森川實業在Facebook專頁表示，最新一批約10000盒成人及中童口罩將於下星期陸續抵港及推出，繼續於全港各大藥房有售。
成人50個裝
成人30個裝
森川實業表示，各大藥房的Ex-ProShield系列口罩現貨只剩餘少量，甚至已沽清。但最新一批約10000盒成人及中童口罩將於下星期陸續上市。森川實業會在稍後時間公布發售地點。
中童30個裝
【made in HK】王維基HKTVmall宣佈好消息：口罩料2-3星期後開賣
早前HKTVmall宣佈會爲港人製造口罩，最近終於迎來好消息！HKTVmall 在Facebook專頁公佈，等了足足一個月，口罩機終於由台灣送抵 HKTVmall 的將軍澳總部。較早前，官方已公佈來自美國及台灣的防菌 filter原材料，以及無塵車間都已準備好。
據 HKTVmall 帖子所講，口罩機裝嵌完成後，還要做一些調整及試產，而從帖子中的影片看到，口罩生產機已成功試產一些印有 HKTVmall 及made in HK字樣的綠色口罩。
不過，HKTVmall 暫時未公佈進一步預售詳情，只表明口罩一定要做足功夫：「質素同可靠嘅生產設備最緊要，否則戴咗等於無戴！」HKTVmall 的口罩機在準備投入生產之前，無塵車間會再做一次大清潔及消毒，之後還要通過測試及驗證，「喺兩至三星期之後口罩就可以開賣俾大家帶返屋企。」
【成人$95/50個 兒童$60/30個 方便小朋友戴】買Oxyair Mask前必睇！
新冠肺炎蔓延全球，高峰期已殺到埋身，不少市民每日都為抗疫產品奔波，口罩更是長期短缺。本地口罩廠Oxyair Mask預告賣口罩，吸引大批市民欲購買和查詢，因此廠方就再次與大家公布買賣程序細節
，務求大家可以多加了解，順利購買。
問：幾時可以買？
答：我哋會待品質檢測完成先會開售，目標係4月第2個星期。
問：有乜嘢途徑買到？
答：開售嘅時候第一步我哋會用網上派籌抽籤，之後會用傳統店舖銷售嘅方法，至於傳統嘅店舖銷售有待同合作方溝通好再話比大家知。
問：點樣可以攞到籌抽籤？
答：開售嘅時候我哋逢一至五，早晚各一次派籌抽籤，抽到籤嘅朋友直接會跳到付款版面。
問：星期一至五早晚派籌抽籤係幾點？
答：現在和合作方商討中，確認之後馬上話俾大家知。
問：依家有邊條link或者邊個app去派籌抽籤？
答：app係並唔係我哋自家，我哋會用合作方提供嘅app俾大家抽韱，因為要確保操作順暢所以合作方正在測試中測試好之後就會話比大家知去邊度下載，下載邊個app。
問：點樣可以確保公平抽籤？
答：成功抽籤付款嘅朋友會進入保護區，系統會自動識別手機號碼同用作抽籤的手機機身號碼，進入保護區後該手機會有一個固定嘅時間不能再抽。
問：你哋點樣確保到唔會出現炒家炒賣？
答：我哋冇能力百分百確保到呢樣野，暫時只能夠用手提電話號碼同機身號碼去杜絕暫時重複再買。
問：有冇限一次買幾多？
答：呢個肯定有啦，點限法開售前一定再會公佈俾大家知道。
問：有乜嘢付款方法？
答：暫時肯定嘅係：信用卡，WeChat ，Alipay，其他支付方法還待確認中。
問：要唔要登記做會員？
答：我哋從來並無要求要任何人做會員，下載咗合作方個app嘅時候就會用手機號同電郵做登記，一經登記之後每次抽籤之前只要開個app就可以進行抽籤。
問：要唔要登記我嘅個人資料，點保障私隱？
答：只需要登記手機號碼，電郵，絕對唔需要登記個人資料，付款頁面也是銀行的付款頁面與我們和合作方無關，所以絕對唔會攞到大家任何嘅個人私隱資料。
問：會唔會好似坊間咁搞一大輪先話抽唔到？
答：當指定嘅時間進行抽籤嘅時候整個過程大約只要3分鐘就知道你買唔買到，朝早抽唔到晚上可以再開個app抽過，今日抽唔到就聽日抽如此類推。
