曾拍攝無綫節目《3日2夜》及《美女廚房》嘅藝人鍾晴，被指同組合BOP天堂鳥成員許俊豪（Lincoln）發展地下情。據知，二人上年認識，因為大家都鍾意滑水，不時相約埋一齊做運動，唔知佢哋係唔係真係拍緊拖呢？日前下午，二人現身銅鑼灣街頭，途經維園嗰陣，正為11月演唱會作準備嘅Linclon見到健身設施，即時晒強勁臂力做引體上升。
Karlie見狀亦有樣學樣，不過雙手握欄便後勁不繼，要男方抱起她雙腳先可以做到，哇〜好似有啲嘢咁喎〜
做完運動身水身汗，Karlie攞出紙巾為對方抹汗，認真體貼！
之後Lincoln再用同一張紙巾為女方抹汗，完全唔介意交換汗水，舉止咁親密，唔通。。。
其後兩人去咗附近小食店買果汁同燒賣醫肚，Lincoln拿着竹籤餵Karlie食燒賣，見Karlie邊食邊掩口大笑，似足戀愛中嘅少女！唔知兩人會唔會好快有好消息公布呢〜
（on.cc）
