歌手張敬軒今日（27日）透過唱片公司宣佈確診，其現正舉行的演唱會需即時延期。
英皇發聲明：
「因張敬軒先生初步確診新型冠狀病毒感染，現張敬軒先生按相關防疫規定正接受隔離。就原定於香港會議展覽中心展覽廳5BC舉辦之《Revisit張敬軒演唱會》2022年12月27日、12月30日、 12月31日、 2023年1月1日及2023年1月2日(共5場) 場次，主辦方將延期舉辦。在此，主辦方英皇娛樂集團及張敬軒先生對是次突發事件對已購票觀眾帶來之不便深感抱歉，希望張敬軒先生能儘快康復並能與各位樂迷及觀眾見面。」又指後續安排會在兩星期內公布，大批粉絲送上祝福。
其實昨晚（26日）Boxing Day，張敬軒已沙聲，但依然落力於舞台上演出，來到最後還因為觀眾的熱情，昨晚共Encore了三次。
當唱完《無能為力》後，歌迷繼續叫Encore，還想送禮物給他。不過這時張敬軒已不像以往一樣行近歌迷收禮，為安全起見保持距離，然後他遠遠問歌迷：「咩來㗎？咁似避孕丸？哈哈。多謝每一位朋友，我好開心呀今晚！我剛剛先知原來今日係公眾假期補假呀？但係會展班同事都要休息啦，我都聲沙啦，樂隊呢？走埋？哈哈。」
及後有人他清唱，他叫歌迷替他祈禱，稱下半場突然標冷汗：「不如出年又開啦…哎也唔會過來收禮物啦，其實我係唔掂得你哋禮物架，我冇載口罩，同埋我需要大家今晚返去，無論你咩宗教信仰都好，都為我祈禱，我有做快測，仲係一條線，但係今晚去到下半場，我一路標冷汗，你地集合力量幫我，叫張敬軒唔好病好唔好呀？」
有網民得悉張敬軒確診，表示擔心很快出現「張敬軒群組」。
（綜合報道）
