【賭王家又多位準爸爸!?】媒爆頭等艙自揭女友有喜幾個月

    賭王家族疑爆喜事連連!

    剛好上月四房千金何超盈宣布有喜,將於年底誕下豬B…

    而去年秘婚嘅三房兒子何猷啟,前日更直認已經有個十一個月大嘅囡囡添!

    今日有媒體爆出又一位公子即將做榮升爸爸,有消息指他早前搭飛機時,更於頭等艙自爆就快做爸爸,指其30歲超模女友奚夢瑤有咗幾個月!

    東網就傳聞聯絡四太梁安琪:「佢冇同我講過呀,佢好蠱惑㗎,我印象中奚夢瑤去法國做騷,個仔陪佢去。(4月7日二人返港時有否見面?)有呀,一齊飲咗個茶。(覺唔覺得佢女友有咗?)冇喎,完全睇唔出。(仔仔有否提起女友有孕?)冇,都唔知係唔係,我個仔一向都咁靈精怪。」

    賭王何鴻燊四房公子何猷君今日被爆與30歲超模女友奚夢瑤有喜幾個月。

    若然猷君真係即將做老竇,今年何家真係喜事重重。

    最新回應:

    【盛傳與超模女友有喜榮升爸爸】何猷君首回應 https://bit.ly/2Kzd93P

     

     

     

    (綜合報道 / on.cc)

    SHARE