於IG公開咗譚曉風（Howard）容貌，Phoebe完全唔知情，佢話:「吓，Howard，我完全唔知。我哋同佢都識，可能佢同細佬都喺加拿大，所以見到面。」佢又講到自細父母無特別要求佢哋保護容貌，而佢同細佬都一向低調。
（蘋果日報）
入行14年的無綫藝人李施嬅，早前在美國拍微電影《Once More》獲《European Cinematography Awards》及《Los Angeles Film Awards》的最佳女主角，施嬅成為雙料影后。
「胡說八道會」成班姊妹成日講笑話去荷里活，今次真係去到了 ！
李施嬅：「我發夢都估唔到，我用咗我呢14年嚟嘅經驗累積得嚟嘅成果，我真係唔止開心，係一個好好開始同埋鼓勵，自己嘅實力被肯定，班姊妹都為我驕傲。」
去年拍這套微電影後至贏到獎，施嬅一直未有向公布，她表示趁今次為無綫到澳洲拍旅遊特輯之機會，與一班姊妹分享喜悅。
「除咗豹嫂外，佢哋個個都有獎，係我一個入行十幾年都冇攞過任何獎，所以今次我好想同佢哋分享，佢哋都好感動。」
(on.cc 東網)
【結婚擺酒】前港姐：Ready 造人
29歲前港姐亞軍李姿敏與53歲練馬師老公賀賢於中環補擺婚宴，李姿敏與老公合照時勁晒手上的巨鑽戒指，手上又戴上鑽石手鍊、頸則配戴珠鏈，閃爆全場！賀賢更兩度錫老婆臉頰，相當恩愛！
二人早前已於澳洲簽字結婚，李姿敏謂與老公在香港多朋友，故想分享喜悅再補擺婚宴，當時於澳洲簽字時舉行了小型婚禮，大約80人出席，她說：「今次都係小型，擺25圍！（有冇斟茶儀式？）有，因為我親戚喺美國返嚟，所以做足啲，不過就冇接新娘，因為老公啲兄弟喺澳洲嚟唔到！」賀賢就笑指斟茶儀式猶如令他上了一課。
問到二人可有被催生仔，李姿敏謂在準備中，因他們都喜歡小朋友，至於想生仔定生女？她說：「如果有咗，反而唔想咁快知，咁樣有驚喜，自己想生仔先，咁樣有哥哥去照顧妹妹！」李姿敏亦表示與她同屆的港姐劉倩婷與熊穎詩早前有赴澳洲參加她的婚禮，今晚亦會出席婚宴。
(on.cc東網)
前港姐冠軍翁嘉穗的長子、現年16歲的鄔謨雲（Jason）是舉重界新星。
今年四月曾打破三項香港健力舉重紀錄，一舉成名。
今日他再下一城，Jason在香港舉重健力總會舉辦亞洲國際健力及臥舉博覽錦標賽中，參加了三項賽事，其中在蹲舉與硬舉中，分別以215公斤及225.5公斤打破了亞洲青少年組蹲舉及硬舉紀錄，非常犀利！
翁嘉穗即時把Jason打破紀錄的片段放上社交網站分享喜悅。
翁嘉穗透露舉重健力總會希望Jason可以推廣該運動，所以Jason成為重點訓練的對象，而兒子亦希望日後可以有機會參與世界賽事。
近年才接觸舉重運的的Jason成績驕人，今年四月首度出戰第60屆體育節香港健力錦標賽2017，不單贏得青年組冠軍，還打破蹲舉、臥推舉和硬舉三項香港紀錄。
其中由Jason所創造的蹲舉新紀錄，更超越舊紀錄一倍有多，而Jason最近亦被邀請加入港隊，代表香港出賽。
(on.cc 東網)
於觀眾及粉絲眼中，打從無綫劇集《城寨英雄》開始，早已認定陳展鵬與胡定欣為一對，但往往天意弄人，途中卻殺出個曾參選港姐的單文柔，令大家嘩然之餘，更跌到一地眼鏡碎，起初粉絲們對展鵬這位新歡的確未能接受，但正所謂你有你鬧，我有我愛，早前趁公司活動更雙雙接受訪問，以行動證明這段戀情並未動搖。
唔想令大家尷尬
不過隨住近日展鵬與定欣新劇《同盟》正熱播，「定鵬」緋聞又再被翻抄，展鵬對此也大感無奈，他謂:「冇法，惟有順住去，其實好多演員喺劇度付出好多，但每次報紙都係出現定欣、山聰、我呢啲，又會出咗啲唔係關於參與呢套劇嘅演員新聞，我諗監製都未必鍾意！（接受咗每次被問感情事？）冇所謂，只要唔好令大家尷尬，私下問乜都得，你問乜都會答，我又唔會避開問題唔答，但要睇場合，係好難控制到，可能咁先有Gimmick，希望大家有個平衡。」
