38歲葉翠翠於分別於17年及18年誕下長子Jake及幼子Triton，去年8月再度宣佈有喜，原來第三位公子已經在今日出世！
留言：「人生又再一次踏入另一個階段。。在沒有思想準備之下，他來到了這個世界。比預期早了10天已經接近9磅，如果10天後相信會9磅幾。。成個過程太快了。。聽到喊聲之前，聽到醫生話 『嘩！好大隻呀』這次整個懷孕期真係百感交集，無論是自己或是周遭都遇到好多波折。。希望。。平平安安。。。」
翠翠接受傳媒訪問時表示，兒子比預產期早了10天出世近9磅。翠翠笑指今次兒子是在她未有思想準備之下來到這世界。她說：「比預期早咗十日，今次第3胎，成個懷孕過程比之前兩次辛苦，醫生都話年紀大咗，又要湊住兩個小朋友，樣樣嘢都好吃力，同埋陣痛都比頭兩胎強烈好多。」
翠翠續說：「本來預定下星期先出世，醫生話佢（BB）要自己揀時間，唔要你安排畀佢嘅時間。」
她直言知道要生都有啲擔心，始終比預產期提早了一星期：「不過醫生話已經足晒月，所以唔使擔心，而上一次做產檢係一星期前，醫生都話BB好大隻好重磅，可以放心唔使驚，一星期後生咗，醫生都話真係好重磅，完全冇黃疸同呼吸問題，所以都比較放心。」
翠翠透露今次是開刀誕子，老公亦有入產房剪臍帶，又透露還未替BB改名，而兩位哥哥則透過facetime講Hello BB，因為疫情問題兩個小朋友留在家。
同時被問到想不想追4公主，翠翠即說「不要了，3個夠啦﹗」
（綜合報道）