問：買到後點樣交收？
答：成功付款後可選擇自取或快遞。
問：去邊度自取同埋運費幾多錢？
答：有待合作方稍後回覆再公佈。
問：每盒多少錢？
答：成人口罩每盒50個，首批優惠價港幣$95，兒童口罩每盒30個，首批優惠價港幣$60，此價格只限首批優惠價。
問：是否獨立包裝？
答：不論成人或兒童均以獨立包裝。
問：係乜嘢size？
答：暫時我們只能提供兩個size分別係：成人17.5×9.5 cm，兒童14.5×9.5 cm
問：口罩係乜嘢顏色？
答：首批產品係淺藍色面白色底，兩個月之後會開始生產七個顏色。
問：會唔會有記號方便小朋友唔會掉轉戴？
答：在口罩前方我哋已經印有品牌logo方便大家唔會掉轉戴。
問：點解要出獨立包裝有冇考慮環保問題？
答：出於儲存衛生等問題所以出獨立包裝，另外也基於分享愛嘅意念所以要出獨立包裝，仲有一點就是當大家食飯嘅時候有需要除低口罩也可放入包裝內，用完之後將口罩放返入獨立包裝先去處理咁樣亦都唔會散播病菌。
問：BFE , PFE , VFE 嘅%點解冇印在盒上？
答：實事求事一定要等品質報告出好先會印在包裝盒上，所以首批由於時間嘅關係我哋冇印%，當品質報告到手之後我哋會在網上公佈數字。
問：你哋之前post嘅原材料質檢報告點解剩係得BFE ? 係咪冇PFE , VFE ?
答：因為原材料供應商來自歐洲，歐洲是用EN 14683歐盟標準，歐盟標準是無需列出PFE， 所以我哋做產品測試嘅時候除咗歐盟EN14683 標準之外我哋仲會做埋美國ASTM 測試標準。
問：咁你哋嘅產品會係幾多% 同埋幾多級防護標準？
答：呢一刻答你唔到，因為報告未到手，但根據原材料供應商提交嘅報告我哋嘅目標係98%或以上，即係美國ASTM Level 2 或者 歐盟EN 14683 Type II 嘅等級。當然呢個係目標，測試結果最終都係要等檢測報告到手。
【DSE延後至4月開考】教育局：中小學復課日期延期至另行公布
教育局局長楊潤雄指，決定啟動早前公布的方案二，中學文憑試筆試將延後至4月24日開考，中、英文科口試將取消。另外，實習考試亦將延後，並指會維持在7月內放榜。
他又指，明白延期考試的決定或會令部分考生失望，但指相關決定是此時應該作出的決定。他續指，中小學復課日期亦將延期至另行公布，局方會在在復課前3星期會作通知。
【卓悅快閃抗疫套裝 有2款4層醫用級口罩選擇】
今天卓悅發售的快閃抗疫價售價為 $398/套(每人每日限買一套)
口罩防疫套裝內容包括：
1.TASEC HERO PRO 高防護四層醫用口罩 50個
-4層過濾，高效防護級口罩
-符合國際標準：ISO 9001:2015認證
– 安全塑料鼻托，能按用家面型自行調節
– 柔軟耳繩配戴舒適
或
SEN VIET Super Protect 醫用級四層防護口罩 50個
-4層設計，天然厚實的親膚面料，不會引起皮膚過敏
-醫療級口罩，可有效阻隔過濾飛沫、粉塵及細菌
-加強表面防水質料，多重保障
-符合國際標準：ISO 9001:2015認證
– 特寛柔軟耳繩，長時間佩戴也感舒適
2.Callipharm 70%酒精搓手液 100ml
– 法國製造，信心保證
– 無須過水，有效殺滅細菌
– 容量輕巧，方便攜帶
或
SOART PURE 62%酒精免洗消毒搓手液 300ml
– 韓國製造
– 一支具有殺菌、抗菌、抑菌功效
– 不乾燥，高度保濕，使皮膚光滑柔軟
3.Dr. Schafter 環保舒緩冰泉噴霧 300ml
– 瑞士製造
– 純淨天然的瑞士冰泉水
