14年結婚，去年7月誕下囡囡，兩夫妻都好鍾意小朋友，佢哋一直都打算再生。當然都想追個仔做前世情人，同時湊個好字！
據知已懷孕3個月，今日肚凸凸同老公拍拖出現沙田馬場，佢着住格仔褸襯長靴，孕味甚濃，由於佢對靴都唔矮，加上今日天陰有雨，全程老公都貼身傍到實。
34歲嘅前天氣女郎黃婉曼（Icy）同老公被友人邀請去咗拉頭馬，黃婉曼話：「多謝多謝，孕味真係濃咩？一直都想再生，呢排大食咗好多，每日都好易肚餓，屋企隨時歡迎新成員。」黃婉曼腹中豬B預產期約喺明年6月。
黃婉曼早前已着手籌劃開咖啡店，卻撞正突然懷孕，兩件喜事唯有同步進行，記得佢16年尾剛開麵包學校時，咁啱又有咗，挺住巨肚創業，睇嚟BB次次都腳頭好。
(apple daily)