「唔在乎認唔認，要保障對方」
展鵬坦言從來沒有專登低調感情事，認為媒體可能會覺得他是逃避，他謂:「有時未必咁合適，冇啦啦半版（指報紙）係佢（單文柔），好奇怪，可能觀眾鍾意睇，有時覺得男人投入工作，唔好擺咁多兒女私情，公司活動冇咩所謂，各有各開心。（咁認唔認拍拖？）唔在乎認唔認，要保障對方，認拍拖、結婚唔難，係時間性啱唔啱，開心當然好開心，唔開心亦會受好多壓力，分開仲要承受，我係成熟男人，總之合得嚟開心就自然係，時間證明一切！（依家感情生活ok？）幾好，冇乜特別啦！」
同定欣不嬲最有默契
談到前緋聞女友定欣，展鵬不諱言雙方默契度已達到沒有需多講地步，只要一個眼神便獲悉對方所想，更謂：「大家已經有咗默契，有種互相信任嘅基礎，令我哋可以喺特定空間發揮到好多嘢，喺咁多個拍檔之中，暫時只有定欣可以做到咁樣，至少呢個圈入面，冇女仔可以有佢咁嘅體能先啦！劇入面佢打得好甘，搞到佢都驚驚地會變咗做打女，記得拍之前有一齊跟教練操體能，定欣玩嘅重量係同男仔差唔多，所以畀佢打一巴都幾係嘢！當然，成套劇都會有親熱戲，動作得嚟都浪漫嘅。（呢套劇有喜劇成分，覺得自己搞笑叻唔叻？）平時係少拍呢啲戲，所以今次拍之前都排，間唔中可以爆肚，同埋加咗好多動作落去，令成件事好笑好多，我同定欣劇入面嘅對手全都係咁，好好笑。」
容易受傷的男人
雖然定欣不乏打戲，但展鵬自言也毫不遜色，劇中要應付連場巴西柔術及綜合格鬥（MMA），由於後者從未接觸過，所以開拍前特別上堂接受訓練，沒料過程間差點弄傷頸，認真驚險。對於近年開工頻頻受傷，儼如容易受傷的男人，展鵬表示理應因缺乏休息所至，他謂:「巴西柔術係幾難，體力要好夠，我學咗幾招，原來每招都有名堂，但拍嗰時都有用替身，因為體能真係唔夠，監製知我好唔夠瞓，套劇試過最長開工40個鐘冇瞓，每日開廿個鐘係基本，不過最甘係拍《叛逃》，成50個鐘冇瞓過。」
對於劇中最深印象的一幕，展鵬首推於台灣沙灘拍攝的衝浪戲份，透露當時天氣僅得5、6度，海浪亦起伏不定，已放下該玩意十多年的他，卻要於沒有救生員情況下落水，故顯得戰戰競競：「一捲出去海就冇，但都要頂硬上，好似最終都有兩個take上到板，導演仲喺個shot度偷到好多嚟用，好開心。」至於揸槍部分，展鵬笑指這令他苦惱了一陣子，他謂:「唔眨眼真係難，都唔明定欣同鮑姐（鮑起靜）點解可以開好多槍都唔眨眼，我有個shot開8槍，監製話我好嘢，8槍都眨晒眼，所以叫我下次都係戴番副超，後來到中尾段，我終於衝破到障礙，原來唔係驚槍聲，係驚開槍之後嘅火，團火喺面前自然會驚，之後我睇番好多戲，原來好多男演員會眨眼，就連周潤發都有，只不過依家大家要求高，想個個都似這個殺手不太冷咁，開槍點都要型用靚啫！」
(on.cc東網)
型男袁偉豪（Ben）到旺角出席咖啡活動，即場示範沖泡咖啡。
與港姐張寶兒的戀情曝光後首度現身的Ben似乎早有準備，記者恭喜他有拖拍，他即大方承認戀情說：「Ok，識個新朋友。（係咪拍拖？）算係，始終大家都要工作，咁我未過Probation（試用期），大家仲需要時間磨合。（係咪《打工捱世界II》撻着？）你哋覺得係就係喇，喺旅程了解對方嘅，始終都有三個月時間，本身都想穩定啲再講，大家知我比較低調，但始終紙包唔住火！」
講到繼前女友岑杏賢後再與港姐拍拖，Ben因而被封「港姐殺手」他笑言：「要多謝大家畀面，只係咁啱有緣，我做大媽殺手都得。自己都想向前，到咗想穩定嘅年紀，始終感情事好難講，自己做嘢工作圈子都愈來愈細，見得多嘅都係同行，經過我多番考慮，決定坦誠面對。（張寶兒有咩吸引你？）主要係眼緣，佢份人好甜、心地好、係吸引嘅。（見咗家長？）未，大家都忙，今晚都要返深圳拍嘢，大家暫時手機聯絡住先。」
(on.cc東網)