– 快速降溫，緩解泛紅，補水保濕
– 無防腐劑，無香精，無色素。
– 不含壓縮氣體、無CFC-氯氟碳化合物
4.SkiNADO NMF強效保濕面膜 10片
– 韓國製造
– 強效補水保濕，為肌膚補充水分能量，改善乾燥繃緊
– 深層潤澤，淡化細紋，讓肌膚恢復嫩滑有彈性
– 紓緩鎮靜，修復敏感肌膚
指定發售分店
TASEC HERO PRO 高防護四層醫用口罩 50個
【只限以下分店有售】
藍田匯景廣場3樓L3-1號舖 (150套)
屯門市廣場第一期二樓2198C號舖 (150套)
佐敦道23號新寶廣場地下 (100套)
尖沙咀彌敦道68號金冠大廈地下 (100套)
尖沙咀海防道45號 (100套)
尖沙咀中港城地下2-3號舖 (100套)
銅鑼灣渣甸坊5號 (100套)
銅鑼灣駱克道535 號 (100套)
北角匯三期G3號舖 (100套)
SEN VIET Super Protect 醫用級四層防護口罩 50個
【只限以下分店有售】
元朗青山公路81號 (150套)
青衣城二期1樓183號舖 (150套)
葵涌廣場地下23A舖 (150套)
荃灣大河道10號登發大廈地下 (150套)
荃灣沙咀道256號 (100套)
屯門V City地下G10舖 (100套)
上水符興街27號 (100套)
上水廣場5樓511號舖 (100套)
（綜合報道）
【68蚊30個】一合口罩第二輪即將開售 登記平台現正開放
一合口罩在Facebook專頁表示，第二輪預售即將展開。為免再次重現一分鐘賣完的情況，廠方決定選用預售登記，希望不用搶不用排，讓買家安心一點。預售亦可以讓買家鎖定價格，不用再為日後價格勞心擔心。
廠方指只需要買家的姓名、email、手提電話作為登記。後台系統隨後會作出分流，之後買家只要跟著廠方 email 回覆內的連結進行預購就好了。正式預購將於週日至週二進行，敬請買家留意電郵 Inbox / Junk。不過廠方未公布口罩規格和售價詳情，現在市民已可開始登記預售口罩，注意要先安裝 PayMe App。
【口罩價格】
「一盒一合 thx」 – $68 /30 個 (得到一盒一合口罩)
「一盒一合 thx 齊上齊落套裝 」- $138 ( 得到一盒一合口罩 + 廠方轉贈一盒一合予 people in need)
「兩盒一合 thx 齊上齊落套裝」 – $268 ( 得到兩盒一合口罩 + 廠方轉贈兩盒一合予 people in need)
【口罩規格】
廠方現時是信賴物料供應商提供方的 Lab Test Result，BFE / PFE 大於 95% 是沒有問題的。日後廠方會把口罩送測認證。
廠方重要提示 :
– 請準備好 PayMe App，可以更快速安全完成交易
– 預購時，必須使入已登記的 email 進入預購系統
– 現在是第二次預售階段。廠方將於四月內至五月初正式投產，第二批貨品將於6月中完成，下單時敬請留意
– 一人一口罩，就是一人一次 order
– 不要拿來炒賣
– 不能多次 order
登記網址
https://mailchi.mp/theonemask/onemask
【藥房賣$160日本口罩 通過VFE/PFE/BFE 99%過濾】
東興大藥房在社交網表示，新一批日本牌子口罩即將到貨，30 個一盒售 $160，比之前加價 $10。店方解決，是代理商加價所以被迫調查售價。
根據店方提供的口罩盒面表示，此日本口罩支援 VFE/PFE/BFE 99% 過濾，口罩尺寸為 14.5cm x 9cm，在中國生產。
訂購分三個時段進行:
-早上 9:00 至 10:00 有 250 個每人限買1盒
