「人生於世上，有幾個知己」嘩！好老土呀！要慶祝友誼萬歲，梗係要學吓佘詩曼佢哋「七魔女」咁，大騷美腿影相做紀念，先至有睇頭㗎嘛！
今日阿佘就喺ig上載咗一張佢哋好姊妹姚樂怡、梁靖琪、周家蔚、鍾麗淇、湯盈盈同文頌嫻，七個美魔女齊齊着上因你變耀眼嘅白恤衫，晒出七隻美腿，呼籲大家睇相時，最好預備一副太陽眼鏡！講到咁難得約到一齊，原來呢個係Toby嘅生日願望，佢接受訪問時話：「其實呢個係我生日願望之一，嗰日我生日，就約咗佢哋一齊影輯相，咁啱今日818就係我哋十周年，七姊妹嘅十周年！」
而湯盈盈以短訊回覆傳媒時話：「係我哋friendship day，我哋識咗十周年。而我哋又成日各有各忙，咁啱Toby生日要求我哋一齊影，又咁啱今年係我哋認識十周年嘅friendship，識到一齊嘅七姊妹十周年囉！」。
周家蔚亦回覆話：「我哋818友誼十周年。（現場有冇比較邊個條腿正啲？）冇話正唔正，剩係話黑同白咋，哈哈。」「七魔女」全部都咁索，講到腿，大家又點睇先，姚樂怡就話：「個個條腿都索，Margaret(鍾麗淇) & Toby屬健康結實型，Janet(周家蔚)就好sexy，而阿佘、文頌嫻同湯盈盈就白滑吸引！」問到十年來七姊妹有冇試過鬧交？佢話：「有意見不一致，因為大家都有自己point of view，但從來冇嗌交，有唔開心會攞出來講。」姚樂怡仲話，能夠維繫十年感情真係好難得，所以佢哋都好珍惜對方㗎！
而阿佘就用英文留言話：「We’re not perfect.We laugh too hard,we’re way too loud and we make complete fools out of ourselves(sometimes..haha..).We’re too comfortable with each other,and a little too close for comfort.Our smiles are genuine and we make our drinks too strong but some how we know that being together is whats going to make us together.Love you girls so much..Happy 10 years！」意思係話：「我們不是完美。我們笑得太癲，我們太吵鬧，我們會做無聊蠢事（有時，哈哈）。我們太習慣在一起，和有點太互相倚賴。我們的笑容都是真誠的，我們調製的酒也太烈，但我們清楚知道就是「在一起」這概念令我們互相扶持。姊妹們，愛死你哋。」
能維繫十年感情並不易，阿佘接受訪問時被問到咁多年姊妹有冇鬧過交？o依家感情好難得？佢話：「冇鬧過交，因唔係淨係愛彼此嘅優點，係愛埋彼此嘅缺點，大家不斷付出，而修成嘅正果，哈哈」。十年真係唔係一個短日嘅日子，能夠相還相知，姊妹情深，真係唔容易啊！希望佢哋七姊妹能夠友誼長存，再有好多個十周年靚相啦，但唔知下次佢哋除咗騷美腿，仲會騷咩呢……
(蘋果日報)
韓國女團少女時代的隊長泰妍昨日由韓國出發到印尼雅加達，出席海外活動，原本到海外見粉絲是開心事，不過她昨日到達當地機場時引起混亂，大批粉絲湧上前，更令到她一度失足倒地！泰妍今日凌晨於社交網發文，除了擔心粉絲受傷外，更自爆遭人摸胸及臀部，令到她十分驚慌，呼籲粉絲要守秩序。
泰妍在文中表示有太多人衝上前，令到所有人都纏在一起，她跌倒後身體一直抖震，更流淚不止，雖然她表示知道粉絲可能不是故意，但混亂間不斷遭人從後面及側面摸胸及臀部，令到她十分慌張，一直處於緊張狀態，加上當地的保安因為安全起見突然從後抬起她，更令她受驚。
泰妍公開發文後引起粉絲震怒，指SM事務所應安排更多經理人及保安保護藝人，又轟粉絲觸摸藝人的身體更是令人忍無可忍，更指泰妍在仁川出發時亦是被包圍，更被媒體的攝影機撞到頭，要求SM事務所增強保安，保障藝人安全。SM事務所回應表示泰妍受到驚嚇，現在心情已安定下來，會與當地合作加強保安，而當地活動主辦方面亦為事件道歉。