-中午 12:00 至 1:00 有 250 個每人限買1盒
-晚上 5:00 至 7:30 有 500 個每人限買1盒
目前還有晚上時段，大家可以早點去排隊博一博！
藥房查詢:2567 2388 地址:筲箕灣愛蝶灣商場55號舖
（綜合報道）
【新增至少23宗初步確診個案 包括22個月大女嬰】
新冠肺炎疫情持續，消息指，本港今日新增最少23宗初步確診個案，包括屯門醫院有三人，分別是30歲、31歲、40歲男子；
大埔那打素醫院有2宗，包括22個月大女嬰及38歲男子，伊利沙伯醫院亦有2宗，部份有外遊紀錄或確診者的親友。暫時五人有外遊紀錄，六人沒有外遊紀錄。
【BFE PFE 達99%】Family Mask愛的家口罩以「開心價」出售 藥房有得賣
新冠肺炎蔓延全球，不少市民每日都為抗疫產品奔波，尤其是口罩。九十後創業家鍾銘思牽頭成立愛的家（Family Mask）口罩生產線，將於4月初推出市面。
一次性醫用口罩： BFE / PFE > 99%，EN14683
圖片來源：Family Mask愛的家 Facebook專頁
圖片來源：Family Mask愛的家 Facebook專頁
義務協助統籌的崔定邦接受媒體訪問時透露，口罩將分為4個渠道供應給港人，並以「開心價」出售。
途徑一、藥房及網上零售
現時正與全港藥房聯絡，屆時藥房將會有現貨出售，視乎藥房取貨量多少。此外，4月初將開放網上銷售，現時網頁已啟用，待物流準備好便會啟動網上訂購，以便速遞到家中。
圖片來源：Family Mask愛的家 Facebook專頁
途徑二、供應機構
2星期前已開始供應給機構，包括飲食及旅遊業，因這些行業的口罩需求大。
圖片來源：Family Mask愛的家 Facebook專頁 
途徑三、醫護優惠1元1個
凡出示香港公立醫院醫護人員工作證件及香港身分證，可以1元購買1個口罩，每人每月限購兩盒，共100個。他補充，會透過零售渠道、網上平台及去醫院附近接觸醫護人員，便利他們購買口罩，希望為醫護人員打氣，購買詳情將於稍後公佈。
途徑四、捐贈保良局
每月將捐贈十萬個口罩給保良局，再透過保良局派發給有需要的團體，直至疫情結束為止。
***如有更多詳細資料，本網會儘快公佈
（綜合報道）
【Oxyair Mask公佈預購細節程序 能禁止重複多次取籌】
本地口罩生產商 Oxyair Mask 再有公佈！公司指會用手機App進行抽籤派籌，並可藉App識別手機號碼及手機獨有編號，以防客人以一部手機，重複多次取籌。
Oxyair Mask 早已已公佈一些預購口罩的步驟（按此）。最近再公佈更多可確保公平的預售細節，重點如下：
。客人只能用手機App抽籤取籌
。派籌系統以手機號碼，鎖定中籤者號碼，並自動將該號碼送進「保護區」，代表此號碼於指定時間內，不可再取籌
。系統除了可以鎖定手機號碼外，系統同時可識別該取籌手機的機身編號，加以鎖定及進入保護區，提高公平性
。手機App本身會對應到手機機身編號
。只要下載手機 App 一次，然後每天在指定時間，用3分鐘時間即可碰運條抽取籌
很多網民都問Oxyair Mask究竟會用甚麼App派籌，但官方暫時仍未正面回應，但從其中一位網民的問題中或許透露了其中一點玄機。網民：「請問個 apps 會要求甚麼權限？有點擔心會侵犯個人資料喔！」官方就回應指：「絕對沒有，甚至乎可能你現在已經用緊。」估計這個App現時已可在兩大 Apps 平台中下載得到。
部分網民擔心，App會取得更多用戶資料，但官方回應指：「我哋從來冇諗過要攞任何資料，只係你下載個 app 會對應你個機身編號。」